لاس اینجلس : ہالی ووڈ کی ایکشن سے بھرپور فلم ’دی فنٹاسٹک فور: فرسٹ اسٹیپ‘ کا 2025 میں پہلا ٹریلر منظر عام پر آگیا۔
مارویل کامکس کے چاہنے والوں کیلئے خوشخبری ہے کہ سپر ہیروز کے کرداروں پر مبنی امریکی فلم ’دی فنٹاسٹک فور: فرسٹ اسٹیپ‘ کا پہلا ٹریلر جاری کردیا گیا ہے۔
اس فلم کی کہانی ایسے سپر ہیروز کے گرد گھومتی ہے جو اپنی طاقت اور صلاحیتوں میں اضافہ کرنے کیلئے دوسری دنیا کا رخ کرتے ہیں تاکہ زمین کو دشمنوں سے محفوظ رکھا جائے۔
مارول کی فلموں میں یہ طویل عرصے بعد آنے والی سب سے بڑی فلموں میں سے ایک ہو سکتی ہے۔
ایکشن اور ایڈونچر سے بھرپور اس فلم میں پال والٹر ہاؤزر، جان میلکووچ، نتاشا لیون، اور سارہ نائلز بھی جلوہ گر ہوں گے۔
فلم کے ہدایت کار میٹ شاک مین ہیں اور اسے کیون فائگی نے پروڈیوس کیا ہے جبکہ ایگزیکٹیو پروڈیوسرز میں لوئس ڈی ایسپوسیٹو، گرانٹ کرٹس، اور ٹم لیوس شامل ہیں۔
"مارول اسٹوڈیوز کی فینٹاسٹک فور: فرسٹ اسٹیپس” 25 جولائی 2025 کو امریکی سنیماؤں میں تہلکہ مچائے گی۔
مارویل کامکس کی جانب سے امید کی جا رہی ہے کہ یہ فلم ایک نئے دور کی بنیاد رکھے گی، جہاں کلاسک کرداروں کو نئے انداز میں پیش کیا جائے گا۔
