Tag: Firdous ashiq awan

اسلام آباد : معاون خصوصی برائے اطلاعات فردوس عاشق اعوان کا کہنا ہے کہ عمران خان ہرمحاذپرشاطرانہ چالوں کامقابلہ کر رہے ہیں اورکرتےرہیں گے، جنرل جیلانی کے سائے میں پروان چڑھنے والے بغض پر بیانات دے رہے ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر ن لیگ پر تنقید کرتے ہوئے اپنے بیان میں کہا لیگی ترجمانوں کواپنےقائدکےپلیٹ لیٹس کےبجائے سیاست کی فکر ہے، آج ظل سبحانی کی صحت سےمتعلق دعاکی اپیل کیوں نہیں کی؟ آپ منتخب وزیراعظم پر تنقید کرکے اپنا قد اونچا کرنے کی کوشش کر رہےہیں۔

لیگی ترجمانوں کو اپنے قائد کے پلیٹلیٹس کی بجائے سیاست کی فکر پڑ گئی ہے۔آج ظل سبحانی کی صحت سے متعلق دعا کی اپیل کیوں نہیں کی؟آپ پاکستان کے مقبول رہنما اور منتخب وزیراعظم پر تنقید کر کے اپنا قد اونچا کرنے کی کوشش کر رہے ہیں.

— Firdous Ashiq Awan (@Dr_FirdousPTI) November 29, 2019

فردوس عاشق اعوان کا کہنا تھا کہ عمران خان ہر محاذ پر شاطرانہ چالوں کا مقابلہ کر رہے ہیں اور کرتے رہیں گے۔

عمران خان ہر محاذ پر شاطرانہ چالوں کا مقابلہ کر رہے ہیں اور کرتے رہیں گے۔

— Firdous Ashiq Awan (@Dr_FirdousPTI) November 29, 2019

معاون خصوصی نے مزید کہا کہ ہاں آپ نے ٹھیک کہا وزیراعظم عمران خان کرپشن کے فارمولوں سےآگاہ نہیں ہیں، وزیراعظم نہ تو اپنے رفقاکے ذاتی کاروبار کو تحفظ دیتے ہیں، جنرل جیلانی کے سائے میں پروان چڑھنے والے بغض پر بیانات دے رہے ہیں۔

ہاں آپ نے ٹھیک کہا وزیراعظم عمران خان کرپشن کے فارمولوں سے آگاہ نہیں ہیں اور نہ ہی اپنے رفقاء کے ذاتی کاروبار کو تحفظ دیتے ہیں۔جنرل جیلانی کے سائے میں پروان چڑھنے والے منتحب وزیراعظم کے حوالے سے بغض پر مبنی بیانات داغ رہے ہیں۔

— Firdous Ashiq Awan (@Dr_FirdousPTI) November 29, 2019

جدہ : معاون خصوصی برائے اطلاعات فردوس عاشق اعوان نے کہا ہے کہ سعودی عرب سےقریبی تعلقات ہیں، ہمارے20بلین سے زائد کے پروجیکٹ  سعودی  حکومت کیساتھ چل رہے ہیں ، او آئی سی پلیٹ فارم کےذریعے کشمیر میں جاری مظالم بند کرائے جائیں۔

تفصیلات کے مطابق معاون خصوصی برائے اطلاعات فردوس عاشق اعوان نے جدہ قونصلیٹ میں پاکستانی کمیونٹی سےملاقات کی ، اس موقع پر پاکستان کےسی جی خالد مجید اور سفیر پاکستان راجہ علی اعجاز بھی موجود تھے۔

معاون خصوصی فردوس عاشق اعوان نے پاکستانی کمیونٹی سے گفتگو میں کہا سعودی عرب کے ساتھ ہمارےبرادرانہ تعلقات ہیں، ہمارے20بلین سے زائد کے پروجیکٹ سعودی حکومت کیساتھ چل رہےہیں، حج میں روڈ ٹو مکہ پروجیکٹ وزیر اعظم عمران خان کے کہنےپر شروع کیا۔

فردوس عاشق اعوان کا کہنا تھا کہ سعودی عرب سےقریبی تعلقات ہیں، او آئی سی پلیٹ فارم کےذریعے کشمیر میں جاری مظالم بندکرائے جائیں، لاکھوں لوگ مقبوضہ کشمیر میں محصور ہو کر رہ گئے ہیں۔

مزید پڑھیں : او آئی سی کو زیادتی کا شکار مسلمانوں کے لیے مزید فعال کردار ادا کرنا ہے: فردوس عاشق اعوان

معاون خصوصی نے کہا پاکستان سمیت ہم سب کی خواہش ہے اوآئی سی مسئلہ کشمیرپرنوٹس لے، بابری مسجدجیسےمقدس مقامات کےتحفظ کیلئےدنیاکوجھنجھوڑتےرہیں گے ، بھارت کا انتہا پسندانہ چہرہ دنیاکودکھاتے رہیں گے، سعودی عرب کی ترقی میں پاکستانی کمیونٹی کا بھی بڑا کردار ہے۔

اس سے قبل فردوس عاشق اعوان کا کہنا تھا کہ اسلامی تعاون تنظیم (او آئی سی) کی گولڈن جوبلی تقریبات میں پاکستان کی نمائندگی میرے لیے باعث اعزاز ہے ، اسلامی سربراہ ممالک کا یہ فورم مسلم امہ کے رشتے کو مضبوط بنانے اور جوڑنے کا سب سے بڑا پلیٹ فارم ہے۔

معاون خصوصی نے مزید کہا کہ مظلوم کشمیریوں کی حمایت اور ان کے ساتھ اظہار یکجہتی پر سکریٹری جنرل او آئی سی کا شکریہ ادا کرتے ہیں، اس فورم سے کشمیریوں کے جمہوری بنیادی حق اور وادی میں سنگین صورتحال کو اجاگر کرنے کے لیے مزید آواز بلند کرنا ہوگی۔

خیال رہے کہ معاون خصوصی فردوس عاشق اعوان (او آئی سی) کے قیام کی گولڈن جوبلی تقریبات میں شرکت کے لیے 2 روزہ دورے پر سعودی عرب میں موجود ہیں، وہ گولڈن جوبلی کی تقریبات میں پاکستان کی نمائندگی کریں گی۔

اسلام آباد : معاون خصوصی برائے اطلاعات فردوس عاشق اعوان نے کہا ہے کہ عدالتوں کے لیے لانگ ٹرم اسٹریٹجی بننے جا رہی ہے، مولانا کا پلان اے بری طرح ناکام اور پلان بی رسوائی کا سبب بنا، امید ہے نواز شریف کی حتمی بیماری سے قوم کو آگاہ کیا جائے گا۔

تفصیلات کے مطابق معاون خصوصی برائے اطلاعات فردوس عاشق اعوان نے اسلام آباد ہائی کورٹ کے باہر میڈیا سے گفتگو کرتے ہوئے کہا آج اللہ کی شکر گزار ہوں کہ عدالت نے ہمیں سرخروکیا اور عدالتی حقائق سےآگاہی دلائی۔

فردوس عاشق اعوان کا کہنا تھا کہ سائلین کو مشکلات، ضلعی عدالتوں اور ڈسٹرکٹ کورٹ میں وسائل کی کمی کاسامناہے، عدالتوں میں مؤثر میکنزم کی کمی تھی ، وزیراعظم نے اسٹیک ہولڈرز پر مشتمل کمیٹی بنائی ، کمیٹی نے تیز رفتاری کیساتھ ترجیحات کو مرتب کیا ہے، ہائی کورٹ بعد میں بنی یہ مسئلہ تو 72سال کا ہے۔

معاون خصوصی نے کہا ڈسٹرکٹ،اسلام آباداورسپریم کورٹ بارزکی شکرگزارہوں، بارز نےتمام مسائل کےتدارک سےسائلین،حکومتی کوآگاہ کیا، سب سےبڑے اسٹیک ہولڈرز وکلا ہیں ، آپ کے مسائل کو حل کرنا ہماری ذمہ داری ہے۔

ان کا کہنا تھا کہ آئندہ سال جون میں اسلام آباد ہائی کورٹ نئی عمارت منتقل ہوگی، ہائی کورٹ منتقلی کے بعد جوڈیشل کورٹ یہاں منتقل ہوگی، 7 ماہ میں ہنگامی بنیاد پر کام کا آغاز کر رہے ہیں، ان اقدامات سے وکلاء اور سائلین کی مشکلات کم ہوں گی جبکہ عدالتوں کیلئے لانگ ٹرم اسٹریجی بننےجارہی ہے۔

فردوس عاشق اعوان نے کہا حکومت خواتین وکلاء کو سوشل کلچرل اونر شپ دے گی، فیملی کورٹس سے جڑے مسائل بھی حل کریں گے ، عدالت عالیہ کا ایک وقار،احترام اورتقدس ہے۔

معاون خصوصی کا کہنا تھا کہ مجھے آج او آئی سی میں حکومت پاکستان کی نمائندگی کرنی ہے، جس میں 3 اہم ایشوز پاکستان اٹھانےجارہاہے، اوآئی سی میں ناروے میں قرآن پاک بےحرمتی کامعاملہ اٹھائیں گے، دوسری ترجیح مسئلہ کشمیرسے متعلق معاملات ہیں، مقبوضہ وادی میں سرعام کشمیریوں کا قتل جاری ہے، پاکستان کی تیسری ترجیح بابری مسجد سےمتعلق فیصلے پر تحفظات ہیں ، بابری مسجد کیس کے فیصلے سے کروڑوں مسلمانوں کے حقوق پر ڈاکا ڈالا گیا۔

انھوں نے مزید کہا کہ عوام، حکومت پاکستان اور او آئی سی کو ملکر حکمت عملی بنانا ہوگی، حکمت عملی سے ہی بھارت کو روکا جاسکے گا، بھارت مسلمانوں کے جذبات کو ٹھیس پہنچاتا جارہا ہے، ہندو توا عالم اسلام کیلئے چیلنج بنتا جارہا ہے، اوآئی سی کا اجلاس مسلمانوں کے جذبات کی عکاسی کرے گا اور بھارتی اقدامات روکنے میں کارآمد ثابت ہوگا۔

مولانا فضل الرحمان کے حوالے سے فردوس عاشق اعوان کا کہنا تھا کہ مولانا صاحب کیساتھ ان کے اپنے لوگ نہیں تو عوام کیسے ہوگی، پلان اے بری طرح ناکام اور پلان بی بھی رسوائی کا سبب بنا، مولانا جھوٹ کا سہارا لیکر خود کو تسلیاں دے رہے ہیں، انھوں نے انتہا پسند سوچ اختیار کی اور عوام نے انہیں مسترد کردیا۔

معاون خصوصی نے کہا پاکستان نے قربانیاں دیکر انتہا پسندی اور دہشت گردی پر قابو پایا، اب کوئی پاکستان کو ترقی کرنے سے روک نہیں سکتا، مولانا اور ہمنوا کو 2018 میں ناکامی ہوئی، آئندہ بھی کوئی جگہ نہیں۔

آصف زرداری کی صحت سے متعلق ان کا کہنا تھا کہ آصف زرداری کی پارٹی اور ان کی فیملی کو صحت کی زیادہ فکرنہیں، زرداری صاحب عدالت میں درخواست دیں،عدالتی حکم کی پیروی ہوگی۔

فردوس عاشق اعوان نے نواز شریف کے حوالے سے کہا میاں صاحب سےمتعلق ان سے پوچھیں جو ان کی سانسیں بھی گنتے ہیں، میاں صاحب کو پردیس گئے اتنے دن ہوگئے، پردیس سے کوئی چٹھی نہیں آئی کہ بیماری کی تشخیص کیا ہوئی، امید ہے نواز شریف کی حتمی بیماری سے قوم کو آگاہ کیا جائے گا۔