Tag: Firdous ashiq awan

اسلام آباد :معاو ن خصوصی برائے اطلاعات فردو س عاشق اعوان نے کہا کہ پاکستانی تاجرملک کےسفیربن کربیرون ملک کشمیریوں کی داستان پہنچائیں  گے اور غیر ملکیوں کو متحدہ کریں گے تاکہ بھارت کا سیاہ ومکروہ چہرہ دنیا کو دکھا سکیں۔

تفصیلات کے مطابق معاون خصوصی اطلاعات ڈاکٹر فردوس عاشق اعوان نے تقریب سے خطاب کرتے ہوئے کہاکہ بھارت نے مقبوضہ کشمیر میں مسلسل کرفیو نافذ کر رکھا ہے، بھارت نے مقبوضہ کشمیر کو جیل میں تبدیل کر دیا ہے، اقوام متحدہ اور انسانی حقوق کی تنظیموں کو کشمیر کی صورتحال کا سنجیدگی سے نوٹس لینا چاہیے۔

فردوس عاشق اعوان کا کہنا تھا کہ مسئلہ کشمیر دو ملکوں کا نہیں بلکہ دو نظریات کے درمیان تنازعہ ہے ، نریندر مودی انتہا پسندی اور ہندوتوا کے ایجنڈے کو پروان چڑھا رہا ہے، کشمیر کاز کیلئے ہم سب کو اتحاد اور یکجہتی کا مظاہرہ کرنا چاہیے۔

معاون خصوصی کہا کہ قائداعظم نے سامراجی نظام سے لڑتے ہوئے مسلمانوں کی آزادی کیلئے جدوجہد کی، تحریک آزادی میں فاطمہ جناح قائداعظم کے شانہ بشانہ کھڑی رہیں۔

مزید پڑھیں : کشمیری بھارتی مظالم سے تنگ آکر برہان وانی بن رہے ہیں، فردوس عاشق اعوان

ان کا کہنا تھا کہ دو جماعتی نظام کو چیلنج کرتے ہوئے عوام نے تحریک انصاف کو منتخب کیا، حکومت نے خواتین کی معاشی خودمختاری کیلئے کئی اقدامات کیے ہیں اور چھوٹی صنعتوں کے فروغ کیلئے کئی اقدامات کرنے کی ضرورت ہے۔

فردوس عاشق اعوان نے کہاکہ وزیراعظم نے کامیاب نوجوان پروگرام کی منظوری دی ہے، پروگرام میں 52فیصد نوجوان خواتین کو قرضے دیئے جائیں گے، پاکستان کی معیشت کو مضبوط بنانے کیلئے ہر سطح پر کوشش کریں گے۔

معاون خصوصی نے کہا کہ پاکستانی تاجرملک کےسفیربن کربیرون ملک کشمیریوں کی داستان پہنچائیں گے اور غیرملکیوں کومتحدہ کریں گے تاکہ بھارت کا سیاہ ومکروہ چہرہ دنیا کو دکھا سکیں۔

اسلام آباد : معاون خصوصی برائے اطلاعات فردوس عاشق اعوان نے کہا کہ جبر، ظلم، کرفیواور قید خانہ کشمیریوں کوغلام نہیں بنا سکتا، کشمیر میں آزادی کا سورج طلوع ہو کر رہے گا۔

تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا مودی نے پالیسی ترک نہ کی تو خطے کے امن کو خطرات ہوں گے، مودی سرکار نے ہندوتوا کی سوچ پر کار بند پالیسی اپنائی ہے، بھارت اپنے انتہا پسندانہ رویے پر نظرثانی کرے، مقبوضہ کشمیر متنازع ہے ، جس کا حل قراردادوں کی روشنی میں ہی ممکن ہے۔

ہندتوا کی سوچ پر کاربند مودی سرکار نے بھارتی تسلط کی پالیسی نہ ترک کی تو خطے کے امن کو شدید خطرات لاحق ہیں، بھارت اپنے انتہا پسندانہ رویے پر نظر ثانی کرے ، کشمیر ایک متنازع علاقہ ہے جس کا حل اقوام متحدہ کی قراردادوں کی روشنی میں ہی ممکن ہے۔

— Firdous Ashiq Awan (@Dr_FirdousPTI) August 13, 2019

فردوس عاشق اعوان کا کہنا تھا کہ عید قرباں پر بھی مسلمانوں کو مقدس تہوار منانے سے روکا گیا، سیکولراور جمہوری بھارت مودی کے ہاتھوں قتل ہوچکا ہے، کشمیریوں اور پاکستانیوں کی خوشیاں اورغم سانجھے ہیں، کشمیر میں آزادی کا سورج طلوع ہو کر رہے گا۔

قربانی کے روز مسلمانوں کو ان کے مقدس تہوار منانے سے روکنا ثابت کرتا ہے کہ سیکولر اور جمہوری بھارت مودی کے ہاتھوں قتل ہوچکا ہے۔کشمیریوں اور پاکستانیوں کی خوشیاں اور غم سانجھے ہیں۔کشمیر میں آزادی کا سورج طلوع ہو کر رہے گا۔

— Firdous Ashiq Awan (@Dr_FirdousPTI) August 13, 2019

معاون خصوصی نے ایک اور ٹوئٹ میں کہا جبر، ظلم، کرفیو اور قید خانہ کشمیریوں کو غلام نہیں بنا سکتا، عید کے دن کشمیریوں کو مذہبی رسومات سے روکا گیا، مذہبی رسومات سے روکنا ثابت ہے بھارت غاصبانہ قبضہ کررہا ہے۔