ARYNews.tv | Urdu – Har Lamha Bakhabar

Tag: Firdous ashiq awan

  • بجٹ کی منظوری اپوزیشن کی شکست ہے، فردوس عاشق اعوان

    بجٹ کی منظوری اپوزیشن کی شکست ہے، فردوس عاشق اعوان

    اسلام آباد : معاون خصوصی برائے اطلاعات و نشریات فردوس عاشق اعوان نے کہا بجٹ کی منظوری اپوزیشن کی شکست ہے ، وزیراعظم کی قیادت میں روشن مستقبل کے جدوجہد رنگ لائے گی۔

    تفصیلات کے مطابق معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا بجٹ کی منظوری اپوزیشن کی شکست ہے، حکومت ملک وقوم کے مفاد میں ہر قدم اٹھائے گی، اپوزیشن کو ہر محاذ پر شکست ہو گی۔

    فردوس عاشق اعوان کا کہنا تھا عوام کی حکومت عوام کےروشن مستقبل کےلیےجراتمند فیصلے کررہی ہے، وزیراعظم کی قیادت میں روشن مستقبل کے جدوجہد رنگ لائے گی۔

    معاون خصوصی برائے اطلاعات نے ایک اور ٹوئٹ میں کہا بجٹ خوشحال، خودانحصار اورترقی یافتہ پاکستان کی منزل کی طرف قدم ہے، آنے والے ماہ وسال قوم اور ملک کو ترقی کی منزل سے ہمکنار کریں، عوام کی خوشحالی کا نصب العین حاصل کرکے رہیں گے۔

    گذشتہ روز معاون خصوصی فردوس عاشق اعوان کا کہنا تھا قومی سلامتی اوردفاع کےساتھ جڑےبجٹ کی منظوری خوش آئندہے، اپوزیشن کی گیڈربھبکیوں کےباوجودوفاقی بجٹ خوش اسلوبی سےمنظورہوا، اتحادیوں کیساتھ ملکر بھرپور اکثریت سےبجٹ منظور کرایاگیا۔

    انھوں نے کہا کہ بجٹ منظوری میں تعاون پراتحادی جماعتوں کےمشکورہیں، 70 گھنٹے سے زیادہ جاری رہنے والا پاکستان کی تاریخ کا طویل ترین بجٹ اجلاس تھا، اپوزیشن نےبجٹ کی منظوری میں رکاوٹ بننےکیلئےتمام حربےآزمائے اور وزیراعظم کےایوان میں موجود کھلاڑیوں نےاپوزیشن کی ہرچال ناکام بنائی۔

    فردوس عاشق اعوان کا کہنا تھا بجٹ منظوری کے بعد اپوزیشن کے غبارے سے ہوا نکل چکی ہے ، بجٹ منظوری عوامی نمائندوں کا عمران خان کے وژن پر بھرپور اعتماد کا مظہر ہے ، عوامی ، معاشی مسائل کے حل کیلئے اپوزیشن حکومت کیساتھ تعاون کرے، عوام کی امیدوں کے مطابق پارلیمان کو مضبوط بنانے کیلئے پر عزم ہیں۔

  • آرمی چیف کا بیان ان کے وژن کی ترجمانی کرتا ہے: فردوس عاشق اعوان

    آرمی چیف کا بیان ان کے وژن کی ترجمانی کرتا ہے: فردوس عاشق اعوان

    اسلام آباد: معاون خصوصی برائے اطلاعات و نشریات فردوس عاشق اعوان کا کہنا ہے کہ آرمی چیف کا بیان ان کے وژن کی ترجمانی کرتا ہے، قوم کے لیے جان کی قربانیاں دینے والے سے زیادہ خیر خواہ کون ہو سکتا ہے، متحد ہو کر مشکل حالات سے نکلنا ہوگا۔

    تفصیلات کے مطابق معاون خصوصی برائے اطلاعات و نشریات فردوس عاشق اعوان نے آرمی چیف جنرل قمر جاوید باجوہ کے بیان پر ردعمل دیتے ہوئے کہ آرمی چیف کا بیان ان کے وژن کی ترجمانی کرتا ہے، کسی بھی ملک کی قومی سلامتی مالی خود مختاری پر منحصر ہے۔

    اے آر وائی نیوز سے خصوصی گفتگو کرتے ہوئے فردوس عاشق اعوان کا کہنا تھا کہ ہمیں اپنے پاؤں پر کھڑا کرنے میں سب سے بڑا کردار قوم کا ہے، ریاست کا فرض ہے عوام کو سہولتیں ان کے دروازے پر دینا، اپنے حقوق کے لیے فرائض کو ساتھ جوڑنا پڑے گا۔

    انہوں نے کہا کہ قوم متحد ہو کر مشکل سے نکل سکتی ہے، بیساکھیوں کو چھوڑ کر اپنے پاؤں پر کھڑا ہونے پڑے گا۔ فوج نے سب سے پہلے اپنا حصہ ڈالا۔ پاک فوج کی جانب سے قوم کے لیے قربانیاں دی گئیں۔

    معاون خصوصی کا مزید کہنا تھا کہ قوم کے لیے جان کی قربانیاں دینے والے سے زیادہ خیر خواہ کون ہو سکتا ہے، متحد ہو کر مشکل حالات سے نکلنا ہوگا۔ مشکل معاشی حالات میں بھی پاک فوج نے اپنا حصہ ڈالا۔

    خیال رہے کہ آرمی چیف جنرل قمر جاوید باجوہ نے قومی معیشت پر نیشنل ڈیفنس یونیورسٹی میں سیمینار سے خطاب کرتے ہوئے کہا تھا کہ ملکی استحکام معاشی خود مختاری کے بغیر ممکن نہیں۔

    جنرل قمر جاوید باجوہ کا کہنا تھا کہ ہم اس وقت مشکل معاشی صورتحال سے گزر رہے ہیں، ہم سب کو اپنی ذمے داریاں نبھانے کی ضرورت ہے تاکہ مشکل حکومتی اقدامات کامیاب ہوسکیں۔ وقت آگیا ہے کہ ہمیں ایک قوم بن کر سوچنا ہوگا۔

    آرمی چیف نے مزید کہا تھا کہ معاشی خود مختاری کے بغیر کوئی دوسری خود مختاری ممکن نہیں، ملک نہیں بلکہ خطے ترقی کرتے ہیں، معاشی کاوشیں کامیاب بنانے کے لیے سب کو ذمے داری پوری کرنا ہوگی۔

  • اے پی سی میں انکوائری کمیشن کی مخالفت حساب نہ دینے کا بہانہ ہے، فردوس عاشق اعوان

    اے پی سی میں انکوائری کمیشن کی مخالفت حساب نہ دینے کا بہانہ ہے، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا ہے اےپی سی میں انکوائری کمیشن کی مخالفت حساب نہ دینے کا بہانہ ہے اور نیشنل ڈویلپمنٹ کونسل کو مسترد کرنا قومی ترقی کے عمل میں رکاوٹ بننے کے مترادف ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا اےپی سی میں انکوائری کمیشن کی مخالفت حساب نہ دینے کا بہانہ ہے، یہ قرضوں کے حقائق عوام سے چھپانا چاہتے ہیں، نیشنل ڈویلپمنٹ کونسل کو مسترد کرنا قومی ترقی کے عمل میں رکاوٹ بننے کے مترادف ہے، یہ نیشنل ڈویلپمنٹ نہیں صرف پرسنل ڈویلپمنٹ چاہتے ہیں۔

    گذشتہ روز اے پی سی کے بعد اپوزیشن رہنماﺅں کی مشترکہ پریس کانفرنس کے رد عمل میں صحافیوں سے گفتگو کرتے ہوئے فردوس عاشق اعوان کا کہنا تھا ے پی سی میں خواہشات کے تابع پتلی تماشا چلتا رہا، سب نے دیکھ لیا ہے کہ حکومت گرانے کی دھمکیاں دینے والے ایک بیانیہ پر متفق نہیں ہوسکے، اپوزیشن رہنماؤں نے کرپشن لفظ کے ساتھ انصاف نہیں کیا۔

    مزید پڑھیں : اپوزیشن کو کوششوں کے باوجود اقتدار کا چاند نظر نہیں آیا، فردوس عاشق اعوان

    ان کا کہنا تھا ملک کو اس نہج پر پہنچانے والے10ماہ کی حکومت پربول رہے ہیں، کہتے تھے کہ بجٹ عوام دشمن ہیں اسے منظور نہیں ہونےدیں گے، یہ بجٹ منظور ہوگا اس کے ساتھ سلامتی اور ملکی دفاع جڑا ہے، یہ بجٹ ضرور منظور ہوگا کیوں کہ اس کے ساتھ اپوزیشن کی دال روٹی بھی جڑی ہے، بجٹ پاس نہ ہوا تو اپوزیشن ارکان کی دال روٹی بند ہوجائے گی۔

    واضح رہے کہ اے پی سی کے بعد اپوزیشن رہنماﺅں کے ساتھ مشترکہ پریس کانفرنس کرتے ہوئے مولانا فضل الرحمان نے کہا تھا کہ25جولائی کو یوم سیاہ منایا جائے گا، عوامی رابطہ مہم شروع کرنے کا اعلان کیا گیا، اے پی سی کے فیصلوں پر عمل در آمد کیلئے رہبر کمیٹی تشکیل دیدی گئی ہے، اس کے علاوہ چیئرمین سینیٹ کو ہٹانے کا فیصلہ کیا گیا۔

  • اپوزیشن کو کوششوں کے باوجود اقتدار کا چاند نظر نہیں آیا، فردوس عاشق اعوان

    اپوزیشن کو کوششوں کے باوجود اقتدار کا چاند نظر نہیں آیا، فردوس عاشق اعوان

    اسلام آباد : وزیراعظم کی معاون خصوصی برائے اطلاعات فردوس عاشق اعوان نے کہا ہے کہ اے پی سی ناکام ہوگئی، اپوزیشن کو بھرپور کوششوں کے باوجود اقتدار کا چاند نظر نہیں آیا۔

    تفصیلات کے مطابق فردوس عاشق اعوان  نے ان خیالات کا اظہار اے پی سی کے بعد اپوزیشن رہنماﺅں کی مشترکہ پریس کانفرنس کے رد عمل میں صحافیوں سے گفتگو کرتے ہوئے کیا، انہوں نے کہا کہ اے پی سی مسلسل دس گھنٹے جاری رہنے کے بعد ناکام ہوگئی۔

     ان کا کہنا تھا کہ اے پی سی میں خواہشات کے تابع پتلی تماشا چلتا رہا، سب نے دیکھ لیا ہے کہ حکومت گرانے کی دھمکیاں دینے والے ایک بیانیے پر متفق نہیں ہوسکے، اپوزیشن رہنماؤں نے کرپشن لفظ کے ساتھ انصاف نہیں کیا۔

     ان کا مزید کہنا تھا کہ امید تھی کہ اے پی سی ایجنڈے میں ٹارگٹڈ جھلک نظر آئے گی مگر اعلامیہ میں کرپشن کا لفظ تک نہیں ہے۔ جن کی بقا کرپشن سے جڑی ہو اس کےخاتمے کیلئے لائحہ عمل نہیں لایا گیا۔

     فردوس عاشق اعوان کا کہنا تھا کہ سیاسی گرو مولان فضل االرحمٰن کو بجٹ کے اندر بھی بےتحاشا نقائص اور پورے نظام میں خامیاں نظرآئیں، اے پی سی والوں نے الیکشن کمیشن پر عدم اعتماد کا اظہارکیا، دھاندلی کا خیال تب آیا جب احتساب کا شکنجہ ان کی گردنوں کے قریب ہے، پارلیمنٹ میں خاموش رہنے والوں نے اے پی سی میں زبان درازی کی۔

    انہوں نے کہا کہ الیکٹڈ، سلیکٹڈ کے بعد ریجیکڈڈ کی بات بھی ہونی چاہئے اور ایک سیاسی لیڈر ایسا بھی ہے جو پیدائشی طور پر ڈی فیکٹڈ ہے بھی ، اس سیریز کو آگے بھی جانا چاہئے۔

    ملک کو اس نہج پر پہنچانے والے10ماہ کی حکومت پربول رہے ہیں، کہتے تھے کہ بجٹ عوام دشمن ہے اسے منظور نہیں ہونےدیں گے، یہ بجٹ منظور ہوگا اس کے ساتھ سلامتی اور ملکی دفاع جڑا ہے، یہ بجٹ ضرور منظور ہوگا کیوں کہ اس کے ساتھ اپوزیشن کی دال روٹی بھی جڑی ہے، بجٹ پاس نہ ہوا تو اپوزیشن ارکان کی دال روٹی بند ہوجائے گی

    واضح رہے کہ اے پی سی کے بعد اپوزیشن رہنماﺅں کے ساتھ مشترکہ پریس کانفرنس کرتے ہوئے مولانا فضل الرحمان نے کہا تھا کہ25جولائی کو یوم سیاہ منایا جائے گا، عوامی رابطہ مہم شروع کرنے کا اعلان کیا گیا، اے پی سی کے فیصلوں پر عمل در آمد کیلئے رہبر کمیٹی تشکیل دیدی گئی ہے، اس کے علاوہ چیئرمین سینیٹ کو ہٹانے کا فیصلہ کیا گیا۔

  • اے پی سی کاٹھ کی ہنڈیا ہے، بیچ چوراہے پھوٹے گی: فردوس عاشق اعوان

    اے پی سی کاٹھ کی ہنڈیا ہے، بیچ چوراہے پھوٹے گی: فردوس عاشق اعوان

    اسلام آباد: معاون خصوصی برائے اطلاعات و نشریات فردوس عاشق اعوان کا کہنا ہے کہ اے پی سی کاٹھ کی ہنڈیا ہے، بیچ چوراہے پھوٹے گی۔ اے پی سی کی ناکامی کے بعد مولانا صاحب خود کو دین کی خدمت کے لیے وقف کر دیں۔

    تفصیلات کے مطابق معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ آل پارٹیز کانفرنس (اے پی سی) کی شاہکار فلم اسکرین پر آنے سے پہلے ہی اتر گئی، مفادات کی قیدی قیادت ہر مرتبہ مولانا کو بلا کر ان کی کرسی کھینچ لیتی ہے۔

    معاون خصوصی نے کہا کہ مولانا صاحب سے دلی ہمدردی ہے کیونکہ اپوزیشن کے ناتواں کندھے ان کی سیاسی محرومی کا بوجھ اٹھانے کو تیار نہیں۔ حکومت کو اپوزیشن سے کوئی خطرہ نہیں، اپوزیشن کو اپوزیشن سے خطرہ ہے۔ اے پی سی کاٹھ کی ہنڈیا ہے، بیچ چوراہے پھوٹے گی۔

    اپنے ٹویٹ میں انہوں نے مزید کہا کہ مولانا فضل الرحمٰن کے اس منصوبے کا نتیجہ وہی نکلے گا جو ان کے الیکشن ایڈونچر کا نکلا تھا۔ اے پی سی کی ناکامی کے بعد مولانا صاحب آئندہ چار سال کے لیے خود کو صرف دین کی خدمت کے لیے وقف کر دیں۔

    اس سے قبل معاون خصوصی کا کہنا تھا کہ اپوزیشن کی اے پی سی میں توجہ صرف کھانے پینے پر ہوگی، اپنے دکھ درد سنانے کے لیے فضل الرحمٰن نے اے پی سی رکھی ہے۔

    انہوں نے کہا تھا کہ دو خاندان نسل در نسل پاکستان پر حکمرانی کرتے چلے آرہے ہیں، یہ کہتےہیں کہ یہ دو خاندان نہیں تو کسی کی بھی حکمرانی نہیں ہونی چاہیئے۔

  • ملک میں یکساں انصاف کی فراہمی پی ٹی آئی کا بڑا ایجنڈا ہے، فردوس عاشق اعوان

    ملک میں یکساں انصاف کی فراہمی پی ٹی آئی کا بڑا ایجنڈا ہے، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ پی ٹی آئی کا بڑا ایجنڈا یہی ہے کہ ملک میں یکساں انصاف فراہم ہو، حکومت میں سسٹم کو بدلنے آئے ہیں۔

    ان خیالات کااظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، انہوں نے کہا کہ راناثناءاللہ آج کل اپنا فرمان جاری کررہے ہیں۔

    ان کا بیان اپنی ذات پر عدم اعتماد کا اظہار ہے، رانا ثناءاللہ کہتے ہیں کہ نیا الیکشن ہو اور عوام کی حقیقی نمائندگی آئے، انہیں عوام کی آواز تب سنائی دی جب وہ الیکشن ہار گئے کیا، جہاں ان کی جماعت ہاری وہاں پر سلیکشن ہوئی؟

    انہوں نے کہا کہ دو خاندان نسل درنسل پاکستان پر حکمرانی کرتے چلے آرہے ہیں، یہ کہتےہیں کہ یہ دو خاندان نہیں تو کسی کی بھی حکمرانی نہیں ہونی چاہیے، پی ٹی آئی کا بڑا ایجنڈا یہی ہے کہ ملک میں یکساں انصاف فراہم ہو۔

    ایک سوال کے جواب میں فردوس عاشق اعوان کا کہناتھا کہ میں مانتی ہوں کہ کافی باتوں کی نشاندہی کی گئی جسے دیکھنےکی ضرورت ہے، حکومت میں سسٹم کو بدلنےآئے ہیں، حکومت کے پاس غلطیوں کی گنجائش بہت کم ہے۔

    رزاق داؤد ایشو پرمجھ سےکہا گیا کہ آپ شیئر کریں ان کا کمپنیوں سے تعلق نہیں، مراد سعید نے بتایا ہے کہ وزیراعظم عمران خان کا جہاز کہاں کہاں استعمال ہوا؟
    فردوس عاشق اعوان نے مزید کہا کہ کس نے ان کو کہا تھا کہ ایک شخص کے دل کے علاج پر32کروڑ خرچ کریں، علاج کیلئے قوم کے پیسوں سے777بوئنگ لے کر پھرتے رہے، انکوائری کمیشن بننے کے بعد اب نیا بیانیہ سامنے آیا ہے، انکوائری کمیشن بنتے ہی ایک دم سے انہیں اے پی سی بلانی یاد آئی۔

    عمران خان کا قوم سے وعدہ ہے کہ ان کےلوٹے گئے پیسےواپس آئیں گے، حفیظ شیخ کو اس وقت کے وزیراعظم ہدایات دیتے تھے، پاورفل لوگوں کا مجھ سے لینا دینا نہیں، پی ٹی آئی کی چھوٹی سی کارکن ہوں۔

  • وزیراعظم عمران خان کاروباری افراد کوسہولت دینا چاہتے ہیں، فردوس عاشق اعوان

    وزیراعظم عمران خان کاروباری افراد کوسہولت دینا چاہتے ہیں، فردوس عاشق اعوان

    اسلام آباد: معاون خصوصی برائےاطلاعات فردوس عاشق اعوان کا کہنا ہے کہ نئے پاکستان کی آسانیاں پوری قوم کے حصے میں آئیں گی۔

    تفصیلات کے مطابق سماجی رابطے کی ویب سائٹ ٹویٹر پر اپنے پیغام میں فردوس عاشق اعوان نے کہا کہ وزیراعظم کاروباری افراد کو سہولت دینا چاہتے ہیں، کاروباری افراد کوغیرضروری چکروں سے نجات کا پروگرام بنایا جا رہا ہے۔

    فردوس عاشق اعوان نے کہا کہ کرپشن فری اور لال فیتے کی رکاوٹوں سے نجات ملنے جارہی ہے، اقدام حکومت کے اصلاحاتی ایجنڈے کا اہم جزو ہے۔

    معاون خصوصی برائےاطلاعات نے کہا کہ پرانے فریم ورک میں تبدیلی کا مقصد کاروباری طبقے کو آسانیاں دینا ہے، اقدام سے ملک میں سرمایہ کاری کو فروغ حاصل ہوگا، نئے پاکستان کی آسانیاں پوری قوم کے حصے میں آئیں گی۔

    فردوس عاشق اعوان نے کہا کہ جدید اقدامات کا پروگرام ریگولیٹری ماڈرنائزیشن ٹھوس قدم ہے، اقدام پرمٹ، اور اجازت ناموں کے حصول پر اہم پیش رفت ہے، اقدام سے چھوٹی اوردرمیانی کمپنیاں مستفید ہوسکیں گی۔

    ترقی کے لیے کرپشن فری ملک اورسوسائٹی ضروری ہے، فردوس عاشق اعوان

    یاد رہے کہ 21 جون کو معاون خصوصی برائے اطلاعات فردوس عاشق اعوان کا کہنا تھا کہ پاکستان کا وجود کرپشن زدہ ہونے کی وجہ سے خطرے میں ہے۔

  • سلیکٹڈکہنا صرف وزیراعظم کی نہیں پورے ایوان کی توہین ہیں، فردوس عاشق اعوان

    سلیکٹڈکہنا صرف وزیراعظم کی نہیں پورے ایوان کی توہین ہیں، فردوس عاشق اعوان

    اسلام آباد : معاون خصوصی برائےاطلاعات فردوس عاشق اعوان نے کہا سلیکٹڈکہنا صرف وزیراعظم کی نہیں پورےایوان کی توہین ہیں ، قطر نے پاکستان  میں 3ارب ڈالرکی سرمایہ کاری کااعلان کیا ہے، بہت جلد پاکستان دنیا میں اپنا کھویا ہوا مقام حاصل کر لے گا۔

    تفصیلات کے مطابق معاون خصوصی برائےاطلاعات فردوس عاشق اعوان نے صحافیوں سےگفتگو کرتے ہوئے کہا اپوزیشن جہاں سےجیتی ہےوہاں الیکشن جہاں ہارگئی وہ سلیکشن، اپوزیشن ہمیشہ کی طرح دوبیانیےمیں کنفیوژہے، عوام کےووٹوں سےمنتخب ایم این ایز نے وزیراعظم کومنتخب کیا، سلیکٹڈکہنا صرف وزیراعظم کی نہیں پورےایوان کی توہین ہیں۔

    معاون خصوصی برائےاطلاعات کا کہنا تھا ایوان کا تقدس برقرار رکھنے کیلئے ڈپٹی اسپیکر نے لفظ پر پابندی لگائی،اسپیکر اس ہاؤس کی بالادستی کی جنگ لڑرہا ہے، ووٹ کوعزت دوصرف گلی محلے کے لیے ایوان کے لیے نہیں؟

    فردوس عاشق اعوان نے کہا اپوزیشن کی اے پی سی میں توجہ صرف کھانے پینے پر ہوگی، اپنے دکھ درد سنانے کے لیے فضل الرحمان نے اے پی سی رکھی، فضل الرحمان جو اسمبلی سے باہر ہیں ہمیں ان سے ہمدردی ہے۔

    اپنے دکھ درد سنانے کے لیے فضل الرحمان نے اے پی سی رکھی

    ان کا کہنا تھا ماضی میں دباؤ ڈال کرپی ٹی آئی مخالف اشتہارچلائےگئے، ہم نئی اشتہاری پالیسی میں بہت سی تبدیلیاں لےکرآرہےہیں، دنیابدل گئی ہےاس کےچیلنج بدل گئےہیں، میڈیاصنعت کی ترجیحات بھی بدل گئی ہیں۔

    معاون خصوصی برائےاطلاعات نے کہا اسٹیٹس کوخاتمہ پی ٹی آئی کابیانیہ ہے، پاکستان نے امن کے میدان میں کامیابیاں حاصل کی ہیں، وزیراعظم کی معاشی میدان میں کامیابیوں کی طرف توجہ ہے، عالمی روابط اورسرمایہ کاری کے لیے وزیراعظم سب سےرابطےمیں ہیں۔

    وزیراعظم نے وژن اور لگن سے پوری دنیا کو پاکستان کی طرف مائل کیا

    فردوس عاشق اعوان کا کہنا تھا وزیراعظم نے وژن اور لگن سے پوری دنیا کو پاکستان کی طرف مائل کیا ، قطر نےپاکستان میں 3ارب ڈالرکی سرمایہ کاری کااعلان کیا ہے، دونوں ممالک کے درمیان تعلقات مزید مضبوط ہوں گے، آنے والے وقت میں پاکستان میں مزید سرمایہ کاری ہو گی۔

    انھوں نے مزید کہا بہت جلد پاکستان دنیا میں اپنا کھویا ہوا مقام حاصل کر لے گا، مذہبی اور دیگر سیاحتی مقامات کےلیےویزوں کا اجراآسان بنایا ، اقوام متحدہ نے سفر کیلئے پاکستان کومحفوظ ترین قرار دیا ہے، اقوام متحدہ کاپاکستان کو فیملی اسٹیٹس دینا اعتماد کامظہر ہے۔

    بہت جلد پاکستان دنیا میں اپنا کھویا ہوا مقام حاصل کر لے گا

    معاون خصوصی کا کہنا تھا قطر پاکستان سے افرادی قوت کی تعداد بڑھانے پر متفق ہے، قطر نےپاکستانی چاول کی درآمد پرعائدپابندیاں ہٹا دی ہیں، پاکستانی باسمتی چاول قطر اور دیگر مشرقی وسطیٰ کے ممالک جائے گا۔

  • اللہ تعالیٰ کا شکر ہے کہ معصوم فرشتہ کا قاتل قانون کی گرفت میں ہے، فردوس عاشق اعوان

    اللہ تعالیٰ کا شکر ہے کہ معصوم فرشتہ کا قاتل قانون کی گرفت میں ہے، فردوس عاشق اعوان

    اسلام آباد: معاون خصوصی برائے اطلاعات ونشریات فردوس عاشق اعوان کا کہنا ہے کہ عمران خان کی قیادت میں یہ نیا پاکستان ہے جہاں قانون کا یکساں اطلاق، فوری عمل داری اور اداروں کا استحکام یقینی بنایا جا رہا ہے۔

    تفصیلات کے سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ اللہ تعالیٰ کا شکر ادا کرتے ہیں کہ معصوم فرشتہ کا قاتل قانون کی گرفت میں ہے۔

    معاون خصوصی برائے اطلاعات نے کہا کہ معصوم فرشتہ کا قاتل قانون کی گرفت میں ہے۔ انہوں نے کہا کہ عمران خان کی قیادت میں یہ نیا پاکستان ہے جہاں قانون کا یکساں اطلاق، فوری عمل داری اور اداروں کا استحکام یقینی بنایا جا رہا ہے۔

    فردوس عاشق اعوان نے کہا کہ ایسی قبیح حرکت کرنے والے کو مثالی سزا سے ہی معاشرے کو زندگی ملتی ہے اور دل دہلا دینے والے واقعات کا تدارک ممکن ہے۔


    معاون خصوصی برائے اطلاعات ونشریات نے مزید کہا کہ اسلام آباد پولیس کو شاباش دیتے ہیں جس کی محنت اور پیشہ وارانہ مہارت کے نتیجے میں گھناؤنے جرم کا مرتکب گرفتار ہے۔

    فرشتہ قتل کیس: پولیس نے بلائنڈ کیس حل کر لیا، مرکزی ملزم نثار گرفتار

    یاد رہے کہ دو روز قبل ڈی آئی جی آپریشن وقارالدین نے پریس کانفرنس کرتے ہوئے کہا تھا کہ پولیس نے دن رات محنت کر کے فرشتہ قتل کیس کے مرکزی ملزم کو گرفتار کر لیا۔

  • سندھ کو کھنڈرات میں تبدیل کرنے والوں کو عوام نے مسترد کیا ، فردوس عاشق اعوان

    سندھ کو کھنڈرات میں تبدیل کرنے والوں کو عوام نے مسترد کیا ، فردوس عاشق اعوان

    اسلام آباد: معاون خصوصی برائے اطلاعات و نشریات فردوس عاشق اعوان نے کہا سندھ کوکھنڈرات میں تبدیل کرنےوالوں کوعوام نے مسترد کیا، خود کو بھٹو کا جانشین کہنے والے بچوں کی طرح آنسو بہا رہے تھے۔

    تفصیلات کے مطابق وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے بلاول بھٹو کو جواب دیتے ہوئے کہا کہ خود کو بھٹو کا جانشین کہنے والے بچوں کی طرح آنسو بہا رہے تھے، اپنے آنسوؤں کا حساب مانگنے والے سندھ کے غریبوں اور بچوں کے خون کے آنسوؤں اور آہوں کا حساب کب دیں گے؟ سندھ اور لاڑکانہ کے ایڈز میں مبتلا معصوم بچوں کی سسکیاں آپ کو سنائی کیوں نہیں دیتی؟

    فردوس عاشق اعوان کا کہنا تھاصوبہ سندھ کو مو نجودڑو اور آثار قدیمہ کے کھنڈرات میں تبدیل کرنے والوں کو پاکستان کے عوام نے مسترد کیا ہے، سپریم کورٹ کے معزز جج کے ریمارکس سندھ حکومت کی کارکردگی پر ایک سوالیہ نشان ہیں۔

    انھوں نے کہا بلاول صاحب عمران خان پر سیخ پا نہ ہوں، آپ کے والد پر مقدمات انہوں نے بنائے جن کے گھر جاکر آپ ضیافتیں اڑاتے ہیں، عمران خان کا قصور  صرف اتنا ہے کہ وہ پاکستان میں قانون کے یکساں اطلاق اور عملداری کو یقینی بنا رہے ہیں۔

    معاون خصوصی کا کہنا تھا کہ ابو کی کرپشن بچانے کے لئے آپ کی دھمکیاں اور غصہ ثابت کرتا ہے کہ عمران خان کا بیانیہ جیت رہا ہے، سندھ میں اپنی حکومت کی کارکردگی پر توجہ دیں۔

    ڈاکٹر فردوس عاشق اعوان نے کہاکہ کرپشن سے ناطہ توڑیں ورنہ سندھ تک محدود ہوئی جماعت کو چند اضلاع میں بھی کوئی نہیں پوچھے گا۔