ARYNews.tv | Urdu – Har Lamha Bakhabar

Tag: Firdous ashiq awan

  • بلین ٹری پر اپوزیشن رپورٹ پولیو ڈرامے کی طرح ڈرامہ ہے ، فردوس عاشق اعوان

    بلین ٹری پر اپوزیشن رپورٹ پولیو ڈرامے کی طرح ڈرامہ ہے ، فردوس عاشق اعوان

    اسلام آباد : وزیراعظم کےمعاون خصوصی ڈاکٹرفردوس عاشق اعوان نے کہا حقائق اب سامنے آئے نواز شریف کو دل کا نہیں اقتدار کا درد ہے، بلین ٹری پر اپوزیشن رپورٹ پولیو ڈرامے کی طرح ڈرامہ ہے، ووٹوں کی گنتی سےشکست خوردہ درخت گننے کے بجائے قومی خزانے کی لوٹی رقم واپس کریں۔

    تفصیلات کے مطابق وزیراعظم کےمعاون خصوصی ڈاکٹرفردوس عاشق اعوان نے اپنے بیان میں کہا نواز شریف کی عدالت میں درخواست دینے سے ظاہر ہوا بلی تھیلے سے باہرآگئی، اصل حقائق اب سامنےآئےکہ دل کانہیں اقتدارکادردہے۔

    فردوس عاشق اعوان کا کہنا تھا نوازشریف اوران کی ٹیم سب سےبڑی جھوٹی ہے، کہالندن نہیں جانا چاہتے اور درخواست دے دی، ووٹوں کی گنتی سے شکست خوردہ درختوں کی گنتی میں مصروف ہیں، درخت گننے کے بجائےقومی خزانےکی لوٹی رقم واپس کریں۔

    وزیراعظم کےمعاون خصوصی نے کہا ن لیگ بتائے ضمانت ملنے کے بعد میاں صاحب کا دل ٹھیک ہوگیا، بلین ٹری سونامی کے بارے میں رپورٹ سیاسی سازش ہے۔

    وزیراطلات نے سماجی رابطے کی ویب سائٹ ٹوئٹر پر اپنے بیان میں کہا بلین ٹری پر اپوزیشن رپورٹ پولیو ڈرامے کی طرح ڈرامہ ہے، سیاسی مخالفین نے یک طرفہ دورہ کرکے مرضی کی رپورٹ دی، سیاسی مخالفین کی رپورٹ حقائق پرمبنی نہیں۔

    ان کا ایک اور ٹوئٹ میں کہنا تھا ن لیگ کے ترجمان درخت گننے کے بجائے یہ بتائیں میاں صاحب ہسپتال میں اب تک داخل کیوں نہیں ہوئے؟ ووٹوں کی گنتی سے شکست خوردہ اور مایوس عناصر درختوں کی گنتی کر کے سیاسی نشہ پورا کرنے کی کوشش کر رہے ہیں اس میں بھی ان کو شکست ہو گی۔

    فردوس عاشق اعوان نے مزید کہا حکومت جمہوریت میں جمہور کے حقوق کے لیے کوشاں ہے، صدارتی نظام کی افواہوں میں کوئی صداقت نہیں، افواہیں پھیلانے والوں کے پاس عوامی ایجنڈا نہیں۔

  • بلاول بھٹو زرداری صرف اپنے خاندان کی کرپشن کا تحفظ کررہے ہیں، فردوس عاشق اعوان

    بلاول بھٹو زرداری صرف اپنے خاندان کی کرپشن کا تحفظ کررہے ہیں، فردوس عاشق اعوان

    اسلام آباد : مشیراطلاعات فردوس عاشق اعوان نے کہا ہے کہ بلاول بھٹو زرداری صرف اپنے خاندان کی کرپشن کا تحفظ کررہے ہیں، آکسفورڈ کی تعلیم نے بھی ان کو کچھ نہیں سکھایا۔

    یہ بات انہوں نے اے آر وائی نیوز سے گفتگو کرتے ہوئے بلاول بھٹو زرداری کے حالیہ بیان پر اپنے ردعمل میں کہی۔ فردوس عاشق اعوان نے کہا کہ بلاول بھٹو کو کرپشن کی وجہ سے صدارتی نظام کی باتیں یاد آرہی ہیں۔

    ایسے بیانات سے وہ صرف اپنے خاندان کی کرپشن کا تحفظ کررہے ہیں، نواز لیگ اور پیپلز پارٹی اتحاد کرپشن بچاؤ اتحاد میں تبدیل ہوگیاہے۔

    ان کا مزید کہنا تھا کہ یہ سب کچھ قوم کی کرپشن پر سے توجہ ہٹانے کے لئے کیا جارہا ہے، بلاول بھٹو خاندان کی کرپشن بچانے میں لگے ہوئے ہیں، بدعنوان لوگوں کو احتساب کاشکنجہ قریب آنے پر جمہوریت خطرے میں نظر آرہی ہے۔

    ایک سوال کے جواب میں مشیر اطلاعات و نشریات کا کہنا تھا کہ بلاول بھٹو اپنی والدہ شہید بی بی کا مذاق نہ اڑوائیں، آکسفورڈ کی تعلیم نے بھی ان کو کچھ نہیں سکھایا، بلاول بھٹو زرداری آکسفورڈ کی تعلیم کی اصل فلاسفی پہلے اپنی ذات پر لاگو کریں۔

    انہوں نے کہا کہ بلاول کرپشن کا دفاع کرنے کےبجائے کرپشن کےخلاف کھڑے ہوں، فردوس عاشق کرپشن پکڑی جائے تو انہیں صدارتی نظام اور 18ویں ترمیم یادآتی ہے، ان کی کرپشن پرہاتھ پڑے تو انہیں غریبوں اور کسانوں پر ترس آتا ہے۔

    فردوس عاشق اعوان کا کہنا تھا کہ پاکستان ایک امانت ہے اور امانت میں خیانت کرنے والے کسی رعایت کے مستحق نہیں، خیانت کرنے والوں نے عوام کو غریب کرکے اپنےمحلات تعمیر کیے۔

    صدارتی نظام پاکستان کے لئے نقصان دہ اور غیر جمہوری ہوگا،: بلاول بھٹو زرداری

    واضح رہے کہ پاکستان بار کونسل کی تقریب میں شرکت کے بعد میڈیا سے گفتگو کرتے ہوئے بلاول بھٹو کا کہنا تھا کہ نیب کالا قانون اور مشرف کا بنایا ہوا ادارہ ہے، جسے پولیٹیکل انجینئرنگ اور سیاسی مفادات کے لئے بنایا گیا، احتساب بلاتفریق ہونا چاہیے، سب کے لئے ایک قانون ہونا چاہیے.

    انہوں نے کہا کہ اس وقت شاید نیا سسٹم لانا مشکل ہوگا، اگر حکومت سسٹم کو ٹھیک کرنا چاہے تو ہم اس کا ساتھ دیں گے، مگر حکومت یوٹرن لیتی ہے، اب تک ایک بل پاس نہیں ہوا، حکومت کو ملک ،پارلیمنٹ اور معیشت چلانے میں کوئی دلچسپی نہیں. ریفرنڈم لانے کی باتیں غیرقانونی ہیں ایسی تجاویز نہیں دینی چاہیے۔

  • قومی خزانے کو لوٹنے والوں پر آرٹیکل چھ لگنا چاہئے، فردوس عاشق اعوان

    قومی خزانے کو لوٹنے والوں پر آرٹیکل چھ لگنا چاہئے، فردوس عاشق اعوان

    اسلام آباد : معاون خصوصی برائےاطلاعات ونشریات فردوس عاشق اعوان نے کہا ہے کہ قومی خزانہ لوٹنے اور عوام کے حقوق پر ڈاکہ ڈالنے والوں پر آرٹیکل چھ لگنا چاہئے، کرپشن اتحاد کی سازش ناکام ہوگی۔

    یہ بات انہوں نے اسلام آباد میں میڈیا سے گفتگو کرتے ہوئے کہی، انہوں نے کہا کہ پیپلز پارٹی اور نون لیگ نے ملک کو قرضے کی دلدل میں دھکیلا، قومی خزانے کو بیدردی سے لوٹنے والوں اور غریب عوام کے حقوق پر ڈاکہ ڈالنے والوں پرآرٹیکل چھ لگنا چاہئے، کرپشن اتحاد کی سازش ناکام ہوگی۔

    ایک سوال کے جواب میں مشیر اطلاعات نے کہا کہ وزیر اعظم عمران خان پاکستان کو مدینے کی ریاست کے اصولوں پر کھڑا کرنے کیلئے پرعزم ہیں، عمران خان قوم کی امید ہیں وہ امیدوں کے چراغ روشن رکھیں گے۔

    ان کو دوسروں کی طرح پارٹی وراثت میں نہیں ملی، فردوس عاشق اعوان کا مزید کہنا تھا کہ عمران خان کی سیاسی جدوجہد22سال پر محیط ہے، پیپلزپارٹی سے عمران خان کی مقبولیت ہضم نہیں ہورہی ہے۔

    علاوہ ازیں فردوس عاشق اعوان نے سماجی رابطے کی ویب سائٹ ٹویٹر پر اپنے ایک پیغام میں کہا ہے کہ غلام سرور کی وزارت پر میرے بیان کو توڑ مروڑ کر پیش کیا گیا، بریفنگ میں گیس کمپنیز کی بد انتظامی کے حقائق سے آگاہ کیا تھا۔

    گیس مسئلے کے ذمہ داران کمپنیز کے اعلیٰ عہدیداران ہیں، سازش کرنے والے عناصر کو بےنقاب کیا، معاون خصوصی برائے اطلاعات ونشریات نے مزید کہا کہ غلام سرور میرے نہایت قابل احترام بھائی ہیں، ان کی عزت کرتی ہوں، میرے بیان کو سیاق وسباق سے ہٹ کر بتانا افسوسناک ہے۔

  • بلاول نے کرپشن کے پیسے پر آکسفورڈ یونیورسٹی میں داخلہ لیا، فردوس عاشق اعوان

    بلاول نے کرپشن کے پیسے پر آکسفورڈ یونیورسٹی میں داخلہ لیا، فردوس عاشق اعوان

    اسلام آباد : وزیراطلاعات فردوس عاشق اعوان کا کہنا ہے کہ جب کرپشن کے پیسے پر آکسفورڈ یونیورسٹی میں داخلہ لیا ہو تو ابو، پھوپھو، انکلز کی لوٹ مار نظر نہیں آتی،بلاول نے پاکستان کے غریبوں کے بچوں کی فیسوں کے پیسے پر تعلیم حاصل کی۔

    تفصیلات کے مطابق معاون خصوصی وزیراعظم برائے اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر بلاول بھٹو زرداری کے ٹوئٹ پر ردعمل کا اظہار کرتے ہوئے کہا کہ جب کسی نے کرپشن کے پیسے پر آکسفورڈ یونیورسٹی میں داخلہ لیا ہو تو ایسے ہی ہوتا ہے کہ ابو، پھوپھو، انکلز کی لوٹ مار نظر نہیں آتی۔

    وزیر اطلاعات کا کہنا تھا وزیراعظم عمران خان نے ممالک میں معاشی واقتصادی تعاون کی بات کی، اصل موضوع کو سیاسی نمبرسکورنگ کے لئے استعمال کرنا افسوسناک اور قابل مذمت ہے۔

    ڈاکٹر فردوس عاشق اعوان نے کہا کہ بلاول نے پاکستان کے غریبوں کے بچوں کی فیسوں کے پیسے پر تعلیم حاصل کی،بلاول کی سیاسی فلم اسکرین پر آنے سے پہلے ہی فلاپ ہو چکی ہے۔

    ان کا کہنا تھا پیپلز پارٹی سندھ سے بھی ختم ہو رہی ہے،چیخ و پکار اور آہو بکاہ سے دم توڑتی سیاست زندہ نہیں رہ سکتی۔

    خیال رہے وزیر اعظم عمران خان نے ایران میں بزنس فورم سے خطاب میں جاپان اور جرمنی کے درمیان تجارتی تعلقات کے بیان کو غلط رنگ دیا گیا۔

    بعد ازاں بلاول بھٹو نے ٹوئٹ پر طنزیہ کرتے ہوئے کہا ہمارے وزیراعظم کے خیال میں جرمنی،جاپان کی سرحدملتی ہے، یہ بڑی شرمندگی کی بات ہے، یہی ہوتا ہےجب آکسفورڈیونیورسٹی صرف کرکٹ کھیلنے کی بنیاد پر لوگوں داخلہ دیتی ہے۔

  • ووٹ کوعزت دینے والے وزیر اعلیٰ پنجاب کوعزت دیں:‌ فردوس عاشق اعوان

    ووٹ کوعزت دینے والے وزیر اعلیٰ پنجاب کوعزت دیں:‌ فردوس عاشق اعوان

    لاہور: مشیر اطلاعات فردوس عاشق اعوان نے کہا ہے کہ ووٹ کو عزت دینے والے وزیر اعلیٰ پنجاب کوعزت دیں.

    ان خیالات کا اظہار  انھوں نے میڈیا سے گفتگو کرتے ہوئے کیا. انھوں نے کہا کہ جمہوریت میں میڈیا چوتھا ستون ہے، میڈیا عمران خان کے آنکھ اور کان ہیں.

    انھوں نے کہا کہ عمران خان، پی ٹی آئی اور  وزیراعلیٰ پنجاب ایک پیج پر ہیں، پی ٹی آئی کی حکومت میں میڈیا کا کلیدی کردارہے، صحافی برادری کی مشکلات حل کرنے کی کوشش کریں گے.

    ان کا کہنا تھا کہ وزیر اعلیٰ پنجاب پر وزیراعظم نے اعتماد کا اظہار کیا، مخالفین نے وزیراعلیٰ پنجاب کے خلاف افواہوں کا بازار گرم کر رکھا، ووٹ کو عزت دو کے نعرے لگانے والوں کو کہنا چاہتی ہوں کہ وزیر اعلیٰ پنجاب ووٹ لےکرمنتخب ہوئے ہیں، لہٰذا انھیں عزت دی جائے.

    مزید پڑھیں: پیپلزپارٹی نے کرپشن نہ چھوڑی تو سندھ سے بھی صاف ہوجائے گی، فردوس عاشق اعوان

    اسد عمر سے متعلق سوال پر انھوں نے کاہ کہ ہرمیدان میں ہرپلیئر سنچری نہیں کرتا، پلیئر صحیح ہوتا ہے، لیکن بعض اوقات میدان ساتھ نہیں دیتا، حفیظ شیخ کی کارکردگی کی بنیادپر ان کو لایا گیا ہے، بیٹنگ آرڈرتبدیل کرناوزیراعظم کا حق ہے، وزیراعظم نےاپناآئینی حق استعمال کیا ہے، اسدعمرپی ٹی آئی کاوہ چہرہ ہے، جوعمران خان کے شانہ بشانہ رہا.

    ان کا مزید کہنا تھا کہ پی ٹی آئی کی پوری پارلیمانی پارٹی نے وزیراعلیٰ پراظہاراعتماد کیا، پنجاب ہماراسب سے بڑا سیاسی محاذ ہے، نئی معاشی ٹیم کو وزیراعظم نےعوام دوست بجٹ کی ہدایت کی ہے، معاشی مسائل کےحل کیلئےعالمی معاشی فیس کی ضرورت تھی.

  • وزیر اعظم نے حفیظ شیخ اور معاشی ٹیم کو ٹارگٹس دے دیے

    وزیر اعظم نے حفیظ شیخ اور معاشی ٹیم کو ٹارگٹس دے دیے

    اسلام آباد: مشیر  اطلاعات فردوس عاشق اعوان نے کہا ہے کہ وزیر اعظم عمران خان سے معاشی ٹیم کی ملاقات ہوئی، جسے نئی ذمے داریاں دی گئی ہیں.

    ان خیالات کا اظہار  انھوں نے اسلام آباد میں میڈیا سے گفتگو کرتے ہوئے کیا۔ ان کا کہنا تھا کہ وزیراعظم عمران خان نے حفیظ شیخ کو  اہم ٹارگٹس دیے ہیں۔

    [bs-quote quote=”اپوزیشن پارلیمنٹ کو ہائی جیک کرنے کی کوشش کرے گی، تو مسائل جنم لیں گے” style=”style-8″ align=”left” author_name=”فردوس عاشق اعوان”][/bs-quote]

    انھوں نے کہا کہ وزیراعظم ایران اورچین کا دورے کرنے جارہے ہیں، عوام کو مہنگائی کے بوجھ سے نکالنا ٹارگٹ ہے، عمر ایوب کو وزارت پٹرولیم کا اضافی چارج دیا جا رہا ہے، مختلف وزارتوں کو ٹارگٹ دیے گئے ہیں، رمضان میں عوام کو ریلیف دینا چاہتے ہیں، اپوزیشن کواپنا کردار ذمہ داری سے اداکرنا ہے، اپوزیشن مفاہمت کو کمزور سمجھے گی، تو مسائل ہوں گے۔

    مزید پڑھیں: وزیراعظم کا ایک بار پھر اپنے دونوں وزرائے اعلیٰ پراعتماد کا اظہار

    انھوں نے کہا کہ حکومت کی جانب سےاپوزیشن کو مکمل سپورٹ کریں گے، یقینی بنارہے ہیں کہ آئندہ کے بجٹ میں عوام کو ریلیف ملے گا، اپوزیشن کے بغیر  پارلیمنٹ اور جمہوریت نہیں چل سکتی، اپوزیشن عوام کے مسائل کے حل میں مدد کرے گی، تو تعاون کریں گے، اپوزیشن پارلیمنٹ کو ہائی جیک کرنے کی کوشش کرے گی، تو مسائل جنم لیں گے۔

    جب فردوس عاشق ایوان سے سوال کیا گیا کہ اسدعمر کو کون منانے جائے گا؟ تو انھوں نے جواب دیا کہ منایا اسے جاتا ہے، جو روٹھے۔

  • پی ٹی آئی نے فردوس عاشق اعوان، شہریارآفریدی ودیگر کو ٹکٹس جاری کردیئے

    پی ٹی آئی نے فردوس عاشق اعوان، شہریارآفریدی ودیگر کو ٹکٹس جاری کردیئے

    اسلام آباد : پاکستان تحریک انصاف نے فردوس عاشق اعوان، شہریارآفریدی، شوکت یوسفزئی اورحمیدہ شاہد کو ٹکٹس دینے کا فیصلہ کرلیا، عمران خان نے امیدواروں کے ناموں کی منظوری دے دی۔

    تفصیلات کے مطابق پاکستان تحریک انصاف کے مرکزی پارلیمانی بورڈ نے عام انتخابات کیلئے امیدواروں کو مزید ٹکٹ جاری کردیئے۔

    پارلیمانی بورڈ کے فیصلے کے مطابق این اے72سیالکوٹ سے فردوس عاشق اعوان کو میدان میں اتارنے کا فیصلہ کیا گیا ہے جبکہ شہریار آفریدی کوہاٹ سے قومی اسمبلی کاانتخاب لڑیں گے۔

    شوکت یوسفزئی شانگلہ سے صوبائی نشست کیلئے میدان میں اتریں گے، اس کے علاوہ حمیدہ شاہد دیر سے صوبائی اسمبلی کا انتخاب لڑیں گی، پی ٹی آئی ذرائع کے مطابق چیئرمین عمران خان نے مذکورہ رہنماؤں کیلئے ٹکٹس کے اجراء کی منظوری دے دی ہے۔

    علاوہ ازیں عمران خان کی زیرصدارت بنی گالہ اسلام آباد میں تحریک انصاف میڈیا اسٹریٹجی کمیٹی کا اجلاس ہوا، اجلاس میں اسد عمر، شیریں مزاری، فیصل جاوید، علی محمدخان، شہریار آفریدی اور دیگر موجود تھے۔

    اس موقع پر عام انتخابات میں ٹکٹوں کی تقسیم کے بعد پیداہونے والی صورتحال پرتبادلہ خیال کیا گیا، انتخابات کیلئے تحریک انصاف کی حکمت عملی او رمیڈیا پالیسی پر غوروخوص کیا گیا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • وزیراعظم سے استعفے کا مطالبہ، پیپلزپارٹی دوگروپوں میں تقسیم

    وزیراعظم سے استعفے کا مطالبہ، پیپلزپارٹی دوگروپوں میں تقسیم

    اسلام آباد : پاکستان پیپلز پارٹی کی خاتون رہنما فردوس عاشق اعوان نے کہا ہے کہ اپوزیشن لیڈر سید خورشید شاہ کا گینگ جو بھی کرے ہمیں اس سے سرو کار نہیں ہم وزیراعظم نواز شریف سے استعفے کی لڑائی لڑ رہے ہیں۔

    تفصیلات کے مطابق وزیراعظم نواز شریف کے استعفے کے معاملے پر پیپلزپارٹی میں اختلافات سامنے آگئے۔ فردوس عاشق اعوان اور دیگر رہنماؤں نے خورشید شاہ اور ان کے حامیوں کو گینگ قرار دے دیا۔

    فردوس عاشق اعوان کا کہنا ہے کہ خورشید شاہ گینگ جو بھی کرے ہم وزیراعظم سے استعفےکی لڑائی لڑ رہے ہیں، ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا۔

    دوسری جانب پی پی رہنما افضل چن نے بھی کہا ہے کہ وزیراعظم پاناما لیکس کے معاملے پر استعفیٰ دیں۔

    یاد رہے کہ ایک طرف پی پی کے چیئرمین بلاول بھٹو زرداری نے کوٹلی کے ایک جلسہ عام میں وزیر اعظم نواز شریف سے استعفے کا مطالبہ کیاتھا، لیکن پھر اس کے بعد اچانک سینیٹر اعتزاز احسن کی جانب سے استعفے کا مطالبہ نہ کرنے کا بیان سامنے آیا پھرسید خورشید شاہ نے بھی اسی سے ملتا جلتا بیان دیا۔

    پیپلزپارٹی کے ایک گروپ کی رائے اس سے مختلف ہے۔ سوال یہ پیدا ہوتا ہے کہ ایک طرف استعفے کا مطالبہ دوسری طرف مطالبے سے پیچھے ہٹنے کا معاملہ۔اصل بات کیا ہے؟؟ کیا پیپلزپارٹی وزیراعظم نواز شریف کے استعفے کے معاملے پر دو گروپوں میں بٹ گئی ہے؟؟

     

  • فردوس عاشق اعوان پی پی پنجاب کے نائب صدر کے عہدے سے مستعفی

    فردوس عاشق اعوان پی پی پنجاب کے نائب صدر کے عہدے سے مستعفی

    کراچی : فردوس عاشق اعوان نے پیپلز پارٹی پنجاب کے نائب صدر کے عہدے سے استعفیٰ دے دیا ہے،ان کا کہنا کہ  پیپلزپارٹی کوہومیوپیتھک گولیوں کی نہیں،سرجری کی ضرورت ہے۔

    ان خیالات کا اظہار انہوں نے کراچی پریس کلب میں پریس کانفرنس سے خطاب کرتے ہوئے کیا، اس موقع پر فردوس عاشق اعوان نے پیپلز پارٹی پنجاب کے نائب صدر کے عہدے استعفیٰ دینے کا اعلان کیا۔

    فردوس عاشق اعوان کا کہنا تھا کہ وہ ڈاکٹر ہیں اور جانتی ہیں کہ کونسی بیماری کا علاج سرجری سےہوتا ہے، پیپلزپارٹی کو ہومیوپیتھک گولیوں کی نہیں،سرجری کی ضرورت ہے۔

    انہوں نے کہا کہ اگر پیپلز پارٹی کے بانی چھوڑ کرجا رہے ہیں تو کہیں نہ کہیں مسائل ضرور ہیں، اپنے تحفظات سے بلاول بھٹو زرداری کو آگاہ کر دیا ہے، امید ہے بلاول بھٹو پارٹی کارکنوں کو مطمئن کرنے کے لئے اہم فیصلے کریں گے۔

    فردوس عاشق اعوان کا کہنا تھا کہ سندھ حکومت کی کوتاہیوں کی سزا پوری پیپلز پارٹی کو کیوں دی جا رہی ہے، کیا ہم صرف سندھ حکومت بچانے کی سیاست کررہے ہیں۔

    انہوں نے کہا کہ ہمارے دہرے معیار نے ہمیں تباہ کیا، اپوزیشن اگرحکومت کو کندھا دے تو وہ خود اپنی قبر کھودتی ہے۔