ARYNews.tv | Urdu – Har Lamha Bakhabar

Tag: Firdous ashiq awan

  • وزارتوں سے خصوصی فنڈ ختم، آئندہ بجٹ عوامی امنگوں کا ترجمان ہوگا: مشیر اطلاعات

    وزارتوں سے خصوصی فنڈ ختم، آئندہ بجٹ عوامی امنگوں کا ترجمان ہوگا: مشیر اطلاعات

    اسلام آباد: مشیر اطلاعات فردوس عاشق اعوان کا کہنا ہے کہ وزارتوں سے خصوصی فنڈ ختم کردیے گئے ہیں۔ وزرا چائے پانی کا خرچ خود ادا کریں گے، آئندہ بجٹ عوامی امنگوں کا ترجمان ہوگا۔

    تفصیلات کے مطابق مشیر اطلاعات فردوس عاشق اعوان نے وزیر اعظم کی زیر صدارت وفاقی کابینہ کے اجلاس کے بعد میڈیا بریفنگ دی۔ بریفنگ میں انہوں نے بتایا کہ وفاقی کابینہ کے اجلاس میں اہم فیصلے کیے گئے۔ عوام کو لوڈ شیڈنگ سے بچانے کے لیے ترجیحات طے کی گئیں۔

    مشیر اطلاعات نے بتایا کہ کابینہ میں 16 نکاتی ایجنڈے پر تفصیلی غور کیا گیا، سحر و افطار میں بجلی کی بلا تعطل فراہمی یقینی بنانے کی ہدایت کی گئی۔ توانائی کے مسائل سے متعلق بھی کابینہ اجلاس میں گفتگو ہوئی، پیٹرولیم مصنوعات کی قیمتوں سے متعلق اقتصادی رابطہ کمیٹی کے فیصلے پر غور کیا گیا اور کمیٹی کے فیصلوں کی توثیق کی گئی۔

    انہوں نے کہا کہ مدارس کی رجسٹریشن اور وزارت کے ماتحت کرنے پر بریفنگ دی گئی۔ مدارس کی رجسٹریشن وزارت تعلیم میں ون ونڈو کے تحت کی جائے گی۔ 30 ہزار مدارس کو ریگولرائز کرنے پر وزیر تعلیم نے بریفنگ دی۔ مدارس کے بچوں کا حق ہے وہ جدید علوم سے روشناس ہوں۔

    فردوس عاشق کا کہنا تھا کہ مدارس وزارت تعلیم کے ماتحت نہیں بلکہ منسلک کیے گئے ہیں، مدارس کی رجسٹریشن صرف وزارت تعلیم کے تحت ہوگی۔ وزارت تعلیم مدارس کے کام میں رکاوٹ کے لیے نہیں سہولت کاری کرے گی۔

    فردوس عاشق کا کہنا تھا کہ مدارس وزارت تعلیم کے ماتحت نہیں بلکہ منسلک کیے گئے ہیں، مدارس کی رجسٹریشن صرف وزارت تعلیم کے تحت ہوگی۔ وزارت تعلیم مدارس کے کام میں رکاوٹ کے لیے نہیں سہولت کاری کرے گی۔

    انہوں نے کہا کہ ہمارا بنیادی ایجنڈا ہے مدارس کی رجسٹریشن کریں، مدارس کے طلبہ کو ان کا تعلیم کا جائز حق دینا چاہتے ہیں۔ چاہتے ہیں مدارس طلبہ کو دور حاضر کے تقاضوں سے ہم آہنگ کریں، مدارس میں غیر ملکی طلبہ وزارت خارجہ کے ذریعے آئیں گے۔

    مشیر اطلاعات نے کہا کہ مدارس کے طلبہ کی ووکیشنل ٹریننگ کی جائے گی۔ مدارس کے طلبہ کو قومی دھارے میں لانا مقصد ہے۔ یکساں نصاب کو قومی نصاب کے طور پر لاگو کرنا چاہتے ہیں۔ 30 ہزار مدارس ہمارا ہیومن ریسورس ہیں۔

    انہوں نے کہا کہ وزارتوں میں چائے پانی بجٹ یعنی انٹرٹینمنٹ اینڈ گفٹس فنڈ ختم کردیا۔ چائے پانی اب وزرا کو اپنی جیب سے کرنا ہوگا۔ ایس ای سی پی کی سالانہ رپورٹ کی کابینہ میں منظوری دی گئی۔

    فردوس عاشق نے مزید بتایا کہ 3 ماہ کے اندر تمام ڈویژنز اور وزارتوں میں آسامیاں پر کی جائیں گی۔ آئندہ کسی کو ایڈیشنل چارج نہیں دیا جائے گا۔ پاکستان اور آذر بائیجان میں زرعی شعبے میں معاہدے کی منظوری دی گئی۔

  • اللہ کرے میاں صاحب جیل میں پھر سے بیمار نہ ہوں، فردوس عاشق اعوان

    اللہ کرے میاں صاحب جیل میں پھر سے بیمار نہ ہوں، فردوس عاشق اعوان

    اسلام آباد : معاونِ خصوصی برائے اطلاعات فردوس عاشق اعوان نے کہا امید ہے جاتی امرا میں 6 ہفتےگزارنے سے نواز شریف کا ذہنی تناؤ دور ہوگیا ہوگا  ، اللہ کرے میاں صاحب جیل میں پھر سےبیمار نہ ہوں۔

    تفصیلات کے مطابق معاونِ خصوصی برائے اطلاعات فردوس عاشق اعوان نے سماجی رابطے کی ویب سائٹ ٹوئٹر پر نواز شریف کی کوٹ لکھپت جیل واپسی پر کہا اللہ کرے میاں صاحب جیل میں پھر سےبیمار نہ ہوں، امید ہے جاتی امرا میں 6 ہفتے گزارنے سے ان کا ذہنی تناؤ دور ہوگیاہوگا۔

    فردوس عاشق اعوان کا کہنا تھا نوازشریف اس وقت سیاست سےلاتعلق ہیں، لاؤلشکرکے ساتھ سڑک پرنکلیں گےدیکھتےہیں وہ اپنی پارٹی کویا حکومت کو للکارتے ہیں۔

    خیال رہے علاج کیلئے ضمانت پر رہا ہونے والے نواز شریف اپنی چھ ہفتوں کی رہائی مکمل ہونے پر خود کو آج کوٹ لکھپت جیل حکام کے حوالے کریں گے،  سابق وزیراعظم کو لیگی کارکنان جلوس کی شکل میں ان کی رہائش گاہ سے جیل تک لے کر آئیں گے۔

    مزید پڑھیں : نوازشریف آج واپس جیل جائیں گے

    قافلے کی قیادت ان کی صاحبزادی مریم نواز کریں گی اور نواز شریف کو کوٹ لکھپت جیل پہنچائیں گی۔

    یاد رہے سپریم کورٹ نے سابق وزیر اعظم نواز شریف کی جانب سے 6 ہفتوں کی ضمانت میں مزید توسیع کے لیے دائر کی گئی درخواست مسترد کردی تھی، چیف جسٹس نے کہا تھا کہ ضمانت علاج کے لیے دی تھی، آپ نے ٹیسٹ پر صرف کردی، ہم تو یہ سمجھیں گے ان کی جان کو خطرہ نہیں ہے۔

    نواز شریف کو علاج کے لئے سپریم کورٹ سے 6 ہفتے کی ضمانت ملی تھی لیکن انہوں نے علاج نہ کرایا، 6 ہفتے میں نواز شریف صرف طبی معائنے کے لئے 7مرتبہ اسپتال گئے اور ایک دن بھی اسپتال میں داخل نہیں ہوئے۔

  • وزیراعلیٰ پنجاب سے معاون خصوصی فردوس عاشق اعوان کی ملاقات

    وزیراعلیٰ پنجاب سے معاون خصوصی فردوس عاشق اعوان کی ملاقات

    لاہور : وزیراعلیٰ پنجاب عثمان بزدار نے معاون خصوصی فردوس عاشق اعوان سے ملاقات میں کہا حکومت نے شفافیت کے نئے کلچر کو پروان چڑھایا اور ہر سطح پر شفافیت کوفروغ دےکروسائل کوبچایاگیا جبکہ فردوس عاشق اعوان کا کہنا تھا حکومت کےفلاح عامہ کیلئےاقدامات سےعوام کو ریلیف ملے گا۔

    تفصیلات کے مطابق وزیراعلیٰ پنجاب عثمان بزدار سے معاون خصوصی فردوس عاشق اعوان کی ملاقات ہوئی ، ملاقات میں باہمی دلچسپی کے امور،سیاسی صورتحال اورملکی امور پر تبادلہ خیال کیا گیا جبکہ وفاق اورصوبے کے شعبہ اطلاعات میں کوآرڈی نیشن بہتر بنانے پرگفتگو ہوئی۔

    وزیراعلیٰ پنجاب نے کہا حکومت نے شفافیت کے نئے کلچرکو پروان چڑھایا ہے، ہر سطح پر شفافیت کو فروغ دے کر وسائل کو بچایاگیا ہے، کرپشن کیخلاف زیروٹالرنس کی پالیسی کے مثبت نتائج آئے۔

    اس موقع پر معاون خصوصی فردوس عاشق اعوان کا کہنا تھا وزیراعلیٰ پنجاب نے عوام کی خدمت کیلئے بے مثال اقدامات کئے، حکومت کے فلاح عامہ کیلئے اقدامات سے عوام کو ریلیف ملےگا۔

    مزید پڑھیں : ووٹ کوعزت دینے والے وزیر اعلیٰ پنجاب کوعزت دیں:‌ فردوس عاشق اعوان

    یاد رہے 22 اپریل کو معاون خصوصی فردوس عاشق اعوان نےوزیراعلیٰ پنجاب عثمان بزدار سے ملاقات کی تھیں ، بعد ازاں میڈیا سے گفتگو میں کہا تھا عمران خان، پی ٹی آئی اور وزیراعلیٰ پنجاب ایک پیج پر ہیں، پی ٹی آئی کی حکومت میں میڈیا کا کلیدی کردارہے، صحافی برادری کی مشکلات حل کرنے کی کوشش کریں گے۔

    ان کا کہنا تھا کہ وزیر اعلیٰ پنجاب پر وزیراعظم نے اعتماد کا اظہار کیا، مخالفین نے وزیراعلیٰ پنجاب کے خلاف افواہوں کا بازار گرم کر رکھا، ووٹ کو عزت دو کے نعرے لگانے والوں کو کہنا چاہتی ہوں کہ وزیر اعلیٰ پنجاب ووٹ لےکرمنتخب ہوئے ہیں، لہٰذا انھیں عزت دی جائے۔

  • پاکستان اور بدعنوانی ایک ساتھ نہیں چل سکتے، فردوس عاشق اعوان

    پاکستان اور بدعنوانی ایک ساتھ نہیں چل سکتے، فردوس عاشق اعوان

    لاہور: معاون خصوصی برائے اطلاعات فردوس عاشق اعوان نے کہا کہ عالمی منڈی میں تیل کی قیمت میں اضافے کے باعث ملک میں پیٹرولیم مصنوعات کی قیمتوں میں اضافہ کیا گیا ہے۔

    تفصیلات کے مطابق لاہور میں میڈیا سے گفتگو کرتے ہوئے معاون خصوصی برائے اطلاعات ونشریات فردوس عاشق اعوان نے کہا کہ وزیراعظم عمران خان معاشرے کے نادار اور پسماندہ طبقات کی بہتری کے خواہش مند ہیں۔

    انہوں نے کہا کہ رینالہ خورد میں نیا پاکستان ہاؤسنگ منصوبے کے پہلے مرحلے کا افتتاح اسی مقصد کے حصول کی جانب ایک قدم ہے۔

    فردوس عاشق اعوان نے کہا کہ پاکستان اور بدعنوانی ایک ساتھ نہیں چل سکتے۔ انہوں نے حزب اختلاف پر زور دیا کہ وہ پارلیمنٹ میں مثبت کردار ادا کرے۔

    پٹرولیم مصنوعات کی قیمتوں میں اضافہ، پیٹرول 9 روپے 42 پیسے مہنگا

    یاد رہے کہ اوگرا نے پیٹرول 14 روپے 37 پیسے فی لیٹر مہنگا کرکے 113 روپے کرنے کی سفارش کی تھی، تاہم وفاقی کابینہ نے پٹرولیم مصنوعات کی قیمتوں میں اضافے کا معاملہ ای سی سی کو بھجوایا تھا۔

    اقتصادی رابطہ کمیٹی نے پٹرول کی فی لیٹر قیمت میں 9 روپے اضافے کی سفارش کی تھی۔

  • لاپتہ اپوزیشن لیڈر لندن میں سیر و تفریح کر رہے ہیں: مشیر اطلاعات

    لاپتہ اپوزیشن لیڈر لندن میں سیر و تفریح کر رہے ہیں: مشیر اطلاعات

    اسلام آباد: مشیر اطلاعات فردوس عاشق اعوان کا کہنا ہے کہ اپوزیشن کی دلیلیں ہار گئیں، عمران خان کا بیانیہ جیت گیا۔ لندن میں سیر و تفریح، پیشی کے معاملے پر غائب ہوجاتے ہیں، نواز شریف ضمانت کے بعد ایک دن بھی اسپتال داخل نہیں ہوئے۔

    تفصیلات کے مطابق مشیر اطلاعات فردوس عاشق اعوان نے نیوز کانفرنس کرتے ہوئے کہا کہ وزیر اعظم نے کہا تھا شہباز شریف کو پبلک اکاؤنٹس کمیٹی کا چیئرمین نہیں ہونا چاہیئے تھا۔ شہباز شریف سے متعلق عمران خان کا بیانیہ درست ثابت ہوا۔

    فردوس عاشق اعوان کا کہنا تھا کہ اپوزیشن کی دلیلیں ہار گئیں، عمران خان کا بیانیہ جیت گیا۔ لندن میں سیر و تفریح، پیشی کے معاملے پر غائب ہوجاتے ہیں۔ ضمانت لینا بہانہ ہے اصل نشانہ لندن جانا ہے۔ مسلم لیگ ن نے اپوزیشن لیڈر اور چیئرمین پی اے سی کو تبدیل کیا۔

    انہوں نے کہا کہ پاکستان میں عدالتیں آزاد ہیں، عدالتیں حقائق پر فیصلے کرتی ہیں۔ لاپتہ اپوزیشن لیڈر لندن میں سیر و تفریح کر رہے ہیں۔ نواز شریف ضمانت کے بعد ایک دن بھی اسپتال داخل نہیں ہوئے۔

    مشیر اطلاعات کا کہنا تھا کہ جب نیب اپوزیشن لیڈر کو بلاتا ہے تو وہ بیمار ہوجاتے ہیں، ان کا عوام کو ورغلانے کا سلسلہ دم توڑ چکا ہے۔ جھوٹ اور پروپیگنڈے پر مبنی عوام کو اکسانے کا بیانیہ دم توڑ دیتا ہے۔

    انہوں نے مزید کہا کہ شریف برادران عدالتوں کو قائل نہیں کر سکے تو عوام کو کیسے کریں گے۔ وزیر اعظم نے ادویات کی قیمتوں میں اضافے کا نوٹس لیا تھا۔ وزیر اعظم نے ادویات کی قیمتیں کم کرنے کی ہدایت کی۔

  • حکومت غریب اورپسماندہ لوگوں کی فلاح وبہبود کے لیے پُرعزم ہے، فردوس عاشق اعوان

    حکومت غریب اورپسماندہ لوگوں کی فلاح وبہبود کے لیے پُرعزم ہے، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان کا کہنا ہے کہ وزیراعظم عمران خان کے پاس معاشرے سے بدعنوانی کے خاتمے کے لیے عوام کا واضح مینڈیٹ موجود ہے۔

    تفصیلات کے مطابق معاون خصوصی برائے اطلاعات ونشریات فردوس عاشق اعوان نے کہا کہ پاکستان تحریک انصاف کی حکومت معاشرے کے پسماندہ افراد کے بہتری کے لیے پُرعزم ہے۔

    فردوس عاشق اعوان نے کہا کہ حزب اختلاف موجودہ حکومت کی گزشتہ پانچ ماہ سے قانون سازی کی کوششوں میں رکاوٹیں ڈال رہی ہے۔

    معاون خصوصی برائے اطلاعات نے کہا کہ پیپلزپارٹی کے دور اقتدار میں سندھ حکومت صحت اور دوسرے شعبوں میں بہتری نہیں لاسکی۔

    فردوس عاشق اعوان نے کہا کہ وزیراعظم عمران خان کے پاس معاشرے سے بدعنوانی کے خاتمے کے لیے عوام کا واضح مینڈیٹ موجود ہے۔

    یاد رہے کہ گزشتہ روز معاون خصوصی برائے اطلاعات فردوس عاشق اعوان کا کہنا تھا کہ پارلیمانی لیڈر کے طور پر شہباز شریف کی جگہ کسی اور کی نامزدگی این آر او کی طرف پہلا قدم ہے۔

    فردوس عاشق کا کہنا تھا کہ عوام کو ورغلا اور بے وقوف بنا کر شہباز شریف باہر چلے گئے، شہباز شریف لاپتا ہیں، خود ساختہ مفروری اختیار کر رکھی ہے، عمران خان کا بیانیہ جیت گیا، اپویشن کی دلیلیں ہار گئیں۔

  • پی ٹی ایم بتائے، سرحد پار سے ہونے والی دہشت گردی کے پیچھے کون ہے؟ فردوس عاشق اعوان

    پی ٹی ایم بتائے، سرحد پار سے ہونے والی دہشت گردی کے پیچھے کون ہے؟ فردوس عاشق اعوان

    اسلام آباد:  معاون خصوصی برائے اطلاعات فردوس عاشق اعوان نے کہا ہے کہ سرحد پار سے ہماری بہادر فورسز پر حملے کی شدید مذمت کرتے ہیں.

    ان خیالات کا اظہار انھوں نے افغان بارڈ سے پاکستان فورسز پر ہونے والے حملے پر ردعمل دیتے ہوئے کیا. ان کا کہنا تھا کہ پاک فوج دھرتی کی حفاظت کے لئے قربانیاں دے رہی ہے.

    ڈاکٹر فردوس عاشق اعوان نے کہا کہ افغان سرزمین پاکستان کے خلاف استعمال نہیں ہونی چاہیے، ارض وطن پراپنا آج نثار کرنے والے جوانوں کو سلام پیش کرتے ہیں.

    ان کا مزید کہنا تھا کہ پی ٹی ایم قائدین پاکستانی ریاستی اداروں پرتنقید بند کریں، فینسنگ کے پی عوام کی حفاظت کے لئے ہے.

    مزید پڑھیں: سرحد پر باڑ لگانے والی پاک فوج کی ٹیم پر افغان علاقے سے حملہ ، 3 جوان شہید،7 زخمی

    انھوں نے سوال کیا کہ کیا پی ٹی ایم ان کے خلاف آواز بلند کریں گی، جو فینسنگ کے خلاف ہیں؟ پی ٹی ایم بتائے، اس دہشت گردی کے پیچھے کون ہے.

    یاد رہے کہ آج شمالی وزیرستان پر سرحد پر باڑ لگانے والی پاک فوج کی ٹیم پر سرحدپار سے حملہ کے نتیجے میں پاک فوج کے 3 جوان شہید اور 7 زخمی ہوگئے، جوابی کارروائی میں کئی دہشت گرد مارے گئے۔

  • وزیراعظم نے پیٹرولیم مصنوعات کی قیمتوں کی سمری پر نظرثانی کی ہدایت کر دی

    وزیراعظم نے پیٹرولیم مصنوعات کی قیمتوں کی سمری پر نظرثانی کی ہدایت کر دی

    اسلام آباد: معاون خصوصی برائے اطلاعات فردوس عاشق اعوان نے کہا ہے کہ وزیراعظم نے پیٹرولیم مصنوعات کی قیمتوں کی سمری پر نظرثانی کی ہدایت کی ہے۔ 

    ان خیالات کا اظہار انھوں نے وفاقی وزیر فیصل واوڈا کے ساتھ پریس کانفرنس کرتے ہوئے کیا. ان کا کہنا تھا کہ حکومت جو اصلاحات لارہی ہے، کابینہ اجلاس میں ان پر تبادلہ خیال ہوا، دورہ چین میں باہمی تجارت کا فروغ اور دیگرامور زیر غور آئے.

    انھوں نے کہا کہ چین کے ساتھ ایف ٹی اے اور ایم ایل ون کے معاہدوں پر دستخط ہوئے ہیں، اجلاس میں دیوانی مقدمات ڈیڑھ سے 2 سال میں نمٹانے کی تجویز دی گئی، انفورسمنٹ آف ویمن پراپرٹی پروٹیکشن بل لارہے ہیں، عدالتی اصلاحات سے متعلق بل بھی ایوان میں  لائیں گے.

    فردوس عاشق اعوان نے کہا کہ اسکولوں میں اساتذہ کے بچوں پرتشدد کو جرم قرار دینے کا بل لائیں گے، بچوں سے جنسی زیادتی کی روک تھام کے لئے اقدامات کررہے ہیں،سخت قوانین لائے جائیں گے، بل کانام زینب الرٹ بل رکھا گیاہے، رمضان میں لوڈشیڈنگ کی کمی اور رمضان پیکج کے لئے کمیٹی تشکیل دے دی، معاون خصوصی برائے اطلاعات کا کہنا تھا کہ اداروں میں کرپشن کے خاتمے کے لئے وسل بلوور بل لارہے ہیں۔

    انھوں نے مزید کہا کہ پیٹرولیم مصنوعات کی قیمتیں بڑھنےسے معیشت پر اثرات پڑتے ہیں، وزیراعظم کی ہدایت پراوگرا کی سمری دوبارہ ای سی سی کوبھیجی گئی ہے، ایران پرپابندیوں کےباعث عالمی سطح پرتیل کی قیمتیں بڑھی ہیں، پیٹرولیم مصنوعات کی قیمتوں میں فی الحال اضافہ نہیں ہورہا.

    ان کا کہنا تھا کہ وزیراعظم عمران خان آنے والی نسلوں کی بقا کے لئے کام کر رہے ہیں، ٹور ازم سے پاکستان کی ترقی اور خوش حالی جڑی ہے، پاکستان کومعاشی چیلنجزکا سامنا ہے، حکومت درپیش مسائل کےحل کے لئے مناسب قانون سازی کرے گی. سیاحت کے ذریعے ملازمتوں کےنئے مواقع فراہم کریں گے.

    پی ٹی ایم کس کے ایجنڈے پر کام کر رہی ہے؟

    فردوس عاشق اعوان نے کہا کہ پی ٹی ایم نے قومی سلامتی سے متعلق منفی پروپیگنڈے کیے، قبائلی علاقے میں رہنے والا ہرشخص پی ٹی ایم کی سوچ نہیں رکھتا، پی ٹی ایم کے اندرپاکستان مخالف عناصرگھس گئے ہیں، ایسےعناصرکے ساتھ آہنی ہاتھوں سے نمٹنا ہوگا، کل جوپالیسی شیئرہوئی، اب اسےسیاسی قیادت تفصیل سے شیئرکرے گی.

    ان کا کہنا تھا کہ حکومت، افواج پاکستان ایک پیج پر ہیں، پی ٹی ایم کے تانے بانے ملک دشمن عناصرسے ملتے ہیں، پی ٹی ایم میں کچھ ایسےعناصرہیں جنہیں بیرونی آقاؤں کی آشیرباد ہے.

  • وزیراعظم غریب عوام کا معیارزندگی بہتربنانے کے لیے کوشاں ہیں، فردوس عاشق اعوان

    وزیراعظم غریب عوام کا معیارزندگی بہتربنانے کے لیے کوشاں ہیں، فردوس عاشق اعوان

    اسلام آباد: معاون خصوصی برائے اطلاعات ونشریات ڈاکٹر فردوس عاشق اعوان کا کہنا ہے کہ اپوزیشن کو تعمیری کردار ادا کرنا چاہیے۔

    تفصیلات کے مطابق معاون خصوصی برائے اطلاعات فردوس عاشق اعوان نے کہا کہ حکومت اپوزیشن کے ساتھ کوئی کشیدگی نہیں چاہتی۔

    فردوس عاشق اعوان نے اپوزیشن کو مشورہ دیا کہ وہ پارلیمنٹ میں آگر تجاویز اور سفارشارت دیں کیونکہ یہ مسائل کے حل کے لیے بہترین فورم ہے۔

    معاون خصوصی برائے اطلاعات نے کہا کہ حکومت نے اپوزیشن کا مطالبہ پورا کرتے ہوئے شہبازشریف کو چیئرمین پی اے سی مقرر کیا اب یہ ان کی ذمہ داری ہے کہ وہ پارلیمنٹ میں آکر اپنا کردار ادا کریں۔

    انہوں نے کہا کہ وزیراعظم عمران خان غریب عوام کا معیار زندگی بہتر بنانے کے لیے کوشاں ہیں اور ملکی معیشت کو درست سمت کی طرف گامزن کرنے کے لیے اقدامات کررہے ہیں۔

    یاد رہے کہ دو روز قبل معاونِ خصوصی برائے اطلاعات کا کہنا تھا کہ ماضی کی حکومتوں نےاس ملک کودیمک کی طرح چاٹا، فالودےوالاکروڑپتی بن جاتاہے اور جب کرپشن پر ہاتھ ڈالو تو دوسروں کو نصیحت کرنے والے خود میاں فصیحت بن جاتے ہیں۔ پی پی پر تنقید کرتے ہوئے اُن کا کہنا تھا کہ ایک ٹولےکوتھرکےاندربچوں کی اموات نظرنہیں آتیں۔

  • شہید بھٹو کی نظریاتی جماعت کرپشن کے ہاتھوں شہید ہوچکی ہے: فردوس عاشق اعوان

    شہید بھٹو کی نظریاتی جماعت کرپشن کے ہاتھوں شہید ہوچکی ہے: فردوس عاشق اعوان

    اسلام آباد: معاون خصوصی برائے اطلاعات ڈاکٹر فردوس عاشق اعوان کا کہنا ہےکہ شہید بھٹو کی نظریاتی جماعت کرپشن کے ہاتھوں شہید ہوچکی ہے.

    ان خیالات کا اظہار انھوں نے اپنے خصوصی بیان میں‌ کیا. ان کا کہنا تھا کہ عوام کی جیبیں خالی ہیں، کیوں کہ آپ کی جماعت نے نظریاتی سیاست کو دفن کیا، آپ کی جماعت نے ذاتی مفادات اور کاروبار کے نظریہ کو گلے لگایا۔

    فردوس عاشق نے  مخالفین کو  آڑے ہاتھ لیتے ہوئے کہا کہ جب کرپشن مقدمات کی سماعت ہوتی ہے، ن لیگ اور پی پی، دونوں جماعتوں کو جمہوریت یاد آجاتی ہے.

    قوم نے عمران خان کو منتخب کرکے موروثی سیاست مسترد کر دی، جذباتی باتیں کرنے سے حقائق تبدیل نہیں ہوں گے، آپ کے والد پر مقدمات انھوں نے بنائے، جنھیں آج آپ جیل جا کر ملتے ہیں.

    مزید پڑھیں: عمران خان چین میں پاکستانی عوام کا مقدمہ لڑ رہے ہیں، فردوس عاشق اعوان

    معاون خصوصی اطلاعات کا کہنا تھا کہ احتساب کی زد میں آئی دونوں جماعتوں کی زبان، بیان اور اقدام ایک ہو چکا ہے، جعلی، بے نامی اکاؤنٹس، اثاثوں کا جواب دینا ہوگا، عوام کا لوٹا ہوا مال عوام کو واپس کرنا ہو گا، لوٹ کے مال کی بات کریں، تو عوامی حقوق کا شورشروع ہو جاتا ہے۔

    فردوس عاشق اعوان کا کہنا تھا کہ بہتر ہوتا کہ ن لیگ لاپتا قیادت سے ٹی ٹیز، پاپڑ، ریڑھی والے کے اکاونٹس کا پوچھتی؟ میاں صاحبان کوآج بھی اپنی ہی صحت کی فکر ہے، کاش میاں صاحبان نے قوم کی صحت کا بھی خیال کیا ہوتا.

    ڈاکٹر فردوس عاشق کا کہنا ہے کہ شہبازشریف لندن میں بیٹھ کرکس منہ عوام کی بات کر رہے ہیں، عوام کے نام پر پیٹ بھرنے والے مزید بیوقوف نہیں بنا سکتے، لٹیروں کی جمہوریت اور جمہوری سوچ سےعوام آگاہ ہیں.