ARYNews.tv | Urdu – Har Lamha Bakhabar

Tag: First

  • سعودی عرب کی 40 خواتین نے ٹریفک تفتیش کار کا کورس مکمل کرلیا

    سعودی عرب کی 40 خواتین نے ٹریفک تفتیش کار کا کورس مکمل کرلیا

    ریاض : سعودی دارالحکومت ریاض میں 40 خواتین پر مشتمل دستے کا ٹریفک تفتیش کار کا کورس مکمل کرنے پر تقریب کا انعقاد کیا گیا، تقریب میں کورس کے دوران بہترین کارکردگی دکھانے والی خواتین کو ایوارڈ بھی دیا گیا۔

    تفصیلات کے مطابق سعودی عرب کی 40 خواتین پر مشتمل پہلے دستے نے جمعرات کے روز ٹریفک تفتیش کار کا کورس مکمل کرلیا ہے، جس کی تقریب دارالحکومت ریاض میں سعودی عرب کی ٹریفک جنرل کے ڈائریکٹر جنرل کی موجودگی میں منعقد ہوئی۔

    سعودی انشورنس کمپنی کے چیف ایگزیکیٹو آفیسر فہد بن ابراہیم العقیل کا تقریب سے خطاب کرتے ہوئے کہنا تھا کہ ٹریفک کنٹرول ٹیم میں خواتین کے شامل ہونے سے ٹریفک حادثات کو کنٹرول کرنے میں مدد ملے گی۔

    فہد بن ابراہیم العقیل کا کہنا تھا کہ ٹریفک تفتیش کار کا کورس پاس کرنے والی 40 خواتین شاہی فرمان کے مطابق خواتین کو ڈرائیونگ کی اجازت ملنے کے بعد ہنگامی صورتحال سے نمٹنے اور شاہی فرمان کو نافذ کرنے میں معاون ثابت ہوگیں۔

    سعودی انشورنس کمپنی کے ڈائریکٹر جنرل آف کمیونیکیشن ماہا الشانیفی کا کہنا تھا کہ ٹریفک تفتیش کار کا کورس پاس کرنے والی تمام خواتین کو ٹرینگ کے دوران سخت مراحل سے گزارا گیا ہے، تاکہ حادثات کے وقت صورتحال کو آرام سے کنٹرول کرسکیں۔

    الشانیفی نے خواتین کو اختیارات دے کر طاقتور بنانا معاشرے کا اہم جز ہے، ساتھ ساتھ ہی انہوں نے اس نے ٹریفک حادثات کی تحقیقات کے لیے خاتون تفتیشی افسر کا ہونے پر بھی زور دیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سان فرانسسکو کی پہلی سیاہ فام خاتون میئر سے ملیے

    سان فرانسسکو کی پہلی سیاہ فام خاتون میئر سے ملیے

    کیلیفورنیا : امریکا کے شہر سان فرانسسکو کی تاریخ میں پہلی مرتبہ 43 سالہ افریقی خاتون لندن بریڈ 50 فیصد ووٹ حاصل کرکے شہر کی میئر بن گئیں۔

    تفصیلات کے مطابق امریکی ریاست کیلیفورنیا کے شہر سان فرانسسکو کی تاریخ میں پہلی بار سیاہ فارم امریکی خاتون نے میئر کا حلف اٹھایا ہے۔

    غیر ملکی خبر رساں ادارے کا کہنا تھا کہ افریقی نژاد لندن بریڈ لمبے عرصے سے اپنی کمیونٹی میں سرگرم تھی، میئر کے انتخابات کے ایک ہفتے بعد لندن بریڈ کو فاتح قرار دیا گیا۔

    امریکی خبر رساں ادارے کا کہنا ہے کہ 43 سالہ لندن بریڈ نے کل 50 فیصد ووٹ حاصل کرکے میئر کے انتخابات میں کامیاب ہوئی ہیں۔

    لندن بریڈ واحد خاتون میئر ہیں جو امریکا کے پندرہ بڑے شہروں میں ایک سان فرانسسکو میں اپنی خدمات انجام دیں گی۔

    غیر ملکی خبر رساں ادارے کے مطابق سان فرانسسکو میں تیزی سے بے گھر افراد کی تعداد میں اضافہ ہوتا جارہا ہے، شہر کی گلیوں میں بڑی تعداد میں جھگی بستیاں آباد ہیں کیوں کہ زمینوں کی قیمتیں آسمان کو چھونے لگیں ہیں۔

    سان فرانسسکو کی نو منتخب میئر مسز بریڈ شہری حکومت میں قانون ساز بورڈ کے صدر کی حیثیت سے بھی خدمات انجام دے چکی ہیں اور گذشتہ برس دسمبر میں میئر کے انتقال کے بعد نگراں میئر کے فرائض کی انجام دہی بھی کرچکی ہیں۔

    غیر ملکی خبر رساں ادارے کا کہنا تھا کہ سان فرانسسکو کے انتخابات رواں ماہ 5 جون کو ہوئے تھے، لیکن الیکشن کے نتائج تاخیر کا شکار ہوگئے تھے کیوں کہ الیکشن کمیشن کے اہلکاروں نے ہزاروں ووٹ غلط شمار کیے تھے۔

    خیال رہے کہ لندن بریڈ شہر کی پہلی خاتون میئر نہیں ہیں، ان سے قبل ڈیانے فین سٹین 1978 میں سان فرانسسکو کی میئر رہ چکی ہیں جو تاحال کیلیفورنیا کی سینیٹر ہیں۔

    یاد رہے کہ لندن بریڈ کی بہن سنہ 2006 میں بہت زیادہ منشیات استعمال کرنے کے باعث ہلاک ہوگئی تھیں جبکہ ان کا بھائی کئی دنوں میں جیل میں قید ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • ہالی ووڈ میں کام کرنے والی پہلی سعودی اداکارہ

    ہالی ووڈ میں کام کرنے والی پہلی سعودی اداکارہ

    ریاض : سعودی اداکارہ اور فلم ساز عہد کامل نے ڈوگلس ولیم کی ہدایت میں بننے والی فلم ’بینگ‘ میں کام کرکے ہالی ووڈ فلموں میں کام کرنے والی پہلی سعودی اداکارہ کا اعزاز اپنے نام کرلیا ہے۔

    تفصیلات کے مطابق سعودی عرب میں سنیما کی واپسی کے بعد سعودی عرب کی اداکارہ اور فلم ساز عہد کامل ان دنوں ہالی ووڈ کی فلم ’بینگ‘ میں کام کررہی ہیں، عہد کامل نے ہالی ووڈ فلموں میں کام کرنے والی پہلی سعودی اداکارہ کا اعزاز اپنے نام کرلیا ہے۔

    غیر ملکی خبر رساں ادارے کا کہنا تھا کہ فلم ہالی ووڈ ہدایت کار ڈوگلس سی ولیم کی ہدایت کاری میں بن رہی ہے، مداحوں کی جانب سے توقع کی جارہی ہے کہ ڈوگلس سی ولیم کی ہدایت میں بننے والی مار ڈھار سے بھرپور فلم رواں برس ہی ریلیز کی جائے گی۔

    خیال رہے کہ عہد کامل اس سے قبل برطانوی خبر رساں ادارے اور نیٹ فلیکس کے تعاون سے بننے والی منی ڈراما سیریز ’کولیٹرل‘ میں بھی اپنی اداکاری کے جوہر دیکھا چکی ہیں، کولیٹرل ڈراما سیریز کو بی بی سی نے نشر کیا تھا۔

    یاد رہے کہ سعودی اداکارہ عہد کامل 14 نومبر نسہ 1980 کو دارالحکومت ریاض میں پیدا ہوئی تھیں اور محض 8 برس کی عمر میں ہی امریکا منتقل ہوگئی تھیں جس کے بعد انھوں نے امریکی ریاست نیویارک میں فلم اور اداکاری کی تعلیم حاصل کی تھی۔

    بلاک بسٹر فلم بلیک پینتھر کے ساتھ سعودی عرب میں سینما کی واپسی

    خیال رہے کہ چالیس سال کی طویل پابندی کے بعد آخر کار سعودی عرب میں رواں برس سنیما کی واپسی ہوئی ہے، سعودی شہری اسکرین پر دنیا بھر میں مقبول بلاک بسٹر فلم بلیک پینتھر دیکھیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • انگلینڈ میں منعقدہ مقابلہ حُسن میں پہلی باحجاب لڑکی فائنل میں پہنچ گئی

    انگلینڈ میں منعقدہ مقابلہ حُسن میں پہلی باحجاب لڑکی فائنل میں پہنچ گئی

    لندن : باحجاب مسلمان برطانوی لڑکی نے مقابلہ حسن کے فائنل میں پہنچ کر نئی تاریخ رقم کردی۔

    تفصیلات کے مطابق برطانیہ کے شہر برمنگھم سے تعلق رکھنے والی شعبہ نفسیات کی 20 سالہ طالبہ ماریہ محمود نے ایک مقابلہ حُسن میں حجاب کے ساتھ شرکت کرکے سب کو ورطہ حیرت میں ڈال دیا۔

    20 سالہ مسلمان طالبہ ماریہ محمود

    برطانوی اخبار سے بات کرتے ہوئے  20 سالہ ماریہ محمود کا کہنا تھا کہ دنیا مسلمانوں کا تعلق شدت پسندی سے جوڑتی ہے، اِس منفی تاثر کو زائل کرنے کے لیے میں نے حُسن کے مقابلے میں حصہ لیا۔

    سماجی کاموں میں دلچسپی رکھنے والی مسلمان لڑکی ماریہ محمود کا کہنا ہے کہ ’مقابلہ حُسن میں حجاب پہن کر شرکت کرنے کا مقصد مسلمانوں کے بارے میں عمومی رویے اور خیالات کو تبدیل کرنا تھا‘۔

    انگلینڈ میں منعقدہ مقابلہ حُسن کے فائنل میں پہنچے والی ماریہ محمود

    ماریہ محمود کا کہنا تھا کہ باحیثیت مسلمان مقابلہ حُسن میں شرکت کرنے کا تجربہ کافی اچھا رہا اور مجھے باحجاب ہونے کے باوجود آگے بڑھنے سے کوئی نہیں روک سکا۔

    ان کا کہنا تھا کہ جب وہ باحجاب مقابلے میں شرکت کے لیے گئی تو آرگنائیزر نے انہیں دیکھ کر خوشی کا اظہار کیا جس سے میرا اعتماد مزید بڑھ گیا اور میں نے تقریباً 30 لڑکیوں کو شکست دے کر فائنل میں جگہ بنانے میں کامیاب ہوگئی۔

    ماریہ محمود انگلینڈ میں منعقد ہونے والے مقابلہ حُسن میں شرکت کرنے سے قبل گذشتہ ہفتے ’مس برمنگھم‘ کا خطاب بھی اپنے نام کر چکی ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • سعودی عرب کی پہلی خاتون باکسر نے نئی تاریخ رقم کردی

    سعودی عرب کی پہلی خاتون باکسر نے نئی تاریخ رقم کردی

    ریاض: اٹھائیس سالہ رشا خمیس نے سعودی عرب کی نئی تاریخ رقم کرتے ہوئے  پہلی تصدیق شدہ خاتون باکسر ہونے کا اعزاز اپنے نام کر لیا۔

    تفصیلات کے مطابق مقامی میڈیا سے گفتگو کرتے ہوئے رشا خمیس نے کہا کہ 2011 میں پہلی مرتبہ میں نے باکسنگ کے دستانے پہنے اس کے بعد سے ہی مجھ میں باکسنگ کھیل کا جنون پیدا ہوگیا، اس دوران میں امریکا کی جنوبی کیلی فورنیا یونیورسٹی میں زیر تعلیم تھیں۔

    سعودی عرب کی پہلی تصدیق شدہ خاتون باکسر رشا خمیس کا تعلق ایک ثقافتی و ادبی گھرانے سے ہے، ان کے دادا مرحوم عبداللہ بن خمیس سعودی عرب کے ایک معروف لکھاری تھے، انھیں خود کھیل کے علاوہ جغرافیہ اور فطرت سے بھی لگاؤ ہے۔

    سعودی عرب کی خاتون باکسر نے عالمی ٹائٹل اپنے نام کرلیا

    خاتون باکسر کہنا تھا کہ گذشتہ کئی برسوں تک ہفتے میں دو سے تین مرتبہ تربیت کے لیے باکسنگ کلب جاتی تھی جس کے بعد مجھے اس کھیل سے محبت ہو گئی اور میں نے اس سے بہت کچھ سیکھا، اور آج میں ایک کامیاب خاتون باکسر ہوں۔

    خیال رہے کہ رشا خمیس نے سعودی عرب کی پہلی تصدیق شدہ خاتون باکسر ہونے کا اعزاز حاصل کرنے کے ساتھ مزید اہم سنگ میل عبور کیے ہیں جن میں دنیا کی سات بڑٖی چوٹیوں میں سے دو کو سر کرنا بھی شامل ہے۔

    بنگلادیشی نژاد برطانوی باکسر رخسانہ بیگم باکسنگ رنگ میں اترنے کیلئے تیار

    واضح رہے کہ انہوں نے کیلی فورنیا یونیورسٹی سے بین الاقوامی اور پبلک پالیسی مینجمنٹ میں ماسٹرز کر رکھا ہے جبکہ ان دنوں رشا خمیس سعودی عرب کی یونیورسٹیز میں خواتین باکسر کو تربیت بھی فراہم کر رہی ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔