ARYNews.tv | Urdu – Har Lamha Bakhabar

Tag: firing

  • کارکن کے قاتل 48 گھنٹے میں نہ پکڑے گئے تو لائحہ عمل کا اعلان کریں گے، خالد مقبول صدیقی

    کارکن کے قاتل 48 گھنٹے میں نہ پکڑے گئے تو لائحہ عمل کا اعلان کریں گے، خالد مقبول صدیقی

    کراچی : متحدہ قومی موومنٹ کے کنوینئر ڈاکٹر خالد مقبول صدیقی نے کہا ہے کہ کارکن کے قاتل 48 گھنٹے میں نہ پکڑے گئے تو آئندہ کے لائحہ عمل کا اعلان کریں گے۔

    یہ بات انہوں نے کراچی میں عباسی شہید اسپتال میں کارکن کی ہلاکت کے بعد میڈیا سے گفتگو کرتے ہوئے کہی، خالد مقبول صدیقی کا کہنا تھا کہ حکومت کو واقعے کی تحقیقات کیلئے48گھنٹے کا الٹی میٹم دیتے ہیں، اگر قاتل گرفتار نہیں ہوتے تو پھرآئندہ کا لائحہ عمل دیں گے۔

    فائرنگ اسامہ قادری اور خواجہ اظہار الحسن کے دفتر پر کی گئی، انہوں نے کہا کہ فائرنگ کے واقعے میں ایک کارکن شہید اور دوسرازخمی ہوا،حکومت ایم کیوایم کے کارکنان کو تحفظ فراہم کرنے میں ناکام ہے، علی رضا عابدی کے قاتل بھی اب تک گرفتارنہیں ہوسکے۔

    مزید پڑھیں: ایم کیو ایم کے دفتر پر فائرنگ، کارکن جاں بحق، پارٹی کا حکومت کو48گھنٹے کا الٹی میٹم

    علاوہ ازیں متحدہ کارکن کے جاں بحق ہونے کی خبر سن کر پی ایس پی کے رہنما رضا ہارون نے ایم کیو ایم رہنماؤں عامرخان اور فیصل سبزواری سے رابطہ کیا، رضا ہارون نے نارتھ کراچی میں یوسی آفس پر دہشت گردوں کے حملے کی سخت الفاظ میں مذمت کرتے ہوئے جاں بحق کارکن کیلئے دعائے مغفرت کی۔

  • ایم کیو ایم کے دفتر پر فائرنگ، کارکن جاں بحق، پارٹی کا حکومت کو48گھنٹے کا الٹی میٹم

    ایم کیو ایم کے دفتر پر فائرنگ، کارکن جاں بحق، پارٹی کا حکومت کو48گھنٹے کا الٹی میٹم

    کراچی : نارتھ کراچی میں مسلح افراد نے متحدہ قومی موومنٹ پاکستان کے دفتر میں  فائرنگ کردی، جس سے ایک کارکن جاں بحق ایک زخمی ہوگیا، ایم کیو ایم  نے  قاتلوں کی گرفتاری کیلئے حکومت کو 48 گھنٹے کا الٹی میٹم دےدیا۔

    تفصیلات کے مطابق کراچی کے علاقے نارتھ کراچی سیکٹر الیون ڈی یو سی چھ بلال کالونی میں قائم متحدہ قومی موومنٹ پاکستان کے دفتر میں مسلح افراد نے دھاوا بول دیا۔

    مذکورہ دفتر میں خواجہ اظہار الحسن اور اسامہ قادری عوامی مسائل کے حل کیلئے اکثر موجود ہوتے ہیں تاہم آج خوش قسمتی سے اتفاقی طور پر دونوں رہنما دفتر میں موجود نہیں تھے۔

    ایم کیو ایم ذرائع کے مطابق چار سے پانچ اسلحہ بردار افراد نے دفتر میں داخل ہوتے ہی اندھا دھند فائرنگ کردی جس کے نتیجے میں فائرنگ سے دو کارکنان شکیل اور ظہور شدید زخمی ہوگئے، زخمیوں میں سے ایک کو چار گولیاں لگی ہیں۔

    زخمیوں کو طبی امداد کیلئے فوری طور پر عباسی شہید اسپتال پہنچایا گیا، جہاں زخموں کی تاب نہ لاتے ہوئے ایک کارکن شکیل جاں بحق ہوگیا، فائرنگ سے زخمی ہونے والے کارکنن ظہور ظہور کی حالت بھی تشویشناک بتائی جارہی ہے۔ اطلاع ملتے ہی پولیس اور رینجرز کی بھاری نفری بھی جائے وقوعہ پر پہنچ گئی۔

    کارکن کی ہلاکت کی اطلاع پر متحدہ قومی قومی مومنٹ کے رہنماؤں اور کارکنان کی بڑی تعداد اسپتال پہپنچ گئی، اس موقع پر عامر خان، فیصل سبز واری، خواجہ اظہارالحسن اور دیگر بھی موجود تھے۔

    خواجہ اظہارالحسن نے میڈیا سے گفتگو کرتے ہوئے کہنا تھا کہ کراچی میں جرائم کی وارداتیں بڑھ گئی ہیں، آج کے واقعے میں خالصتاً ایم کیوایم کو نشانہ بنایا گیا، ایم کیو ایم کو نشانہ بنانے والے امن کے دشمن ہیں، علی رضا عابدی کا قاتل بھی تاحال آزاد ہے، رہنماؤں کی سیکیورٹی کے حوالے سے سندھ حکومت کو مسلسل جھنجھوڑ رہے ہیں مگر وہ ٹس سے مس نہیں ہوتی۔

  • اسرائیلی فورسز کی نہتے فلسطینیوں پر فائرنگ، دو نوجوان شہید

    اسرائیلی فورسز کی نہتے فلسطینیوں پر فائرنگ، دو نوجوان شہید

    یروشلم : اسرائیلی مظالم اور قبضے کے خلاف احتجاج کرنے والے نہتے فلسطینیوں پر صیہونی افواج کی فائرنگ سے کو نوجوان شہید ہوگئے۔

    تفصیلات کے مطابق مقبوضہ فلسطین میں کئی عشروں سے جاری اسرائیلی ظلم و بربریت تھمنے کا نام ہی نہیں لے رہا، گزشتہ روز غزہ کی پٹی اور اسرائیلی سرحد کے قریب احتجاج کرنے والے فلسطینیوں پر صیہونی افواج طاقت کا وحشیانہ استعمال کیا۔

    ذرائع کا کہنا ہے کہ پُرامن احتجاج کرنے والے فلسطینیوں کو اسرائیلی فورسز نے برائے راست گولیوں کا نشانہ بنایا، جس کے نتیجے میں 14 اور 17 سالہ فلسطینی نوجوان شہید جبکہ 17 کے قریب افراد زخمی ہوگئے۔

    فلسطینی وزارت صحت کا کہنا ہے کہ قابض صیہونی افواج کی فائرنگ سے 14 سالہ حسن ایاد شلبی سینے میں گولی لگنے کے باعث موقع پر ہی شہید ہوگیا تھا جبکہ 17 سالا حمزہ محمد اشتوی کو شدید زخمی حالت میں اسپتال منتقل کیا گیا تھا جہاں وہ زخموں کی تاب نہ لاتے ہوئے شہید ہوگیا۔

    فلسطینی خبر رساں ادارے کے مطابق دیگر 17 افراد آنسو دھاتی گولیوں کا نشانہ بنے جبکہ درجنوں افراد آنسو گیس کی شیلنگ کے باعث دم گھٹنے سے متاثر ہوئے۔

    فلسطینی وزارت صحت کا کہنا ہے کہ اسرائیلی فورسز کی فائرنگ سے زخمی ہونے والے 17 افراد میں تین کی حالت نازک ہے۔

    ذرائع کا کہنا ہے کہ مظاہروں کے دوران اسرائیلی فائرنگ سے شہید ہونے والے حسن ایاد کو اسلامی مزاحمتی تنظیم حماس کے سربراہ اسماعیل ہاہنیہ کا قریبی عزیز بتایا جارہا ہے۔

    یاد رہے کہ مظلوم فلسطینی عوام گزشتہ برس 30 مارچ سے غزہ کی پٹی اور اسرائیلی کے قریب پر جمعے کو تحریک حق واپسی کے تحت احتجاج کرتے ہیں اور نہتے شہریوں کے احتجاج کو کچلنے کےلیے صیہونی فورسز طاقت کا بے دریغ استعمال کرتے ہوئے ان پر برائے راست فائرنگ کرتی ہے۔

    ذرائع کے مطابق تحریک حق واپسی کے تحت ہونے والے مظاہروں میں اسرائیلی فورسز کی فائرنگ سے اب تک 270 سے زائد افراد شہید جبکہ 27 ہزار سے زائد فلسطینی زخمی ہوچکے ہیں۔

  • فیصل آباد : بسنت کے دوران ہوائی فائرنگ، 5افراد جاں بحق، وزیراعلیٰ کا سخت نوٹس

    فیصل آباد : بسنت کے دوران ہوائی فائرنگ، 5افراد جاں بحق، وزیراعلیٰ کا سخت نوٹس

    فیصل آباد : مختلف علاقوں میں بسنت کے دوران ہوائی فائرنگ سے خاتون سمیت پانچ افراد جاں بحق ہوگئے، سات ملزمان کو گرفتار کرکے مقدمہ درج کرلیا گیا، وزیراعلیٰ پنجاب نےآئی جی سے رپورٹ طلب کرلی۔

    تفصیلات کے مطابق فیصل آباد کے مختلف علاقوں میں بسنت منانے کے دوران منچلوں کی ہوائی فائرنگ سے خاتون سمیت پانچ افراد جاں بحق ہوگئے، نوجوانوں نے کلاشنکوف سمیت جدید اسلحے سے فائرنگ کی۔

    پولیس نے کارروائی کرتے ہوئے مختلف علاقوں سے ہوائی فائرنگ کے الزام میں سات افراد کو گرفتار کرکے ان کے قبضے سے اسلحہ برآمد کرلیا۔ وزیراعلیٰ پنجاب عثمان بزدار نے فیصل آبادمیں پتنگ بازی اور فائرنگ سے ہلاکتوں کے واقعات کا سختی سے نوٹس لے لیا، وزیراعلیٰ پنجاب نےآئی جی سے واقعات کی مکمل رپورٹ طلب کرلی۔

    وزیر اعلیٰ ہاؤس سے جاری بیان میں عثمان بزدار نے فائرنگ سے ہونے والے جانی نقصان پر دکھ اورافسوس کا اظہار کیا ہے ان کا کہنا ہے کہ پابندی کے باوجود پتنگ بازی اور ہوائی فائرنگ کے واقعات افسوسناک ہیں، غفلت کے ذمہ داروں کا تعین کرکے کارروائی کا آغاز کیا جائے۔

    وزیراعلیٰ پنجاب کا مزید کہنا ہے کہ پولیس حکام پتنگ بازی پر پابندی کے قانون پرعمل درآمد یقینی بنائیں، ایسے واقعات کا رونما ہونا پولیس کی کارکردگی پر سوالیہ نشان ہے۔

  • گاندھی کے مجسمے پر فائرنگ کا معاملہ، خاتون سمیت تین ہندو انتہا پسند گرفتار

    گاندھی کے مجسمے پر فائرنگ کا معاملہ، خاتون سمیت تین ہندو انتہا پسند گرفتار

    نئی دہلی: بھارت کو آزادی دلانے والے مہاتماگاندھی کے مجسمے پر فائرنگ کرنے والی خاتون سمیت تین ہندوانتہا پسندوں کو گرفتار کرلیا گیا۔

    تفصیلات کے مطابق بھارت کو طویل جدوجہد کے بعد انگریزوں سے آزادی دلوانے والے مہاتما گاندھی کی 70 ویں برسی کے موقع پر ریاست اترپردیش کے شہر علی گڑھ میں انتہا پسند ہندوں نے گاندھی کے قتل کا جشن گذشتہ ماہ 31 جنوری کو منایا تھا۔

    اس موقع پر انتہا پسند تنظیم ہندو مہاشبا تحریک کی جنرل سیکریٹری پوجا شاکون نے گاندھی کے مجسمے پر فائرنگ کی اور ویڈیو بنا کر سوشل میڈیا پر شیئر کردیا۔

    انتہا پسند تنظیم ہندو مہاشبا تحریک کی جنرل سیکریٹری پوجا شاکون کی گاندھی کے قاتل کو خراج تحسین پیش کرنے کی دو ویڈیو ٹویٹر پر جاری ہوئیں تو سوشل میڈیا صارفین حیران رہ گئے کہ پوجا شاکون اور اس کے ساتھیوں کو بغاوت کرنے پر گرفتار کیوں نہیں کیا گیا۔

    مہاتما گاندھی کی برسی، ہندوانتہا پسندوں کا قاتل کو خراج تحسین

    بعد ازاں انتظامیہ حرکت میں آئی اور پولیس نے کارروائی کرتے ہوئے خاتون رکن سمیت 3 ہندو انتہا پسندوں کو گرفتار کرلیا گیا۔

    واضح رہے کہ ہندو رہنما موہن داس کرم چند گاندھی کو شدت پسند ہندو جماعت کے کارکن نتھو رام گوڈسے نے 30جنوری 1948 کو گولیاں مار کر قتل کردیا تھا۔

  • کراچی : سوشل میڈیا پر وائرل ہونے والی ویڈیو نے دلہا کو حوالات پہنچا دیا

    کراچی : سوشل میڈیا پر وائرل ہونے والی ویڈیو نے دلہا کو حوالات پہنچا دیا

    کراچی : باراتیوں کی ہوائی فائرنگ کی سزا دلہا کو مل گئی، پولیس نے شادی کی صبح دولہا کو ناشتے سے پہلے ہی حوالات کی سیر کرادی ۔

    تفصیلات کے مطابق کراچی کے علاقے لیاقت آباد میں گزشتہ روز اکبر کی بارات جارہی تھی اور وہ دولہا بنا گاڑی میں بیٹھا تھا کہ باراتیوں میں سے کسی نے ہوائی فائرنگ شروع کردی۔

    فائرنگ اتنی شدید تھی کہ علاقہ گولیوں کی تڑتڑاہٹ سے گونج اٹھا، اس دوران کسی نے واقعے کی ویڈیو بنا کر سوشل میڈیا پر اپ لوڈ کردی، جو دیکھتے ہی دیکھتے وائرل ہوگئی اور اس کی بھنک لیاقت پولیس کو پڑگئی۔

    پولیس حسب روایت رات کو فائرنگ کے وقت تو نہ پہنچ سکی البتہ ویڈیو وائرل ہونے کے بعد ایکشن لیتے ہوئے صبح صبح دلہا اکبر کے گھر پہنچ گئی اور فائرنگ کے الزام میں ناشتہ کیے بغیر ہی دلہا کو حوالات میں بند کردیا۔

    اس حوالے سے ملزم دلہا اکبر کا کہنا ہے کہ میں تو دلہا بنا ہوا تھا۔ مجھے نہیں معلوم کہ فائرنگ کرنے والے کون تھے، اگر معلوم ہوتا تو پولیس کو ضرور بتا دیتا، ایس ایس پی سینٹرل عارف راؤ کا کہنا ہے کہ دلہا بااثر شخصیت کا بھتیجا ہے۔ ہوائی فائرنگ کی فوٹیج سوشل میڈیا پر وائرل ہونے پر کارروائی کی گئی۔

  • بلوچستان: نامعوم افراد کی فائرنگ، 5 افراد ہلاک

    بلوچستان: نامعوم افراد کی فائرنگ، 5 افراد ہلاک

    کیچ: بلوچستان میں نامعلوم افراد نے فائرنگ کی جس کے نتیجے میں 5 افراد ہلاک ہوگئے۔

    تفصیلات کے مطابق یہ واقعہ ضلع کیچ میں پیش آیا جہاں نامعوم افراد نے فائرنگ کرکے پانچ افراد کو ہلاک کردیا۔

    لیویز حکام کا کہنا ہے کہ زمران کے پہاڑی علاقوں میں لاشوں کی اطلاع ملی جس پر لیویز اہلکار موقع پر پہنچے اور لاشوں کو قبضے میں لے کر اسپتال منتقل کردیا۔

    ابتدائی تفتیش کے مطابق مارے جانے والے افراد منشیات ڈیلر ہیں، جنہیں نامعلوم افراد نے فائرنگ کرکے قتل کیا۔

    لیویز کے مطابق اس حوالے سے مزید تفتیش کررہے ہیں، تحقیقات کے بعد واقعے کی اصل واجہ معلوم ہوسکے گی۔

    بلوچستان: گوادر میں فائرنگ سے پانچ مزدور جاں بحق، بلاول بھٹو کا اظہار مذمت

    خیال رہے کہ اکتوبر 2016 میں صوبہ بلوچستان کے ضلع پنجگور میں پاک ایران سرحد کے قریب علاقے پروم سے لیویز اہلکاروں کو چھ افراد کی گولیوں سے چھلنی لاشیں ملی تھیں۔

    واضح رہے کہ اگست 2016 میں ہی صوبہ بلوچستان کے ضلع مستونگ میں فائرنگ کے دو مختلف واقعات میں تین سکیورٹی اہلکار جان کی بازی ہار گئے تھے۔

  • قابض اسرائیلی فوج کی فائرنگ، 2 فلسطینی شہید

    قابض اسرائیلی فوج کی فائرنگ، 2 فلسطینی شہید

    غزہ: فسلطین میں قابض اسرائیلی فوج کی جارحیت تھم نہ سکی، آج بھی فائرنگ کرکے دو نہتے فلسطینیوں کو شہید کردیا۔

    تفصیلات کے مطابق غزہ میں اسرائیلی فوج نے بربریت کی انتہا کردی، مظاہرے کے دوران نہتے شہریوں پر فائرنگ کردی جس کے باعث دو فلسطینی شہید ہوگئے۔

    غیر ملکی خبر رساں ادارے کا کہنا ہے کہ اسرائیلی فوج کی فائرنگ سے جاں بحق ہونے والے فلسطینیوں میں 25 سالہ اہد آبد اور 17 سالہ ایان عماد شامل ہیں۔

    ہزاروں کی تعداد میں فلسطینیوں نے غزہ بارڈر پر قابض اسرائیلی فوج کے خلاف مظاہرہ کیا، اس دوران فورسز نے شہریوں پر آنسو گیس کا استعمال کیا اور اندھا دھن فائرنگ بھی کی، جس کے بعد کئی افراد کے زخمی ہونے کی اطلاعات ہیں۔

    مظاہرین نے اسرائیل کے ذریعے فلسطینیوں کی مدد کے لیے قطری امداد کے اعلان کے خلاف بھی مظاہرہ کیا، انہوں نے موقف اختیار کیا کہ اسرائیل امداد کی مد میں دی جانے والی رقم ان تک منتقل نہیں کرے گا۔

    اسرائیلی فورسز کی نہتے فلسطینیوں پر فائرنگ، ایک خاتون شہید، 14 زخمی

    ایک ڈیل کے تحت قطر امداد کی مد میں ہر ماہ 15 ملین ڈالر اسرائیل کو دے گا جو رقم فلسطینیوں کی مدد کے لیے استعمال کی جائے گی تاہم حماس نے بھی اسرائیل کے ذریعے دی جانے والی رقم کی مخالفت کی ہے۔

    خیال رہے کہ گذشتہ ہفتے اسرائیلی فورسز کی نہتے فلسطینیوں پر فائرنگ کے نتیجے میں ایک خاتون شہید جبکہ 14 افراد زخمی ہوگئے تھے۔

    یاد رہے کہ غیور فلسطینیوں نے 30 مارچ 2018 کو ’تحریک حق واپسی‘ کے تحت غزہ کی پٹی پر احتجاجی مظاہروں کا آغاز کیا تھا، فلسطینی شہری ہر جمعے اسرائیلی سرحد پر جمع ہوکر غزہ کی صیہونی مظالم اور غزہ کی ناکہ بندی کے خلاف مظاہرہ کرتے ہیں۔

  • راولپنڈی : دو گروپوں میں فائرنگ، زد میں آکر چار سالہ بجی جاں بحق، 3 ملزمان گرفتار

    راولپنڈی : دو گروپوں میں فائرنگ، زد میں آکر چار سالہ بجی جاں بحق، 3 ملزمان گرفتار

    راولپنڈی : زمین کے تنازعہ پر دو گروپوں میں گولیاں چل گئیں، فائرنگ کی زد میں آکر چارسالہ بچی جان سے ہاتھ دھو بیٹھی، پولیس نے واقعےمیں ملوث 3ملزمان گرفتار کرلیے ۔

    تفصیلات کے مطابق راولپنڈی کے علاقے چونترہ سنگرال میں زمین کے تنازعہ پر دو قبضہ گروپوں کے درمیان فائرنگ کا واقعہ پیش آیا ہے، جس کے نتیجے میں فائرنگ کی زد میں آکر گھر کے صحن میں کھیلنے والی چار سال کی بچی علیزہ رمضان زخمی ہوگئی لیکن فوری طبی امداد نہ ملنے کے باعث اسپتال پہنچنے سے قبل ہی جاں بحق ہوگئی۔

    علاقہ مکینوں کا کہنا ہے کہ آٹھ دن سے مسلسل فائرنگ ہورہی ہے اور پولیس تماشا دیکھ رہی ہے، ہم نے فون پر کئی بار اطلاع دی لیکن پولیس نہیں پہنچی۔

    بعد ازاں پولیس نے کارروائی کرتے ہوئے بچی کے قتل میں ملوث تین ملزمان کو گرفتار کرلیا، علاقہ ایس ایچ او کا کہنا ہے کہ دیگرملزمان کی گرفتاری کیلئے چھاپےمارے جارہے ہیں۔

    اے آر وائی نیوز کے نمائندے بابر خان کے مطابق چونترہ کا علاقہ سنگرال گزشتہ ایک ہفتے سے شہریوں کیلئے نوگو ایریا بنا ہوا ہے۔ دونوں جانب سے فائرنگ کے باعث علاقے میں خوف وہراس پھیلا ہوا ہے۔

    مزید پڑھیں: نوشہرہ میں کار پر فائرنگ، بچی جاں بحق، 3 افراد زخمی

    لوگوں کو ڈرا دھمکا کر ان کی زمینوں پر قبضے کیے جاتے ہیں تمام صورتحال جاننے کے باوجود راولپنڈی پولیس ان بااثر ملزمان کیخلاف کارروائی کرنے سے گریزاں ہے۔

  • کراچی: نامعلوم افراد کی فائرنگ، پی ٹی آئی رکن صوبائی اسمبلی رمضان گھانچی زخمی

    کراچی: نامعلوم افراد کی فائرنگ، پی ٹی آئی رکن صوبائی اسمبلی رمضان گھانچی زخمی

    کراچی: پاکستان تحریک انصاف کے رہنما اور رکن صوبائی اسمبلی رمضان گھانچی نامعلوم افراد کی فائرنگ سے زخمی ہوگئے۔

    تفصیلات کے مطابق کراچی کے علاقے پرانا حاجی کیمپ میں ایم پی اے رمضان گھانچی پر فائرنگ ان کے دفتر کے باہر ہوئی جس کے باعث وہ زخمی ہوگئے، علاقہ مکینوں نے انہیں سول اسپتال منتقل کیا۔

    صدر تحریک انصاف کراچی خرم شیر زمان نے تمام اراکین اسمبلی کو فوری طور پر سول اسپتال پہنچنے کی ہدایت کردی، کارکنان اور رہنماؤں کی بری تعداد سول اسپتال پہنچ گئی۔

    سندھ اسمبلی کے حلقے پی ایس 109 سے منختب ہونے والے رکن اسمبلی کا علاج  جاری ہے، خرم شیر زمان کا کہنا ہے کہ میڈیکل رپورٹ آنے کے بعد مقدمہ درج کرائیں گے۔

    زخمی ہونے والے رکن صوبائی اسمبلی حالیہ عام انتخابات میں پی اس 109 سے منتخب ہوئے تھے، نمائندہ اے آر وائی فیض اللہ خان کے مطابق فائرنگ کرنے والے شخص کی شناخت کرلی گئی۔

    دوسری جانب پولیس نے جائے وقوعہ سے خول اور شواہد اکھٹے کرکے تفتیش کا آغاز کردیا۔

    خرم شیر زمان کا میڈیا سے گفتگو کرتے ہوئے کہنا تھا کہ یہ دہشتگردی ہے، شہر کے امن کو دوبارہ خراب کیا جارہا ہے، ایم پی اے کو گولی ماری گئی، اب تک ملزمان گرفتار نہیں ہوئے، ،پولیس رمضان گھانچی کا سول اسپتال میں بیان لے چکی ہے۔

    ان کا مزید کہنا تھا کہ افسوس کی بات ہے اب تک ایف آئی آر کٹی نہ ہی گرفتاری ہوئی، ایم پی اے کو زندہ جلانے کی باتیں کی گئیں، خدانہ خواستہ یہ گولی ایم پی اے کی جان بھی لے سکتی تھی، ہمارا مطالبہ ہے صبح تک ملزمان کو گرفتار کیا جائے۔