Tag: flights-canceled

کراچی : عالمی جان لیوا وبا کورونا وائرس کے باعث قومی ایئر لائن سمیت ملکی و غیر ملکی ایئر لائنز نے اپنی پروازیں 20 فیصد محدود کردیں

کورونا وائرس کے سدباب کے لئے محدود فلائٹ آپریشن کی وجہ سے علامہ اقبال انٹرنیشنل ائرپورٹ پر بھی فلائٹ آپریشن متاثر ہے، ملکی وغیر ملکی 19 پروازیں منسوخ جبکہ پانچ تاخیر کا شکار رہیں۔

اس حوالے سے ذرائع کا کہنا ہے کہ علامہ اقبال انٹرنیشنل ائیرپورٹ پر اندرون و بیرون ملک آنے اور جانے والی پروازیں 20فیصد تک محدود کردی گئی ہیں۔

جن پروازوں کو منسوخ کیا گیا ہے ان میں ترکش ائیر لائن کی استنبول سے آنے والی پرواز 714، پی آئی اے کی شارجہ سے آنے والی پرواز 186اتحاد ائیر لائن کی ابوظہبی سے آنے والی پرواز 24 شامل ہیں۔

اس کے علاوہ قطر ائیر ویز کی دوھا سے لاہور آنے والی پرواز 62، سیرین ائیر لائن کی کراچی سے لاہور آنے والی پرواز523، کراچی سے لاہور آنے والی پرواز141، مسقط سے لاہور آنے والی پرواز343 بھی منسوخ کی گئی ہے۔

ذرائع کے مطابق پی آئی اے کی کراچی سے لاہور آنے والی پرواز306، پی آئی اے کی کراچی سے لاہور آنے والی پرواز316، پی آئی اے کی لاہور سے کراچی جانے والی پرواز307، ائیر بلیو کی لاہور سے شارجہ جانے والی پرواز پی اے412 کو بھی منسوخ کیا گیا ہے۔

دیگر منسوخ کی جانے والی پروازوں میں پی آئی اے کی لاہور سے دبئی جانے والی پرواز پی کے 20، ترکش ائیر لائن کی لاہور سے استنبول جانے والی پرواز ٹی کے715، پی آئی اے کی لاہور سے کراچی جانے والی پرواز پی کے313 شامل ہیں۔

اس کے علاوہ اتحاد ائیر لائن کی لاہور سے ابوظہبی جانے والی پرواز244، قطر ائیر ویز کی لاہور سے دوھا جانے والی پرواز کیو آر629، سیرین ائیر لائن کی لاہور سے دبئی جانے والی پرواز723، لاہور سے مسقط جانے والی پرواز پی کے344 بھبی منسوخ کردی گئی ہے۔

یاد رہے کہ گزشتہ روز پشاور میں باچا خان انٹرنیشنل ایئرپورٹ پر سول ایوی ایشن اتھارٹی کے 32فرنٹ لائن ورکرز کے کورونا میں مبتلا ہونے کا انکشاف ہوا، جان لیوا وائرس میں مبتلا ہونے والوں میں زیادہ ترایئر پورٹس پر کام کرنے والے ویجیلنس، ایئرپورٹ سروسز اوربرج آپریٹرز شامل ہیں۔