کراچی : کاؤنٹر ٹیرر ازم ڈیپارٹمنٹ (سی ٹی ڈی) کے تین اہلکار ڈکیتی میں ملوث نکلے، ملزمان کو گرفتار کرکے ان کیخلاف مقدمہ درج کرلیا گیا ہے۔
تفصیلات کے مطابق کراچی میں ڈکیتی کی وارداتوں میں سی ٹی ڈی اہلکاروں کے ملوث ہونے کا انکشاف ہوا ہے، تینو ملزمان کو حراست میں لے کر ایف آئی آر درج کرلی گئی ہے۔
اس حوالے سے سی ٹی ڈی حکام کا کہنا ہے کہ اہلکاروں نے جعلی چھاپے میں کراچی کے ایک تاجر سے3کروڑ روپے چھینے تھے۔
مذکورہ تاجر سنار کا کام کرتا ہے جو کراچی سے ملتان جارہا تھا، اہلکاروں نے اس پر ٹیرر فنانسنگ اور منی لانڈرنگ کا دعویٰ کیا۔
سی ٹی ڈی حکام کی جانب سے ملزمان مظہر، شعیب اور احسن کو ملازمت سے برطرف کرنے کی سفارش کی گئی ہے۔
