ARYNews.tv | Urdu – Har Lamha Bakhabar

Tag: flights

  • جرمنی: ایئرپورٹ سیکیورٹی اسٹاف کی ہڑتال، سیکڑوں پروازیں منسوخ، مسافر پریشان

    جرمنی: ایئرپورٹ سیکیورٹی اسٹاف کی ہڑتال، سیکڑوں پروازیں منسوخ، مسافر پریشان

    برلن : جرمنی کی ایئرپورٹ سیکیورٹی اسٹاف نے تنخواہوں میں اضافے کیلئے ہڑتال کردی جس کے باعث سیکڑوں پروازیں منسوخ کرنی پڑیں۔

    تفصیلات کے مطابق جرمنی کے مصروف ترین ایئرپورٹ فرینکفرٹ سمیت آٹھ بڑے ہوائی اڈوں پر تعینات سیکیورٹی اسٹاف کی ہڑتال کے باعث ہزاروں مسافروں کو شدید مشکلات کا سامنا کرنا پڑرہا ہے۔

    مقامی خبر رساں ادارے کا کہنا ہے کہ مسافروں اور سامان کی جانچ کرنے والے ہزاروں سیکیورٹی اسٹاف نے 18 گھٹنے کیلئے ہڑتال کردی جس کے باعث سیکڑوں پروازوں منسوخ کرنا پڑی۔

    مقامی میڈیا کے مطابق صرف جرمنی کے سب سے بڑے ایئرپورٹ فرینکفرٹ پر 5 ہزار سے زائد اہلکاروں کی ہڑتال کی وجہ سے 570 پروازیں معطل ہوئی ہیں۔

    مزدور یونین (ڈی بی بی، ورڈی) کے اعلامیے کے مطابق نے 2 بجے رات سے اگلے روز رات 8 بجے تک ہیمبرگ، میونچ، لائیزگ، ہین اوور، اور فرینکفرٹ سمیت آٹھ ہوائی اڈوں کے سیکیورٹی اسٹاف کی ہڑتال جاری رہے گی۔

    جرمن میڈیا کا کہنا ہے کہ بورڈنگ کے علاقے میں داخلے کے مقام پر سکیورٹی اسٹاف کی عدم موجودگی رات آٹھ بجے تک جاری رہے گی جس کے باعث مسافر جہازوں تک نہیں پہنچ سکیں گے۔

    مزدور یونینز کا مطالبہ ہے کہ سیکیورٹی اسٹاف کے ساتھ ساتھ پبلک ریلیشن، کسٹمز اور ایچ آر ملازمین کی تنخواہیں 20 یورو فی گھنٹہ کی جائیں۔

    واضح رہے کہ جرمنی میں ایئرپورٹ سیکیورٹی اسٹاف کو 11.30 یورو اور 17.16 یورو فی گھنٹہ کے حساب سے تنخواہ دی جاتی ہے۔

    قبل ازیں جرمن ایئرپورٹ ایسوسی ایشن نے متعلقہ حکام کو خبردار کیا تھا کہ اس ہڑتال کے سبب 15 جنوری منگل کے روز تقریباً 220,000 مسافر متاثر ہوں گے جبکہ پروازوں کا نیٹ ورک مفلوج ہو کر رہ جائے گا۔

  • طیاروں کو زمین سے لیزر لائٹ مارنے کے واقعات میں تشویشناک حد تک اضافہ

    طیاروں کو زمین سے لیزر لائٹ مارنے کے واقعات میں تشویشناک حد تک اضافہ

    کراچی : طیاروں کو زمین سے لیزر لائٹیں مارنے کے واقعات میں تشویشناک حد تک اضافہ ہوگیا ہے، رواں سال طیاروں پر لیزر لائٹیں مارنے کے 58 سے زائد واقعات رپورٹ ہوئے ہیں، لیزر لائٹ پڑنے سے جہازوں کے تحفظات کو خطرات لاحق ہوگئے۔

    تفصیلات کے مطابق سول ایوی ایشن اتھارٹی کی جانب سے ایک سال کے دوران لیزر لائٹ سے متعلق رپورٹ جاری کی گئی ہے، لیزر لائٹ سے متعلق رپورٹ اے آر وائی نیوز کو موصول ہوگئی۔

    رپورٹ میں کہا گیا ہے کہ اندرون و بیرون ملک سے آنے والی پروازیں لیزر لائٹ پڑنے سے متاثر ہوئیں، سب سے زیادہ سمندر کے قریب ریسٹورنٹس میں لگی بڑی بڑی لائٹوں سے پروازیں متاثر ہوتی ہیں۔

    اس کے علاوہ اندرون ملک سے آنے والی پروازیں سب سے زیادہ متاثر ہوئیں، ماڈل کالونی، سہراب گوٹھ اور میمن گوٹھ سے واقعات رپورٹ ہوئے، طیاروں پر لیزر لائٹ پڑنے سے کپتانوں لینڈنگ کے وقت پریشانی کا سامنا رہتا ہے، کلفٹن اور ڈیفنس میں بنے ریسٹورنٹ میں لگی بڑی لائٹس جہازوں کو متاثر کررہی ہیں۔

    ایئرپورٹ انتظامیہ کا کہنا ہے کہ سہراب گوٹھ اور ہائی وے پر بنے ریسٹورنٹ پر لگی بڑی لائٹس بھی جہازوں کیلئے مشکلات کاسبب بنی، لیزر لائٹس کے واقعات کے حوالے سے کمشنر کراچی اور پولیس انتظامیہ کو تحریری طور پر آگاہ کیا گیا۔

    ذرائع کے مطابق پولیس کی جانب سے ہائی وے اور سمندر کے سائٹ ریسٹورنٹ پر لگی لائٹس کے خلاف کوئی کارروائی نہیں کی گئی۔

  • پی آئی اے کی سعودی عرب اورچین کے لئے پروازوں کی تعداد میں اضافہ

    پی آئی اے کی سعودی عرب اورچین کے لئے پروازوں کی تعداد میں اضافہ

    کراچی : پی آئی اے نئے مقامات کیلئے پروازیں شروع کرنے کی منصوبہ بندی کر رہی ہے جبکہ سعودی عرب اور چین کے لئے پروازوں کی تعداد میں اضافہ کیا جا رہا ہے۔

    ترجمان پی آئی اے کے مطابق اس بات کا فیصلہ پی آئی اے کے پروازوں کے نیٹ ورک کا تفصیلی جائزہ لینے کے بعد کیا گیا ہے۔ ترجمان نے بتایا کہ پی آئی اے نے خسارے میں کمی لانے کے لئے ایک جامع بزنس پلان مرتب کیا ہے جس میں اخراجات میں کمی اور ریونیو میں اضافہ کر کے مسافروں کی سہولیات میں بہتری لائی جائے گی۔

    ترجمان نے بتایا کہ جلد ہی جدہ کے لئے ہفتہ وار پروازوں کی تعداد 28 سے بڑھا کر31 کی جارہی ہے اسی طرح مدینہ کے لئے ہفتہ وار پروازوں کی تعداد9 سے 10 کی جارہی ہے۔

    مستقبل میں سی پیک کی وجہ سے ضروریات کو مدنظر رکھتے ہوئے بیجنگ کے لئے اسلام آباد اور کراچی سے ہفتہ وار پروازوں کی تعداد دو سے بڑھا کر چار کی جارہی ہے۔اسی طرح اندرون ملک پروازوں کے دائرہ کار میں بھی وسعت کی جارہی ہے۔

    چین کے مقام گوانگزو، سعودی عرب میں القصیم اور زائرین کی سہولت کے لئے ایران کے شہر مشہد کے لئے بھی پروازیں شروع کی جارہی ہیں۔ اس سلسلے میں پی آئی اے کے بوئنگ 777 طیاروں کی از سر نو تزئین و آرائش کی گئی ہے اور جدید ترین دوران پرواز انٹرٹینمنٹ سسٹم کو فعال کیا جارہا ہے۔

    کیبن کریو کی نئی یونیفارم بھی متعارف کرائی گئی ہے جس کو عوام کی جانب سے پسند کیا گیا ہے اسی طرح گراؤنڈ ہینڈلنگ سٹاف کی یونیفارم بھی تبدیل کی جارہی ہے اور ان کو کسٹمرز کیئر کی ٹریننگ بھی دی جارہی ہے۔

    ترجمان نے بتایا کہ پروازوں کے شیڈول کا مکمل طور پر جائزہ لینے کے بعد اس بات کا فیصلہ کیاگیا ہے نئے روٹس کے لئے پروازیں شروع کی جائیں ، منافع بخش روٹس پر پروازوں کی تعداد میں اضافہ کیا جائے اور نقصان میں جانے والے روٹس پر پروازوں کو وقتی طور پر بند کر دیا جائے۔

    کویت اور سلالہ کے لئے پروازوں کو عارضی طور پر معطل کیا جارہا ہے ان پروازوں کے مسافروں کو متبادل انتظامات کے ذریعے ان کی منزل مقصود تک پہنچایا جائے گا تاہم ان پروازوں کو دوبارہ شروع کرنے کا فیصلہ خالصتاً کاروباری مفاد کو مدنظر رکھ کر کیا جائے گا۔

    ترجمان نے بتایا کہ ائر لائن انتظامیہ کی ان مجموعی کاوشوں سے ائر لائن کو دوبارہ سے منافع بخشی کی جانب میں خاطر خواہ مدد ملے گی۔

  • طیاروں میں وائی فائی کی سہولت کیلئے مصنوعی سیارہ خلا میں روانہ

    طیاروں میں وائی فائی کی سہولت کیلئے مصنوعی سیارہ خلا میں روانہ

    ہوائی جہازوں میں وائی فائی کی سہولت کے لیے مصنوعی سیارہ خلا میں بھیج دیا گیا۔

    اب طیاروں میں بھی وائی فائی کنیکٹ کیا جاسکے گا، طیاروں میں وائی فائی کی سہولت کیلئے مصنوعی سیارہ خلا میں روانہ کردیا گیا ، یہ سیٹیلائٹ بدھ کی رات لانچ کی گئی، جس کے بعد ہوائی جہازوں پر سفر کرنے والے مسافر جلد ہی اس مصنوعی سیارے یا پھر زمین پر لگے سیل ٹاورز کی مدد سے انٹرنیٹ استعمال کر سکیں گے۔

    اس مقصد کے لیے طیاروں کے چھت پر ایک اینٹینا لگایا جائے گا، جو سیارے کے ساتھ رابطے کے کام آئے گا۔

    ابتدائی طور پر جن ایئرلائنز کے طیاروں میں ان سہولیات کے استعمال کے لیے ضروری آلات نصب کیے جائیں گے، ان میں لفتھانزا اور اے آئی جی گروپ کی فضائی کمپنیاں(ائیر لنگس، برٹش ائیر ویز اورویلنگ) شامل ہونگی۔

    یورپی ایوی ایشن نیٹ ورک کافی عرصے سے اس منصوبے پر کام کر رہا ہے، انمارسیٹ نامی کمپنی جو برطانیہ کی سب سے بڑے سیٹیلایٹ آپریٹر ہے ، یورپی ایوی ایشن نیٹ ورک کے پیچھے کام کررہی ہے۔

    دونوں کمپنیوں کا کہنا ہے کہ ان سروسز کا آغاز سال کے آخر تک کر دیا جائے گا۔

    اس ٹیکنالوجی کے بعد اگر طیارے میں سوار کوئی مسافر ویب سائٹ استعمال کرنا چاہتے ہیں یا پھر کوئی ویڈیو دیکھنا چاہتے ہیں تو اسے صرف اس ہاٹ سپاٹ سے منسلک ہونا ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔