(23 جولائی 2025): ہالی ووڈ فلم انڈسٹری میں تاریخ رقم کرنے والی فلم ’اوتار‘ کی تیسری سیریز کا انتظار کرنے والوں کے لیے ایک بڑی خوشخبری سامنے آگئی ہے۔
ہالی ووڈ فلم انڈسٹری میں تاریخ رقم کرنے والی فلم اوتار 3 ’ فائر اینڈ ایش‘ کا ٹریلر ریلیز ہونے والا ہے تاہم میکرز نے فلم کا فرسٹ لُک پوسٹ کیا ہے جو آتے ہی سوشل میڈیا پر ٹرینڈ کرنے لگا ہے۔
’اوتار: فائر اینڈ ایش‘ اوتار سیریز کی تیسری فلم ہے، اس میں اداکارہ اونا چیپلن ویلن کے کردار میں نظر آئیں گی ان کے کردار کا نام ورَنگ ہے۔
https://urdu.arynews.tv/avatar-3-fire-and-ash-reveals-director-james-cameron/
میکرز نے سوشل میڈیا پر پوسٹر شیئر کرتے ہوئے لکھا ہے ’’اوتار: فائر اینڈ ایش میں ورَنگ سے ملیے۔‘‘ نئے ویلن کی انٹری کے ساتھ شائقین کی فلم میں دلچسپی مزید بڑھ گئی ہے۔
ورَنگ کو منکوان قبیلے یا ایش پیپل کی لیڈر بتایا گیا ہے، ’امپائر‘ کو دیے انٹرویو میں فلم کے ہدایت کار جیمس کیمرون نے بتایا کہ ’’ورَنگ ان لوگوں کی لیڈر ہے، جنھوں نے مشکلات کا سامنا کیا ہے، اس سے وہ مزید سخت ہو گئی ہے۔‘‘
میکرز نے سوشل میڈیا پوسٹ پر بتایا کہ اس فلم کا ٹریلر 25 جولائی کو سنیما گھروں میں ریلیز ہونے جا رہی ہے، فلم شائقین کو اس ٹریلر کا بے صبری سے انتظار ہے، اور یہ انتظار 3 دنوں میں ہی ختم ہو جائے گا جبکہ فلم رواں سال کے آخر میں 19 دسمبر کو دنیا بھر کے سنیما گھروں میں ریلیز کیا جائے گا۔
