ARYNews.tv | Urdu – Har Lamha Bakhabar

Tag: FIR lodge

  • کراچی : گلشن اقبال میں عمارت میں آتشزدگی کا مقدمہ، کے الیکٹرک ذمہ دار قرار

    کراچی : گلشن اقبال میں عمارت میں آتشزدگی کا مقدمہ، کے الیکٹرک ذمہ دار قرار

    کراچی : گلشن اقبال میں عمارت میں آتشزدگی سے دو شہریوں کے جاں بحق ہونے کا واقعہ کی مقدمہ درج کرلیا، ایف آئی آر میں کے الیکٹرک کو ذمہ دارقرار دیا گیا ہے۔

    تفصیلات کے مطابق کراچی کے علاقے گلشن اقبال میں دو روز قبل17منزلہ عمارت میں لگنے والی آگ سے دو افراد کی ہلاکت کا مقدمہ پولیس نے اپنی مدعیت مین درج کرلیا ہے۔

    ایف آئی آر کے متن میں کہا گیا ہے کہ عمارت میں آگ شاٹ سرکٹ کے باعث لگی، جس کا ذمہ دار کے الیکٹرک کا ادارہ ہے کیونکہ عمارت کی تعمیر بھی کے بی سی اے کے قوانین کے خلاف تھی اور اس خلاف ورزی کے باجود عمارت کی تعمیر کیلئے این او سی جاری کیا گیا۔

    اس کے علاوہ ایس بی سی اے نے نقشہ اور فائر بریگیڈ نے فائر کلیئرنس کس طرح دی؟ ایف آئی آرکا متن میں مزید کہا گیا ہے کہ ملی بھگت سے عمارت کی تعمیر خلاف قوانین کی گئی، عمارت میں بنیادی سہولتیں نہ ہونے سے دو قیمتی جانیں ضائع ہوئیں۔

    مزید پڑھیں: گلشن اقبال میں واقع عمارت میں لگنے والی آگ پر قابو پالیا گیا، 2 افراد جاں بحق

    واضح رہے کہ دو روز قبل آتش زدگی کا واقعہ کراچی کے علاقے گلشن اقبال ممتاز منزل کے قریب پیش آیا تھا جہاں17منزلہ عمارت میں اچانک آگ بھڑک اٹھی۔ عمارت میں دفاتر ہیں اور رہائشی منازل پر شہری بھی رہائش پذیر ہیں۔

    آگ لگنے کے باعث عمارت میں موجود متعدد افراد چھت پر چڑھ گئے۔ آگ لگنے کے فوراً بعد دو افراد جان بچانے کے لیے چھت سے کود گئے، تاہم دونوں اپنی جان کی بازی ہار گئے۔

  • لاہور : سسرالیوں نے بہو کو پیٹرول چھڑک کر آگ لگا دی، شوہر گرفتار، مقمہ درج

    لاہور : سسرالیوں نے بہو کو پیٹرول چھڑک کر آگ لگا دی، شوہر گرفتار، مقمہ درج

    لاہور : سسرالیوں نے مبینہ طور پر بہو کو تیل چھڑک کر زندہ جلا ڈالا، اسپتال میں زخموں سے چُور خاتون نے موت سے قبل پولیس کو بیان دے دیا، پولیس نے شوہر کو گرفتار کرکے  مقتولہ کے والد کی مدعیت میں مقدمہ درج کرلیا۔

    تفصیلات کے مطابق لاہور کے علاقے مزنگ تھانہ ملت پارک کی حدود میں سسرالیوں نے مبینہ طور پر بہو کو زندہ جلا دیا، نسرین نامی خاتون کو تشویشناک حالت میں میو اسپتال منتقل کیا گیا جہاں وہ دوران علاج دم توڑ گئی۔

    مقتولہ نے موت سے قبل پولیس کو ابتدائی بیان ریکارڈ کرا دیا، پولیس نے نسرین کے والد شفقت کی مدعیت میں مقدمہ درج کرلیا ہے، ایف آئی آر کے مطابق35سالہ نسرین کی تین ماہ قبل شہزاد سے شادی ہوئی تھی، گھر میں اکثر جھگڑا رہتا تھا، نسرین کو اس کے شوہر، دیور اور ساس نے آگ لگائی۔

    بعد ازاں مقتولہ نسرین نے موت سے پہلے پولیس کو آخری بیان دیتے ہوئے کہا کہ اس پر کچن میں پیچھے سے کسی نے پیٹرول چھڑکا جس کے بعد بڑی خوفناک آگ لگ گئی، میں نے باہر نکلنے کی کوشش کی تو دروازہ ہی نہیں ملا۔

    پولیس کا کہنا ہے کہ مقتولہ کے شوہر کو گرفتار کرلیا گیا ہے ، دیگر ملزمان کی تلاش میں چھاپے مارے جارہے ہیں، مکمل تفتیش کے بعد ہی دیگر کارروائی عمل میں لائی جائے گی، واقعے کی تحقیقات جاری ہیں جلد حقائق سامنے لائیں گے۔

  • ڈھائی سالہ بچے پر پولیس موبائل پر فائرنگ کا مقدمہ درج، دہشت گردی کی نو دفعات شامل

    ڈھائی سالہ بچے پر پولیس موبائل پر فائرنگ کا مقدمہ درج، دہشت گردی کی نو دفعات شامل

    کوئٹہ : پولیس موبائل پر فائرنگ کا مقدمہ ڈھائی سالہ بچے کیخلاف درج کرلیا گیا، ملزم بلال پردہشت گردی کی نو دفعات درج کی گئیں،  بلوچستان پولیس نے نوٹس لے کر رپورٹ طلب کرلی، بچے کا باپ بیٹے کے مستقبل سے پریشان ہوگیا۔

    تفصیلات کے مطابق کوئٹہ میں میں ڈھائی سالہ بچے پر پولیس کی گاڑی پر فائرنگ کا مقدمہ درج کر لیا گیا، ذرائع کے مطابق مقدمے میں بلال پردہشت گردی کی9دفعات درج کر دی گئیں ہیں،۔

    پولیس موبائل پر فائرنگ کا مقدمہ تھانہ نیو سریاب میں مقدمہ درج کیا گیا، ننھے ملزم کے وارنٹ گرفتاری جاری کردیے گئے جس کے بعد بلال کی گرفتاری کیلیے اب تک3چھاپے بھی مارے جاچکے ہیں۔

    اس حوالے سے بلال کے والد کا کہنا ہے کہ ڈھائی سال کا بچہ پولیس پر فائرنگ کیسے کرسکتا ہے؟ بلال تو اب تک چپس کھاتا اور جوس پیتا ہے، ہم نے بلال کے نام پر اسکول کھولا جس پر پولیس نے اسے بڑا آدمی سمجھ کر مقدمہ درج کردیا۔

    کیس کو ختم کرنے کیلئے کئی بار پولیس سے رابطہ کیا ہے مگراب تک معاملہ حل نہیں ہوسکا، مقدمہ درج ہونے پر بچے کے مستقبل کے حوالے سے سخت پریشان ہوں۔

    اعلی پولیس حکام نے بچے پر ایف آئی آر کا نوٹس لے لیا

    اس حوالےسے تازہ ترین اطلاعات کے مطابق میڈیا میں خبر نشر ہونے پر بلوچستان پولیس نے ڈھائی سالہ بچے پرایف آئی آرکا نوٹس لے لیا ہے، متعلقہ حکام سے ایف آئی آر کے اندراج سے متعلق رپورٹ طلب کرلی گئی ہے۔

    ترجمان پولیس کا کہنا ہے کہ والدین نے ہم سے رابطہ نہیں کیا ،حقائق کے مطابق کارروائی ہوگی، مقدمہ کوئٹہ ڈیولپمنٹ اتھارٹی کےحکام کی مدعیت میں درج کیا گیا۔

  • جعلی پولیس مقابلہ : نوجوان کو ڈاکو قرار دے کر مارنے والے ایس ایچ او کیخلاف مقدمہ درج

    جعلی پولیس مقابلہ : نوجوان کو ڈاکو قرار دے کر مارنے والے ایس ایچ او کیخلاف مقدمہ درج

    کراچی : تیموریہ تھانے میں پولیس کی حراست میں ملزم بلال کی ہلاکت کو مقابلہ ظاہر کرنے والے ایس ایچ اور اس کی ٹیم کےخلاف قتل کا مقدمہ درج کرلیا گیا۔

    تفصیلات کے مطابق شہر قائد میں جعلی پولیس مقابلوں کا سلسلہ تاحال جاری ہے،  تیموریہ تھانے میں زیرحراست نوجوان کو پولیس نے پہلے ڈاکو قرار دے کر مقابلے میں مار ڈالا بعد میں اسے نشئی قرار دے دیا، پولیس کی جانب سے مقدمہ درج کرنے سے انکار پرعلاقہ مکین مشتعل ہوگئے۔

    دو دن قبل گرفتار ہونے والا نوجوان بلال پولیس تشدد سے زخمی ہوا، پولیس نے طبی امداد بھی نہیں دی۔ کچھ دیر بعد زخموں کی تاب نہ لاتے ہوئےجاں بحق ہوگیا، نوجوان کی ہلاکت پر پی ٹی آئی رہنماحلیم عادل شیخ علاقہ مکینوں کے ہمراہ تیمیوریہ تھانے پہنچے۔

    حلیم عادل شیخ اور علاقہ مکینوں کے احتجاج پر نوجوان کے بھائی کی مدعیت میں ایس ایچ او اور اس کی ٹیم کیخلاف قتل کا مقدمہ درج کرلیا گیا، مقدمہ بلال کے بھائی بلاول کی مدعیت میں درج کیا گیا۔

    اس حوالے سے حلیم عادل شیخ کا کہنا ہے کہ پولیس بے گناہ لوگوں کو جعلی مقابلوں میں مارے جارہی ہے، پولیس نے بلال اور اس کے بھائی بلاول کو حراست میں لیا تھا، دو دن حراست میں رکھ کر بلال کو جان سے مار دیا گیا۔

    لیاری سے ڈکیت گروہ کے  5کارندے گرفتار، اسلحہ برآمد 

    علاوہ ازیں لیاری کے علاقے چاکیواڑہ میں پولیس نے کارروائی کرتے ہوئے5رکنی ڈکیت گروہ کے کارندوں کو گرفتار کرلیا، پولیس حکام کے مطابق مذکورہ ملزمان ڈکیتی، اسٹریٹ کرائم اور گاڑیوں چوری کی متعدد وارداتوں میں ملوث ہیں، گرفتار ملزمان سے ایک دستی بم، دو آوان بم اور اسلحہ برآمد ہوا ہے۔

  • پی آئی اے کارگو میں لاکھوں روپے کی کرپشن، سپروائزر اور اہلکاروں کیخلاف مقدمہ

    پی آئی اے کارگو میں لاکھوں روپے کی کرپشن، سپروائزر اور اہلکاروں کیخلاف مقدمہ

    کراچی : پی آئی اے کے کارگو میں خورد برد کا معاملے پر انتظامیہ نے سپروائزر اور اہلکاروں کیخلاف مقدمہ درج کرادیا، کارگو میں 50لاکھ روپے سے زائد کی کرپشن کی گئی تھی۔

    تفصیلات کے مطابق پی آئی اے نے کارگو میں ہونے والے 50لاکھ روپے کی خرد برد کے معاملہ پر ایکشن لیتے ہوئے ایف آئی آر درج کرادی ہے، جس میں سپروائزر اور اہلکاروں کو نامزد کیا گیا ہے۔

    مذکورہ مقدمہ ایئرپورٹ تھانے میں پی آئی اے کے منیجنگ ڈائریکٹر محمد الطاف کی مدعیت میں درج کیا گیا ہے، اس حوالے سے ذرائع کا کہنا ہے کہ پی آئی اے کارگومیں 50لاکھ روپے سے زائد کی کرپشن کی گئی تھی، سامان بک کروا کر جعلی ایئر ویز بل کے ذریعے خورد برد کی گئی۔

    مزید پڑھیں: پی آئی اے کو ماہانہ3ارب روپے کاخسارہ ہورہا ہے، ایئر مارشل ارشد محمود

    واضح رہے کہ پی آئی اے پہلے ہی جعل سازی میں ملوث کارگو سپروائزر ،سیکیورٹی اہلکار اور کیشئر کو معطل کرچکی ہے اور تینوں کے خلاف تحقیقات بھی جاری ہیں۔

  • کورنگی : میاں بیوی جعلی پولیس مقابلے میں گولیوں کا نشانہ بنے، دو اہلکار معطل، مقدمہ درج

    کورنگی : میاں بیوی جعلی پولیس مقابلے میں گولیوں کا نشانہ بنے، دو اہلکار معطل، مقدمہ درج

    کراچی : کورنگی میں جعلی پولیس مقابلہ کا پول کھل گیا، عوام کے محافظ ہی غفلت کے مرتکب پائے گئے،  دو اہلکاروں نے نہتے میاں بیوی پر فائرنگ کرکے زخمی کیا ، دونوں کو معطل کرکے مقدمہ درج کرلیا گیا۔

    تفصیلات کے مطابق کراچی کے علاقے کورنگی میں پولیس اہلکاروں کی فائرنگ سے میاں بیوی کے زخمی ہونے سے متعلق اہم پیشرفت سامنے آئی ہے، پولیس کی جانب سے پہلے مقابلے کا رنگ دیا گیا پھر تحقیقات کے بعد کہانی ہی کچھ اور نکلی۔

    پولیس انکوائری میں سب سامنے آگیا، فائرنگ کے واقعے کی تحیققات میں ثابت ہوگیا کہ کورنگی میں میاں بیوی کس کی فائرنگ سے زخمی ہوئے، عوام کے محافظ ہی غفلت کے مرتکب پائے گئے۔

    پولیس حکام کا کہنا ہے کہ دونوں پولیس اہلکاروں کو معطل کردیا گیا ہے، پولیس اہلکاروں کے خلاف مقدمہ درج کرنے کے احکامات بھی دے دیے گئے، انکوائری کے مطابق ایک پولیس اہلکار سے ایس ایم جی چھینی گئی دوسرے نے گن چھیننے والے پر فائرنگ کردی جس کی زد میں آکر بتیس سال کا عرفان اور اس کی بیوی زخمی ہوگئے۔

    مزید پڑھیں: کراچی، کورنگی میں‌ پولیس اہلکاروں‌ کی فائرنگ سے میاں‌ بیوی زخمی، اسپتال منتقل

    یاد رہے کہ تین روز قبل کراچی کے علاقے کورنگی میں پولیس اہلکاروں کی فائرنگ سے میاں بیوی زخمی ہوئے تھے جنہیں طبی امداد کے لیے اسپتال منتقل کردیا گیا تھا۔

    آئی جی سندھ پولیس سید کلیم امام نے کورنگی میں فائرنگ سے میاں بیوی کے زخمی ہونے کا نوٹس لیتے ہوئے ایس ایس پی کورنگی سے تفصیلی انکوائری رپورٹ طلب کی تھی۔

  • مری : ہوٹل میں کمرہ نہ دینے پر منیجرکو گولیاں ماردی گئیں، ملزم فرار، مقدمہ درج

    مری : ہوٹل میں کمرہ نہ دینے پر منیجرکو گولیاں ماردی گئیں، ملزم فرار، مقدمہ درج

    مری : ہوٹل منیجر کو کمرہ بک نہ کرنے کے جرم میں گولیاں مار کر زخمی کردیا گیا، ملازم کی حالت تشویش ناک بتائی جا رہی ہے، پولیس نے مقدمہ درج کرلیا۔

    تفصیلات کے مطابق مری کے علاقے جی پی او چوک پر ہوٹل کے مینجر محمد آصف کو مری کے ہی مقامی رہائشی راجہ معصب خلیل ہوٹل میں کمرہ بک نہ کرنے پر غصہ میں آگیا اور گولیاں مار کر منیجر کو شدید زخمی کر دیا، زخمی کو پانچ گولیاں لگیں جسے تشویشناک حالت میں فوری اسپتال منتقل کر دیا گیا۔

    پولیس نے ہوٹل مالک حافظ جاوید اختر کی مدعیت میں ملزم راجہ معصب خلیل کے خلاف مقدمہ درج کر لیا ہے تاہم ابھی تک ملزم کو پولیس گرفتار کرنے میں ناکام ہے، ملزم کی گرفتاری کے لیے چھاپے مارے جارہے ہیں۔

    سوشل میڈیا پر وائرل ہونے والی سی سی ٹی وی فوٹیج میں دیکھا جا سکتا ہے کہ ہوٹل میں منیجر اور کسی شخص میں تلخ کلامی ہوئی، لال جیکٹ والے نے منیجر کی طرف اشارہ کرکے کسی سے اس کی شکایت کی۔

    اتنے میں نیلا شلوار قمیض پہنے ایک شخص فوٹیج میں نظر آیا۔ اس نے کچھ بات کی اور پھر اپنی جیب سے پستول نکال لیا۔ بندوق دیکھ کر سب ہکا بکا رہ گئے۔ فائرنگ ہوئی۔

    پانچ فائر کیے جس سے منیجر گرپڑا۔ شکایت لگانے والا اور اس کے ساتھ کھڑا ہوا بوڑھا شخص بھی بھاگے۔ منیجر کو چار گولیاں لگیں اور وہ اسپتال میں زیر علاج ہے۔

    سوشل میڈیا پر واقعہ کے خلاف آواز بلند ہوئی، پولیس کا کہنا ہے کہ گولی چلانے والا ملزم مصعب خلیل دوسرے ہوٹل کے مالک کا بیٹا ہے جس کے خلاف مقدمہ درج کر لیا ہے اور ملزم کی گرفتاری کے لئے ٹیمیں تشکیل دے دی گئی ہیں۔

  • مری میں خاتون سیاح پر ہوٹل مالکان کے تشدد کا واقعہ، ملزمان کے خلاف مقدمہ درج

    مری میں خاتون سیاح پر ہوٹل مالکان کے تشدد کا واقعہ، ملزمان کے خلاف مقدمہ درج

    مری : ملکہ کوہسار مری میں خاتون سیاح پر تشدد کا ایک اور واقعہ سامنے آگیا، پولیس نے ملزمان کو شناخت کرلیا، ان کے خلاف مقدمہ درج کرکے تلاش شروع کردی گئی۔

    تفصیلات کے مطابق ہوٹل ایجنسی مری کے ملازمین کی جانب سے سیاحوں پر تشدد کا سلسلہ جاری ہے، برفباری دیکھنے کیلئے مری آنے والے سیاحوں پرجی پی او چوک میں مارپیٹ کی گئی۔

    سوشل میڈیا ہر وائرل ہونے والی ایک ویڈیو کے بعد پولیس کو خیال آگیا، پولیس کا کہنا ہے کہ ملزمان کی شناخت ہوگئی ہے خاتون پر تشدد کرنے والے ملزمان کیخلاف مقدمہ درج کرلیا گیا ہے۔

    اس حوالے سے عینی شاہدین کا کہنا ہے کہ ہوٹل ملازمین نے ایک فیملی کی خواتین پر آوازیں کسیں جس پر تلخ کلامی ہوئی اور ملزمان نے سیاح خاندان کو دھکے دیئے۔

     موقع پر موجود شہریوں اور ٹریفک پولیس اہلکاروں نے معاملہ رفع دفع کرایا، سیاحوں کا کا کہنا ہے کہ مقامی افراد چھوٹی چھوٹی باتوں پر پریشان کرتے ہیں اور اہل خانہ کے ساتھ ہونے کا بھی خیال نہیں کرتے، سیاحوں نے متعلقہ حکام سے اپیل کی ہے کہ واقعہ کے ذمہ داران کیخلاف سخت کارروائی کی جائے،۔

    واضح رہے کہ اس سے قبل مری میں اس طرح کے واقعات کیخلاف سوشل میڈیا پر کامیاب مہم کے بعد عوام نے مری کا بائیکاٹ کردیا تھا، جس کے باوجود ایجنٹوں کا رویہ تبدیل نہیں ہوا ہے۔

  • ڈیفنس کار بم دھماکے کا مقدمہ نامعلوم افراد کیخلاف درج، دہشت گردی کی دفعات شامل

    ڈیفنس کار بم دھماکے کا مقدمہ نامعلوم افراد کیخلاف درج، دہشت گردی کی دفعات شامل

    کراچی : کھڈا مارکیٹ ڈیفنس میں گزشتہ روز ہونے والے کار بم دھماکے کا مقدمہ سی ٹی ڈی میں درج کرلیا گیا، دہشت گردوں نے بہت بڑی واردات کی تیاری کی تھی۔

    تفصیلات کے مطابق کراچی کے علاقے کھڈا مارکیٹ ڈیفنس میں گزشتہ روز کار بم دھماکے کی ایف آئی آر سی ٹی ڈی میں درج کرلی گئی، مقدمہ ایکسپلو سیو ایکٹ اور دہشت گردی دفعات کے تحت درج کیا گیا ہے۔

    سرکارکی مدعیت میں درج کیے گئے مقدمے میں نامعلوم افراد کو نامزد کیا گیا ہے، ایف آئی آرکے متن میں کہا گیا ہے کہ دہشت گردوں نے کراچی میں بہت بڑی واردات کی تیاری کی تھی۔

    مذکورہ بم دھماکا آئی ای ڈی ڈیوائس کے ذریعے کیا گیا، پولیس کے مطابق بم کو کار میں موجود چھ گیس سلنڈروں سے منسلک کیا گیا تھا، اس کے علاوہ جائے وقوعہ سے بارودی مواد کے دو پیکٹ بھی برآمد ہوئے ہیں، جن میں سے ایک پیکٹ دو کلو اور دوسرا چھ کلو وزنی تھا۔

    مزید پڑھیں: کراچی، کھڈا مارکیٹ پر کار میں پراسرار دھماکہ

    یاد رہے کہ کھڈا مارکیٹ ڈیفنس میں ہونے والے کار بم دھماکے سے متعلق پولیس نے ابتداء میں مؤقف اختیار کیا تھا کہ دھماکہ گیس سلنڈر پھٹنے کے باعث ہوا، پولیس کا کہنا ہے کہ گاڑی ایک روز قبل جمیشد کوارٹرز کے علاقے سے چوری ہوئی ہے۔

    دوسری جانب بم ڈسپوزل اسکواڈ کا کہنا تھا کہ گاڑی میں سلنڈر پھٹنے کے کوئی شواہد نہیں ملے، واضح رہے کہ واقعے میں کسی قسم کا جانی نقصان نہیں ہوا تاہم گاڑی مکمل طور پر تباہ ہوگئی۔

  • فیصل آباد : جعلی مقابلہ، بیوہ خاتون7سال بعد شوہر کے قتل کا مقدمہ درج کرانے میں کامیاب

    فیصل آباد : جعلی مقابلہ، بیوہ خاتون7سال بعد شوہر کے قتل کا مقدمہ درج کرانے میں کامیاب

    فیصل آباد : بیوہ خاتون7سال بعد شوہر کے قتل کا مقدمہ درج کرانے میں کامیاب ہوگئی، پولیس نے مفرور انسپکٹر فرخ وحید کے خلاف قتل کا ایک اور مقدمہ درج کرلیا۔

    تفصیلات کے مطابق پولیس کے ہاتھوں جعلی مقابلے میں ہلاک کیے جانے والے شخص کی بیوہ کو سات سال بعد انصاف کی امید مل گئی، تھانہ فیکٹری ایریا پولیس نے مفرور انسپکٹر فرخ وحید کے خلاف قتل کا ایک اور مقدمہ درج کرلیا۔

    پولیس کے مطابق مقدمے میں چار ایس ایچ اوز سمیت17پولیس اہلکار اور2شہری نامزد ہیں، انتقال کر جانے والا انسپکٹر یاسرجٹ بھی قتل کیس میں ملزم نامزد کیا گیا ہے۔

    مقدمہ میں قتل سمیت تین دفعات شامل کی گئی ہیں، ملزمان میں ایس ایچ اوز انسپکٹر عمردراز اور انسپکٹر بلال منصور چیمہ شامل ہیں، اس کے علاوہ مقدمے میں سب انسپکٹرز اظہر، ادریس، اے ایس آئی زاہد، کانسٹیبل طاہر، وقاص کو نامزد کیا گیا ہے۔

    پولیس کے مطابق جوڈیشل انکوائری میں پولیس مقابلہ جعلی ثابت ہونے پر مقدمہ درج کیا گیا۔ مدعی بیوہ خاتون نے درخواست میں مؤقف اختیار کیا ہے کہ ملزمان نے2011میں میرے شوہر افتخار کو گھرمیں تشدد کا نشانہ بنا کر حراست میں لیا تھا، بعد زاں ملزمان نے شوہر کو جون2011 کو جعلی مقابلے میں قتل کردیا تھا۔