ARYNews.tv | Urdu – Har Lamha Bakhabar

Tag: Firdous ashiq awan

  • اپنے گھر کا خواب ، قیمت صرف 14 لاکھ 30ہزارروپے اور ماہانہ قسط 10ہزار روپے، عوام کیلئے اہم خبر

    اپنے گھر کا خواب ، قیمت صرف 14 لاکھ 30ہزارروپے اور ماہانہ قسط 10ہزار روپے، عوام کیلئے اہم خبر

    لاہور : معاون خصوصی برائے اطلاعات پنجاب فردوس عاشق اعوان کا کہنا ہے کہ وزیراعظم کے ویژن ایفورڈایبل ہاؤسنگ کے تحت گھروں کی تعمیر کیلئے 133 مقامات کی نشاندہی کی جاچکی ، گھرکی قیمت 14 لاکھ30ہزارروپے اور ماہانہ قسط 10ہزارروپے ہوگی۔

    تفصیلات کے مطابق معاون خصوصی برائے اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ اپنے گھرکا خواب آنکھوں میں سجائے افراد کے خوابوں کوعملی تعبیر دینے کی جانب قدم اٹھاتے ہوئے وزیراعظم کےویژن کے تحت گھروں کی تعمیرکیلئے133 مقامات کی نشاندہی کرلی گئی ہے ، ابتدائی طورپر32 مقامات پر ترجیحی بنیادوں پر کام شروع کیا جائے گا۔

    فردوس عاشق اعوان کا کہنا تھا کہ عثمان بزدار نے منصوبے کیلئے 3ارب روپے فراہم کردیے، گھر کا رقبہ 3 سے بڑھا کر ساڑھے 3مرلےکیا گیا ہے، گھرکی قیمت 14 لاکھ30ہزارروپے اور ماہانہ قسط 10ہزارروپے ہوگی، قرعہ اندازی سےکامیاب خوش نصیبوں کو انکا اپنا گھرفراہم کیا جائے گا۔

    معاون خصوصی نے مزید کہا کہ سرگودھامیں اس منصوبے پر کام جاری ہے، ڈی جی خان،خوشاب،میانوالی،لاہورسمیت10تحصیلوں میں جلدکام شروع ہوگا، وزیراعظم عمران خان عوام کوسستےگھرفراہم کرنے کا وعدہ وفا کررہے ہیں، عوام کا استحصال کرنے والے مخالفین اور ناقدین منہ چھپاتے پھر رہے ہیں۔

  • پی ڈی ایم کی سیاست کا محور ذاتی لالچ اور مخصوص ایجنڈا تھا: فردوس عاشق اعوان

    پی ڈی ایم کی سیاست کا محور ذاتی لالچ اور مخصوص ایجنڈا تھا: فردوس عاشق اعوان

    لاہور: وزیر اعلیٰ پنجاب کی معاون خصوصی فردوس عاشق اعوان کا کہنا ہے کہ پی ڈی ایم کی سیاست کا محور قومی سلامتی اور عوام کے مفادات نہیں بلکہ ذاتی لالچ، مفاد اور مخصوص ایجنڈا تھا۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی فردوس عاشق اعوان نے پریس کانفرنس کرتے ہوئے کہا کہ جعلی راجکماری ابو بچانے کے لیے حکومت توڑنے کے دعوے کرتی رہیں، ان کا محور قومی سلامتی اور عوام کے مفادات نہیں بلکہ ذاتی لالچ، مفاد اور مخصوص ایجنڈا تھا۔

    معاون خصوصی کا کہنا تھا کہ زرداری صاحب کی شکر گزار ہوں انہوں نے میرے بیان پر کل مہر لگا دی، میں نے یہی بات کہی تھی کہ مر سوں مر سواں ستعفیٰ نہ ڈیسوں، زرداری صاحب نے نواز شریف کی بھیانک لالچ پر مبنی سیاست کو بھانپ لیا تھا۔

    انہوں نے کہا کہ یہ اداروں کو متنازعہ بنا کر عدم استحکام کی طرف لے جانا چاہتے ہیں، پی ڈی ایم کی سیاست کا کل دھوم سے جنازہ نکلا ہے۔

    معاون خصوصی کا کہنا تھا کہ اب ہم نے اپنے حصے کا کام کرنا ہے، ہمارے سامنے سب سے بڑا چیلنج مہنگائی کا ہے، وزیر اعلیٰ پنجاب کی قیادت میں 7 ارب روپے کی سبسڈی دینے جا رہے ہیں، آٹے کے 10 کلو تھیلے پر 120 روپے کی سبسڈی اور چینی 60 روپے کلو ہوگی۔

    انہوں نے کہا کہ وزیر اعلیٰ پنجاب ہر ڈسٹرکٹ کا دورہ کرنے جا رہے ہیں، ان ڈسٹرکٹ کے 26 اضلاع میں پیکج کا اعلان ہوگا۔

    معاون خصوصی کا مزید کہنا تھا کہ پنجاب میں ویکسی نیشن کا سلسلہ بھی جاری ہے، مرحلہ وار ہر سٹیزن کو ویکسی نیشن کی سہولت فراہم کرنے جا
    رہے ہیں، ہر ضلع میں میڈیا ورکرز کو بھی ویکسین کی سہولت سے مستفید کریں گے۔

  • ایک لاکھ سے ایک کروڑتک کا آسان قرضہ : نوجوانوں کیلئے اہم خبر آگئی

    ایک لاکھ سے ایک کروڑتک کا آسان قرضہ : نوجوانوں کیلئے اہم خبر آگئی

    لاہور : معاون خصوصی برائے وزیراعلیٰ پنجاب فردوس عاشق اعوان کا کہنا ہے کہ پنجاب روزگار اسکیم کے تحت نوجوانوں کو قرض فراہمی کاآغاز کردیا ہے، اسکیم کے تحت نوجوانوں کو ایک لاکھ سےایک کروڑتک کےآسان قرض دیے جارہے ہیں۔

    تفصیلات کے مطابق معاون خصوصی برائےوزیراعلیٰ پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ بزدارحکومت کا بے روزگار نوجوانوں کو کاروبار فراہمی کی جانب اہم قدم اٹھاتے ہوئے پنجاب روزگار اسکیم کے تحت نوجوانوں کو قرض فراہمی کاآغاز کردیا ہے ، ابتدائی طور پر 400 افراد کو 18 کروڑ مالیت کے چیک دیے جا چکے ، اسکیم کے تحت نوجوانوں کو ایک لاکھ سے ایک کروڑ تک کے آسان قرض دیے جارہے ہیں۔

    فردوس عاشق اعوان کا کہنا تھا کہ مردوخواتین اورخواجہ سراؤں میں30ارب سےزائدقرضےتقسیم کیےجائیں گے، اسکیم سے وزیراعظم کے وژن روزگار کے مواقع پیدا کرنے میں مدد ملے گی۔

    معاون خصوصی نے مزید کہا پنجاب روزگاراسکیم بے روزگاری پر قابو پانے میں مدد دے گی، پی ڈی ایم کے سیاسی بے روزگاروں کی بے روزگاری میں مزید اضافہ ہوگا۔

  • ‘ملکی سیاسی تاریخ آج ایک نیا رخ اختیار کرنے جارہی ہے’

    ‘ملکی سیاسی تاریخ آج ایک نیا رخ اختیار کرنے جارہی ہے’

    لاہور : معاون خصوصی برائے اطلاعات پنجاب فردوس عاشق اعوان کا کہنا ہے کہ ملکی سیاسی تاریخ آج ایک نیا رخ اختیار کرنے جارہی ہے ، وزیراعظم اعتماد کا ووٹ حاصل کرنے میں کامیاب ہوں گے۔

    تفصیلات کے مطابق معاون خصوصی برائے اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا کہ ملکی سیاسی تاریخ آج ایک نیا رخ اختیار کرنے جارہی ہے، اپوزیشن کے مطالبے کے بغیر وزیراعظم آج اعتماد کا ووٹ لیں گے ، ماضی میں بدمست ہاتھی ایسی جرات توکیا اقتدار سے الگ ہونے کا سوچ نہ سکے۔

    فردوس عاشق اعوان کا کہنا تھا کہ وزیراعظم آج اعتماد کاووٹ حاصل کرنے میں کامیاب ہوں گے اور دو نہیں ایک پاکستان کےویژن کوعملی جامہ پہنانے کیلیے ایک نئے ولولے کے ساتھ مافیاز کے خلاف جہاد جاری رکھیں گے۔

    دوسری جانب صوبائی وزیر فیاض الحسن چوہان نے کہا ہے کہ وزیراعظم جھپٹناپلٹنا پلٹ کرجھپٹنا کی عملی تصویر ہیں، وزیراعظم نے مشکل وقت میں غیرمعمولی فیصلہ کیاہے، پی ٹی آئی اقتدارمیں عوامی خدمت،نظام کی تبدیلی کےلیےآئی۔

    فیاض الحسن چوہان کا کہنا تھا کہ پارلیمان اعتمادکےووٹ سےوزیراعظم کافیصلہ درست ثابت کریں گے ، اپوزیشن نےبائیکاٹ کااعلان کرکے غیرجمہوری اقدارکوفروغ دیا۔

    خیال رہے وزیراعظم عمران خان آج قومی اسمبلی سے اعتماد کا ووٹ لیں گے ، ارکان اسمبلی کی پارلیمنٹ ہاؤس آمد کا سلسلہ جاری ہے۔

  • میں حفیظ شیخ کی فتح کا اعلان کرنے آئی ہوں ،فردوس عاشق

    میں حفیظ شیخ کی فتح کا اعلان کرنے آئی ہوں ،فردوس عاشق

    اسلام آباد : : معاون خصوصی فردوس عاشق اعوان نے کہا ہے کہ پاکستان کی سیاست میں نوٹ کی سیاست دفن ہونے جارہی ہے،  میں حفیظ شیخ کی فتح کا اعلان کرنے آئی ہوں۔

    یہ بات انہوں نے پارلیمنٹ ہاؤس کے باہر میڈیا سے گفتگو کرتے ہوئے کہی، انہوں نے کہا کہ سینیٹ انتخاب کی ووٹنگ کے نتائج سے حقیقت سامنے آئے گی، پاکستان کی سیاست میں نوٹ کی سیاست دفن ہونے جارہی ہے۔

    فردوس عاشق اعوان نے کہا کہ مخالفین سینیٹ میں ہاری ہوئی بازی کے لیے ہاتھ پاؤں مار رہے ہیں، ہر آنے والا دن عمران خان کے مؤقف کو درست ثابت کررہا ہے، پی ڈی ایم کے پلیٹ فارم سے کرپشن کے بت بے نقاب ہوں گے۔

    ان کا کہنا تھا کہ ووٹ کو عزت دینے والوں نے وقت آنے پر پسپائی اختیار کی، ایوان کے لیے چھترا منڈی لگائی گئی
    سینیٹ کی سیٹ کے لیے پیپلزپارٹی نے جمہوریت کو نقصان پہنچایا۔

    معاون خصوصی کا کہنا تھا کہ ووٹوں کی خریداری والی ویڈیو کے بعد جاتی امرا میں خاموشی چھائی ہوئی ہے اور ،راج کماری صاحبہ کا ٹوئٹر بھی خاموش ہے۔

    فردوس عاشق اعوان نے کہا کہ میں حفیظ شیخ کی فتح کا اعلان کرنے آئی ہوں ایک بہن ہونے کی حیثیت سے دعا دینے آئی ہوں۔ حفیظ شیخ پاکستان کا خوبصورت درخشاں چہرہ ہے۔

    انہوں نے کہا کہ حفیظ شیخ پاکستان کو مشکلات سے باہر نکالنے میں کامیاب ہوئے۔وہ صرف پی ٹی آئی کی ہی نہیں ملک کی بھی ضرورت ہے۔

    فردوس عاشق اعوان کا مزید کہنا تھا کہ معاشی محاذ پر جو کمانڈر کھڑا ہے اسے طاقت دینے کی ضرورت ہے ووٹوں کی طاقت ان کا اسلحہ بارود ثابت ہوگا۔ ووٹوں کی طاقت کومعاشی محاذ پر عوام کی بہتری کیلئےاستعمال کریں گے۔

  • ‘عوامی دولت اور وسائل کا محافظ عمران خان ملک کا سربراہ ہے’

    ‘عوامی دولت اور وسائل کا محافظ عمران خان ملک کا سربراہ ہے’

    لاہور : معاون خصوصی اطلاعات پنجاب فردوس عاشق اعوان کا کہنا ہے کہ سرکاری اخراجات میں ریکارڈ کمی اس بات کی عکاس ہے کہ عوامی دولت اور وسائل کا محافظ عمران خان ملک کا سربراہ ہے۔

    تفصیلات کے مطابق معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ وزیر اعظم نے کفایت شعاری کاسلسلہ اپنی ذات سےشروع کیا ، وزیراعظم آفس کے اخراجات میں 29 فیصد اور وزیراعظم ہاؤس کے اخراجات میں 49 فیصد کمی ہوئی، کفایت شعاری کاسلسلہ وزیر اعظم ہاؤس، آفس تک محدود نہیں ، وفاقی وصوبائی کابینہ اراکین بھی کفایت شعاری مہم پرعمل پیرا ہیں، فضول خرچیوں کے بغیر بھی امور سلطنت انجام دیے جاسکتے ہیں۔

    فردوس عاشق اعوان کا کہنا تھا کہ سرکاری اخراجات میں ریکارڈ کمی اس بات کی عکاس ہے کہ عوامی دولت اور وسائل کا محافظ عمران خان ملک کا سربراہ ہے۔ جبکہ ذاتی مفادات کے پجاری ماضی کے حکمران کیمپ آفسز کے نام پر درندوں کی طرح بے رحمی سے قومی وسائل اور دولت لوٹتے رہے۔

    خیال رہے پی ٹی آئی حکومت کے کفایت شعاری مہم کے نتائج سامنے آنے کا سلسلہ جاری ہے، وزیر اعظم کی کفایت شعاری مہم کے نتیجے میں مختلف اداروں اور گورنمنٹ ہاؤسز میں بڑے پیمانے پر بچت ہو رہی ہے۔

    ترجمانوں کے اجلاس میں بتایا گیا تھا کہ وزیر اعظم آفس اور وزیر اعظم ہاؤس میں اخراجات کی مد میں کروڑوں روپے بچائے گئے ہیں، وزیر اعظم مشکل معاشی حالات میں اخراجات 49 فی صد تک کم کرنے میں کامیاب ہو گئے۔

    وزیر اعظم نے صواب دیدی اختیارات کے تحت نہ کوئی تحائف دیے نہ کیش ایوارڈز، اس وقت وزیر اعظم ہاؤس کے اخراجات 180 ملین روپے تک کم ہو چکے ہیں۔

  • ‘ن لیگ ضمنی انتخابات کے ساتھ سینیٹ الیکشن میں بھی سرپرائزکیلئے تیار رہے’

    ‘ن لیگ ضمنی انتخابات کے ساتھ سینیٹ الیکشن میں بھی سرپرائزکیلئے تیار رہے’

    لاہور : معاون خصوصی اطلاعات پنجاب فردوس عاشق اعوان کا کہنا ہے کہ ن لیگ ضمنی انتخابات کے ساتھ سینیٹ الیکشن میں بھی سرپرائز کیلئے تیار رہے۔

    تفصیلات کے مطابق معاون خصوصی اطلاعات پنجاب فردوس عاشق اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ ڈسکہ ضمنی الیکشن مہم میں”ن لیگ کی پہچان منفی سیاست” عروج پر ہے ، مجرموں اورقبضہ مافیاکےخلاف کارروائیوں کو سیاسی رنگ اور قوع پذیر نہ ہونےوالےواقعےکوعطاتارڑکی گرفتاری قراردیا دے کر مظلوم بننے اور پولیس کو بدنام کرنے کی کوشش کی جارہی ہے۔

    فردوس عاشق اعوان کا کہنا تھا کہ ن لیگ کان کھول کرسن لے،عوام اورحکومت اوچھےہتھکنڈوں سےمرعوب نہ ہوں گے اور بھونڈی حرکتوں سے کرپٹ لیگ مزیدخود کو بےنقاب کرے گی، ن لیگ ضمنی انتخابات کے ساتھ سینیٹ الیکشن میں بھی سرپرائزکیلئےتیار رہے۔

  • ‘سینیٹ الیکشن پر وزیراعظم سرخرو ہوں گے’

    ‘سینیٹ الیکشن پر وزیراعظم سرخرو ہوں گے’

    لاہور: معاون خصوصی برائے اطلاعات پنجاب فردوس عاشق اعوان کا کہنا ہے کہ سینیٹ الیکشن پروزیراعظم سرخروہوں گے اور سینیٹ میں ہم مطلوبہ سے زائد نشتیں لیں گے۔

    تفصیلات کے مطابق وزیراعلیٰ پنجاب کی معاون خصوصی برائے اطلاعات پنجاب فردوس عاشق اعوان نے اپنے بیان میں کہا ہے کہ 31جنوری تک انہوں نے وزیراعظم کو گھر بھیجنے کی بات کی، ان کا نوٹس میڈیا سے ملالیکن نوٹس ملیا ککھ نہ ہلیا، یہ لوگ حکومت پرنہیں ایک دوسرے پرعدم اعتماد کر رہے ہیں۔

    سینیٹ انتخابات سے متعلق فردوس عاشق اعوان کا کہنا تھا کہ سینیٹ الیکشن پروزیراعظم سرخروہوں گے، اپوزیشن کےرویے ان کے اندرکی کہانی بیان کریں گے، سینیٹ میں ہم مطلوبہ سے زائد نشتیں لیں گے۔

    اپوزیشن کے حوالے سے معاون خصوصی برائے اطلاعات پنجاب نے کہا ہے کہ ان کی صفوں میں اختلاف ہے جوان کو لے ڈوبےگا، ان کے رنگ بدلتے بیانیے ان کو تباہ وبرباد کر دیں گے، جوکاز کے لیے جیتے ہیں وہ ہمیشہ عوام کےدلوں میں جیتےہیں اور ذات کےلیےجینے والے لندن کے محلوں میں رہتے ہیں، لندن کے محلوں میں رہنے والے عوام کے دلوں میں مرجاتے ہیں۔

    ان کا کہنا تھا کہ ہرشعبے کے اندر اچھے برے ہوتے ہیں دانستہ یا نادانستہ غلطی کی تحقیقات ہوں گی ، ہم حکومت کی ساکھ پر کوئی حرف نہیں آنے دیں گے، عوامی نمائندہ عوام کے مزاج سمجھتا ہے، اسے عوام کی طاقت پریقین ہوتا ہے۔

    فردوس عاشق اعوان نے مزید کہا کہ یہ لوگ زمین پرآچکےہیں اب یہ زیرزمین جائیں گے، قوم جانتی ہے کہ تاریخی یوٹرن کے بعد مولانا کا سافٹ ویئراپ ڈیٹ ہو چکا ہے۔

  • "وزیراعظم کی درست معاشی پالیسیاں کرپٹ سیاستدانوں کے منہ پر طمانچہ ہے”

    "وزیراعظم کی درست معاشی پالیسیاں کرپٹ سیاستدانوں کے منہ پر طمانچہ ہے”

    لاہور: معاون خصوصی وزیراعلیٰ پنجاب فردوس عاشق اعوان نے ٹریکٹرز کی فروخت میں 43فیصداضافہ اور اسٹاک مارکیٹ میں ریکارڈ بہتری کو کرپٹ سیاستدانوں کے منہ پر طمانچہ قرار دیا ہے۔

    تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں معاون خصوصی وزیراعلیٰ پنجاب فردوس عاشق اعوان نے کہا کہ دو ہزار انیس ،بیس میں 15200کےمقابلےمیں21800یونٹس ٹریکٹرز کی فروخت وزیراعظم کی درست معاشی پالیسیوں کی عکاس ہے، جو زرعی پیداوار،زرمبادلہ میں اضافے،کسان کی خوشحالی میں مددگار ثابت ہوگا۔

    فردوس عاشق اعوان نے اپنے ٹوئٹ میں کہا کہ پی ایس ایکس جنوری2020میں دنیاکی ساتویں بہترین مارکیٹ بن کر سامنےآئی، وزیراعظم عمران خان کی قیادت میں تحریک انصاف حکومت کی معاشی کامیابیاں مفاد پرست اور کرپٹ سیاستدانوں کے منہ پر زناٹے دار طمانچہ ہے۔

    انتیس جنوری کو سماجی رابطے کی ویب سائٹ ٹوئٹر پر جاری اپنے بیان میں مشیر تجارت رزاق داؤد کا کہنا تھا کہ ٹریکٹر کی صنعت برآمدی شعبےکی نمایاں صنعت ہے، مجھے خوشی ہے کہ مالی سال 2020-21 کے پہلے چھ ماہ میں فروخت ہونے والے ٹریکٹروں کی تعداد 43 فیصد اضافے سے 21،800 یونٹس ہوگئی جبکہ مالی سال 2019۔20 کے اسی عرصے میں فروخت شدہ 15،200 یونٹ تھی، جو گذشتہ سال کے مقابلے میں 6،600 یونٹ زائد ہے۔

     

  • پنجاب حکومت کے لائیو اسٹاک سیکٹر کے لیے اہم اقدامات

    پنجاب حکومت کے لائیو اسٹاک سیکٹر کے لیے اہم اقدامات

    لاہور: وزیر اعلیٰ پنجاب کی معاون خصوصی ڈاکٹر فردوس عاشق اعوان نے لائیو اسٹاک سیکٹر کے لیے اقدامات کی تفصیلات شیئر کردیں، ان کے مطابق دیہی خواتین کو لائیو اسٹاک کے بارے میں آگاہی فراہم کرنے کے لیے 50 سے زائد تربیتی پروگرام مکمل کیے گئے۔

    تفصیلات کے مطابق وزیر اعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ ماضی کے حکمران مفید جانوروں کی افزائش نسل کے بجائے اپنے اکاؤنٹس اور جائیدادوں کی افزائش کرتے رہے۔

    معاون خصوصی کا کہنا تھا کہ ظالموں نے نہ فصلوں کو بخشا اور نہ جانوروں کی نسلوں کو، بزدار حکومت لائیو سٹاک سیکٹر سے جڑے لاکھوں افراد کی خدمت اور سہولیات کی فراہمی کے لیے دن رات کوشاں ہے۔

    فردوس عاشق اعوان نے لائیو اسٹاک سیکٹر کے لیے اقدامات کی تفصیلات شیئر کردیں جن میں مندرجہ ذیل اقدامات شامل ہیں۔

    دیہی خواتین کو لائیو اسٹاک کے بارے میں آگاہی فراہم کرنے کے لیے 50 سے زائد تربیتی پروگرام مکمل، کٹرا بچاؤ پروگرام کے تحت 9 ہزار 940 کٹروں کی رجسٹریشن، کٹرا فربہ پروگرام کے لیے 13 ہزار جانوروں کی رجسٹریشن۔

    ان میں گائے، بھینسوں اور مرغیوں میں پائی جانے والی بیماریوں کے تدارک کے لیے لائیو اسٹاک پاپولیشن کو مفت حفاظتی ٹیکوں کی فراہمی، مویشی پالنے والے افراد کی کپیسٹی بلڈنگ کے لیے موبائل ویٹرنری ڈسپنسریز، موبائل ٹریننگ اسکول بسز اور ویٹرنری ہسپتالوں کے لیے اہداف شامل ہیں۔

    لائیو اسٹاک سیکٹر سے جڑی کاروباری سرگرمیوں اور برآمدات کے بین الاقوامی معیار کو یقینی بنانے کے لیے اقدامات، مٹن کی پیداوار بڑھانے کے سلسلے میں بھیڑ اور بکریوں کے لیے ویکسین کی فراہمی، ویٹرنری اداروں میں الٹرا سونو گرافک اور سرجیکل سہولیات کی فراہمی بھی شامل ہیں۔

    معاون خصوصی کے مطابق لائیو اسٹاک سیکٹر میں جدت اور بہتری کے لیے بزدارحکومت نے جو انقلابی اقدامات کیے ان میں لائیو اسٹاک پالیسی اور اینیمل ہیلتھ ایکٹ 2020 کا اجرا، ہیلپ لائن 78686-0800 کی تجدید، اسمارٹ ایپ کے ذریعے مانیٹرنگ، کسانوں کی آگاہی کے لیے ریڈیو سیشنز اور مرغبانی کے فروغ کے لیے 3 ہزار 180 پولٹری یونٹس کی تقسیم بھی شامل ہے۔