ARYNews.tv | Urdu – Har Lamha Bakhabar

Tag: Firdous ashiq awan

  • شہبازشریف نے وطن واپس آکرکسی پراحسان نہیں کیا، فردوس عاشق اعوان

    شہبازشریف نے وطن واپس آکرکسی پراحسان نہیں کیا، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان کا کہنا ہے کہ پوری قوم نے لندن میں شہبازشریف کوبھاگتے دوڑتے دیکھا۔

    تفصیلات کے مطابق فردوس عاشق اعوان نے کہا کہ شہبازشریف نے وطن واپس آکرکسی پراحسان نہیں کیا، عدالت نے2 ہفتے کا ریلیف دیا، شہبازشریف نے 2 ماہ میں تبدیل کردیا۔

    معاون خصوصی برائے اطلاعات نے کہا کہ پوری قوم نے لندن میں شہبازشریف کوبھاگتے دوڑتے دیکھا، جس بیماری کا ذکرکیا جا رہا ہے اس میں ایسا ممکن نہیں، بیماری کے نام پرقوم کی دل آزاری کی جا رہی ہے۔

    فردوس عاشق اعوان نے کہا کہ ملک کے مسائل شریف خاندان کے پیدا کردہ ہیں، اس قوم نے بہت فریب کھایا ہے، مزید انہیں شکارنہ کریں۔

    معاون خصوصی برائے اطلاعات نے کہا کہ اپنے چہرے سے کرپشن کے داغ صاف کرے پھر حکومت گرانے کی بات کرے، اپنا چورن بیچنے کے بجائے منی لانڈرنگ سے بنائی جائیدادیں بیچ کرپیسہ واپس کریں۔

    فردوس عاشق اعوان نے کہا کہ ان کی آنیاں جانیاں سےعوام کو کیا فائدہ ہے، انہوں نے کون سا ورلڈ کپ جیتا ہے۔

    شہبازشریف لندن سے وطن واپس پہنچ گئے

    واضح رہے کہ قومی اسمبلی میں اپوزیشن لیڈر میاں شہبازشریف 2 ماہ تک لندن میں قیام کے بعد وطن واپس پہنچ گئے۔

  • فردوس عاشق اعوان کا رانا ثنا اللہ کو 2 ارب روپے ہرجانے کا نوٹس

    فردوس عاشق اعوان کا رانا ثنا اللہ کو 2 ارب روپے ہرجانے کا نوٹس

    اسلام آباد :وزیر اعظم کی معاون خصوصی اطلاعات ڈاکٹر فردوس عاشق اعوان نے رانا ثناءاللہ کو2ارب روپے ہرجانے کا نوٹس بھیج دیا ، نوٹس میں وارننگ دی گئی ہے کہ رانا ثناء اللہ جھوٹی خبروں پر معافی مانگیں اور چودہ روز میں ہرجانہ ادا کریں۔ ورنہ قانونی کارروائی ہوگی۔

    تفصیلات کے مطابق وزیر اعظم کی معاون خصوصی اطلاعات ڈاکٹر فردوس عاشق اعوان نے وکلاء کی جانب سے رکن قومی اسمبلی رانا ثناءاللہ کو 2ارب روپے ہرجانے کا نوٹس بھجوادیا۔

    لیگل نوٹس 26 مئی کو معاون خصوصی اطلاعات کے حوالے سے بے بنیاد اور جھوٹے بیانات پر بجھوایا گیا ہے، نوٹس میں موقف اختیار کیا گیاکہ فردوس عاشق اعوان دنیا بھر میں ایک قابل اور ایماندار سیاستدان کے طور پر جانی جاتی ہیں،وہ دس سال تک قومی اسمبلی اور پانچ مختلف وزارتوں میں وزیر کے عہدے پر فائز رہی ہیں۔

    نوٹس میں کہاگیا کہ اس وقت بھی ڈاکٹر فردوس عاشق اعوان کی بطور معاون خصوصی اطلاعات اہم ذمہ داریاں ہیں،ڈاکٹرفردوس عاشق اعوان کی تقریبا 20 سالہ عوامی خدمات ہیں۔

    نوٹس میں کہاگیاکہ ڈاکٹر فردوس عاشق اعوان کا تعلق ایک انتہائی معزز گھرانے سے ہے، رانا ثنا اللہ نے میڈیا سے گفتگو میں ہماری موکلہ پر بے بنیاد اور جھوٹے الزامات لگائے،جھوٹے الزامات کی وجہ سے ہماری موکلہ کی دل آزاری شہرت کو نقصان اورساکھ مجروح ہوئی ہے۔

    لیگل نوٹس کے ذریعے رانا ثناءاللہ کو مطلع کیا جاتاہے کہ ان الزامات کی تردید کریں اور معافی مانگیں۔

    وکلاء نے کہاکہ تردید اور معافی کو اسی انداز میں نشر اور شائع کروایا جائے، جس طرح سے جھوٹے الزامات کو نشر اور شائع کیا گیا۔ رانا ثناءاللہ معافی کیساتھ 2 ارب روپے ہرجانہ بھی ادا کریں، جھوٹی خبر پر معافی، اس کی تردید اور ہرجانہ 14 دن کے اندر ادا کیا جائے۔

    مزید پڑھیں : فردوس عاشق اعوان کا رانا ثناء اللہ کے خلاف قانونی چارہ جوئی کا اعلان

    وکلا ءکے مطابق اگر یہ دونوں اقدام نہ کیے گئے تو ڈیفامیشن ایکٹ 2002 کی شق 8 کے تحت ڈاکٹر فردوس عاشق اعوان کے وکلاءقانونی چارہ جوئی کا حق رکھتے ہیں۔

    یاد رہے معاون خصوصی برائے اطلاعات ونشریات فردوس عاشق اعوان نے رانا ثنائاللہ کے خلاف قانونی چارہ جوئی کا اعلان کرتے ہوئے کہا تھا سیاسی پوائنٹ اسکورنگ کے لیے الزامات لگائے جا رہے ہیں، رانا ثناءاللہ معافی مانگیں، اگر معافی نہیں مانگی تو ان کے خلاف ہتک عزت کا دعویٰ دائر کروں گی۔

  • سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    سازشی ٹولہ عوام کو سڑکوں پر لانے کی ناکام کوشش کر رہا ہے: فردوس عاشق اعوان

    سیالکوٹ: معاون خصوصی برائے اطلاعات فردوس عاشق اعوان نے کہا ہے کہ ملک کو قرضوں میں ڈبونے والا ٹولہ مگرمچھ کے آنسوں رو رہا ہے۔

    ان خیالات کا اظہار انھوں نے جلسہ عام سے خطاب کرتے ہوئے کیا۔ ان کا کہنا تھا کہ کفایت شعاری ملکی معاشی صورت حال کے پیش نظر ناگزیر ہے۔

    انھوں نے کہا کہ عمران خان پاکستان کے مفاد پر کبھی سمجھوتا نہیں کریں گے، عمران خان پاکستان کے حقوق کی جنگ لڑیں گے، پاکستان کےعوام ان کے شانہ بشانہ کھڑے ہیں۔

    [bs-quote quote=”افواج پاکستان نے اپنے بجٹ میں کٹوتی کرکے حکومت پراعتماد کا ثبوت دیا” style=”style-8″ align=”left” author_name=”فردوس عاشق اعوان”][/bs-quote]

    انھوں نے کہا کہ طاقت ور اور کمزور کے لئے الگ الگ قانون اب نہیں چلے گا، طاقت ور شخصیات نے 70 سال ملک کے قانون کو اپنے تابع کر کے رکھا، قوم کو وزیراعظم عمران خان پر مکمل اتحاد ہے۔

    انھوں نے کہا کہ مریم صفدر کے والد نے قانون کو اپنے شکنجے میں رکھا، طاقت ور ٹولہ ملک کے قانون کو مذاق بنا رہا ہے، عوام اب لوٹ مارکرپشن کرنے والوں کے نعروں میں نہیں آئے گی، سازشی ٹولہ مہنگائی کی آڑ میں عوام کو سڑکوں پر لانے کی سازش کررہا ہے۔

    فردوس عاشق اعوان نے کہا کہ افواج پاکستان، جنرل قمرجاوید کو خراج تحسین پیش کرتی ہوں، افواج پاکستان نے اپنے بجٹ میں کٹوتی کرکے حکومت پراعتماد کا ثبوت دیا، افواج پاکستان نے ہرمحاذ پرملک کے لئے قربانیاں دی ہیں، مسلح افواج معاشی دباؤ میں بھی عوام کےشانہ بشانہ کھڑی ہوئی۔

    [bs-quote quote=”حکومت اپنے غیرضروری اخراجات میں کٹوتی کرے گی” style=”style-8″ align=”left” author_name=”فردوس عاشق اعوان”][/bs-quote]

    ان کا کہنا تھا کہ سازشی ٹولہ عوام کو سڑکوں پر لانے کی ناکام کوشش کر رہا ہے، ن لیگ کے دور میں معیشت کو تباہ کیا گیا۔

    افواج پاکستان ہرمشکل میں عوام کے ساتھ کھڑے ہوتے ہیں، حکومت ملکی دفاع سے غافل نہیں ہوگی، پاکستان حکومت کو دشمن کو للکارنا اور اسے سبق سکھانا آتا ہے، ہم کہتے نہیں ہم کرکے دکھاتے ہیں۔

    ان کا کہنا تھا کہ عمران خان ہر جوان کی ضرورتیں پوری کریں گے، افواج پاکستان کے بجٹ میں کوئی کٹوتی نہیں ہوگی، حکومت اپنے غیرضروری اخراجات میں کٹوتی کرے گی، حکومت ملک کے دفاع کی ضرورت سے بالکل غافل نہیں۔

    انھوں نے اپوزیشن کو آڑے ہاتھ لیتے ہوئے کہا کہ مریم نواز بتائیں نوازشریف آپ کواورنواسی کو کیوں جنرل اسمبلی لے کر گئے۔

  • شہباز شریف صاحب، قانون آپ کی آمد کا منتظر ہے، فردوس عاشق اعوان

    شہباز شریف صاحب، قانون آپ کی آمد کا منتظر ہے، فردوس عاشق اعوان

    اسلام آباد : معاون خصوصی برائےاطلاعات فردوس عاشق اعوان نے کہا ہے شہباز شریف صاحب، قانون آپ کی آمدکامنتظرہے، ٹی ٹیز اور پاپڑ والے کے  اکاؤنٹس  بھرنے کا جواب نہیں آیا؟مریم، والدگرامی اوربھائیوں کے تضادات پرمبنی انٹرویوز ہم نےنہیں چلوائے تھے۔

    تفصیلات کے مطابق معاون خصوصی برائےاطلاعات فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا شہبازشریف صاحب،قانون آپ کی آمدکامنتظرہے، امید ہے آپ اپنے بیٹے اور داماد کو بھی ساتھ لائیں گے، ٹی ٹیز اور پاپڑ والے کے اکاؤنٹس بھرنے کا جواب نہیں آیا؟

    فردوس عاشق اعوان کا ایک اور ٹوئٹ میں کہنا تھا پاناما میں پوری قوم کے سامنے انکشافات ہوئے، مریم ، والدگرامی اور بھائیوں کے تضادات پر مبنی انٹرویوز چلے، تضادات پر مبنی انٹرویوز ہم نے نہیں چلوائے تھے۔

    یاد رہے چند روز قبل بھی معاون خصوصی برائےاطلاعات نے اپنے ٹویٹ میں کہا تھا کہ لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں، انہوں نے مال کمایا، قوم اور معیشت نے ان سے صرف نقصان اٹھایا۔

    مزید پڑھیں : لاپتہ اپوزیشن لیڈر کا لندن سے عوام کا درد بیان کرنا مذاق سے کم نہیں: فردوس عاشق اعوان

    ان کا کہنا تھا قومی خزانہ بے رحمی سے لوٹنے والے پیٹرولیم مصنوعات کی قیمتوں پر مگر مچھ کے آنسو بہا رہے ہیں۔ لاکرز، لانچیں، گھر، پاپڑ، ریڑھی اور فالودے والوں کے اکاؤنٹس نہ بھرے جاتے تو آج ملکی معیشت مستحکم ہوتی، ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں۔

  • قیدیوں کی رہائی حکومتی احساس میں تبدیلی کی علامت ہے، فردوس عاشق اعوان

    قیدیوں کی رہائی حکومتی احساس میں تبدیلی کی علامت ہے، فردوس عاشق اعوان

    اسلام آباد : معاون خصوصی برائےاطلاعات فردوس عاشق اعوان نے کہا وزیراعظم نےبےکس ،بےبس قیدیوں کاجرمانےادا کرکے خاندانوں کوعید کا تحفہ دیاہے ، قیدیوں کی رہائی حکومتی احساس میں تبدیلی کی علامت ہے۔

    تفصیلات کے مطابق معاون خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر وزیراعظم عمران خان نےبےکس اوربےبس قیدیوں کےجرمانے ادا کروا کرآٹھ سو بیس خاندانوں کوعید کا تحفہ دیاہے۔

    وزیراعظم عمران خان کی ہدایت پرقیدیوں کی رہائی حکومتی احساس میں تبدیلی کی علامت ہے، محض جرمانہ اداکرنےکی استطاعت نہ ہونےپرقیدیوں کوعقوبت سےنجات دلانااسلام کے احکامات پرعمل ہے۔

    یاد رہے گذشتہ روز وزیر اعظم عمران خان کی ہدایت پر پنجاب اور خیبر پختونخوا میں 820 قیدیوں کو رہا کیا گیا تھا ، یہ قیدی سزا کی مدت پوری کر چکے تھے مگر جرمانہ ادا کرنے کی استطاعت نہیں رکھتے تھے۔

    مزید پڑھیں : وزیر اعظم کی ہدایت پر پنجاب اور خیبر پختونخوا میں 820 قیدیوں کی رہائی

    قیدیوں کی رہائی کے لیے صوبائی حکومتوں نے 27 کروڑ روپے قیدیوں کے جرمانوں کے مد میں ادا کیے جس کے بعد ان کی رہائی عمل میں آ سکی۔

  • برٹش ایئرویزکی آمد نئے پاکستان اورحکومت پراعتماد کا مظہر ہے، فردوس عاشق اعوان

    برٹش ایئرویزکی آمد نئے پاکستان اورحکومت پراعتماد کا مظہر ہے، فردوس عاشق اعوان

    اسلام آباد: معاون خصوصی برائے اطلاعات ونشریات فردوس عاشق اعوان نے کہا ہے کہ کپتان کی قیادت میں ترقی اورمعاشی خوشحالی حاصل کرکے رہیں گے۔

    تفصیلات کے مطابق فردوس عاشق اعوان نے سماجی رابطے کی ویب سائٹ ٹویٹرپر اپنے پیغام میں کہا کہ برٹش ایئرویزکی آمد نئے پاکستان اورحکومت پراعتماد کا مظہر ہے۔

    معاون خصوصی برائے اطلاعات ونشریات نے کہا کہ تحریک انصاف نے وہ کردکھایا جو سابق حکومتیں نہ کرسکیں، پروازوں کا آغاز ترقی پرگامزن پاکستان کا عکاس ہے۔

    فردوس عاشق اعوان نے کہا کہ دنیا وزیراعظم کے پرامن پاکستان کے بیانیے کی سچائی تسلیم کررہی ہے، کپتان کی قیادت میں ترقی اورمعاشی خوشحالی حاصل کرکے رہیں گے۔

    برٹش ایئرویزکی پہلی پرواز اسلام آباد ایئرپورٹ پرلینڈ کرگئی

    واضح رہے کہ برٹش ایئرویز کا بی اے ڈبلیو261 طیارہ 10 سال بعد اسلام آباد ایئرپورٹ پر لینڈ کرگیا، وفاقی وزیر ہوا بازی سمیت دیگر حکومتی شخصیات نے مسافروں کا استقبال کیا۔

    وفاقی وزیرایوی ایشن غلام سرور خان نے برٹش ایئزویز کے پاکستان میں فضائی آپریشن کی بحالی پر ویڈیو پیغام میں کہا کہ برٹش ایئرویز کے پاکستان میں آپریشن کے بحالی پرخوشی ہے۔

  • وزیراعظم نے او آئی سی سربراہ اجلاس سے تاریخی خطاب کیا، فردوس عاشق اعوان

    وزیراعظم نے او آئی سی سربراہ اجلاس سے تاریخی خطاب کیا، فردوس عاشق اعوان

    اسلام آباد: معاون خصوصی برائے اطلاعات ونشریات فردوس عاشق اعوان نے کہا ہے کہ وزیراعظم نے او آئی سی سربراہ اجلاس میں امت مسلمہ کے جذبات کی صحیح عکاسی کی۔

    تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے کہا کہ وزیراعظم نے او آئی سی سربراہ اجلاس سے تاریخی خطاب کیا۔

    فردوس عاشق اعوان نے کہا کہ وزیراعظم نے امت مسلمہ کے جذبات کی صحیح عکاسی کی اور اسلام کے حقیقی تشخص کے لیے نئی راہ عمل متعین کی۔


    معاون خصوصی برائے اطلاعات نے کہا کہ وزیراعظم عمران خان مقبوضہ کشمیراورفلسطین کے وکیل بن کر ابھرے، دوٹوک مؤقف اپنایا کشمیریوں کی جدوجہد کو دہشت گردی کا نام نہیں دیا جاسکتا۔


    فردوس عاشق اعوان نے کہا کہ وزیراعظم کا سائنس پرزور اسلامی دنیا کو اس میں ان کی میراث یاد دلاتا ہے، عظیم مسلم سائنسدان جدید علوم کے بانی، موجد اوراساتذہ میں شامل ہیں۔

    دہشت گردی کو اسلام سے علیحدہ کرنا ہوگا، اسلام کا دہشت گردی سے کوئی تعلق نہیں، عمران خان

    یاد رہے کہ یکم جون کو وزیراعظم عمران خان نے اسلامی تعاون کی تنظیم کے اجلاس سے خطاب کرتے ہوئے کہا تھا کہ مسلمانوں کی سیاسی جدوجہد پر دہشت گردی کا لیبل درست نہیں، اسلام کا دہشت گردی سے کوئی تعلق نہیں ہے۔

  • حکومت عوام کو تکلیف میں دیکھ کر سکون سے نہیں رہ سکتی، فردوس عاشق اعوان

    حکومت عوام کو تکلیف میں دیکھ کر سکون سے نہیں رہ سکتی، فردوس عاشق اعوان

    اسلام آباد : معاون خصوصی برائے اطلاعات ونشریات فردوس عاشق اعوان نے کہا ہے کہ حکومت عوام کو تکلیف میں دیکھ کر سکون سے نہیں رہ سکتی، پاکستان کے بدلنے کی وجہ سے لوگ پریشانی برداشت کررہے ہیں۔

    پیٹرولیم مصنوعات کی قیمتوں میں اضافے کے حوالے سے معاون خصوصی فردوس عاشق اعوان نے اپنے جاری بیان میں کہا ہے کہ قوم اس وقت مختلف چیلنجز سے گزر رہی ہے جبکہ اپوزیشن مگر مچھ کے آنسو بہا کر عوامی ہمدردی کا ڈھنڈورا پیٹ رہی ہے۔

    کرپشن الیون عوامی جذبات سے کھیل کر اپنے گناہ بخشوانا چاہتی ہے دیگر ممالک کے مقابلے میں یہاں پٹرولیم قیمتوں میں کم اضافہ کیا گیا۔

    ملک و قوم کا تیل نکالنے والی کرپٹ لیگ عوام کو بھڑکانے کے لئے منافقت کی سیاست کر رہی ہیں، فردوس عاشق اعوان نے کہا کہ اقتدار کے بھوکے عوام کے ہمدرد ہوتے تو آج ملک کی یہ حالت نہ ہوتی، ملکی دولت لوٹنے والوں کا بیان اور اقدام ایک ہو چکا ہے۔

    کرپشن کنگز کی وجہ سے قوم اور جمہوریت ہمیشہ خسارے میں رہے، انہوں نےمال کمایا، قوم نے صرف نقصان اٹھایا، ان کا ایک ہی ایجنڈا ہے’’مال بچاؤ تےجلدی جلدی نس جاؤ‘‘۔

  • لاپتہ اپوزیشن لیڈر کا لندن سے عوام کا درد بیان کرنا مذاق سے کم نہیں: فردوس عاشق اعوان

    لاپتہ اپوزیشن لیڈر کا لندن سے عوام کا درد بیان کرنا مذاق سے کم نہیں: فردوس عاشق اعوان

    اسلام آباد: معاون خصوصی برائے اطلاعات و نشریات فردوس عاشق اعوان کا کہنا ہے کہ ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں، لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں۔

    تفصیلات کے مطابق معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ حکومت اب تک عوام کو پیٹرولیم مصنوعات میں ریلیف دینے اور ان کی زائد قیمتوں کے بوجھ کے اثرات سے بچانے کے لیے 60 ارب روپے سے زائد کی سبسڈی دے چکی ہے۔

    معاون خصوصی کا کہنا تھا کہ قومی خزانہ بے رحمی سے لوٹنے والے پیٹرولیم مصنوعات کی قیمتوں پر مگر مچھ کے آنسو بہا رہے ہیں۔ لاکرز، لانچیں، گھر، پاپڑ، ریڑھی اور فالودے والوں کے اکاؤنٹس نہ بھرے جاتے تو آج ملکی معیشت مستحکم ہوتی۔

    انہوں نے کہا کہ ملک و قوم کا تیل نکالنے والی کرپشن الیون کے کھلاڑی عوامی جذبات سے کھیل کر اپنے گناہ بخشوانا چاہتے ہیں۔

    اپنے ٹویٹ میں انہوں نے مزید کہا کہ لاپتہ اپوزیشن لیڈر کا لندن کے صحت افزا مقام سے عوام کا درد بیان کرنا مذاق سے کم نہیں۔ انہوں نے مال کمایا، قوم اور معیشت نے ان سے صرف نقصان اٹھایا۔

    اس سے قبل ایک ٹویٹ میں معاون خصوصی کا کہنا تھا کہ مریم صفدر کا ناشائستہ لب و لہجہ ان کی بڑھتی ہوئی فرسٹریشن کا اظہار ہے، وہ خوفزدہ ہیں کہ عمران خان کی کامیابی سے ملک منافع بخش ہوگا۔

  • پی ٹی آئی آزادعدلیہ، قانون کی حکمرانی کی جدوجہد کرتی رہی، فردوس عاشق اعوان

    پی ٹی آئی آزادعدلیہ، قانون کی حکمرانی کی جدوجہد کرتی رہی، فردوس عاشق اعوان

    اسلام آباد : معاون خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ عدلیہ کی تضحیک میں مجھے کیوں نکالا کی مہم ذہنوں میں ابھی تازہ ہے۔

    تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے کہا کہ پاکستان تحریک انصاف ملک میں عدلیہ کی آزادی اور قانون کی حکمرانی قائم کرنے کی جدوجہد کا ہمیشہ سے ہراول دستہ رہی اور رہے گی۔

    معاون خصوصی برائے اطلاعات ونشریات نے کہا کہ مسلم لیگ ن اداروں اور قانون کا احترام اپنی منشا اور سہولت کے مطابق کرتی ہے۔

    فردوس عاشق اعوان نے کہا کہ متوالوں کا سپریم کورٹ پر حملہ تاریخ کا سیاہ ترین اور شرم ناک واقعہ ہے عدلیہ کی تضحیک میں مجھے کیوں نکالا کی مہم ذہنوں میں ابھی تازہ ہے، ن لیگی کسے بے وقوف بنا رہی ہے؟

    عدلیہ ہو یا کوئی بھی ادارہ احتساب سب کے لیے ہے، فردوس عاشق اعوان

    یاد رہے کہ دو روز قبل معاون خصوصی برائے اطلاعات فردوس عاشق اعوان نے کہا تھا کہ عدلیہ ہو یا کوئی بھی ادارہ احتساب سب کے لیے ہے، کوڈ آف کنڈکٹ کی خلاف ورزی پر احتساب کا شکنجہ کسا جائے گا۔