ARYNews.tv | Urdu – Har Lamha Bakhabar

Tag: First match

  • کشمیر پریمیئر لیگ، راولا کوٹ ہاکس نے میرپوررائلز کو ہرا دیا

    کشمیر پریمیئر لیگ، راولا کوٹ ہاکس نے میرپوررائلز کو ہرا دیا

    مظفر آباد : کشمیر پریمیئر لیگ(کے پی ایل) کا افتتاحی میچ شاہد آفریدی کی ٹیم راولا کوٹ ہاکس اور شعیب ملک کی ٹیم میرپور رائلز کے درمیان کھیلا گیا،

    راولاکوٹ ہاکس نے میرپوررائلز کو43رنز سے شکست دے دی، راولاکوٹ ہاکس نے20اوورز میں6وکٹوں پر194رنز بنائے۔

    احمد شہزاد69،بسم اللہ خان59رنز بنا کر نمایاں رہے، میرپور رائلز کے عماد بٹ نے3وکٹیں حاصل کیں۔

    195رنز کے ہدف کے تعاقب میں میرپور رائلز151رنز ہی بناسکی، میرپور رائلز کی جانب سے شعیب ملک74رنز بنا کر نمایاں رہے

    قبل ازیں کشمیر پریمیئر لیگ کی افتتاحی تقریب آزاد کشمیر کے دارالحکومت مظفرآباد میں منعقد ہوئی جس کا آغاز تلاوت کلام پاک سے کیا گیا، جس کے بعد پاکستان اور آزاد کشمیر کے قومی ترانے بجائے گئے۔

    ایونٹ کی رنگارنگ تقریب میں پیراگلائیڈنگ کا شاندار مظاہرہ بھی کیا گیا۔

    کشمیر پریمیئر لیگ کے ڈائریکٹر کرکٹ آپریشنز تیمور خان نے افتتاحی تقریب سے خطاب کرتے ہوئے کہا کہ ہم نے اس لیگ کے حوالے سے خواب 2018 میں دیکھا تھا اور 2019 میں اس حوالے سے حکومت سے بات کی۔

    کے پی ایل کے شیڈول کے مطابق کل سے شروع ہونے والی کشمیر پریمیئر لیگ کا فائنل 17 اگست کو کھیلا جائے گا اور تمام میچز مظفر آباد کرکٹ سٹیڈیم میں کھیلے جائیں گے۔

  • پہلا ٹی ٹوئنٹی : پاکستان نے انگلینڈ کو31رنز سے شکست دے دی

    پہلا ٹی ٹوئنٹی : پاکستان نے انگلینڈ کو31رنز سے شکست دے دی

    ناٹنگھم : پاکستان قومی ٹیم نے بہترین کھیل کا مظاہرہ کرتے ہوئے تین ٹی ٹوئنٹی میچوں کی سیریز کے پہلے میچ میں انگلینڈ کو31رنز سے شکست دے دی، انگلینڈ کی پوری ٹیم 19.2اوورز میں 201رنز بنا کر پویلین لوٹ گئی۔

    تفصیلات کے مطابق پاکستان اور انگلینڈ کے درمیان کھیلے جانے والے پہلے ٹی ٹوینٹی میچ میں قومی ٹیم نے فاتحانہ آغاز کردیا، پہلے ٹی ٹوئنٹی انٹرنیشنل میچ میں انگلینڈ کو 31 رنز سے ہرا دیا۔ پاکستان نے انگلش ٹیم 233 رنز کا ہدف دیا تھا بنا۔

    ناٹنگھم کے میدان میں انگلینڈ کی ٹیم 19.2اوورز میں 201رنز بنا کر آؤٹ ہوگئی، پاکستان نے پہلے بیٹنگ کرتے ہوئے انگلینڈ کو میچ جیتنے کے لئے233 رنز کا ہدف دیا تھا۔

    انگلینڈ کے لیام لیونگسٹن نے سب سے زیادہ 103 رنز بنائے جبکہ جیسن روئے 32 رنز بنانے میں کامیاب رہے۔ ان دو بیٹسمینوں کے علاوہ انگلش ٹیم کے دیگر کھلاڑی کوئی خاص کھیل پیش نہ کرسکے اور پوری ٹیم 20 اوورز بھی مکمل نہ کھیل پائی۔

    پاکستان ٹیم نے بڑا ہدف دینے کے بعد بالنگ میں بھی اچھا آغاز کیا، انگلینڈ کی پہلی وکٹ 12 رنز پر گرا دی، جس کے بعد دوسری اور تیسری وکٹ بھی قومی ٹیم نے جلد حاصل کر کے میچ پر اپنی گرفت مضبوط کرلی۔

    شاہین آفریدی اور شاداب خان نے3، 3 وکٹیں حاصل کیں، لیام لیونگسٹون کی 103رنز کی اننگز بھی انگلینڈ کو شکست سے نہ بچا سکی، کپتان بابراعظم نے49گیندوں پر85رنز کی شاندار اننگز کھیلی۔

    محمد رضوان نے 63رنز، صہیب مقصود نے19رنز بنائے، بابر اعظم اور محمد رضوان نے پہلی وکٹ پر150 کی شراکت بنائی، فخر زمان نے8گیندوں پر26رنز کی اننگز کھیلی، محمد حفیظ نے10 گیندوں پر24رنز بنائے۔

    محمد رضوان نے 41 گیندوں پر 63 رنز کی اننگز کھیلی جبکہ کپتان بابراعظم نے سب سے زیادہ 85 رنز بنائے۔ یوں پاکستان نے مقررہ 20 اوورز میں 6 وکٹ کے نقصان پر 232 رنز بنائے تھے۔

    مزید پڑھیں : پہلا ٹی 20، پاکستان کا انگلینڈ کو 233 رنز کا ہدف

    انگلینڈ کی جانب سےٹام کرن نے 2، ثاقب محمود، ڈیوڈ ویلی اور گریگوری نے ایک، ایک وکٹ حاصل کی تھی۔ فاسٹ بالر شاہین آفریدی کو میچ کے بہترین کھلاڑی کا ایوارڈ دیا گیا۔

  • پاک سری لنکا ٹی ٹوینٹی سیریز: پہلا میچ آج قذافی اسٹیڈیم میں کھیلا جائے گا

    پاک سری لنکا ٹی ٹوینٹی سیریز: پہلا میچ آج قذافی اسٹیڈیم میں کھیلا جائے گا

    لاہور : پاکستان اور سری لنکا کی ٹیموں کے درمیان آج پہلا ٹی ٹوینٹی میچ لاہور کے قذافی اسٹیڈیم میں ہوگا، میچ پاکستانی وقت کے مطابق شام ساڑھے چھ بجے شروع ہوگا۔

    تفصیلات کے مطابق پاک سری لنکا ٹیموں کے درمیان ٹی ٹوئنٹی سیریز کا پہلا میچ آج لاہور میں کھیلا جائے گا، دوسرا ٹی ٹوینٹی 7 اور تیسرا اور آخری ٹی ٹوینٹی میچ 9 اکتوبر کو ہوگا۔

    کراچی کے بعد لاہور میں تین ٹی ٹوئنٹی میچز کی سیریز آج سے شروع ہورہی ہے۔ ون ڈے سیریز میں پاکستان نے سری لنکا کو شکست دے کر سیریز اپنے نام کی تھی، اس بار بھی شاہین پلٹ کر وار کرنے کیلئے تیار ہیں۔

    قذافی اسٹیڈیم میں میچ کی تمام تر تیاریاں مکمل کرلی گئی ہیں، سیریز کے موقع پر قذافی اسٹیڈیم کے صدر دروازے سمیت تمام انکلوژرز کے باہر ہیلپ سنٹرز قائم کر دیئے۔

    یہ ڈیسک سیریز کے موقعوں پر شائقین کو نہ صرف ضروری رہنمائی فراہم کریں گے بلکہ گم ہونے اور ملنے والی اشیاء کے بارے میں بھی معلومات دیں گے۔

    ورلڈ ٹی ٹوئنٹی ٹائٹل جیتنے والی سری لنکن ٹیم اس وقت رینکنگ میں آٹھویں نمبر پر ہے جبکہ پاکستان ٹیم کی اب بھی ٹی ٹوئنٹی رینکنگ میں نمبر ون پوزیشن برقرار ہے، پاکستانی اسکواڈ میں احمد شہزاد، عمر اکمل اور محمد حسنین کی شمولیت کا امکان ہے۔

    یاد رہے کہ پاکستان نے سری لنکا کو ون ڈے سیریز میں 2-0 سے شکست دی تھی، ون ڈے سیریز کا پہلا میچ بارش کے سبب منسوخ کردیا گیا تھا۔ پاکستان اور سری لنکا کے درمیان میچ پاکستانی وقت کے مطابق شام ساڑھے چھ بجے شروع ہو گا۔

    قبل ازیں لاہور میں پریس کانفرنس کرتے ہوئے قومی ٹیم کے کپتان سرفراز احمد نے کہا ہے کہ سری لنکن ٹیم کو آسان نہیں سمجھ رہے ،ٹی 20میں جو ٹیم اچھا کھیلے گی جیت جائے گی۔ انہوں نے کہا کہ ون ڈے سیریز میں کامیابی کے بعد ٹیم کا مورال بلند ہے۔ ٹی 20میں ٹاس بہت اہمیت کاحامل ہوتا ہے