ARYNews.tv | Urdu – Har Lamha Bakhabar

Tag: flights

  • پی آئی اے کی برطانیہ کے لیے براہ راست پروازوں کے معاملے میں اہم پیش رفت

    پی آئی اے کی برطانیہ کے لیے براہ راست پروازوں کے معاملے میں اہم پیش رفت

    کراچی: پی آئی اے کی برطانیہ کے لیے براہ راست پروازوں کے معاملے میں اہم پیش رفت ہوئی ہے، برطانوی سیفٹی کمیٹی کا اجلاس آئندہ ماہ 12 مارچ کو طلب کر لیا گیا۔

    ذرائع کے مطابق برطانوی سیفٹی کمیٹی اجلاس میں پی آئی اے کی پروازوں کی بحالی کا جائزہ لیا جائے گا، برطانوی سول ایوی ایشن اور محکمہ ٹرانسپورٹ ڈی ایف ٹی کی ٹیم پی آئی اے اور پاکستان سول ایوی ایشن کے حالیہ آڈٹ کی رپورٹ اجلاس میں پیش کرے گی۔

    برطانوی سیفٹی کمیٹی نے اجازت دی تو پی آئی اے پر برطانیہ کے لیے براہ راست پروازیں بھی بحال ہو جائیں گی، پی آئی اے پر برطانیہ میں جولائی 2020 سے پابندی ہے، ذرائع کا کہنا ہے کہ قومی ایئرلائن کی انتظامیہ کو یورپی ملکوں میں بجالی کے بعد برطانیہ میں بھی پروازوں کی بحالی کا یقین ہے۔

    دبئی سے کراچی پہنچنے والی غیر ملکی پرواز کی غلط پارکنگ کا انکشاف

    پی آئی اے انتظامیہ نے برطانیہ کے لندن، مانچسٹر اور برمنگھم میں اجازت ملتے ہی فوری پروازوں کا آپریشن شروع کرنے کا پلان تیار کر لیا ہے، پی آئی اے کی دو رکنی ٹیم چند روز قبل برطانیہ میں فلائٹ آپریشن کی تیاریوں کا جائزہ لے کر واپس پاکستان پہنچ چکی ہے۔

  • رحیم یار خان ایئرپورٹ کے اطراف بھی طیاروں کو جی پی ایس سگنل کی شکایات موصول

    رحیم یار خان ایئرپورٹ کے اطراف بھی طیاروں کو جی پی ایس سگنل کی شکایات موصول

    کراچی: لاہور اور کراچی کے درمیان طیاروں کو جی پی ایس سگنل میں دشواری کی شکایات رپورٹ ہو رہی ہیں، ذرائع کا کہنا ہے کہ اب رحیم یار خان ایئرپورٹ کے اطراف بھی طیاروں کو جی پی ایس سگنل کی شکایات موصول ہوئی ہیں۔

    تفصیلات کے مطابق فلائٹ انفارمیشن ریجن میں طیاروں کو جی پی ایس سگنلز میں دشواری کی شکایات رپورٹ ہو رہی ہیں، ایک نوٹم میں کہا گیا ہے کہ لاہور کے 100 ناٹیکل میل کے دائرے میں طیاروں کو سگنل میں مسائل کا سامنا ہے۔

    تاہم ذرائع نے کہا ہے کہ اب رحیم یار خان ایئرپورٹ کے اطراف بھی طیاروں کو جی پی ایس سگنل کی شکایات موصول ہوئی ہیں، جی پی ایس سگنل میں دشواری سے طیاروں کے نیویگیشن سسٹم پر منفی اثرات پڑ رہے ہیں۔

    ذرائع سی اے اے کا کہنا ہے کہ ایئر ٹریفک کنٹرول کو پائلٹس کی طرف سے نئی شکایات موصول ہوئی ہیں، اتھارٹی کی جانب سے جاری نوٹم میں طیاروں کے پائلٹس کو ہدایت کی گئی ہے کہ جی پی ایس سگنل ملنے میں دشواری سے فوری آگاہ کیا جائے۔

    ذرائع کے مطابق جی پی ایس سگنل نہ ملنے سے طیاروں کو دوران پرواز شدید دشواری ہوتی ہے، پہلے بھی کراچی اور لاہور ریجن میں طیاروں کو جی پی ایس سگنل ملنے میں دشواری رپورٹ ہو چکی ہے۔

  • لاہور ایئرپورٹ: متعدد پروازیں منسوخ، کئی تاخیر کا شکار

    لاہور ایئرپورٹ: متعدد پروازیں منسوخ، کئی تاخیر کا شکار

    لاہور: صوبہ پنجاب کے دارالحکومت لاہور کے علامہ اقبال انٹرنیشنل ایئر پورٹ پر فنی وجوہات کی بنا پر متعدد پروازیں منسوخ کردی گئیں۔

    تفصیلات کے مطابق علامہ اقبال انٹرنیشنل ایئرپورٹ پر فلائٹ آپریشن شدید متاثر ہوگیا ہے، ذرائع کا کہنا ہے کہ فلائٹ آپریشن طیاروں میں کمی اور دیگر فنی وجوہات کی بنا پر متاثر ہوا۔

    ذرائع کا کہنا ہے کہ آج روانہ ہونے والی 6 پروازیں منسوخ اور 5 تاخیر کا شکار ہیں۔

    شارجہ جانے والی پرواز پی اے 412، شارجہ سے آنے والی پرواز پی اے 413، ابو ظہبی جانے والی پرواز پی اے 430 اور ابو ظہبی سے آنے والی پرواز پی اے 431 منسوخ کردی گئی۔

    ذرائع کا کہنا ہے کہ لاہور سے کراچی جانے والی پرواز پی اے 405 اور کراچی سے لاہور آنے والی پرواز پی اے 406 بھی منسوخ کردی گئی۔

    علاوہ ازیں شارجہ جانے والی پرواز ای آر 721 تین گھنٹے، دبئی جانے والی پرواز ای آر 723 ڈھائی گھنٹے اور دبئی سے آنے والی پرواز ای آر 724 ڈھائی گھنٹے تاخیر کا شکار ہے۔

  • فضائی کرایوں میں 20 سے 30 ہزار روپے اضافہ ہو گیا

    فضائی کرایوں میں 20 سے 30 ہزار روپے اضافہ ہو گیا

    کراچی: ڈالر کی اونچی اڑان فضائی ٹکٹوں پر مسلسل اثر انداز ہونے لگی ہے، فضائی کرایوں میں 20 سے 30 ہزار روپے اضافہ ہو گیا ہے۔

    تفصیلات کے مطابق ڈالر کی قدر میں اضافے کی وجہ سے کراچی سمیت ملک کے دیگر علاقوں سے فضائی سفر کرنے والے مسافروں کو مشکلات کا سامنا ہے۔

    سعودی عرب، امریکا، برطانیہ اور یورپی ملکوں کے کرائے میں 20 سے 30 ہزار روپے کا اضافہ کر دیا گیا ہے، ذرائع کا کہنا ہے کہ جدہ اور مدینہ کے ٹکٹ میں بھی 28 ہزار روپے اضافہ ہو گیا ہے۔

    دبئی کا یک طرفہ کم از کم کرایہ 99 ہزار روپے سے بڑھ کر ڈیڑھ لاکھ روپے تک ہو گیا ہے۔

    لاہور سے کراچی کے کرائے میں بھی 7 ہزار روپے سے زائد کا اضافہ کیا گیا ہے، لاہور سے کراچی دو طرفہ کرایہ 34 ہزار سے بڑھ کر 41 ہزار روپے ہو گیا۔

    لاہور سے استنبول کرائے میں 15 ہزار روپے سے زائد کا اضافہ کیا گیا ہے، یک طرفہ کرایہ 1 لاکھ 88 ہزار روپے ہو گیا۔ لاہور سے ٹورنٹو کرائے میں 35 ہزار روپے سے زائد کا اضافہ کیے جانے کے بعد یک طرفہ کرایہ 5 لاکھ 3 ہزار روپے ہو گیا۔

  • ایمریٹس کی ایک اور شہر کے لیے پروازیں بحال

    ایمریٹس کی ایک اور شہر کے لیے پروازیں بحال

    ابو ظہبی: متحدہ عرب امارات کی ایئر لائن ایمریٹس جاپان کے دارالحکومت ٹوکیو کے لیے اپنی پروازیں دوبارہ شروع کر رہی ہے۔

    اردو نیوز کے مطابق ایمریٹس ایئر لائن 2 اپریل سے ٹوکیو کے ہنیڈا ایئر پورٹ کے لیے اپنی سروسز دوبارہ شروع کر رہی ہے۔

    ایمریٹس کے جدید بوئنگ 777 میں سے ایک کے ذریعے آپریٹ کیے جانے والے گیم چینجر طیارے کی پرواز ای کے 312 دبئی سے 7 بج کر 50 منٹ پر روانہ ہوگی اور 10 بج کر 35 منٹ پر ہنیڈا پہنچے گی۔

    واپسی کی پرواز ای کے 313 ہنیڈا ایئر پورٹ سے 12 بج کر 5 منٹ پر روانہ ہوگی اور 6 بج کر 20 منٹ پر دبئی پہنچے گی۔

    وام کے مطابق ایمریٹس کی پرواز کی بحالی جاپان میں وبا کے بعد سفر اور سیاحت کی بحالی کے لیے ایئر لائن کے مسلسل تعاون کو ظاہر کرتی ہے۔

    ایمریٹس کی ہنیڈا میں بحالی سے مارکیٹ میں ایئر لائن کے آپریشنز کو مزید فروغ ملے گا۔

  • لاہور ایئرپورٹ: بیرون ملک سے آنے والی 5 پروازوں کو اسلام آباد ایئرپورٹ پر اترنے کی ہدایت

    لاہور: صوبہ پنجاب کے دارالحکومت لاہور میں دھند کے باعث فضائی آپریشن شدید متاثر ہے، لاہور اترنے والی 5 اور لاہور سے روانہ ہونے والی 2 پروازوں کو اسلام آباد منتقل کر دیا گیا۔

    تفصیلات کے مطابق لاہور ایئرپورٹ پر دھند کے باعث فضائی آپریشن شدید متاثر ہوا ہے، دھند کے باعث 5 پروازوں کا رخ اسلام آباد کے لیے موڑ دیا گیا۔

    جن پروازوں کا رخ موڑا گیا ہے ان میں استنبول، کویت، کوالالمپور، جدہ اور شارجہ سے آنے والی پروازیں شامل ہیں۔

    لاہور سے جدہ اور مدینہ جانے والی پی آئی اے کی 2 پروازوں کو بھی اسلام آباد منتقل کر دیا گیا، پی آئی اے کی دونوں پروازیں اب لاہور کے بجائے اسلام آباد سے روانہ ہوں گی۔

    لاہور سے مسافروں کو براستہ سڑک اسلام آباد پہنچنے کی اطلاع دے دی گئی۔

  • فلائی دبئی کا نئی پروازیں چلانے کا اعلان

    فلائی دبئی کا نئی پروازیں چلانے کا اعلان

    ابو ظہبی: متحدہ عرب امارات کی ایئر لائن فلائی دبئی نے اپنی پروازوں میں اضافے کا اعلان کردیا، اس وقت یہ ایئر لائن 108 ایئر پورٹس کے لیے پروازیں چلا رہی ہے۔

    اردو نیوز کے مطابق فلائی دبئی نے آئندہ سال 2023 کے دوران 7 نئے ایئر پورٹس کے لیے پروازیں شروع کرنے کا اعلان کیا ہے۔

    فلائی دبئی مسافروں کی تعداد میں غیر معمولی اضافے کے باعث ماہ رواں کے دوران سلوینیا کے دارالحکومت لیویلیانا کے لیے ہر روز ایک پرواز چلارہی ہے۔

    فلائی دبئی نے لیویلیانا کے لیے اپنی پہلی پرواز 24 ستمبر 2021 سے شروع کی تھی اور ہفتے میں تین پروازیں چلائی جا رہی تھیں۔

    ایئر لائن کا کہنا ہے کہ فی الوقت افریقہ، وسطی ایشیا، قوقاز، مشرقی، جنوبی، وسطی یورپ، جی سی سی ممالک، مشرق وسطیٰ اور برصغیر ہند کے 108 ایئر پورٹس کے لیے پروازیں چلائی جارہی ہیں۔

    فلائی دبئی نے سال رواں کے دوران 20 بوئنگ 737 میکس طیارے حاصل کیے ہیں جس کے بعد اس کے کل طیاروں کی تعداد 71 ہوچکی ہے، ان میں بوئنگ 737 اور بوئنگ 737 میکس شامل ہیں۔

    فلائی دبئی کا کہنا ہے کہ 2023 کے وسط تک اس کی پروازیں 115 بین الاقوامی ایئر پورٹس کے لیے جانے لگیں گی۔

  • کراچی سے اندرون اور بیرون ملک جانے والی 20 پروازیں منسوخ

    کراچی سے اندرون اور بیرون ملک جانے والی 20 پروازیں منسوخ

    کراچی: صوبہ سندھ کے دارالحکومت کراچی سے اندرون اور بیرون ملک جانے والی 20 پروازیں منسوخ ہوگئیں، 3 پروازیں تاخیر کا شکار ہیں۔

    تفصیلات کے مطابق کراچی سے اندرون اور بیرون ملک جانے والی 20 پروازیں منسوخ اور 3 تاخیر کا شکار ہوگئیں۔

    کراچی سے جدہ جانے والی نجی ایئر لائن کی 2 پروازیں منسوخ ہوگئیں، کراچی سے نجف جانے والی ایران اور عراقی پرواز اور پی آئی اے کی صبح 4 بجے مدینہ جانے والی پرواز بھی منسوخ ہوگئی۔

    صبح 4 بجے دبئی جانے والی پرواز بھی منسوخ ہوگئی۔

    منسوخ ہونے والی ڈومیسٹک فلائٹس میں پی آئی اے کی صبح 8 بجے کی فیصل آباد اور لاہورکی پروازیں، اسلام آباد، کوئٹہ، ملتان اور رحیم یار خان کی پروازیں بھی منسوخ ہوگئیں۔

    پی آئی اے کی دوپہر 1 اور 2 بجے کراچی سے کوئٹہ کی 2 پروازیں جبکہ شام 7 بجے کراچی سے اسلام آباد جانے والی پرواز بھی منسوخ ہوگئی۔

  • یوکرین سے پاکستانی طلبا کی واپسی کے لیے پی آئی اے نے پروازیں ترتیب دے دیں

    یوکرین سے پاکستانی طلبا کی واپسی کے لیے پی آئی اے نے پروازیں ترتیب دے دیں

    کراچی: پاکستان انٹرنیشنل ایئر لائن (پی آئی اے) نے یوکرین میں پھنسے طلبا کو واپس لانے کے لیے پروازیں ترتیب دے دیں، پروازیں ممکنہ طور پر پولینڈ کے دارالحکومت وارسا پہنچیں گی۔

    تفصیلات کے مطابق پاکستان انٹرنیشنل ایئر لائن (پی آئی اے) کی جانب سے سماجی رابطے کی ویب سائٹ ٹویٹر پر ٹویٹ کرتے ہوئے بتایا گیا کہ یوکرین میں پھنسے طلبا کو واپس لانے کے لیے پروازیں ترتیب دے لی گئی ہیں۔

    انتظامیہ کا کہنا ہے کہ اتوار کو پہلی 2 پروازیں پاکستانی طلبا کو لینے پولینڈ روانہ ہوں گی، پولینڈ سے طلبا کو بحفاظت ان کے آبائی شہروں تک پہنچایا جائے گا۔

    ذرائع کا کہنا ہے کہ یوکرین پولینڈ سرحد کے قریب شہروں خصوصاً لبلن ایئرپورٹ پر انتظامات ناکافی ہیں، پروازیں ممکنہ طور پر پولینڈ کے دارالحکومت وارسا پہنچیں گی۔

    دوسری جانب پی آئی اے کے سی ای او ایئر مارشل (ر) ارشد ملک کا کہنا ہے کہ پی آئی اے خصوصی پروازوں کے لیے بوئنگ 777 طیارے آپریٹ کرے گا۔

    ارشد ملک کا کہنا ہے کہ پی آئی اے اپنے ہم وطنوں کو گھروں تک پہنچانے کے لیے اقدامات کر رہی ہے، جب بھی ملک کو ضرورت پڑتی ہے پی آئی اے پہلے اپنا کردار ادا کرتی ہے۔

    انہوں نے کہا کہ 2 ہزار سے زائد طلبا اور ہم وطنوں کو پاکستان پہنچانے کے لیے خصوصی آپریشن کے لیے تیار ہیں، پی آئی اے یوکرین میں پاکستانی سفیر سے مسلسل رابطے میں ہے۔

  • قطر ایئر ویز کا پاکستان سے پروازوں کی تعداد میں اضافے کا اعلان

    قطر ایئر ویز کا پاکستان سے پروازوں کی تعداد میں اضافے کا اعلان

    کراچی: قطر ایئر ویز نے پاکستان سے پروازوں کی تعداد میں اضافے کا اعلان کردیا، اسلام آباد سے ہفتہ وار 18 اور لاہور سے ہفتہ وار 17 پروازیں آپریٹ ہوں گی۔

    تفصیلات کے مطابق قطر ایئر ویز نے پاکستان کے لیے اپنی پروازوں کی تعداد میں اضافے کا فیصلہ کیا ہے، قطر ایئر ویز یکم جنوری 2022 سے ہفتہ وار 63 پروازیں آپریٹ کرے گی۔

    قطر ایئر ویز کراچی سمیت 5 شہروں سے دوحہ کے لیے پروازیں آپریٹ کرے گی، دارالحکومت اسلام آباد سے ہفتہ وار 18 پروازیں آپریٹ کی جائیں گی۔

    لاہور سے ہفتہ وار 17 پروازیں آپریٹ ہوں گی، کراچی سے ہفتہ وار 14، سیالکوٹ اور پشاور سے ہفتہ وار 7،7 پروازیں آپریٹ ہوں گی۔ قطر ایئر ویز لاہور سے بذریعہ دوحہ 140 ممالک میں مسافروں کو رسائی فراہم کرے گا۔

    قطر ایئر ویز نے پاکستان کے لیے 31 مئی 2022 تک اپنا شیڈول جاری کردیا۔