ARYNews.tv | Urdu – Har Lamha Bakhabar

Tag: Final match

  • ٹی 20 ورلڈ کپ فائنل، پاکستانی دوسری مرتبہ چیمپئن بننے کے لیے پُرعزم

    ٹی 20 ورلڈ کپ فائنل، پاکستانی دوسری مرتبہ چیمپئن بننے کے لیے پُرعزم

    میلبرن : پاکستان اور انگلینڈ کے درمیان ٹی 20 ورلڈ کپ کا تاریخی فائنل میچ آج میلبرن کے گراؤنڈ میں کھیلا جائے گا۔ میچ کا ٹاس مقررہ وقت سے پہلے کیا جائے گا۔

    ٹی ٹوئنٹی ورلڈ کپ کا فائنل پاکستان اور انگلینڈ کی ٹیموں کے درمیان درمیان آج اتوار 13 نومبر کو میلبرن کرکٹ گراؤنڈ میں پاکستانی وقت کے مطابق دن ایک بجے کھیلا جائے گا۔

    فائنل میچ بارش سے متاثر ہونے کا خدشہ ہے جس کو نتیجہ خیز بنانے کیلئے انٹرنیشنل کرکٹ کونسل نے قوانین میں تبدیلی کرتے ہوئے فیصلہ کیا ہے کہ میچ کا ٹاس مقررہ وقت سے پہلے کیا جائے گا۔

    انگلش ٹیم میلبرن میں آئی سی سی ایونٹ کا نواں فائنل کھیلے گی۔اس سے قبل آٹھ میں سے انگلینڈ نے صرف دو فائنل میچ جیتے ہیں۔

    قبل ازیں پچاس اوور کے ورلڈکپ میں انگلش ٹیم 79۔82اور92کا فائنل میچ ہاری اس کے علاوہ چیمپئنز ٹرافی 2004اور2013 کا فائنل بھی کھیلا لیکن ٹرافی پھر بھی نہ اٹھا سکی۔ سال2016میں ویسٹ انڈیز نے انگلینڈ کو ہرا کر دوسری بار ٹی20کا ورلڈکپ جیتا تھا۔

    آئی سی سی کے مطابق میچ بارش سے متاثر ہونے کی صورت میں ریزرو ڈے پر اضافی وقت کا دورانیہ 2 گھنٹے سے بڑھا کر 4 گھنٹے کر دیا گیا ہے، جبکہ میچ کا ٹاس بھی مقررہ وقت سے 8 منٹ پہلے ہوگا۔

    رپورٹ کے مطابق ٹاس کے بعد میوزیکل پروگرام ہوگا جس میں مقامی گلوکار اپنے فن کا مظاہرہ کریں گے جبکہ فائنل میچ کے اختتام پر آتشبازی کا بھی مظاہرہ بھی کیا جائے گا۔

    ماریس ایراسمس اور کمار دھرماسینا کو فائنل کیلئے فیلڈ امپائرز مقرر کیا گیا ہے جبکہ کرس گفانی ٹی وی امپائر اور  پال ریفل فورتھ امپائر ہوں گے۔بارش کی پیش گوئی کے باوجود غالب گمان ہے کہ اتوار کے روز بارش نہ ہو۔

  • نیشنل ٹی 20 کا فاتح کون ہوگا؟ حتمی فیصلہ آج ہوگا

    نیشنل ٹی 20 کا فاتح کون ہوگا؟ حتمی فیصلہ آج ہوگا

    لاہور: نیشنل ٹی 20 کپ کون سی ٹیم لے کر جائے گی اس بات کا فیصلہ آج ہوجائے گا، دفاعی چیمپئن خیبرپختونخوا اور سینٹرل پنجاب نے فائنل کیلیے کوالیفائی کرلیا۔

    تفصیلات کے مطابق نیشنل ٹی ٹوئنٹی کپ 2021 کا فائنل دفاعی چیمپئن خیبرپختونخوا اور سینٹرل پنجاب کے درمیان آج شام ساڑھے سات بجے قذافی اسٹیڈیم لاہور میں کھیلا جائے گا۔

    گزشتہ روز سینٹرل پنجاب نے سندھ کو شکست دیکر ایونٹ کے فائنل کے لیے کوالیفائی کیا جبکہ خیبر پختونخوا نے ناردرن کو 5 وکٹ سے شکست دے کر فائنل میں جگہ بنائی۔

    واضح رہے کہ قومی ٹی 20 کپ کے سیمی فائنل میں پہنچنے والی چاروں ٹیموں نے 10،دس میچز کھیلے تھے،  جن میں سے 6، 6 میں کامیابی حاصل کی جبکہ 4،4 میچز میں انہیں شکست ہوئی تھی۔

    سندھ کی ٹیم نے پہلے بیٹنگ کرتے ہوئے 141 رنز بنائے تھے۔سندھ کی جانب سے خرم منطور 34 اور شرجیل خان 32 رنز بناکر نمایاں بلے باز رہے۔

    سینٹرل پنجاب کی جانب سے قاسم اکرام نے تین جبکہ وہاب ریاض اور ظفر گوہر نے دو ،دو کھلاڑیوں کو آؤٹ کیا۔سینٹرل پنجاب نے ٹاس جیت کر پہلے فیلڈنگ کا فیصلہ کیا تھا۔

  • انگلینڈ پہلی بار کرکٹ ورلڈ کپ کا چیمپئن بن گیا ، نیوزی لینڈ کو شکست

    انگلینڈ پہلی بار کرکٹ ورلڈ کپ کا چیمپئن بن گیا ، نیوزی لینڈ کو شکست

    لندن: انگلینڈ پہلی بار کرکٹ ورلڈ کپ کا چیمپئن بن گیا، نیوزی لینڈ کو شکست کا سامنا کرنا پڑا، سپر اوور میں میچ برابر ہونے پر زائد باؤنڈریز پر انگلینڈ کو فاتح قرار دیا گیا، بین اسٹوکس کو میچ کا بہترین کھلاڑی قرار دیا گیا، کیوی کپتان ولیم سن پلیئر آف دی ٹورنامنٹ قرار پائے۔

    تفصیلات کے مطابق انگلینڈ نے پہلی بار کرکٹ ورلڈ کپ کا ٹائٹل اپنے نام کرلیا، سپر اوور میں بھی میچ 15،15 رنز سے برابر ہوا تو انگلش ٹیم کو اننگز میں زائد باؤنڈریز پر فائنل کا فاتح قرار دیا گیا، نیوزی لینڈ کو مسلسل دوسری بار ورلڈ کپ فائنل میں شکست کا سامنا کرنا پڑا۔

    انگلینڈ نے نیوزی لینڈ کو سپر اوور میں جیت کے لیے 16 رنز کا ہدف دے دیا، نیوزی لینڈ نے سپر اوور میں 15 رنز بنا سکی، آخری ایک بال پر دو رنز درکار تھے جب جمی نیشم اور مارٹن کپٹل نے دو رنز لینے کی کوشش کی اور گپٹل رن آؤٹ ہوئے۔

    اس سے قبل نیوزی لینڈ نے انگلینڈ کو جیت کے لیے 242 رنز کا ہدف دیا تھا آخری گیند پر انگلش کھلاڑی مارک ووڈ رن آؤٹ ہوئے اور میچ برابر ہوگیا جس کے سبب میچ کا فیصلہ سپر اوور پر کیا گیا۔

    انگلش ٹیم کی جیت میں بین اسٹوکس اور جوز بٹلر نے اہم کردار ادا کیا، بین اسٹوکس نے 84 رنز کی ناقابل شکست اننگز کھیلی جبکہ جوز بٹلر 59 رنز بنا کر آؤٹ ہوئے۔

    جیسن رائے 17، جونی بیرسٹو 36 رن بنا کر آؤٹ ہوئے، جو روٹ اور اوئن مورگن نے 7 اور 9 رنز بنا کر پویلین لوٹ گئے۔

    کرس ووکس 2 رنز بنا کر فرگیوسن کا نشانہ بنے، لیام پلنکٹ کو 10 رنز پر جمی نیشم نے آؤٹ کیا، جوفرا آرچر بغیر کوئی رن بنائے پویلین لوٹ گئے، عادل رشید اور مارک ووڈ بھی بغیر کوئی رن بنائے رن آؤٹ ہوئے۔

    نیوزی لینڈ نے فاسٹ بولر فرگیوسن اور جمی نیشم نے تین، تین وکٹیں حاصل کیں، میٹ ہینری اور گرینڈ ہوم ایک، ایک وکٹ حاصل کرسکے۔

    قبل ازیں نیوزی لینڈ نے مقررہ اوورز میں 8 وکٹوں کے نقصان پر 241 رنز بنائے تھے اور انگلش ٹیم کو جیت کے لیے 242 رنز کا ہدف دیا تھا، لیام پلنکٹ نے تین وکٹیں حاصل کیں۔

    نیوزی لینڈ نے ٹاس جیت کر پہلے بیٹنگ کا فیصلہ کیا تو کیوی ٹیم کی پہلی وکٹ 29 رنز پر گری جب مارٹن گپٹل 19 رنز بنا کر ووکس کا نشانہ بنے۔

    کیوی کپتان کین ولیم سن 30 رنز بنا کر پلنکٹ کی گیند پر بٹلر کو کیچ دے بیٹھے، ہینری نکولس نے 55 رنز کی ذمہ دارانہ اننگز کھیلی، روس ٹیلر 15 رنز بنا کر پویلین لوٹ گئے۔

    جمی نیشم 19 رنز بنا کر پلنکٹ کا شکار بنے، کولن ڈی گرینڈ ہوم 16 رنز بنا کر ووکس کو وکٹ دے بیٹھے، وکٹ کیپر ٹام لیتھم 47 رنز بنا کر آؤٹ ہوئے، میٹ ہینری 4 رنز بنا کر آرچر کا نشانہ بنے۔

    انگلینڈ کی جانب سے لیام پلنکٹ نے تین کھلاڑیوں کو پویلین کی راہ دکھائی، کرس ووکس نے دو جبکہ جوفرا آرچر اورمارک ووڈ نے ایک، ایک وکٹ حاصل کی۔

    یاد رہے کہ میگا ایونٹ کے گروپ میچ میں انگلینڈ نے نیوزی لینڈ کو 119 رنز سے شکست دی تھی۔

    انگلینڈ کی ٹیم اب تک تین ورلڈ کپ کے فائنل کھیل چکی ہے جبکہ نیوزی لینڈ کا یہ لگاتار دوسرا فائنل تھا۔ لارڈز میں 1979میں انگلینڈ کو فائنل میں ویسٹ انڈیز نے شکست دی تھی جبکہ1992 کے فائنل میں پاکستان نے انگلینڈ کو شکست سے دوچار کیا تھا۔

  • پی ایس ایل فور کا فائنل دیکھنے ضرور آؤں گا، صدرعارف علوی

    پی ایس ایل فور کا فائنل دیکھنے ضرور آؤں گا، صدرعارف علوی

    صدر پاکستان ڈاکٹر عارف علوی نے پاکستان سپر لیگ سیزن فور کا فائنل دیکھنے کی خواہش کا اظہار کردیا، کہتے ہیں کہ اگلا پی ایس ایل پاکستان میں ضرور ہوگا۔

    یہ بات انہوں نے نیشنل اسٹیڈیم کراچی میں میڈیا سے گفتگو کرتے ہوئے کہی، اس موقع پر پاکستان کرکٹ بورڈ کے چیئر مین احسان مانی بھی موجود تھے۔

    صدر پاکستان نے کہا کہ پی ایس ایل فور کا فائنل میچ دیکھنے ضرور آؤں گا، میں بہت خوش ہوں اور بڑے شوق سے پی ایس ایل میچز دیکھنے آیا ہوں، غیر ملکی کھلاڑیوں کا مشکور ہوں کہ وہ یہاں آئے۔

    صدر مملکت کا کہنا تھا کہ کرکٹ کا مجھے بہت شوق ہے، وزیر اعظم کہہ چکے ہیں کہ پی ایس ایل اگلے سال پاکستان میں ہوگا، انہوں نے اس امید کا اظہار کیا کہ اب اچھے حالات ہوں گے اور غیر ملکی کھلاڑی پاکستان بھی ضرور آئیں گے۔

    انہوں نے کہا کہ غیر ملکی کھلاڑیوں کا مشکور ہوں کہ وہ  ہماری دعوت پر  یہاں آئے، کسی کھلاڑی نے اس سال پاکستان آنے سے انکار نہیں کیا۔

    ایک سوال کے جواب میںصدرمملکت عارف علوی نے کہا کہ کرائسٹ چرچ میں دہشت گردی کی شدید الفاظ میں مذمت کرتا ہوں، پاکستان دہشت گردی کے حالات سے گزر چکا ہے، پڑوسی ملک کو بھی کہتا ہوں کہ نفرت بڑھانا آسان اسے کم کرنا مشکل ہے۔

  • پی ایس ایل تھری فائنل کے سیکیورٹی انتظامات مکمل کرلئے، آئی جی سندھ

    پی ایس ایل تھری فائنل کے سیکیورٹی انتظامات مکمل کرلئے، آئی جی سندھ

    کراچی : پولیس کے اعلیٰ حکام نے کہا ہے کہ پی ایس ایل تھری کے فائنل کے لیے سیکیورٹی انتظامات مکمل کرلیے ہیں، امید ہے ایونٹ کا فائنل کراچی میں ہی ہوگا۔

    تفصیلات کے مطابق آئی جی سندھ اے ڈی خواجہ اور ایڈیشنل آئی جی مشتاق مہر نے کہا ہے کہ پی ایس ایل تھری کے فائنل میچ کے سیکیورٹی انتظامات مکمل کرلیے گئے ہیں۔

    یہ بات انہوں نے اے آر وائی نیوز سے گفتگو کرتے ہوئے کہی، انہوں نے کہا کہ امید ہے پاکستان سپرلیگ کے تیسرے ایڈیشن کا فائنل کراچی میں ہی ہوگا۔

    انہوں نے کراچی کنگز سے نیک خواہشات کا اظہار بھی کیا، دریں اثناء ایڈیشنل آئی جی مشتاق مہر نے اس امید کا اظہار بھی کیا کہ پی ایس ایل فائنل کے بعد کراچی میں انٹرنیشنل کرکٹ بھی جلد لوٹے گی۔

    واضح رہے کہ پی ایس ایل تھری کا فائنل 25 مارچ کو نیشنل اسٹیڈیم کراچی میں شیڈول ہے۔

    مزید پڑھیں: پی ایس ایل کا فائنل 25 مارچ کوکراچی میں ہوگا، نجم سیٹھی

    پی سی بی کے چیئرمین نجم سیٹھی کراچی کے دورہ کے موقع پر پہلے ہی کہہ چکے ہیں کہ پی ایس ایل کا فائنل 25 مارچ کو کراچی میں ہوگا، ہماری پوری کوشش ہے کہ 15 فروری تک کراچی اسٹیڈیم تیار ہوجائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔