Tag: Flooding situation

  • یمن میں تباہ کُن بارشیں، سیلابی صورتحال

    یمن میں تباہ کُن بارشیں، سیلابی صورتحال

    یمن میں تباہ کُن بارشوں کے باعث سیلابی صورتحال کا سامنا ہے، نشیبی علاقے زیر آچکے ہیں، جبکہ پانی لوگوں کے گھروں میں داخل ہوچکا ہے۔

    بین الاقوامی خبر رساں ادارے کی رپورٹ کے مطابق اقوام متحدہ کے دفتر برائے رابطہ برائے انسانی امور (اوچا) کی جانب سے یمن میں طوفانی بارشوں اور سیلاب سے متاثرہ افراد کی تعداد میں اضافے کا خدشہ ظاہر کیا گیا ہے۔

    رپورٹ کے مطابق طوفانی بارشوں سے متاثر ہونے والے خاندانوں کی تعداد ایک بار پھر بڑھ کر 38 ہزار خاندانوں اور 268 ہزار افراد تک پہنچ چکی ہے۔

    اقوام متحدہ کے دفتر کی جانب سے وضاحت کی گئی ہے کہ طوفانی بارشوں کے باعث آنے والے سیلاب نے گھروں، املاک، کھیتوں اور عوامی انفراسٹرکچر کو شدید نقصان پہنچایا ہے۔

    حدیدہ، حجہ، مارب، صعدہ اور تعز کی گورنریاں سب سے زیادہ متاثر ہوئی ہیں۔ توقعات ہیں کہ یمن میں سخت موسم آئندہ ستمبر تک جاری رہے گا۔

    گزشتہ 24 گھنٹوں کے دوران بیشتر علاقوں میں تیز ہواؤں اور گرج چمک کے ساتھ موسلادھار بارشیں ہوئیں، شبوہ، الجوف، حضرموت، مارب اور عمران کی گورنریاں کے کئی علاقوں میں سیلاب اور طوفانی بارشوں کی اطلاعات ہیں۔

    طوفانی بارشوں کے سبب آنے والے سیلاب سے سڑکوں، سروس نیٹ ورک اور کھیتوں کو بھی بڑا نقصان پہنچایا۔ ہزاروں مویشی ہلاک ہو گئے۔

    ابراہیم رئیسی کے ہیلی کاپٹر حادثے کی تحقیقات مکمل، اصل حقائق سامنے آگئے

    اقوام متحدہ کے ہائی کمشنر برائے پناہ گزین نے اتوار کو یمن کے لیے ایک ہنگامی اپیل میں عطیہ دہندگان سے سیلاب سے متاثرہ افراد کی مدد کے لیے فوری طور پر 25 ملین ڈالر فراہم کرنے کا مطالبہ کیا تھا۔

  • آسٹریا: شدید بارشوں کے باعث سیلابی صورتحال، پروازیں منسوخ

    آسٹریا: شدید بارشوں کے باعث سیلابی صورتحال، پروازیں منسوخ

    آسٹریا میں شدید بارشوں کے باعث سیلابی صورتحال پیدا ہوگئی، جبکہ سیلابی ریلے آبادیوں میں داخل ہوگئے۔

    بین الاقوامی خبر رساں ادارے کی رپورٹ کے مطابق آسٹریا میں شدید بارشوں کے بعد سیلابی صورتحال پیدا ہوگئی ہے، نظام زندگی بری طری متاثر ہوا ہے۔

    دارالحکومت ویانا میں ہونے والی ریکارڈ بارشوں کے سبب متعدد پروازوں کو بھی منسوخ کردیا گیا ہے۔

    غیر ملکی ایجنسی کی رپورٹ کے مطابق شدید بارشوں کے باعث ٹریفک اور ٹرینوں کا نظام شدید متاثر ہوا ہے، سیلابی ریلوں میں گاڑیاں بہہ گئیں اور سڑکیں ٹوٹ گئیں۔

    دوسری جانب جاپان میں سمندری طوفان ایمپل نے نظامِ زندگی درہم برہم کر دیا ہے، مشرقی اور شمال مشرقی ساحلی علاقے کانتو اور توہوکُو کو طاقت ور سمندری طوفان کا سامنا ہے۔

    دارالحکومت ٹوکیو میں بھی طوفانی ہوا کے ساتھ بارش کا سلسلہ جاری ہے، طوفان کے خطرے کے باعث سینکڑوں پروازیں منسوخ کر دی گئی ہیں، جس سے ایک لاکھ سے زائد مسافروں کے متاثر ہونے کا خدشہ ہے۔

    انٹونی بلنکن غزہ جنگ بندی کے لیے مشرق وسطیٰ پہنچ گئے

    طوفان کے پیشِ نظر بجلی کی فراہمی بھی معطل ہے، جس سے دو ہزار گھر بجلی سے محروم ہیں، بجلی کی بندش سے ٹوکیو اور مرکزی شہر ناگویا کے درمیان چلنے والی تمام بلٹ ٹرین سروس بھی منسوخ کر دی گئی ہے۔