Tag: fitness

بل گیٹس کی صحت کا کیا راز ہے؟

مائیکرو سافٹ کے شریک بانی بل گیٹس اپنی زندگی کی 68 بہاریں دیکھ چکے ہیں اور اس عمر میں بھی تندرست چست اور توانا ہیں۔

دنیا کے امیر ترین شخصیات کی سرفہرست میں نمایاں بل گیٹس کی جسمانی صحت کا کیا راز ہے؟ یہ بات انہوں نے خود ایک انٹرویو میں بتائی۔

غیر ملکی خبر رساں ادارے کی رپورٹ کے مطابق ایک پوڈکاسٹ انٹرویو میں ان کا کہنا تھا کہ ٹینس نے انہیں جسمانی طور پر فٹ اور مضبوط بنایا ہے، زیادہ سے زیادہ ٹینس کھیلنے سے انہیں خود کو فٹ رکھنے میں مدد ملی۔

ان کا کہنا تھا کہ میں بہت زیادہ ٹینس اور تھوڑا بہت pickle ball کھیلتا ہوں جبکہ وٹامنز بھی کھاتا ہوں کیونکہ ان کا کوئی نقصان نہیں۔

مائیکرو سافٹ کے شریک بانی نے کہا کہ وہ pickleball بال کھیلنا پسند کرتے ہیں جسے 1960 کی دہائی میں چند دوستوں نے نئی سرگرمی کے طور پر تخلیق کیا تھا۔

مائیکرو سافٹ کے شریک بانی بل گیٹس نے کہا ہے کہ ٹینس نے انہیں جسمانی طور پر فٹ اور مضبوط بنایا ہے

جون 16, 2024
خواتین کی صحت اور خوبصورتی کا راز کس چیز میں پوشیدہ ہے؟ نئی تحقیق

مرد ہوں یا خواتین اچھی صحت کو برقرار رکھنا ہر ایک کے لیے ضروری ہے لیکن یہ بات خواتین کے لیے ان کی منفرد جسمانی اور ہارمونل تبدیلیوں کی وجہ سے خاص اہمیت رکھتی ہے۔

اچھی صحت خواتین کو مکمل زندگی گزارنے ذاتی اور پیشہ ورانہ اہداف حاصل کرنے کے لیے بااختیار بناسکتی ہے جس کیلئے ضروری ہے کہ وہ زیر نظر مضمون کا بغور مطالعہ کریں۔

بحیثیت خاتون آپ کواپنا زیادہ خیال رکھنا ہوگا، اپنی ذہنی، جسمانی اور جذباتی صحت کو متوازن رکھیں، آپ فٹ نظر آسکتی ہیں لیکن صحت مند نہیں ہیں۔ ا س لیے یہ بات یاد رکھیں، سبزیاں کھانا خواتین کی صحت کے اہم ترین رازوں میں سے ایک ہے۔

ٹفٹس یونیورسٹی کے ماہرین نے ایک طویل سروے کے بعد یہ نتیجہ اخذ کیا ہے کہ خواتین اگر سبزیوں اور پودوں سے پروٹین حاصل کریں تو وہ جان لیوا جان کا روگ بننے والی بیماریوں سے محفوظ رہ سکتی ہیں کیونکہ مردوں کے مقابلے میں وہ سبزیوں سے زیادہ فائدہ اٹھاسکتی ہیں۔

اس جامعہ میں واقع جین مائر یوایس ڈی اے ہیومن نیوٹریشن ریسرچ سینٹر فار ایجنگ نے یہ تحقیق امریکن جرنل آف کلینکل نیوٹریشن میں شائع کی ہے۔

اس کا خلاصہ یہ ہے کہ درمیانی عمر میں خواتین پودوں سے پروٹین حاصل کریں تو وہ تیزی سےجزو بدن بنتا ہے اور اس سے پڑھاپے میں بھی تندرست رہا جاسکتا ہے۔

اس ضمن میں 48 ہزار سے زائد خواتین سے سیلف رپورٹنگ کے ذریعے سوالنامے بھرے اور اپنی غذائی عادات اور کیفیات کا مفصل احوال پیش کیا۔

جس سے معلوم ہوا کہ جو خواتین سبزیوں اور پھلوں کا استعمال کرتی رہیں ان میں بلڈ پریشر، ذیابیطس، کینسر اور دیگر دماغی امراض کی شرح بہت کم تھی۔ یہاں تک کہ مچھلی کے پروٹین کے مقابلے میں بھی پھل اور سبزیاں زیادہ مفید ثابت ہوئیں۔

اس کے علاوہ سبزیاں کھانے سے خواتین کی ہڈیاں مضبوط رہتی ہیں اور اندرونی جلن یا انفلیمیشن بھی کم ہوتی ہے۔

فروری 24, 2024
ایک عام عادت جو کووڈ 19 کا خطرہ کم کرسکتی ہے

اپنے آپ کو فٹ رکھنا اور چاق و چوبند رہنا بہت سی بیماریوں سے تحفظ فراہم کرتا ہے اور اب حال ہی میں ایک تحقیق سے علم ہوا کہ کووڈ 19 بھی ان بیماریوں میں شامل ہے۔

یونیورسٹی آف ٹورنٹو میں ہونے والی ایک تحقیق میں بتایا گیا کہ کارڈیو ریسیپٹری (دل اور تنفس کے نظام کی) فٹنس کووڈ 19 سے تحفظ فراہم کرسکتی ہے۔

تحقیق میں کہا گیا ہے کہ جسمانی طور پر فٹ افراد میں کووڈ 19 سے موت کا خطرہ کم ہوجاتا ہے۔

ماہرین کا کہنا ہے کہ نتائج میں ایک زبردست بات یہ سامنے آئی کہ ایسے تمام افراد جو جسمانی طور پر زیادہ متحرک ہوتے ہیں، انہیں کووڈ سے زیادہ بہتر تحفظ حاصل ہوتا ہے۔

طبی جریدے جرنل پلوس ون میں شائع تحقیق کے دوران یو کے بائیو بینک اسٹڈی کے ڈیٹا کا تجزیہ کیا گیا جس میں 2690 افراد کو شامل کیا گیا تھا، تحقیق میں ساری توجہ اس بات پر دی گئی ہے کہ کووڈ سے متاثر ہونے اور موت کا خطرہ جسمانی فٹنس سے کس حد تک کم ہوسکتا ہے۔

ماہرین نے جسمانی فٹنس اور کووڈ سے متاثر ہونے کے خطرے کے درمیان تو کوئی نمایاں تعلق دریافت نہیں کیا، تاہم موت کے خطرے میں کمی واضح تھی۔ تحقیق میں شامل افراد کی عمریں 49 سے 80 سال کے درمیان تھیں اور ڈیٹا میں ان افراد کی فٹنس کی درجہ بندی بھی کی گئی تھی۔

ماہرین نے دریافت کیا کہ معتدل ورزش سے بھی کووڈ سے موت کے خطرے میں کمی آجاتی ہے۔ انہوں نے بتایا کہ ہم یہ دیکھنا چاہتے تھے کہ ایسے افراد جو کبھی ورزش نہ کرتے ہوں، اب معمولی جسمانی سرگرمیوں کو بھی عادت بنالیں تو ان کو فائدہ ہوسکتا ہے یا نہیں۔

ان کا کہنا تھا کہ عمر کے ساتھ جسمانی سرگرمیاں کم ہوجاتی ہیں، تاہم اگر اپنی عمر کے گروپ کے مطابق فٹ ہیں تو آپ کو اس وبائی بیماری کے خلاف فائدہ ہوسکتا ہے۔

مئی 18, 2021
کیا آپ بھی سحری تک جاگتے ہیں؟

ماہ رمضان جہاں ایک دینی فریضے کی تکمیل کا مہینہ ہے وہیں اس مہینے میں جسم کو صحت مند رکھنا بھی ضروری ہے۔

ماہر غذائیات ڈاکٹر سحر چاولہ نے اے آر وائی نیوز کے پروگرام شام رمضان میں گفتگو کرتے ہوئے بتایا کہ چاہے رمضان کا مہینہ ہو یا عام دن فٹنس کا دھیان رکھنا ضروری ہے۔

انہوں نے کہا کہ فٹنس صرف صحت مند کھانے کا نام نہیں بلکہ ایک پورا طرز زندگی ہے، وقت پر سونا وقت پر اٹھنا، ورزش کرنا اور اندر سے ڈسپلنڈ رہنا فٹنس کا نام ہے۔

ڈاکٹر سحر کا کہنا تھا کہ اکثر افراد رمضان میں سونے جاگنے کی روٹین خراب کرلیتے ہیں جس کی وجہ سے ان کی نیند پوری نہیں ہوپاتی اور وہ سارا دن غنودگی میں رہتے ہیں۔

اگر افطار کے بعد دس بجے سوجائیں تو سحری کے لیے ڈھائی بجے اٹھنے پر بھی نیند پوری ہوسکتی اور پورا دن آرام سے گزارا جاسکتا ہے۔

ڈاکٹر سحر کا کہنا تھا کہ روزہ ہمارے جسم کے لیے ایک قدرتی سسٹم ہے جس کے دوران جسم میں فائدہ مند خلیات بن رہے ہوتے ہیں اور خطرناک بیکٹریا اور مائیکروبز وغیرہ جسم سے باہر نکل رہے ہوتے ہیں، اس دوران جگر کا ڈی ٹاکسی فکیشن سسٹم بھی کام شروع کردیتا ہے۔

اس سسٹم کو ہائی فائبر غذاؤں، پھل سبزیوں اور جسم کو ہائیڈریٹ رکھنے کے ذریعے تیز کرنا چاہیئے۔

علاوہ ازیں 10 سے 12 دن روزے رکھنے کے بعد جسم میں ایک ہارمون ریلیز ہوتا ہے جو گروتھ ہارمون کہلاتا ہے یہ جسم کو فٹ رکھنے میں مدد دیتا ہے۔

اپریل 30, 2021
مصروف ترین شیڈول میں خود کو فٹ رکھنے کا وقت کیسے نکالا جائے؟

آج کل کی مصروف زندگی میں ورزش اور فٹنس کے لیے وقت نکالنا بہت مشکل ہوگیا ہے تاہم ہلکی پھلکی ورزش کے ساتھ کچھ چھوٹی چھوٹی سرگرمیاں کرتے رہنا انسان کو خوش اور فٹ رکھتا ہے۔

ایک عراقی فٹنس کوچ ریچل ساسردوتی نے 6 آسان سی ٹپس بتائی ہیں جن پر عمل کر کے مصروف ترین شیڈول میں بھی خود کو فٹ رکھنا ممکن ہو سکتا ہے۔

پرعزم رہیں

خود کو صحت مند رکھنے کے سفر کا آغاز کرنے سے پہلے سب سے اہم اپنے آپ سے عزم کرنا ہے، جب آپ کسی بھی کام کا ارادہ کرتے ہیں تو اسے تکمیل تک پہنچانے کے لیے خود سے عزم کرتے ہیں۔

خود کو جوابدہ سمجھیں

اپنے کچھ قریبی افراد کو اپنے ارادوں کے بارے میں بتاتے رہنا ضروری ہے، انہیں آگاہ رکھنا اس لیے بھی ضروری ہے تاکہ وہ آپ کی ہمت بندھاتے رہیں۔

اپنی تصاویر کا ریکارڈ رکھیں

اپنے آپ میں تبدیلی دیکھنا ہی ایک حوصلہ افزا بات ہے جو آپ کو یہ ہمت دیتی ہے کہ ثابت قدمی سے اپنا عمل جاری رکھیں۔ اپنی تصاویر کے ذریعے ایک ریکارڈ مرتب کیجیے۔ جب آپ کچھ دن بعد اپنا موازنہ ان تصاویر سے کریں گے تو آپ کو فرق نظر آئے گا جس سے آپ کو ورزش جاری رکھنے کی ترغیب ملے گی۔

چھوٹے قدموں سے شروعات

جب آپ ورزش یا واک شروع کریں تو ضروری نہیں کہ آپ خود پر زیادہ سے زیادہ ورزش کرنے اور واک کا دورانیہ بڑھانے کا دباؤ ڈالیں بلکہ پہلے کم وقت اور چھوٹے قدموں سے شروع کریں۔ پہلے دن کم وقت کی واک کریں تو کوئی حرج نہیں لیکن بعد میں آہستہ آہستہ اسے بڑھاتے رہیں۔

کچھ نہ کچھ کریں

خود کو یہ یاد دہانی کرواتے رہیں کہ کچھ نہ کرنے سے کچھ کر لینا ہمیشہ بہتر ہوتا ہے اور اس طرح آپ ناکامی کے احساس اور خوف سے چھٹکارا پا سکتے ہیں۔

ورزش کا انتخاب سوچ سمجھ کر کریں

اپنے لیے کسی بھی ورزش کا انتخاب سوچ سمجھ کر کیجیے جس سے آپ لطف اندوز بھی ہو سکیں، یہ صرف مشقت نہیں ہونی چاہیئے۔

مارچ 19, 2021
فٹنس کی ٹپس اس معروف اداکارہ سے لیجیئے!

معروف پاکستانی اداکارہ نوین وقار نے اپنی فٹنس کا راز شیئر کردیا، اپنی پوسٹ میں انہوں نے اپنی ورزشوں اور ڈائٹ کے بارے میں تفصیلی بتایا۔

سماجی رابطے کی ویب سائٹ انسٹا گرام پر ایک طویل پوسٹ میں نوین نے اپنی روزانہ کی روٹین کے بارے میں بتایا۔

انہوں نے لکھا کہ ورک آؤٹ یعنی ورزش کے لیے سب کی اپنی اپنی ضرورت ہوتی ہے، میں اپنے جسم میں چربی کی سطح کو کم کرنے کے لیے مخصوص ورزشوں کا سہارا لیتی ہوں۔

View this post on Instagram

This post is for people who’ve been asking about my workout and diet via DM. Your feedback has been overwhelming and has compelled me to share this post! . Everyone has different needs when it comes to working out. My aim is to lower my fat levels. For that I people lift heavy but I’m doing a mix of HITT/Tabata/Circuit training for now. It’s hard but it works. It helps build my stamina and endurance big time. Lifting will come later for me. Its gonna take time because fat loss and weight loss are 2 different things. . Now the diet: you can probably tell from my insta stories that I eat a lot so here is what I do: I balance. I count calories. Eat good carbs like brown rice and roasted/steamed veggies. Chicken, fish, eggs and lean meat is a must protein for me coz I don’t do shakes. I snack on blueberries, sugar free/whole wheat cookies, almonds and dark chocolate. I have smoothies once a week. Clear soups with veggies, brown rice and chicken/sea food are filling and yum so I load up on that big time! I make them at home and it’s super easy. Overnight oats are great for breakfast. It’ll keep you fuller and give you energy throughout the day. Again this is what works for me. . I do fall off the wagon coz I love junk food and meetha is my kamzoori, but i dont give up. The most important thing is to have fun! If you cant do gym, get a couple of weights and do it at home. Or walk. The point is to be active and consistent. Remember hard work ALWAYS pays off! . For everyone who has been supporting me and cheering me on, YOU GUYS ARE THE BEST! Thank you! I love you! I’ve had girls telling me I’ve inspired them to hit the gym and work out and that for me is the biggest compliment! To you I say BRAVO! I’ve said it before and I’ll say it again: if I can do it, so can you! Also apart from shaping up, your skin is gonna look dope! . For the jerks who only run their mouth: your dumbass remarks are a clear indicator of your brain lacking oxygen and you should actually take a walk. Might help improve your common sense 🙂 . PS: Special thanks to my trainer @afitnatic for really pushing me! . #navinwaqar #befit #gymlife #beactive

A post shared by Navin Waqar (@navinwaqarofficial) on Feb 25, 2020 at 2:15am PST

نوین کا کہنا تھا کہ میری انسٹاگرام اسٹوریز سے لوگوں کو لگتا ہے کہ میں بہت زیادہ کھاتی ہوں، لیکن میں توازن قائم رکھتی ہوں اور کیلوریز کا حساب رکھتی ہوں۔

انہوں نے بتایا کہ وہ نشاستے سے بھرپور غذائیں جیسے براؤن چاول، بھنی ہوئی سبزیاں، چکن اور انڈے کھاتی ہیں، شوگر فری میٹھا کھاتی ہیں، ہفتے میں ایک بار اسمودھی بھی لیتی ہیں جبکہ براؤن رائس اور سبزیوں کے ساتھ سوپ پیتی ہیں جو وہ گھر پر تیار کرتی ہیں۔

نوین کا کہنا تھا کہ ان کی خوراک میں جو کا دلیہ بھی شامل ہوتا ہے جو انہیں سارا دن چاق و چوبند رکھتا ہے، انہوں نے بتایا کہ انہیں جنک فوڈ اور میٹھا بہت پسند ہے اور وہ کبھی کبھار اسے کھا بھی لیتی ہیں لیکن اپنی روزانہ کی روٹین نہیں چھوڑتیں۔

انہوں نے کہا کہ اگر آپ جم نہیں جاسکتے تو صرف چہل قدمی کرنا اور فعال رہنا بھی کافی ہے۔

نوین نے اپنے ٹرینر اور مداحوں کا شکریہ ادا کرتے ہوئے کہا کہ اگر میں یہ کرسکتی ہوں تو آپ سب بھی کر سکتے ہیں۔

فروری 28, 2020
قومی کرکٹ ٹیم کا فٹنس ٹیسٹ، کھلاڑی بیمار پڑگئے

لاہور: قومی کرکٹ ٹیم کے کھلاڑیوں کا فٹنس ٹیسٹ نیشنل کرکٹ اکیڈمی لاہور میں جاری ہے۔ بیماری اور انفیکشن کے باعث عثمان شنواری، اظہر علی، اسد شفیق اور محمد رضوان کا ٹیسٹ نہیں ہوسکا۔

تفصیلات کے مطابق سینٹرل کنٹریکٹ میں شامل کھلاڑیوں کے فٹنس ٹیسٹ دو روز تک لیے جائیں گے جس میں کھلاڑیوں کی فٹنس کا مختلف زاویوں سے جائزہ لیا جائے گا۔

ٹائیفائیڈ کے باعث فاسٹ بولرعثمان شنواری کا ٹیسٹ دوسرے مرحلے میں ہوگا۔ جبکہ وائرل انفیکشن کے باعث اظہر علی، اسد شفیق اور محمد رضوان کے ٹیسٹ بھی بعد میں لیےجائیں گے۔

پی سی بی کا فٹنس ٹیسٹ پاس نہ کرنے والے کرکٹرز پر جرمانہ عائد کرنے کا فیصلہ

قومی کرکٹ ٹیم کے 2 روزہ فٹنس ٹیسٹ کا آغاز ہوگیا ہے اور اب غیر معیاری فٹنس رکھنے کھلاڑیوں پر جرمانہ بھی ہوگا۔ نیشنل کرکٹ اکیڈمی میں پہلے روز 10 کرکٹرز نے رپورٹ کی۔ ٹرینر یاسر ملک نے بابراعظم، حارث سہیل، سرفراز احمد، امام الحق، محمد عباس، شاہین آفریدی، شان مسعود، عابد علی، عماد وسیم اور یاسر شاہ کی فٹنس کا جائزہ لیا۔

جبکہ محمد عامر، وہاب ریاض اور شاداب خان بنگلادیش پریمیئر لیگ سے واپسی پر 20 جنوری کو ٹیسٹ دیں گے۔

فخر زمان اور حسن علی کا فٹنس ٹیسٹ میڈیکل رپورٹس کلئیر آنے پر ہوگا جس کرکٹرکی فٹنس مطلوبہ معیار کے مطابق نہیں ہوگی اس کی تنخواہ میں سے 15 فی صد کٹوتی ہوگی۔

جنوری 6, 2020
قومی کرکٹرز کے دو روزہ فٹنس ٹیسٹ کا نیشنل کرکٹ اکیڈمی میں آغاز

لاہور: قومی کرکٹرز کے دو روزہ فٹنس ٹیسٹ کا نیشنل کرکٹ اکیڈمی میں آغاز ہوگیا۔ سابق کپتان مصباح الحق پہلی بار کیمپ کمانڈنٹ کی ذمہ داریاں نبھا رہے ہیں۔

تفصیلات کے مطابق نیشنل کرکٹ اکیڈمی میں قومی کرکٹ ٹیم کے کھلاڑیوں کے لیے دو روزہ فٹنس ٹیسٹ کا آغاز ہوچکا ہے، سابق کپتان مصباح الحق نے فٹنس ٹیسٹ سے پہلے کھلاڑیوں کو لیکچر بھی دیا جس میں فٹنس کی اہمیت کو اجاگر کیا۔

21 میں 18 کھلاڑیوں کے پہلے مرحلے میں فٹنس ٹیسٹ ہوں گے۔ جن میں سرفراز احمد، یاسر شاہ، شاہین آفریدی، اسد شفیق، حارث سہیل، شان مسعود، محمد رضوان، عثمان شنواری، فخرزمان، امام الحق، وہاب ریاض، عابدعلی، راحت علی، افتخار احمد، ظفر گوہر، بلال آصف اور میر حمزہ شامل ہیں۔

قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے

شاداب خان 22 اگست کو رپورٹ کریں گے، اظہر علی 24 جب کہ حسن علی 26 اگست کو لاہور پہنچیں گے۔ فٹنس ٹیسٹ کے بعد کنڈیشنگ کیمپ 22اگست سے رکھا گیا ہے جس میں بیٹنگ، بولنگ اور فیلڈنگ کی خامیوں کو دور کرنے پر بھی توجہ دی جائےگی۔

7 ستمبر تک جاری رہنے والے اس پری سیزن کیمپ کا مقصد بین الاقوامی کرکٹ کی تیاری کرنا ہے۔

خیال رہے کہ گذشتہ روز قومی کرکٹ ٹیم کے سینٹرل کنٹریکٹ کھلاڑیوں کے یویو ٹیسٹ مکمل ہوگئے، فٹنس ٹیسٹ دو گروپس میں لیے جارہے ہیں۔

اگست 21, 2019
کیا آپ نے جم جانے کے لیے وارڈروب بنایا ہے؟

کیا آپ اپنی فٹنس کا خیال رکھنے کے لیے باقاعدگی سے جم جاتے ہیں ، اگر ہاں تو پھر اس کے لیے ایک باقاعدہ وارڈروب آپ کی روز کی مشقت کو دلچسپ بنا سکتا ہے۔

عموماً باڈی بلڈنگ یا فٹنس کے لیے جم جانے والے افراد ایک عام سے ٹی شرٹ اور اسپورٹ ٹراؤزر میں جم کا رخ کرتے ہیں جس میں ورک آوٹ کرنا ان کے لیے آرا م دہ ہو، لیکن کیا کبھی آپ نے سوچا ہے کہ جم جانے کے لیے بھی ایک وارڈروب ہونا چاہیے ۔

اگر نہیں سوچا تو آج سے سوچنا شروع کریں کہ یہ عمل آپ کی روزمرہ کی باڈی بلڈنگ کا ایک پیشہ ورانہ رخ دے گا، اور آپ اپنے روٹین کے ورک آؤ ٹ میں حیرت انگیز اور خوشگوار تبدیلی محسوس کریں گے۔

اگر آپ واقعی یہ وارڈروب بنانے جارہے ہیں تو ہم آپ کو بتائیں گے کہ اس وارڈروب میں کیا کیا ہونا چاہیے۔

شرٹ

ایکسرسائز کے لیے بغیر آستینوں والی شرٹ آپ کو جم میں لگے آئینوں کے ذریعے اپنے ورک آؤٹ کے مسلز پر فوری اثرات جانچنے میں مدد دیتی ہے ، اگر آپ ہلکے رنگوں کی شرٹ استعمال کریں گے تو آپ کو اندازہ ہوگا کہ آپ اب تک کتنا پسینہ بہا چکے ہیں۔

ٹراؤزر کا انتخاب

بہت سے لوگ اکثر جینز کی پتلون یا شارٹ نیکر میں جم چلے جاتے ہیں، جبکہ ورک آؤٹ کرنے کے لیے سویٹ پینٹس یا پاجامے انتہائی مناسب ہیں، اگر آپ گہرے رنگوں کے پاجامے استعمال کریں تو اور بھی بہتر ہے ۔ اس سے پسینہ بہنے پر آپ کے زیریں جسم کے خدوخال نمایاں نہیں ہوں گے۔

فٹ وئیر

یقیناً آپ نے دفتری استعمال کے جوتے الگ اور پارٹی کے جوتے الگ کررکھے ہوں گے ، اب وقت آگیا ہے کہ آپ اپنے جم کے لیے بھی جوتے مختص کریں ، بہتر یہ ہے کہ یہ جاگرز یا اسنیکرز ہوں ، چپل میں جم جانا انتہائی معیوب لگتا ہے اور کبھی کبھار ہاتھ سے ویٹ لفٹنگ کا سامان گر جانے کی صورت میں آپ کے پاؤں کو زیادہ نقصان پہنچنے کا اندیشہ بھی رہتا ہے

ہیڈ بینڈ

کسی بھی کھیل یا ورک آؤٹ کی طرح باڈی بلڈنگ میں بھی بال حد سے زیادہ تنگ کرتے ہیں، اگر آپ جم جاتے ہیں تو آپ کو اس کا اندازہ ضرور ہوگا، سو ایک اچھا سا ہیڈ بینڈ آپ کے ان مسائل کو حل کرسکتا ہے۔

جولائی 22, 2019