Tag: first t-20

دبئی : پاکستان اور انگلینڈ کے درمیان پہلا ٹی ٹوئنٹی میچ آج ہوگا۔

پاکستان اور انگلینڈ کے درمیان پہلا ٹی ٹوئنٹی میچ آج دبئی میں کھیلا جائے گا، سابق کرکٹرز کا کہنا ہے کہ پاکستان کو دباؤ میں آئے بغیر ٹی ٹوئنٹی سیریز کھیلنی چاہیئے، کھلاڑیوں کی سلیکشن بہتر بنانے کی ضرورت ہے، میچ پاکستانی وقت کے مطابق رات نو بجے شروع ہوگا۔

پاکستان ٹیم میں شاہد آفریدی، عمران خان جونیئر، صہیب مقصود، عمر اکمل، اور سہیل تنویر کی واپسی ہوگی، رفعت اللہ مہمند نئے اوپنر کے طور پر ذمے داریاں نبھائیں گے، عماد وسیم تاحال انجری کا شکار ہیں، اس لیے اسکواڈ کا حصہ نہیں۔

انگلش ٹیم میں جیمز ونس اور مارک ووڈ کی واپسی ہوگی، انگلینڈ کے خلاف ٹی ٹوئنٹی سیریز میں پاکستان کو دوسری پوزیشن کے تحفظ کیلئے کم ازکم دو ایک سے کامیابی کی ضرورت ہے۔

اس سے قبل پاکستان اور انگلینڈ کے درمیان ٹی ٹوئنٹی سیریز کی ٹرافی کی رونمائی کردی گئی، شاہد آفریدی کا کہنا ہے کہ ورلڈ ٹی ٹوئنٹی میں ابھی وقت ہے اس لئے سیریز میں تجربات کرسکتے ہیں، انگلینڈ کی ٹیم اچھی ہے، کھلاڑیوں کو محنت کرنا ہوگی.

آئی سی سی ٹی ٹوئنٹی رینکنگ میں شاہینوں کو دوسری پوزیشن بچانے لئے سیریز میں لازمی فتح درکارہوگی۔ ہار کی صورت میں دوسری پوزیشن ہاتھ سے جائے گی۔