اسلام آباد : الیکشن 2018 کے حوالے سے لاہور کے امیدواروں کی حتمی فہرست جاری کردی گئی ہے، لاہور سے قومی اسمبلی کی14نشتوں پر عمران خان، شہبازشریف، مریم نواز، سعد رفیق اور ایاز صادق سمیت 166امیدوار مدمقابل ہیں۔
تفصیلات کے مطابق الیکشن کمیشن نے عام انتخابات سے متعلق لاہور کی سیاسی جماعتوں کے اور آزاد امیدواروں کے ناموں کی حتمی فہرست جاری کردی ہے، قومی اسمبلی کی چودہ نشتوں پر 166امیدوار مدمقابل ہیں جن میں بڑی بڑی سیاسی شخصیات بھی شامل ہیںِ، اس کے علاوہ لاہور کے چودہ حلقوں سے 86 امیدواروں نے اپنے کاغذات نامزدگی واپس لے لئے ہیں۔
الیکشن کمیشن سے جاری کردہ فہرست کے مطابق این اے 123پر ملک محمد ریاض، مہر واجد عظیم، فراز ہاشمی سمیت13امیدوار مدمقابل ہیں جبکہ اس حلقے سے پرویز ملک، غزالی بٹ سمیت11امیدواروں نے کاغذات نامزدگی واپس لے لئے ہیں، این اے124پرحمزہ شہباز، نعمان قیصر، بابو ظہیر سمیت سات امیدوار مدمقابل ہیں، یہاں پر اسلم ناز، محمد خان مدنی اور محمد شوکت نے کاغذات نامزدگی واپس لئے۔
اس کے علاوہ این اے125پر وحید عالم، یاسمین راشد، زبیرکاردار سمیت 14امیدواروں میں مقابلہ ہوگا، اس حلقے سے ایازصادق، بلال یاسین سمیت10امیدواروں نے کاغذات واپس لے لئے، این اے126پر حماد اظہر، مہر اشتیاق، اورنگزیب برکی سمیت5امیدوار مدمقابل ہیں، اس حلقے سے رانامشہود، میاں مرغوب سمیت نو امیدواروں نے کاغذات نامزدگی واپس لئے۔
این اے127پر مریم نواز، جمشیداقبال چیمہ، عدنان گورسی سمیت دس امیدوار مدمقابل ہیں اس حلقے سے پرویز ملک،علی پرویز سمیت چار امیدواروں نے کاغذات نامزدگی واپس لئے، این اے128سے روحیل اصغر، اعجازڈیال، ظفر علی شاہ سمیت چودہ امیدوار میدان میں ہیں جبکہ یہاں سے خرم روحیل اصغر،عثمان حمزہ نےکاغذات نامزدگی واپس لے لئے۔
علاوہ ازیں این اے129سے سردار ایاز صادق، علیم خان، افتخار شاہد سمیت 11امیدوار مدمقابل ہوں گے، این اے129پر کرن علیم، سعد رفیق، ولیداقبال سمیت چھ امیدواروں نے کاغذات واپس لے لئے جبکہ این اے 130سے خواجہ احسان، شفقت محمود سمیت11امیدوارمیدان میں ہیں، اس حلقے سے عظمیٰ کاردار، ہمایوں اختر، میاں نعمان سمیت11امیدواروں نےکاغذات نامزدگی واپس لئے۔
الیکشن کمیشن کی جانب سے جاری کردہ فہرست کے مطابق لاہور کے اہم ترین حلقے این اے131سے چیئرمین پی ٹی آئی عمران خان، ن لیگ کے خواجہ سعد رفیق سے پنجہ آزمائی کریں گے جبکہ اسی حلقے سے عاصم محمود بھٹی سمیت دیگر 15امیدوار مدمقابل ہیں، این اے131سے علیم خان، خواجہ سلیمان رفیق سمیت 3امیدواروں نے کاغذات واپس لے لئے ہیں۔
این اے132سے شہبازشریف، منشا سندھو، ثمینہ خالد گھرکی سمیت17امیدواروں کے درمیان مقابلہ ہوگا، اس حلقے سے حمزہ شہباز، تجمل حسین سمیت 5امیدواروں نے کاغذات واپس لئے،اس کے علاوہ این اے133سے پرویزملک، اعجازچوہدری، اسلم گل سمیت15امیدوار مدمقابل ہوں گے۔
این اے 134سے رانامبشر، ظہیرعباس، سہیل اعوان سمیت 11امیدوار مدمقابل ہیں جبکہ اس حلقے سے سلیمان رفیق، خواجہ عمران نذیر سمیت نو امیدواروں نے اپنے کاغذات واپس لے لئے، این اے135سے سیف الملوک کھوکھر، ملک کرامت، امجد جٹ سمیت8امیدوار مدمقابل ہیں، یہاں سے فائزہ ملک، فیصل ایوب اور سردار عادل نے کاغذات واپس لئے جبکہ این اے 136سے افضل کھوکھر، اسد کھوکھر، جمیل منج سمیت15امیدوار مدمقابل ہیں۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
