Tag: Flights delayed

لاہور: علامہ اقبال ایئرپورٹ پر دھند کے باعث پروازوں کا شیڈول متاثر ہوگیا۔ لاہور آنے اور جانے والی دو پروازیں منسوخ جبکہ 14 تاخیر کا شکار ہیں۔

تفصیلات کے مطابق پنجاب کے مختلف علاقوں میں شدید دھند کے باعث علامہ اقبال ایئرپورٹ پر پروازوں کا شیڈول بھی متاثر ہو رہا ہے، متعدد بین الاقوامی پروازوں کو بھی تاخیر ہوگئی۔

لاہور کے علامہ اقبال ایئرپورٹ پر حد نگاہ 200 میٹرسےبھی کم رہ گئی جس کے باعث لاہور سے شارجہ جانے والی پرواز پی اے412 تاخیر اور لاہور سے ابوظہبی جانے والی پرواز پی اے 430تاخیرکا شکار ہے۔

ایئر پورٹ ذرائع کا کہنا ہے کہ لاہور سے مدینہ جانے والی پرواز پی کے9747 تاخیر جبکہ لاہور سے استنبول جانے والی پرواز ٹی کے 715 بھی تاخیر کا شکارہے۔

اس کے علاوہ لاہور سے لندن جانے والی پرواز بی اے 258 تاخیر، لاہور سے راس الخیمہ جانے والی پروازجی نائن853تاخیر اور لاہور سےکولمبو جانے والی پرواز یو ایل 186 تاخیرکا شکار ہے۔

ذرائع کا کہنا ہے کہ لاہور سے کراچی جانے والی پرواز ای آر 525 تاخیر کا شکار ہے جبکہ لاہور سے کراچی جانے والی پروازای آر523منسوخ کردی گئی ہے۔

دھند کی وجہ سے استنبول سے آنے والی پرواز ٹی کے 714 تاخیر، لندن سے لاہور آنے والی پرواز بی اے 259تاخیر اور ابوظہبی سے لاہورآنے والی پرواز پی اے431 تاخیر کا شکار ہے۔

ایئر پورٹ ذرائع کا کہنا ہے کہ راس الخیمہ سے لاہور آنے والی پرواز جی نائن852تاخیر اور کولمبو سے لاہورآنے والی پرواز یو ایل 185 تاخیرکا شکار ہے۔

اس کے علاوہ کراچی سے لاہورآنے والی پرواز ای آر524تاخیرکا شکار جبکہ کراچی سے لاہور آنے والی پرواز ای آر 522 منسوخ کردی گئی ہے۔