ARYNews.tv | Urdu – Har Lamha Bakhabar

Tag: Fire

  • مسلمان کانگریس خواتین کیخلاف ٹرمپ کے بیان پر اراکین پارلیمنٹ کی مذمت

    مسلمان کانگریس خواتین کیخلاف ٹرمپ کے بیان پر اراکین پارلیمنٹ کی مذمت

    واشنگٹن : امریکا میں ڈیموکریٹ ارکان پارلیمنٹ سمیت صدارتی امیدواروں نے ڈونلڈ ٹرمپ اور ریپبلکن کی جانب سے مسلمان کانگریس خواتین کے خلاف تضحیک آمیز بیانات کو قابل مذمت قرار دے دیا۔

    تفصیلات کے مطابق ڈیموکریٹس اراکین نے کہا کہ امریکی ایونِ نمائندگان کا حصہ بننے والی دو مسلمان خواتین کے خلاف امریکی صدر کا بیان انتہائی خطرناک اور تشدد کو فروغ دینے کے مترادف ہے۔

    غیر ملکی میڈیا کا کہنا ہے کہ گزشتہ ہفتے امریکی صدر ڈونلڈ ٹرمپ کے ایک حامی نے کانگریس کی خاتون رکن الہان عمر کو مسلمان ہونے کی بنیاد پر قتل کرنے کی دھمکی دی تھی جسے بعدازاں گرفتار کرلیا گیا تھا۔

    کانگریس میں مسلم خاتون کی کامیابی پر ٹرمپ نے ٹوئٹ کیا تھا کہ ہم کبھی نہیں بھولیں گے، امریکی صدر کا مذکورہ بیان نائن الیون حملے سے متعلق تھا۔

    خبر رساں اداروں کا کہنا ہے کہ انتخابات 2020 کے دو صدارتی امیدواروں نے پارٹی سے مطالبہ کیا کہ وہ ڈونلڈ ٹرمپ کے ٹوئٹ سمیت دیگر متنازع بیانات کی مذمت کریں۔

    غیر ملکی خبر رساں ادارے کے مطابق سینیٹر بارنی سینڈرز نے کہا کہ الہان عمر پر حملہ پریشان کن اور خطرناک ہے۔

    ان کا کہنا تھا کہ الہان عمر اور ہم، ڈونلڈ ٹرمپ کے نسل پرستانہ اور نفرت آمیز بیان سے متعلق مذاحتمی بیان سے پیچھے نہیں ہٹیں گے۔

    دوسری جانب سینیٹر ایلزبتھ ورین نے ٹوئٹ کیا کہ صدر اور ان کا پورا گروہ مذہب کی بنیاد پر کانگریس خاتون کے خلاف تشدد کو فروغ دے رہے ہیں، یہ بہت قابل مذمت اور ندامت پر مشتمل ہے۔

  • شرشاہ میں آئل ٹینکر و گودام میں‌ لگی آگ پر قابو پالیا

    شرشاہ میں آئل ٹینکر و گودام میں‌ لگی آگ پر قابو پالیا

    کراچی شیر شاہ میں گل بائی پُل پر ٹینکر میں لگنے والی آگ پر قابو پالیا گیا ہے، خوفناک آتشزدگی کے نتیجے میں 2 گودام اور متعدد گاڑیاں جل کر خاکستر ہوگئیں۔

    تفصیلات کے مطابق شہر قائد کے علاقے شرشاہ میں گل بائی پُل کے قریب ٹینکر الٹ گیا تھا جس میں موجود ہزاروں لیٹر آئل بہے گیا تھا جس میں ہولناک آگ بھڑک اٹھی تھی۔

    ذرائع کا کہنا ہے کہ فائر بریگیڈ کی 7 سے 8 گاڑیوں نے آگ بجھانے میں حصّہ لیا، آتشزدگی کے نتیجے میں دو گودام، ایک کنٹینر، 5 موٹر سائیکلیں جل گئیں۔

    ذرائع کے مطابق حادثے کے نتیجے میں کوئی جانی نقصان نہیں ہوا تاہم شہریوں نے آگ بجھنے کے بعد سڑک پر بہنے والا خام تیل بالتیوں میں بھرنا شروع کردیا جو کسی بھی ناخوشگوار حادثے کا باعث بن سکتا ہے۔۔

    وزیر اعلیٰ سندھ سید مراد علی شاہ نے گل بائی پُل پر ٹینکر میں بھڑکنے والی آگ کا نوٹس لیتے ہوئے کمشنر کو فون کرکے ضروری اقدامات کی ہدایات جاری کردی۔

    مزید پڑھیں : شیر شاہ میں آئل ٹینکر التنے کے باعث خوفناک آتشزدگی

    یاد رہے کہ صبح تقریباً 7 بجے شرشاہ میں گل بائی پُل پر ہزاروں لیٹر کروڈ آئل سے لدا ٹینکر نامعلوم وجوہات کے باعث الٹ گیا، جس کے نتیجے میں ڈرائیور معمولی زخمی ہوا تھا اور ٹینکر سے ہزاروں لیٹر کروڈ آئل بھی بہے کر ضائع ہوگیا۔

  • شیر شاہ میں آئل ٹینکر الٹنے کے باعث خوفناک آتشزدگی

    شیر شاہ میں آئل ٹینکر الٹنے کے باعث خوفناک آتشزدگی

    کراچی : شیرشاہ میں گل بائی پُل پر آئل ٹینکر الٹ گیا، ٹینکر سے آئل لیک ہونے کے باعث ہولناک آگ بھڑک اٹھی، حکام نے سٹرک ٹریفک کے لیے بند کردی۔

    تفصیلات کے مطابق شہر قائد کے علاقے شرشاہ میں گل بائی پُل پر ہزاروں لیٹر کروڈ آئل سے لدا ٹینکر نامعلوم وجوہات کے باعث الٹ گیا، جس کے نتیجے میں ڈرائیور معمولی زخمی ہوگیا اور ٹینکر سے ہزاروں لیٹر کروڈ آئل بھی بہے کر ضائع ہوگیا۔

    حادثے کے بعد کسی امکانی واقعے سے بچنے کے لئے انتظامیہ کی جانب سے اعتراف کی سٹرکوں اور آئی آئی چندیگر روڈ کو ٹریفک کہ لئے بند کرنے کے ساتھ ضلع کے تمام واٹر ہائیڈرنٹس پر ایمرجنسی نافذ کردی گئی ہے۔

    ذرائع کا کہنا ہے کہ آگ لگنے کے باعث قریبی گودام اور متعدد گاڑیاں بھی جل کر خاکستر ہوگئیں، تاحال کسی جانی نقصان کی اطلاع موصول نہیں ہوئی۔

    ذرائع کا کہنا ہے کہ دھوئیں کی وجہ سے علاقے میں سانس لینے میں مشکلات کا بھی سامنا کرنا پڑرہا ہے۔

    مزید پڑھیں : بہاولپور: آئل ٹینکر میں آگ لگنے سے 140 افراد جاں بحق

    یاد رہے کہ ایک برس قبل صوبہ پنجاب کےشہربہاولپورمیں احمد پور شرقیہ کے قریب آئل ٹینکر دھماکےکے نتیجےمیں 140 افراد جاں بحق جبکہ 146 افراد زخمی ہوگئے تھے۔

    واضح رہے کہ 29 رمضان کو ٹینکر میں آگ لگنے سے 140 افرادجاں بحق اور 100 سے زائد زخمی ہوگئے تھے، واقعہ قومی شاہراہ پر پُل پکی کے قریب اس وقت پیش آیا جب آئل ٹینکر سے تیل لیک ہوا اور لوگوں کی بڑی تعداد تیل جمع کرنے کے لیے وہاں پہنچی تو آئل ٹینکر اچانک دھماکے سے پھٹ گیا تھا۔

  • وزیراعظم سیکرٹریٹ میں لگنے والی آگ کی وجہ سامنے آگئی

    وزیراعظم سیکرٹریٹ میں لگنے والی آگ کی وجہ سامنے آگئی

    اسلام آباد: وزیراعظم سیکرٹریٹ میں لگنے والی آگ کی وجہ سامنے آگئی، آگ تیسرے فلور پر لگی، جس کا دھواں چھٹی منزل پر پہنچ گیا۔

    تفصیلات کے مطابق آگ باتھ روم میں شارٹ سرکٹ کے باعث لگی، بروقت کارروائی سے آگ پر قابو پا لیا گیا.

    وزیر اعظم عمران خان کے معاون خصوصی یوسف بیگ مرزا نے کہا ہے کہ تیسرے فلور کے باتھ روم میں آگ شارٹ سرکٹ کے سبب لگی، معاملے کی تحقیقات کے لئے کمیٹی تشکیل دے دی گئی ہے، کمیٹی تین دن میں اپنی رپورٹ اعلیٰ حکام کو پیش کرے گی۔

    انھوں نے کہا کہ وزیر اعظم آفس میں موجود آگ بجھانے کے آلات اور فائربریگیڈ کی بروقت کارروائی سے آگ پر قابو پایا گیا، تمام ملازمین محفوظ رہے ۔

    مزید پڑھیں: وزیر اعظم سیکرٹریٹ کی چھٹی منزل پر لگنے والی آگ پر قابو پالیا گیا

    یوسف بیگ مرزا کا کہنا تھا کہ کہا کہ وزیراعظم آفس میں موجود تھے اوراجلاس کی صدارت کررہے تھے، وزیراعظم کو مطلع کیا گیا کہ دھواں پھیل رہا ہے، جس کے بعد وزیراعظم نے آگ کی شدت سے متعلق معلومات حاصل کرنے کی ہدایت کی۔

    وزیر اعظم کے معاون خصوصی نے کہا کہ تحقیقاتی کمیٹی تین دن میں اپنی رپورٹ اعلیٰ حکام کو پیش کرے گی، کسی نقصان کی کوئی اطلاع نہیں، فائرسسٹم سے آگ پرآدھے گھنٹے میں قابوپالیا گیا۔

  • وزیر اعظم سیکرٹریٹ کی چھٹی منزل پر لگنے والی آگ پر قابو پالیا گیا

    وزیر اعظم سیکرٹریٹ کی چھٹی منزل پر لگنے والی آگ پر قابو پالیا گیا

    اسلام آباد: وزیر اعظم سیکرٹریٹ کی چھٹی منزل پر لگنے والی آگ پر قابو پالیا گیا، عملے کو بحفاظت نکال لیا گیا اور کوئی نقصان پیش نہیں آیا۔

    تفصیلات کے مطابق وزیر اعظم سیکرٹریٹ کی چھٹی منزل پر اچانک آگ بھڑک اٹھی، اطلاع دیے جانے پر فائر بریگیڈ کی 5 گاڑیاں آگ بجھانے کے لیے موقع پر پہنچ گئیں۔ اس موقع پر اسکائی لفٹ بھی منگوا لی گئی جبکہ واپڈا اور سوئی گیس عملے کو بھی طلب کرلیا گیا۔

    ترجمان پاک بحریہ کے مطابق بحریہ کے 2 فائرٹینڈرز نے بھی آگ بجھانے کے عمل میں حصہ لیا۔ ذرائع کا کہنا ہے کہ آگ لگتے ہی آفس کو فوری طور پر خالی کروا لیا گیا۔

    وزیر اعظم کے معاون خصوصی یوسف بیگ مرزا نے میڈیا سے گفتگو کرتے ہوئے بتایا کہ وزیر اعظم سیکرٹریٹ کے تیسرے فلور کے باتھ روم میں آگ لگی تھی، آگ کا دھواں عمارت کی چھٹی منزل تک پہنچ گیا تاہم فوری اقدام سے آگ پر قابو پا لیا گیا۔

    انہوں نے بتایا کہ عملے کو بحفاظت نکال لیا گیا ہے اور کوئی نقصان نہیں ہوا۔

    ابتدائی رپورٹ تیار

    وزیر اعظم آفس میں لگنے والی آگ سے متعلق ابتدائی رپورٹ تیار کرلی گئی، رپورٹ کے مطابق آگ ممکنہ طور پر شارٹ سرکٹ کے باعث لگی، ٹیمیں عمارت کی ڈکٹ کھول کر آگ لگنے کی وجہ معلوم کر رہی ہیں۔

    رپورٹ میں کہا گیا کہ آگ لگنے کے واقعے میں کوئی زخمی بھی نہیں ہوا، آگ کے باعث فرنیچر کو بھی نقصان نہیں پہنچا اور دستاویزات اور رپورٹس بھی محفوظ رہیں۔

  • چین: جنگلات میں ہولناک آتشزدگی کے باعث 26 فائر فائٹرز ہلاک

    چین: جنگلات میں ہولناک آتشزدگی کے باعث 26 فائر فائٹرز ہلاک

    بیجنگ: چین کے جنگلات میں ہولناک آتشزدگی کے باعث 26 فائر فائٹرز جھلس کر ہلاک اور کئی لاپتہ ہوگئے۔

    تفصیلات کے مطابق چینی صوبے سیچوان کے جنگلات میں لگنے والی آگ نے دیکھتے ہی دیکھتے بڑے حصے کو جلا کر خاک کردیا جس کے باعث چھبیس فائرفائٹرز جھلس کر ہلاک ہوگئے۔

    غیر ملکی خبر رساں ادارے کا کہنا ہے کہ ریسکیو عملے کے کارکنان آگ بجھانے میں مصروف تھے کہ اچانک تیزی سے چلنے والی ہوا کا رخ تبدیل ہوگیا اور شعلوں نے 26 عملے کے کارکنان کو اپنے لیٹ میں لے لیا۔

    دوسری جانب انتظامیہ نے خبردار کیا ہے کہ گزشتہ برسوں کے مقابلے میں بڑھتے ہوئے درجہ حرارت نے ملک کے شمالی علاقے میں واقع جنگلات میں آگ لگنے کے واقعات کا خطرہ بڑھادیا ہے۔

    حکام کے مطابق آگ پر قابو پانے کے لیے عملے کی تعداد میں اضافہ کردیا گیا ہے، ارد گرد کے رہائشی افراد کو محفوظ مقامات پر منتقل کردیا گیا ہے۔

    یاد رہے کہ مئی 1987 میں چین کے شمالی مشرقی صوبے ہیلونگ جیانگ میں ہولناک آگ بھڑکنے کے نیتجے میں ایک سو 19 افراد ہلاک، ایک سو 2 افراد زخمی اور 51 ہزار بے گھر ہوگئے تھے۔

    چین کی الیکٹرانک فیکٹری میں دھماکا، 7 افراد ہلاک

    واضح رہے کہ گذشتہ دنوں مشرقی چین میں واقع برقی آلات بنانے والی فیکڑی میں خوفناک دھماکا ہوا جس کے بعد آگ لگ گئی تھی، حادثے میں 7 افراد ہلاک جبکہ 5 زخمی ہوگئے تھے۔

  • عجمان: پرفیوم کے گودام میں آتشزدگی، ملازم ہلاک 4 زخمی

    عجمان: پرفیوم کے گودام میں آتشزدگی، ملازم ہلاک 4 زخمی

    ابوظبی : متحدہ عرب امارات کی ریاست عجمان میں پرفیوم کے گودام میں خوفناک آتشزدگی کے نتیجے میں ایک ملازم ہلاک چار زخمی ہوگئے۔

    تفصیلات کے مطابق متحدہ عرب امارات کی ریاست عجمان کے الجرف انڈسٹریل ایریا میں واقع پرفیوم کے گودام میں ہفتے کی رات اچانک ہولناک آتشزدگی کے نتیجے میں گودام میں کام کرنے والا ایک ملازم ہلاک ہوگیا۔

    اماراتی خبر رساں ادارے کا کہنا تھا کہ خوفناک آتشزدگی میں ہلاک ہونے والے شخص کا تعلق مصر ہے جو دھواں بھرنے کے باعث ہلاک ہوا ہے، مذکورہ شخص شیخ خلیفہ اسپتال منتقل کیا جارہا تھا لیکن رستے میں ہی دم توڑ گیا۔

    عجمان کی سول ڈیفنس کے ڈیوٹی افسر لیفٹیننٹ جمال حسن جمیل کا کہنا تھا کہ الجرف انڈسٹریل ایریا میں آتشزدگی سے متاثر ہونے والے گودام میں ہولناک آتشزدگی کے باعث وسیع پیمانے پر نقصان ہوا ہے۔

    مقامی خبر رساں ادارے کا کہنا تھا کہ گودام میں بڑی تعداد میں آتشگیر مادہ موجود ہے جس کے باعث فائر فائیٹر عملے کو آگ پر قابو پانے میں شدید مشکلات کا سامنا کرنا پڑ رہا ہے تاہم ہنگامی خدمات انجام دینے والا عملہ مسلسل آگ پر قابو پانے میں مصروف ہے۔

    لیفٹیننٹ جمال حسن جمیل کا کہنا ہے کہ حادثے میں زخمی ہونے والے دیگر متاثرین کو فوری طور پر اسپتال منتقل کردیا گیا تھا جن کی حالت خطرے سے باہر ہے، چاروں زخمیوں کا تعلق افریقہ سے ہے۔

    مزید پڑھیں : اماراتی ریاست عجمان میں ہولناک آتش زدگی، 3 افراد ہلاک

    متحدہ عرب امارات، گھر میں ہولناک آتشزدگی، 8 افراد جاں بحق

    عجمان سول ڈیفنس کی جانب سے جاری کردہ اعلامیے میں کہا گیا ہے کہ مذکورہ واقعہ آج دوپہر 12 بجے کے قریب لگی تھی۔

    اماراتی خبر رساں ادارے کا کہنا تھا کہ گودام میں بھڑکنے والی آگ نے اندر رکھا سارا سامان جلا کر راکھ کردیا۔

  • کراچی: گلشن اقبال میں واقع عمارت میں لگنے والی آگ پر قابو پالیا گیا، 2 افراد جاں بحق

    کراچی: گلشن اقبال میں واقع عمارت میں لگنے والی آگ پر قابو پالیا گیا، 2 افراد جاں بحق

    کراچی: صوبہ سندھ کے دارالحکومت کراچی میں 17 منزلہ عمارت میں لگنے والی آگ پر قابو پالیا گیا، افسوسناک حادثے میں 2 افراد جان کی بازی ہار گئے۔

    تفصیلات کے مطابق آتش زدگی کا واقعہ کراچی کے علاقے گلشن اقبال ممتاز منزل کے قریب پیش آیا جہاں عمارت میں اچانک آگ بھڑک اٹھی۔ مذکورہ عمارت 17 منزلوں پر مشتمل ہے جبکہ عمارت میں دفاتر ہیں، علاوہ ازیں رہائشی منازل پر شہری بھی رہائش پذیر ہیں۔

    آگ نے 4 سے 5 منزلوں کو متاثر کیا، آگ لگنے کے باعث عمارت میں موجود متعدد افراد چھت پر چڑھ گئے۔ آگ لگنے کے فوراً بعد 2 افراد جان بچانے کے لیے چھت سے کود گئے، تاہم دونوں اپنی جان کی بازی ہار گئے۔

    واقعے کے بعد فائر بریگیڈ کی گاڑیوں نے موقع پر پہنچ کر آگ بجھانے کا عمل شروع کیا۔ اس موقع پر پاک بحریہ کے ہیلی کاپٹرز نے بھی ریسکیو کارروائیوں میں حصہ لیا۔

    ترجمان پاک بحریہ کے مطابق بحریہ کے ہیلی کاپٹرز نے عمارت کی چھت سے لوگوں کو محفوظ مقام پر پہنچایا، پاک بحریہ کے فائر ٹینڈرز نے بھی امدادی آپریشن میں حصہ لیا۔

    ریسکیو ذرائع کے مطابق فائر بریگیڈ کی آمد سے قبل شہری جان بچانے کے لیے رسی کے ذریعے نیچے اترے، آگ سے 4 افراد معمولی طور پر جھلس بھی گئے جنہیں فوری طور پر اسپتال منتقل کردیا گیا۔

    جناح اسپتال کی ڈائریکٹر ڈاکٹر سیمی جمالی کا کہنا ہے کہ جناح اسپتال میں دھوئیں سے متاثرہ 5 افراد لائے گئے۔ پانچوں افراد ٹھیک ہیں جنہیں ابتدائی طبی امداد کے بعد گھر منتقل کر دیا گیا۔

    پولیس کا کہنا ہے کہ آگ عمارت کی چھٹی منزل پر شارٹ سرکٹ کے باعث لگی، جنریٹر کو الیکٹرک وائر سے ملانے کے دوران شارٹ سرکٹ ہوا۔

    واقعے کے بعد واٹر بورڈ کی جانب سے صفورا اور نیپا ہائیڈرنٹس پر ایمرجنسی نافذ کردی گئی، ایم ڈی واٹر بورڈ کے مطابق پانی سے بھرے ٹینکرز فوری طور پر جائے وقوع کی طرف روانہ کیے گئے۔

    میئر کراچی وسیم اختر نے بھی عمارت میں پھنسے افراد کو فوری نکالنے کی ہدایات دیتے ہوئے کہا کہ فائر بریگیڈ کی گاڑیوں اور افرادی قوت میں اضافہ کیا جائے۔

    دوسری جانب امدادی کاروائیوں کے دوران یونیورسٹی روڈ پر ٹریفک جام ہوگیا اور گاڑیوں کی طویل قطاریں لگ گئیں۔

    خیال رہے کہ چند روز قبل کراچی میں ہی شارع فیصل پر واقع ایف ٹی سی بلڈنگ میں بھی آگ بھڑک اٹھی تھی۔ آگ رات کے 2 بجے لگی جس کی وجہ سے کوئی جانی نقصان نہیں ہوا۔

    فائر بریگیڈ کی 12 گاڑیوں اور 2 اسنارکلز نے موقع پر پہنچ کر آگ بجھائی۔ آگ لگنے کی وجہ معلوم نہ ہوسکی۔

  • اٹلی میں ڈرائیور نے بچوں سے بھری اسکول وین کو آگ لگا دی

    اٹلی میں ڈرائیور نے بچوں سے بھری اسکول وین کو آگ لگا دی

    روم: یورپی ملک اٹلی میں ڈرائیور نے اسکول کے 51 طالب علموں سے بھری بس کو آگ لگا دی، جس کے نتیجے میں 12 بچے جھلس گئے۔

    تفصیلات کے مطابق اٹلی کے شہر میلان کے قرب اسکول وین ڈرائیور نے بچوں سے بھری بس کو آگ لگا دی، خوش قسمتی سے کوئی جانی نقصان نہیں ہوا تاہم 12 طالب علم معمولی زخمی ہوئے۔

    غیر ملکی خبر رساں ادارے کا کہنا ہے کہ ڈرائیور نے پہلے بچوں کو چاقو دکھاکر ڈرانے کی کوشش کی، لیکن پولیس کو پیچھے آتا دیکھ کر اس نے بس پر آتشگیر مادہ چھڑک کر آگ لگا دی۔

    پولیس نے بروقت کارروائی کرتے ہوئے بچوں کو بس کے شیشے توڑ کا بحفاظت نکالا، جبکہ اس دوران بارہ بچے جھلس کر معمولی زخمی ہوئے۔

    پولیس حکام کا کہنا ہے کہ 47 سالہ بس ڈرائیور کو حراست میں لے لیا ہے، خوش قسمتی سے کوئی جانی نقصان نہیں ہوا، فوری کارروائی نہ کی جاتی تو بہت برا سانحہ ہوجاتا، اور درجنوں بچے لقمہ اجل بن جاتے۔

    گرفتار ملزم اسکول کے بچوں کو غیرنصابی سرگرمیوں کے سلسلے میں میلے میں لےجارہا تھا کہ اسی دوران اس نے معصوم بچوں کی جان لینے کی کوشش کی۔

    خیال رہے کہ ڈرائیور کے خلاف ماضی میں بھی جرائم میں ملوث ہونے کے مقدمات درج ہیں، نشے میں دھت گاڑی چلانے پر جرمانہ بھی ہوچکا ہے۔

  • ہالینڈ میں ٹرام پر نامعلوم افراد کی فائرنگ، متعدد افراد زخمی، ہلاکتوں کا خدشہ

    ہالینڈ میں ٹرام پر نامعلوم افراد کی فائرنگ، متعدد افراد زخمی، ہلاکتوں کا خدشہ

    ایمسٹردیم : ہالینڈ کے شہر یوٹریکٹ میں نامعلوم فرد نے ٹرام پر اندھا دھند فائرنگ کردی، جس کے نتیجے میں متعدد مسافر زخمی ہوگئے۔

    تفصیلات کے مطابق ہالینڈ کے شہری یوٹریکٹ میں چلنے والی ٹرام پر نامعلوم فرد نے اندھا دھند فائرنگ کرکے متعدد افراد کو زخمی کردیا، سیکیورٹی فورسز نے واقعے کی اطلاع ملتے ہی جائے وقوعہ کو گھیرے میں لے لیا۔

    غیر ملکی خبر رساں ادارے کا کہنا ہے کہ فائرنگ کا واقعہ صبح 10 بج کر 45 منٹ کر پیش آیا، حکام نے تین ہیلی کاپٹروں کو بھی جائے وقوعہ پر تعینات کردیا ہے کہ تاکہ سیکیورٹی فورسز اور ایمرجنسی ٹیم کی معاونت کی جاسکے۔

    غیر ملکی خبر رساں ادارے کا کہنا ہے کہ عینی شاہدین کا کہنا ہے کہ سٹی سینٹر کے اسٹاپ پر پیش آیا، ملزمان نے ٹرام پر بلا اشتعال اندھا دھند فائرنگ کی۔

    غیر ملکی خبر رساں ادارے کا کہنا ہے کہ یوٹریکٹ شہر دارالحکومت ایمسٹرڈیم سے 25 میل دور ہے۔

    برطانوی میڈیا کا کہنا ہے کہ انسداد دہشت گردی فورس نے ملزم نے تلاش شروع کردی ہے جبکہ زخمیوں کو اسپتال منتقل کیا جارہا ہے۔

    یوٹریکٹ پولیس نے اپنے ٹوئٹر اکاؤنٹ پر واقعے کی تصدیق کرتے ہوئے کہا ہے کہ واقعے میں متعدد افراد زخمی ہوئے اور ہم معاملے کی تفتیش کر رہے ہیں۔

    پولیس کی جانب سے ہلاکتوں کا خدشہ ظاہر کرتے ہوئے لوگوں سے درخواست کی گئی ہے کہ وہ شاہراہ سے دور رہیں تاکہ ہنگامی خدمات انجام دینے والے عملے کو ریسکیو آپریشن میں مشکلات پیش نہ آئیں۔

    مقامی خبر رساں ادارے کا کہنا ہے کہ ملزمان فائرنگ کے بعد گاڑی میں فرار ہوگئے، پولیس ملزمان کو تلاش کرنے کی کوشش کررہی ہے۔