Tag: FIR

  • سانحہ ماڈل ٹاؤن:نواز،شہبازسمیت 21افراد کیخلاف قتل کا مقدمہ درج کرنیکا حکم

    سانحہ ماڈل ٹاؤن:نواز،شہبازسمیت 21افراد کیخلاف قتل کا مقدمہ درج کرنیکا حکم

    لاہور: وزیراعظم نوازشریف اور وزیراعلیٰ پنجاب شہباز شریف سمیت اکیس افراد کیخلاف  قتل کا مقدمہ درج کرنے کا حکم،تفصیلات کے مطابق لاہور کی سیشن عدالت نے سانحہ ماڈل ٹاؤن کے مقدمے میں  وزیر اعظم نواز شریف اور وزیر اعلیٰ پنجاب شہباز شریف سمیت اکیس افراد کیخلاف مقدمہ درج کرنے کا حکم دیدیا ہے،

    اطلاعات کے مطابق مذکورہ کمیشن کی رپورٹ کو وزیر اعلیٰ شہباز شریف نے سات روز تک دبائے رکھا، رپورٹ میں ہر پولیس افسر کی نا اہلی اور ذمہ داری کا تعین بھی کیا گیا ہے۔

  • ہمارے لوگ پیدل اسلام آباد آرہے ہیں، ڈاکٹر طاہر القادری

    ہمارے لوگ پیدل اسلام آباد آرہے ہیں، ڈاکٹر طاہر القادری

    لاہور: پاکستان عومی تحریک کے سربراہ ڈاکٹر طاہرالقادری نے اے آروائی نیوز سے خصوصی گفتگو کرتے ہوئے کہا ہے کہ ہماری گاڑیاں بجبر روک لی گئی ہیں نہیں معلوم ہم کتنے دن میں اسلام آباد پہنچیں گے۔

    ان کا کہنا تھا کہ آج ہردیکھنے والا یہ کہہ رہا ہے کہ پاکستان کی تاریخ میں اتنا بڑا مارچ کبھی نہیں ہوا، سات گھنٹے میں عوام ماڈل ٹاؤن سےمال روڈ تک نہیں پہنچ پائے ہیں۔

    انہوں نے کہا کہ پنجاب حکومت نے ہماری بکنگ والی بسوں کوروک رکھا ہے اڈے بند سیل کردئے ہیں اور پیٹرول پمپ بھی بند کرادئے ہیں کہ ہم اسلام آؓباد نہ پہنچ پائیں۔

    انہوں نے ایک سوال کے جواب میں کہا کہ پی ٹی آئی کے ساتھ اکھٹے نکلنا ایک آئیڈیل صورتحال تھی لیکن ہر پارٹی کا اپنا طریقہ کار ہے اور اپنے مقاصد ہیں وہ نکل چکے ہیں اور ہم بھی جارہے ہیں۔

    ڈاکٹر طاہر القادری نے کہا ہمارے لوگ پچھلے بارہ دن سے محصور تھے اور آج آپنے دیکھا کہ کس طرح لوگوں نے کنٹینر اٹھا کر پھینک دئے اورہمارے ساتھ آکر شامل ہوئے ہیں اور یہ ایک تاریخ سازمارچ ہے۔

    سوال پوچھا گیا کہ وہ کب تک اسلام آباد میں بیٹھے گے تو ان کا کہنا تھا کہ حکومت کی برطرفی ہمارے انقلاب کا ایک چھوٹا سا حصہ ہے اور ہم اس کے بغیر واپس نہیں پلٹیں گے۔

    ان کا مزیدکہناتھا کہ ہماری ٹرانسپورٹ روک لی گئی ہے جس کے باعث ہمارے لوگ پیدل جارہے ہیں یہ پنجاب حکومت کی جانب سےظلم کی انتہا ہے، ہمیں نہیں معلوم کہ ہم کتنے دن میں اسلام آباد پہنچیں گے اور اس پیدل مارچ کے ہمارے لوگوں کی زندگیوں پر کیا اثرات ہونگے۔

  • ڈاکٹر طاہر القادری کیخلاف قتل اور اقدام قتل کے چار مقدمات درج

    ڈاکٹر طاہر القادری کیخلاف قتل اور اقدام قتل کے چار مقدمات درج

    حکومت نے پاکستان عوامی تحریک کے سربراہ علامہ ڈاکٹر طاہر القادری کیخلاف قتل اور اقدام قتل کے تحت چار مقدمات درج کر لیا
    پاکستان عوامی تحریک کے سربراہ علامہ ڈاکٹر طاہر القادری کے خلاف تعزیرات پاکستان کی دفعات تین سو دو اور تین سو چوبیس کے تحت ایک اور مقدمہ لاہور کے تھانہ نصیرآباد میں کانسٹیبل اشرف کے والد کی مدعیت میں درج کرلیا گیا۔ اس مقدمہ کے اندراج کےبعد ان کے خلاف درج ہونیوالے مقدمات کی تعداد چار ہوگئی ہے۔

    ان کیخلاف قتل، اقدام قتل، دہشت گردی ایکٹ اورپولیس مقابلےکی بھی دفعات لگائی گئی ہیں۔ اس سے پہلے دو مقدمات تھانہ فیصل ٹاؤن اور یک داتا دربار پولیس اسٹیشن میں درج کیا گیاتھا۔ ان مقدمات میں قتل اور اقدام قتل کی دفعات کے تحت تین مقدمات جبکہ چوتھا مقدمہ بغاوت اور عوام کو اکسانے کی دفعات کے تحت درج کیا گیا ہے

  • ایف آئی آر کا اندراج انقلاب کی پہلی کامیابی ہے، ڈاکٹرطاہرالقادری

    ایف آئی آر کا اندراج انقلاب کی پہلی کامیابی ہے، ڈاکٹرطاہرالقادری

    لاہور: طاہر القادری نے اپنے خلاف مقدمے کے اندراج کو انقلاب کی جدوجہد کی کامیابی کا پہلا قطرہ قرار دیتے ہوئے عوام کو مبارکباد دی ہے۔

    طاہر القادری کا کہنا تھا کہ مقدمے کے اندراج پر پاکستان کے عوام کو مبارکباد پیش کرتا ہوں انقلاب کی جدوجہد کیلئے کامیابی کا پہلا قطرہ ہے، حکمراں جب ایسے اقدامات پر اتر آئیں تو خوشخبریاں شروع ہوجاتی ہیں اس کا مطلب ہے اب وہ ٹھہر نہیں سکتے ایسے اقدامات بوکھلاہٹ،گھبراہٹ اور شکست خوردگی کا ثبوت ہیں نواز شریف نے بھی مارچ میں پولیس کو احکامات ماننے سے انکار کا کہاتھا کسی نے پیٹی اتاری تو اسے سینے سے لگاکر شاباش دی تھی ان کی تقریر کو بھی نکال کر ساتھ رکھ لیں اچھی بات ہے شہباز شریف نے الیکشن میں اسوقت کے صدر زرداری کوگردن سے پکڑ کر گھسیٹنے کی بات کی تھی تو یہ عوام کو مشتعل کرنے والی باتیں تھیں۔

  • طاہرالقادری پرمقدمہ قابل مذمت ہے، ایم کیوایم رابطہ کمیٹی

    طاہرالقادری پرمقدمہ قابل مذمت ہے، ایم کیوایم رابطہ کمیٹی

    ایم کیوایم رابطہ کمیٹی کے سینئر ڈپٹی کنویئنر ندیم نصرت نے ڈاکٹر طاہرالقادری پر مقدمے کی مذمت کرتے ہوئے کہا کہ پنجاب حکومت کا فیصلہ غیر دانشمندانہ ہے۔ایم کیوایم رابطہ کمیٹی کے سینئر ڈپٹی کنوینر ندیم نصرت نے طاہر القادری پر مقدمے کی مذمت کرتے ہوئے کہا کہ حکومت پنجاب پر امن عوام کو مشتعل کرنے کا سبب بن سکتی ہے۔

    ان کا کہنا تھا کہ سیاسی معاملات کو طاقت کی پالیسی سے حل کرنے کے بجائے بات چیت اور افہام و تفہیم سے حل کیا جائے۔ندیم نصرت نے کہا کہ پاکستان عوامی تحریک کے یوم شہداء کے اجتماع کو سبوتاژ کرنے کیلئے ریاستی ہتھکنڈے استعمال کرنے کا عمل کسی بھی طرح ملک وقوم کیلئے سود مند قرارنہیں دیاجاسکتا.

    یہ عمل بنیادی انسانی حقوق کی سنگین خلاف ورزی ہے جس کی جتنی بھی مذمت کی جائے کم ہے۔ ندیم نصرت نے وزیراعظم پاکستان نوازشریف سے مطالبہ کیا کہ طاہر القادری کے خلاف قائم مقدمہ فی الفور واپس لیا جائے

  • سانحہ ماڈل ٹاؤن کے مرکزی ملزمان کی عبوری ضمانت میں توسیع

    سانحہ ماڈل ٹاؤن کے مرکزی ملزمان کی عبوری ضمانت میں توسیع

    لاہور: انسداد دہشتگردی کی خصوصی عدالت نے سانحہ ماڈل ٹاؤن کے ملزم ایس پی سکیورٹی علی سلمان اور ان کے محافظ کی عبوری ضمانت میں 9 اگست تک توسیع کردی۔

    انسداد دہشتگردی کی خصوصی عدالت نے سانحہ ماڈل ٹاؤن کے ملزم ایس پی سکیورٹی علی سلمان اور ان کے محافظ کی درخواست کی سماعت کی۔

    ملزمان کے وکیل کی جانب سے مؤقف اختیار کیا گیا کہ ایس پی سکیورٹی علی سلمان اور ان کے محافظ تفتیش میں پوری طرح معاونت کر رہے ہیں، عبوری ضمانت میں توسیع کی جائے۔ عدالت نے دلائل سننے کے بعد دونوں ملزمان کی عبوری ضمانت میں 9 اگست تک توسیع کردی۔

  • سندھ ہائیکورٹ :میرشکیل ودیگرکیخلاف مقدمہ درج کرنےکا حکم

    سندھ ہائیکورٹ :میرشکیل ودیگرکیخلاف مقدمہ درج کرنےکا حکم

    کراچی :عدالتی احکامات کے باوجود چھ فیصد سے زائدغیرملکی مواد دکھانے پرجیوگروپ کے خلاف توہین عدالت کی درخواست سندھ ہائیکورٹ میں دائرکردی گئی۔ مٹھی کی عدالت نے بھی میرشکیل کے خلاف مقدمہ درج کرنے کا حکم دے دیا۔ جیوگروپ نے عدالتی احکامات ہوا میں اڑا دیئے اور عدالتی حکم اورحلف کے باوجود غیرملکی موادنشرکرنے میں کمی نہیں کی ۔

    سندھ ہائیکورٹ میں جنگ اور جیوگروپ کے خلاف توہین عدالت کی پٹیشن دائر کردی گئی۔ درخواست گزار محفوظ یار خان نے موقف اختیارکیا ہے کہ جیوپیمرا قوانین کی خلاف ورزی کرتے ہوئےغیرملکی مواد چھ فیصد سے زیادہ نشرکرررہا ہے۔ درخواست میں سابق چیئرمین پیمرا پرویز راٹھور،میر شکیل الرحمان، میر ابراہیم الرحمان کو فریق بنایا گیاہے۔ پیمراقوانین کے مطابق مجموعی طور پر چینلز کو چھ فیصد غیرملکی اور چار فیصد انگلش مواد دکھانےکی اجازت ہے۔ دوسری جانب گستاخانہ نشریات دکھانےپرمٹھی کی عدالت نےبھی میر شکیل اور دیگرکیخلاف مقدمہ درج کرنے کا حکم دیاہے

  • میرشکیل اور حامد میر کوگرفتار کرکے 6 اگست کو پیش کرنے کا حکم

    میرشکیل اور حامد میر کوگرفتار کرکے 6 اگست کو پیش کرنے کا حکم

    لاہور:عدالت نے جیو اور جنگ کے مالک میر شکیل الرحمان ، میر ابراہیم اور حامد میر کو گرفتار کر ک پیش کرنے کا حکم دیا ہے۔
    لاہور میں ایڈیشنل سیشن جج ندیم انصاری نے آفتاب ورک ایڈووکیٹ کی جانب سے دائر فوجداری استغاثے کی سماعت کی ۔ درخواست گزار کی جانب سے عدالت کوبتایا گیا کہ دو مئی کو حامد میر نے پاک فوج کے خلاف توہین آمیز کالم لکھا جو جنگ گروپ کے تمام اخبارات میں شائع ہوا ۔جس سے پاک فوج کی بدنامی اور کروڑوں پاکستانیوں کی دل آزاری ہوئی ، درخواست گزارکا کہنا تھا حامد میر نے توہین آمیز کالم میر شکیل اور میر ابراہیم کی ایما پر لکھا۔ لہذا عدالت ان کے خلاف سخت کارروائی کا حکم دے ۔عدالت نےوارنٹ گرفتاری جاری کرتے ہوئے پولیس کو حکم دیا ہے کہ میر شکیل ، میر ابراہیم اور حامد میر کو چھ اگست کو گرفتار کر کے پیش کیا جائے ۔