Tag: flight operation

اماراتی فضائی کمپنی کا شام کےلیے فلائیٹ آپریشن بحال کرنے کا اشارہ

ابو ظبی : اماراتی فضائی کمپنی نے آٹھ سال بعد خانہ جنگی کا شکار ملک شام کےلیے فلائیٹ آپریشن دوبارہ بحال کرنے کا اشارہ دے دیا۔

تفصیلات کے مطابق متحدہ عرب امارات کی ریاست دبئی کی سرکاری فلائی کمپنی ’فلائی دبئی‘ نے کئی برسوں سے خانہ جنگی کا شکار ملک شام کے ساتھ فضائی رابطوں کےلیے کام شروع کردیا ہے۔

فلائی کمپنی کے ترجمان کا کہنا ہے کہ کمپنی شام کے لیے فضائی آپریشن شروع کرنے کے لیے تیار ہے، کمرشل پروازوں کی بحالی کےلیے جنرل سول ایوی ایشن اتھارٹی کے احکامات کا انتظار ہے۔

عرب خبر رساں ادارے کے مطابق ترجمان کا کہنا ہے کہ مستقبل قریب میں دبئی کی سرکاری فضائی کمپنی شام کے دارالحکومت دمشق کےلیے اپنا فلائیٹ آپریشن دوبارہ شروع کردے گی۔

خیال رہے کہ سنہ 2011 میں شام میں عوامی بغاوت اور خانہ جنگی کے باعث فلائی دبئی نے شام کے ساتھ فلائیٹ آپریشن معطل کردیا تھا۔

مزید پڑھیں : عرب لیگ شامی بحران کے موثر سیاسی حل پر متفق ہیں، اماراتی وزیر خارجہ

یاد رہے کہ دسمبر 2018 میں انور محمود قرقاش نے شام سے متعلق کہا تھا کہ تمام عرب ممالک شام کے بحران سے نمٹنے کےلیے موثر سیاسی حل پر متفق ہیں، عرب لیگ کی دمشق کے ساتھ رابطوں کی بحالی ایرانی مداخلت کے لیے میدان نہیں چھوڑے گی۔

اماراتی وزیر برائے خارجہ امور انور قرقاش نے کہا کہ متحدہ عرب امارات نے شام میں سفارتی مشن کا دوبارہ آغاز دانشمندی سے کیا ہے، شام کی بدلتی صورتحال مستقبل میں عرب سے رابطوں کو ناگزیر کردے گی۔

ان کا مزید کہنا تھا کہ تمام عرب ممالک شامی شہریوں میں وحدت اور دمشق کی خود مختاری چاہتے ہیں۔

جنوری 17, 2019
طیاروں کی قلت‘ مشرقِ وسطیٰ کے تین اسٹیشن بند کرنے کا فیصلہ

کراچی : خسارے کا شکار پی آئی اے کا فضائی بیڑا مزید مشکلات کا شکا ر ہے ۔نیویارک کے بعدمشرق وسطیٰ کے کئی شہروں پرفلائٹ آپریشن بند کرنے پر غور شروع کردیا ہے۔

تفصیلات کے مطابق ویت نام سے لیز پرحاصل کئے گئے ایئربس320چار طیارے رواں ماہ کے آخر میں واپس کردیئے جائیں گے۔پی آئی اے نے یہ طیارے مہنگے داموں کرائے پر حاصل کئے تھے۔طیارے واپس کرنے کے سبب کویت،نجف اور سلالہ اسٹیشن بند کرنے کا فیصلہ کیا گیا ہے۔

ذرائع کا کہنا ہے کہ نہ صرف مذکورہ بالا اسٹیشن بند کیے جائیں گے بلکہ ابوظہبی،دبئی اوردمام سمیت دیگر کئی سیکٹروں پر ہفتہ وار پروازیں بھی کم کردی جائیں گی۔

ترجمان پی آئی اے کے مطابق بعض روٹ پر لوڈ نہ ہونے کی وجہ سے پروازوں میں کمی کی جارہی ہے۔پی آئی اے دو طیارے لیز پر حاصل کرے گی جو ایک سے دو ماہ میں پی آئی اے کو مل جائیں گے۔

پی آئی اے نے ’نیویارک آپریشن‘ قبل از وقت ختم کردیا

یا درہے کہ گزشتہ سال پی آئی اے نے نیویار ک کا انتہائی منعفت بخش اسٹیشن بھی بند کردیا تھا اور اس کی بندش پر کئی حلقوں کی جانب سے تحفظات کا اظہار کیا گیا تھا۔

واضح رہے کہ پی آئی اے مارکیٹنگ کی ناقص حکمت عملی کے باعث پی آئی اے کو نقصان کا سامنا ہے‘ اس سے قبل نیویارک جیسا اہم اسٹیشن بھی بند کیا جاچکا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 14, 2018
پی آئی اے کے چار طیارے خراب،پروازوں میں تاخیر سے مسافروں کو پریشانی

کراچی : پی آئی اے کے محکمہ انجنیئرنگ کی غفلت اور لاپرواہی کی وجہ سے پی آئی اے کے چار طیارے خراب ہوگئے، پروازوں کی روانگی میں تاخیر سے مسافر پریشان ہوگئے۔

تفصیلات کے مطابق محکمہ انجنیئرنگ کی غفلت اور لاپرواہی کے باعث پی آئی اے کے چار طیاروں میں خرابی پیدا ہوگئی،طیارے خراب ہونے کی وجہ سے قومی ایئرلائن کا فضائی آپریشن شدید بدنظمی کا شکار ہوگیا۔

پروازوں کی روانگی میں نو سے چودہ گھنٹے کی تاخیر ہورہی ہے،جس کے باعث مسافروں کو شدید پریشانی کا سامنا کرنا پڑ رہا ہے۔

ذرائع کے مطابق اسلام آباد ، کراچی، ابوظہبی اور گوادر میں طیارے خراب ہونے کی وجہ سے اندرون و بیرون ملک جانے والی پروازیں بدنظمی کا شکار ہیں۔

کراچی سے اسلام آباد جانے والی پرواز پی کے 300 تین گھنٹے تاخیر کا شکار رہی ۔ برمنگھم سے اسلام آباد آنے والی پرواز پی کے 792 چودہ گھنٹے سے زائد تاخیر کا شکار رہی ۔

لاہور سے کرچی آنے والی پرواز پی کے 307 نو گھنٹے سے زائد تاخیر کا شکار رہی، کوالالمپور سے لاہور آنے والی پرواز پی کے 899 دو گھنٹے سے زائد تاخیر کا شکار رہی۔

کراچی سے اسلام آباد جانے والی پرواز پی کے 368 دو گھنٹے تاخیر کا شکار رہی ، اسلام آباد سے ریاض جانے والی پروا ز پی کے 753 دو گھنٹے سے زائد تاخیر کا شکار رہی ۔

پروازوں کی روانگی مین تاخیر کے حوالے سے مختلف ایئرپورٹس پر مسافروں کا پی آئی اے انتظامیہ کے خلاف احتجاج کیا گیا۔

ستمبر 7, 2015
پی آئی اے ملازمین تنخواہوں سے محروم

کراچی : پی آئی اے کے ملازمین ایک بار پھر تنخواہوں سے محروم ہوگئے، پی آئی اے کا سلوگن باکمال لوگ، لاجواب سروس صرف سلوگن ہی رہ گیا،

پی آئی اے کا بنک اکاؤنٹ پہلے کی طرح اب بھی خالی ہے، ملازمین ایک بار پھر تنخواہوں سے محروم ہوگئے۔ پی آئی اے ملازمین کو یکم مئی کو ملنے والی تنخواہ تاحال نہ مل سکی۔

پاکستان ائیرلائنز میں گریڈایک سے نو تک سولہ ہزار ملازمین کام کرتے ہیں، مرکزی صدر پیپلز یونٹی ہدایت اللہ خان نے کہا ہے کہ رواں سال میں پی آئی اے نے ملازمین کو متعدد بار تنخواہوں کی ادائیگی میں تاخیر کی ہے۔

دو روز میں تنخواہ ادا نہ کی گئی تو دمادم مست قلندر ہوگا، آئندہ72 گھنٹے میں تنخواہوں کی ادائیگی نہ ہوئی تو فلائٹ آپریشن بند کرسکتے ہیں۔

مئی 7, 2015
پی آئی اے کا فلائٹ آپریشن مسلسل بدنظمی کا شکار

کراچی :پی آئی اے کا فلائٹ آپریشن مسلسل بدنظمی کا شکار ہے، اندورن اور بیرون ملک جانیوالی پروازوں کی روانگی میں دو تا آٹھ گھنٹے سے زائد تاخیر معمول بن گئی ہے۔

چند دہائی قبل تک دنیا بھر میں پاکستان کیلئے باعث فخر ایئرلائن پی آئی اے اب شرمندگی کا سبب بن گئی ہے، پروازوں میں تاخیر، منسوخی، تیکنیکی خرابی اور دیگر وجوہات روز کا معمول ہیں، جدہ سے کراچی آنیوالی پرواز سیون زیرو ٹو سکس بھی سات گھنٹے تاخیر کے بعد منسوخ کردی گئی ہے۔

کراچی سے دہلی جانے والی پرواز پی کے ٹو سیون ٹو نے تین گھنٹے تاخیر کے بعد اڑان بھری، کراچی سے لاہور جانے والی پرواز پی کے تھری زیرو ٹو، دو گھنٹے سے زائد تاخیر کا شکار ہوگئی ہے۔

کراچی سے دہلی جانے والی پرواز پی کے ٹو سیون ٹو، تین گھنٹے سے زائد، لاہور سے کراچی آنیوالی پرواز دس گھنٹے سے زائد تاخیر کا شکار ہوگئی جبکہ کراچی سے ملتان جانیوالی پرواز پی کے تھری تھری زیرو اور ملتان سے کراچی آنیوالی پرواز پی کے تھری تھری ون، کراچی سے رحیم یارخان جانیوالی پرواز پی کے تھری فور ایٹ اور رحیم یارخان سے کراچی آنیوالی پرواز منسوخ کر دی گئی ہے۔

دسمبر 29, 2014