Tag: FIR lodge

عمران خان حملے کا مقدمہ: کون سا درمیانی راستہ نکالا گیا؟

لاہور : چیئرمین پی ٹی آئی عمران خان پر وزیر آباد میں ہونے والے قاتلانہ حملے کا مقدمہ وقوعہ کے چوتھے روز درج کیا گیا جس کیلئے درمیانی راستہ اختیار کیا گیا ہے۔

حقیقی آزادی مارچ کے موقع پر ہونے والی فائرنگ کے دوران وہاں موجود ایک شہری معظم گوندل بھی جاں بحق ہوا تھا، جو لانگ مارچ میں شرکت کیلئے کویت سے خصوصی طور پر پاکستان آیا۔

تاہم وقوعہ کے روز سے اب تک اس معاملے پر کوئی پیش رفت نہ ہوسکی تھی تاہم چوتھے روز مقدمے کے اندراج کا درمیانی راستہ نکال لیا گیا۔

اس حوالے سے ذرائع نے بتایا کہ ایف آئی آر میں عمران خان کی جانب سے نامزد کردہ تینوں شخصیات کے نام درج نہیں کیے جائیں گے۔

ذرائع کے مطابق ایف آئی آر درج کرنے کی درخواست میں تبدیلی بھی نہیں کی جائے گی اور مذکورہ ایف آئی آر پولیس کی جانب سے درج ہوگی۔

اس کے علاوہ عمران خان پر قاتلانہ حملے کا مقدمہ وزیرآباد تھانے میں ہی درج کیا جائے گا اور مقدمہ میں مرکزی ملزم نوید سمیت چند نامعلوم افراد نامزد کیے جائیں گے۔

نومبر 7, 2022
عمران خان پر قاتلانہ حملہ : تھانہ وزیر آباد میں مقدمہ درج

لاہور : چیئرمین پی ٹی آئی عمران خان پر ہونے والے قاتلانہ حملے کی ایف آئی آر بالآخر درج کرلی گئی ہے۔ جس کیلئے درمیانی راستہ اختیار کیا گیا ہے۔

اس حوالے سے ذرائع کا کہنا ہے کہ عمران خان پر حملے کی ایف آئی آر کے اندراج کیلئے درمیانی راستہ نکالا گیا ہے، عمران خان کی جانب سے نامزد تینوں شخصیات کے نام درج نہیں ہوں گے۔

پولیس ذرائع کا کہنا ہے کہ مذکورہ مقدمہ تھانہ سٹی وزیر آباد میں درج کیا گیا ہے، مقدمے میں قتل، اقدام قتل سمیت دہشت گردی کی دفعات شامل کی گئی ہیں،

ذرائع کے مطابق ایف آئی آر درج کرنے کی درخواست میں تبدیلی نہیں کی جائے گی، درخواست کو نظر انداز کرکے ایف آئی آر پولیس کی جانب سے درج کی گئی ہے۔

https://www.facebook.com/plugins/video.php?height=476&href=https%3A%2F%2Fwww.facebook.com%2Farynewsasia%2Fvideos%2F500424452107642%2F&show_text=false&width=395&t=0

قاتلانہ حملے کی ایف آئی آر میں گرفتار ملزم نوید کو نامزد کیا گیا ہے، یاد رہے کہ سپریم کورٹ نے حملے کا مقدمہ 24 گھنٹے میں درج کرنے کے احکامات جاری کیے تھے۔

پی ٹی آئی کی درخواست میں کس کو نامزد کیا گیا

علاوہ ازیں عمران خان پر قاتلانہ حملے کی ایف آئی آر کیلئے درخواست اے آر وائی نیوز نے حاصل کرلی، پولیس کی جانب سے تاحال پی ٹی آئی کی ایف آئی آر کیلئے درخواست وصول نہیں کی گئی ہے۔

مذکورہ درخواست میں مدعی پی ٹی آئی لاہور کے جنرل سیکرٹری زبیرخان نیازی ہیں جو عمران خان کے قریبی عزیز بھی ہیں، درخواست میں ملزم نوید، شہباز شریف، راناثنا اللہ سمیت4افراد کو نامزد کیا گیا ہے۔

پی ٹی آئی کی اندراج مقدمہ کی درخواست میں3نامعلوم افراد کو نامزد کیا گیا ہے، درخواست میں عمران خان، فیصل جاوید، احمد ناصرچٹھہ اور جاں بحق ہونے والےمعظم گوندل سمیت دیگر زخمیوں کا بھی ذکر کیا گیا ہے

نومبر 7, 2022
منشیات فروش خاتون سمیت 6 ملزمان گرفتار

کراچی : اے این ایف کے عملے نے منشیات کے سدباب کیلئے اسلام آباد، پشاوراور کوئٹہ میں کامیاب کارروائیاں کرتے ہوئے خاتون سمیت 6 ملزمان کو گرفتار کرلیا۔

اس حوالے سے ترجمان اےاین ایف نے میڈیا کو بتایا کہ گرفتار ملزمان کے قبضے سے 280کلو منشیات برآمد کرکے مقدمہ درج کرلیا گیا ہے۔

ترجمان نے کارروائیوں کی تفصیلات بتاتے ہوئے کہا کہ پہلی کارروائی میں موٹروے ٹول پلازہ کے قریب گاڑی سے111کلو سے زائد منشیات برآمد کی گئی۔

برآمد ہونے والی منشیات میں 64.8 کلوگرام چرس،46.8 کلوگرام افیون شامل ہے، کارروائی کےدوران حماد، قیصراور شمائلہ نامی خاتون کو گرفتار کیا گیا۔

اس کے علاوہ جی ٹی روڈ پشاور کے قریب کارروائی کے دوران 108 کلو افیون،38.4 کلوچرس برآمد کی گئی۔ ملزم کو موقع پر ہی گرفتار کرلیا گیا، اسلحہ اور کار تحویل میں لے کر مقدمات درج کرلیے گئے۔

اے این ایف کے عملے کی سمنگلی روڈ کوئٹہ میں کی گئی ایک اور کارروائی میں 2ملزمان کو گرفتار کیا گیا، ملزمان کے قبضے سے 22کلوچرس برآمد ہوئی۔

جولائی 5, 2022
لاہور میں گرلز کالج سے گیارہویں جماعت کی طالبہ اغواء

لاہور : تھانہ مسلم ٹاؤن کی حدود میں نجی کالج سے طالبہ کو مبینہ طور پر اغواء کرلیا گیا، پولیس نے واقعے کی ایف آئی آر درج کرلی۔

پولیس کے مطابق طالبہ فرسٹ ائیر کا امتحان دینے آئی تھی، والد کا کہنا ہے کہ بیٹی کالج گئی لیکن واپسی پر گھر نہیں پہنچی۔

فرسٹ ایئر کی طالبہ کے اغواء کا مقدمہ تھانہ مسلم ٹاؤن میں درج کرلیا گیا، طالبہ کے والد کا کہنا ہے کہ میری بیٹی25جون کو امتحان دینے کالج گئی لیکن تاحال واپس نہ لوٹی۔

والد کے بیان کے مطابقصبح 11بجےامتحان کا وقت ختم ہوا اس کے بعد بچی کالج میں موجود نہ تھی، شبہ ہے کہ میری بیٹی کو نامعلوم افراد نےاغواء کیا ہے۔

طالبہ کے والد نے پولیس کے اعلیٰ حکام سےاپیل کی ہے کہ میری بیٹی کو فوری طور بازیاب کروایا جائے، دوسری جانب آئی جی پنجاب نے واقعہ کا سختی سے نوٹس لے کر انوسٹی گیشن پولیس سے رپورٹ طلب کرلی ہے۔

جون 29, 2022
ملتان : میدان میں آکر شاداب خان سے گلے ملنا مداح کے گلے پڑ گیا

ملتان : شاداب خان سے گلے ملنا شہری کو گلے پڑگیا، پاک ویسٹ انڈیز دوسرے ون ڈے کے دوران گراؤنڈ میں گھسنے والا نوجوان پولیس کے حوالے کردیا گیا۔

تفصیلات کے مطابق ملتان میں پاکستان اور ویسٹ انڈیز کے درمیان کھیلے جانے والے دوسرے ون ڈے میچ کے دوران گراؤنڈ میں گھسنے والے تماشائی کے خلاف مقدمہ درج کرلیا گیا ہے۔

پاکستان ٹیم کی بیٹنگ کے دوران گراؤنڈ میں جنگلہ پھلانگ کر گھسنے والے وقاص نامی تماشائی کے خلاف ایف آئی آر میں دفعہ 452اور دفعہ 188 کو شامل کیا گیا ہے۔

پولیس کے مطابق محمد وقاص اشرف گراؤنڈ سے واپسی پر شائقین کی طرف بھاگا اور وہاں سے فرار ہونے کی کوشش کی جس کے باعث یہ دونوں دفعات ایف آئی آر میں شامل کی گئی ہیں۔

پاکستانی اننگز کے 39ویں اوور میں ایک تماشائی میدان میں داخل ہوا اور کریز پر موجود شاداب خان کو سیلوٹ کیا جس کے بعد قومی آل راؤنڈر نے اسے گلے لگالیا تھا۔

جون 12, 2022
ایازموتی والا کیخلاف بھتہ خوری کا ایک اور مقدمہ درج

کراچی : رینجرز کے ہاتھوں گرفتارہونے والے مبینہ فراڈیے اور بھتہ خور ایاز موتی والا کے گرد گھیرا مزید تنگ ہوگیا۔

اس حوالے سے ذرائع کا کہنا ہے کہ مبینہ بلیک میلر کے خلاف پریڈی تھانے میں ایک اور مقدمہ درج کرلیا گیا ہے، مقدمہ بھتہ خوری اور دہشت گردی دفعات کے تحت درج کیا گیا۔

پولیس ذرائع کا کہنا ہے کہ ایاز موتی والا کے خلاف تیسرا مقدمہ بلڈر ایوب کی مدعیت میں درج ہوا، مدعی کے مطابق وہ کھارادر میں تعمیراتی کام کروارہا تھا۔

مدعی کا کہنا ہے کہ28جنوری کی رات12بجے ایاز موتی والا اپنے مسلح ساتھیوں سمیت میرے پاس آیا اور ویڈیو بنا کر گالم گلوچ اور سنگین نتائج کی دھمکیاں دینا شروع کردیں۔

بلڈر ایوب نے بتایا کہ ایازموتی والا نے مجھے رواں سال ماہ فروری میں بوہری بازار میں واقع دوہا جیولرز پر بلایا، ملزم ایازموتی والا نےآتے ہی گالیاں دیں اور پیسے مانگنے لگا۔

مدعی کے مطابق ایاز موتی والا آئی جی سندھ اور سیکیورٹی ادارے کے اعلیٰ افسر کا حوالہ دینے لگا، اسی دوران سلیمان اورعلی میمن نے پستول نکال کر مجھ پرتان لی۔

بلڈر ایوب نے بتایا کہ اس نے ہمیں تین گھنٹے تک اسلحے کے زور پر یرغمال بنا کر رکھا، ایک کروڑ روپے دینے کے وعدے پر چھوڑا اور اگلے روز70لاکھ روپے لیے۔؎

مدعی کے بیان میں کہا گیا ہے کہ ملزم سلیمان بقایا30لاکھ کے لیے روزانہ فون کرتا رہا، مدعی نے اپیل کی ہے کہ ملزمان کے خلاف سخت قانونی چارہ جوئی کی جائے۔

یاد رہے کہ چند روز قبل حساس ادارے نے کراچی میں مبینہ طور پر بلڈروں کو بلیک میل کرنے والے سونے کے تاجر ایاز میمن موتی والا کو ساتھی سلیمان سمیت گرفتار کیا تھا،

حساس ادارے نے ایاز میمن موتی والا کو اس کے گھر سے گرفتار کیا جبکہ مزید ساتھیوں کی گرفتاری کے لئے چھاپے مارے جارہے ہیں۔

ذرائع کا کہنا ہے کہ ایاز موتی والا نے کراچی کے بلڈروں سے انہیں بلیک میل کرکے 40 سے زائد بلڈروں سے بھاری مالیت میں بھتہ وصول کیا بھتے کی رقم تقریباً بائیس 22کروڑ، 44چوالیس لاکھ روپے بنتی ہے۔

اپریل 8, 2022
سعودی پولیس اہلکار بھی قانون کی گرفت سے نہ بچ سکا، مقدمہ درج

ریاض : سعودی عرب میں قانون کی خلاف ورزی پر بلاتفریق سخت سزائیں لاگُو ہیں جس کی وجہ سے ہی شہریوں میں اس پر عمل پیرا ہونا لازمی امر ہے۔

ریاض پولیس کے ترجمان نے کہا ہے کہ گزشتہ روز مخالف سمت ڈرائیونگ کرتے ہوئے حادثے کا سبب بننے والے ڈرائیور کے خلاف فوری کارروائی نہ کرنے پرڈیوٹی پر متعین پولیس اہلکار کے خلاف محکمہ جاتی تحقیقات کا آغاز کردیا گیا ہے۔

سبق نیوز نے ریجنل پولیس ترجمان کے حوالے سے مزید کہا ہے کہ جائے حادثہ پر متعین اس پولیس اہلکار کے خلاف بھی کیس دائر کرلیا گیا ہے جووہاں موجود ہوتے ہوئے بھی اپنا فرض بخوبی ادا نہ کرسکا۔

پولیس اہلکار پر الزام ہے کہ اس کے پاس اختیار تھا کہ وہ گاڑی کو روکنے کے لیے اس کے ٹائروں پر فائرنگ کرسکتا تھا تاکہ لوگوں کی جان و مال کو نقصان نہ پہنچ سکے مگر اہلکار نے فائرنگ سے گریز کیا۔

پولیس ترجمان کا مزید کہنا تھا کہ پولیس اہلکار کے خلاف وسیع تر تحقیقات کے احکامات صادر ہوچکے ہیں تفتیشی کمیٹی کی جانب سے رپورٹ پیش ہونے پر عدالتی کارراوئی کے لیے بھیجا جائے گا۔

خیال رہے کہ گزشتہ روز ریاض میں سوشل میڈیا پر وائرل ہونے والی ویڈیو جس میں ایک شخص کو مخالف سمت میں گاڑی چلاتے ہوئے جان بوجھ کرسامنے سے آنے والی گاڑیوں کو ٹکر مارتے ہوئے دکھایا گیا تھا۔

ملزم کے بارے میں پولیس کا کہنا تھا کہ حادثے میں استعمال ہونے والی گاڑی مسروقہ تھی جس کی رپورٹ تھانے میں درج تھی۔

واضح رہے کہ رانگ سائیڈ ڈرائیونگ حادثے میں ملزم نے11 گاڑیوں کو ٹکر ماری جبکہ اس کی اس حرکت سے دیگر راہگیروں کی جان کو بھی شدید خطرہ لاحق تھا۔

ملزم کے بارے میں ابتدائی رپورٹ میں کہا گیا تھا کہ اس کی حالت درست نہیں تھی وہ گرفتاری کے وقت نشے کی حالت میں تھا۔

اپریل 7, 2022
ایف آئی آر کا اندراج : ایڈیشنل آئی جی نے افسران کو نیا حکم جاری کردیا

کراچی : ایف آئی آر کے اندراج کیلئے شہریوں کے مختلف تھانوں کے دھکے کھانے کا معاملے پر ایڈیشنل آئی جی کراچی نے ایک مرتبہ پھر بڑا حکم نامہ جاری کردیا۔

ایڈیشنل آئی جی غلام نبی میمن کراچی نے تمام تھانیداروں کو ایف آئی آر فری رجسٹریشن پر فوری عمل درآمد کا حکم دیتے ہوئے کہا ہے کہ مقدمہ درج نہ کرنے پر تھانیدار کے خلاف سخت ایکشن ہوگا۔

انہوں نے کہا کہ شہری کسی بھی وقت تھانے جاکر مقدمہ درج کروا سکتے ہیں، جرائم کا شکار شہری ایف آئی آرکا اندراج لازمی کرائیں اور جرائم پیشہ عناصر کی نشاندہی میں شہری پولیس کا ساتھ دیں۔

غلام نبی میمن نے کہا کہ منظم گینگز کے خلاف کریک ڈاؤن کے احکامات دیے ہیں، مشاہدہ کیا ہے کہ ایس ایچ اوز کوئی کام نہیں کر رہے، کام نہ کرنے والے ایس ایچ او کو گھر بھیجا جائے گا۔

ایڈیشنل آئی جی کا کہنا تھا کہ ڈیفنس، کلفٹن میں تمام گینگز کو ختم کردیا گیا تھا، جرائم پیشہ گروہ ایک بار پھر فعال ہوگئے، کراچی سے زیادہ جرائم کی شرح لاہور میں ہے۔

غلام نبی میمن نے مزید کہا کہ لاہور میں سالانہ 2 لاکھ سے زائد وارداتیں ہوتی ہیں، کراچی میں جرائم کی روک تھام کے حوالے سے انہوں نے بتایا کہ چند روز مانیٹرنگ کے بعد مزید اہم فیصلے کریں گے۔

فروری 16, 2022
417کلومیٹر فی گھنٹہ کی رفتار، امیر ترین ڈرائیور کی شامت آگئی

برلن : اپنی اسپورٹس کار کو انتہائی تیز رفتاری سے چلانے کی پاداش میں ایک شخص کو بڑی قیمت ادا کرنی پڑگئی، ویڈیو سوشل میڈیا پر وائرل ہوئی تو پولیس حرکت میں آگئی۔

جرمنی میں ایک امیر کاروباری شخص کے خلاف اپنی سپرکار417کلومیٹر فی گھنٹہ کی رفتار سے چلانے پر مقدمہ درج کرلیا گیا ہے۔

جرمن میڈیا کے مطابق 58سالہ ریڈیم پاسر نامی یہ شخص اپنی بوگاٹی سپرکار میں موٹروے پر سفر کررہا تھا، اس دوران اس نے ویڈیو بنا کر سوشل میڈیا پر پوسٹ کردی۔

وہ شخص بظاہر تو اس ویڈیو کے ذریعے اپنی قیمتی کار کو اس انتہائی تیز رفتاری سے چلانے پر شیخی بگھارنا چاہتا تھا مگر یہ شیخی اسے الٹی پڑگئی اور پولیس متحرک ہوگئی۔

غیرملکی خبر رساں ادارے کی رپورٹ کے مطابق پاسر نے آئی ٹی کے شعبے میں سرمایہ کاری کر رکھی ہے۔ اس نے اپنی نیلے رنگ کی بوگاٹی شیرون نامی کار پر قانون کی سنگین خلاف ورزی کی۔

واضح رہے کہ اس گاڑی کی قیمت 25لاکھ پاﺅنڈ (تقریباً 59کروڑ 21لاکھ روپے)ہے، یہ گاڑی 1500ہارس پاور طاقت کی حامل ہے۔

یہ 417کلومیٹر فی گھنٹہ سے بھی زیادہ رفتار سے دوڑ سکتی ہے تاہم کمپنی کی طرف سے اس کی رفتار کی یہ آخری حد رکھی گئی ہے کیونکہ اس سے زیادہ رفتار پر ٹائر پھٹ سکتے ہیں۔

پاسر اس گاڑی کو اس کی آخری حد تک دوڑا رہا تھا، جب اس نے ویڈیو بنائی، قانون کی اس خلاف ورزی پر اب اسے ممکنہ طور پر دو سال تک قید کی سزا ہوسکتی ہے۔

فروری 1, 2022
کراچی : بینک سے رقم لانے والے شہری کے قتل کا مقدمہ درج

کراچی : کلفٹن بلاک نائن میں ڈکیتی کے دوران ڈاکوؤں کی فائرنگ سے شہری کے قتل کا واقعہ پر اہم پیشرفت سامنے آئی ہے۔

تفصیلات کے مطابق کراچی میں ڈکیتی مزاحمت پرشہریوں کی جان لینا معمول بن گیا، گزشتہ روز کلفٹن شون سرکل کے قریب مسلح ملزمان نے بینک سے نکلنے والے شخص سے لوٹ مار کی اور مزاحمت کرنے پر شہری کو گولیاں مار کر قتل کردیا تھا۔

قتل کے واقعے کا مقدمہ مقتول کے کزن کی مدعیت میں نامعلوم افراد کیخلاف درج کرلیا گیا، پولیس کے مطابق مقدمے میں قتل اور ڈکیتی کی دفعات شامل کی گئی ہیں۔

ایف آئی آر کے متن میں کہا گیا ہے کہ شہری نجی بینک سے رقم نکلوا کر گاڑی میں نکلا، کچھ فاصلے پر تعاقب کرتے ہوئے موٹر سائیکل سوار ملزمان نے فائرنگ کردی۔

متن کے مطابق 3موٹرسائیکلوں پر سوار تین سے چار ملزمان نے واردات کی، ملزمان بینک سے نکلوائی گئی رقم، گھڑی اور دیگر سامان چھین کر فرار ہوئے۔

مزید پڑھیں : کراچی میں ڈکیتی مزاحمت پر شہری کا قتل، ملزمان 75 لاکھ روپے لوٹ کر فرار

پولیس کا کہنا ہے کہ ملزمان مقتول سے73لاکھ روپے سے زائد کی رقم لوٹ کر فرار ہوئے تھے، شہری گولی لگنے سے شدید زخمی ہوا اور اسپتال میں دوران علاج دم توڑ گیا تھا۔

جنوری 13, 2022