کراچی : ملک کی موجودہ صورتحال نے قومی ائیرلائن کے شیڈول کو بھی متاثر کیا، پی آئی اے کی پروازیں شدید بدنظمی کا شکار ہو کر رہ گئیں۔
دھرنے، لانگ مارچ اور ملکی حالات کی کشیدگی نے ہوا بازی کے نظام کو بھی متاثر کر رکھا ہے، اسلام آباد سے پشاور جانیوالی پرواز پی کے ٹو ایٹ فائیو اور دمام سے اسلام آباد آنیوالی پرواز پی کے ٹو فور سکس پانچ پانچ گھنٹے تاخیر کا شکار ہیں۔ اسلام آباد سے ٹورنٹو جانیوالی پی کے سیون ایٹ ون تین گھنٹے سے زائد تاخیر کا شکار ہے ۔
جدہ سے کراچی اور لاہور آنیوالی پرواز پی کےسیون سکس زیرو تین گھنٹے تاخیر کا شکار ہے، بیجنگ سے اسلام آباد آنیوالی پرواز پی کے ایٹ فائیو تھری بھی تین گھنٹے سے زائد تاخیر کا شکار ہے، پروازوں کی تاخیر کے باعث مسافروں کو شدید مشکلات کا سامنا ہے۔
