فلوریڈا: امریکی ریاست فلوریڈا کے شہر پاناما سٹی میں فائرنگ ہوئی جس کے نتیجے میں ایک شخص زخمی ہوگیا۔
غیر ملکی خبر رساں ادارے کے مطابق امریکی ریاست فلوریڈا کے شہر پاناما سٹی کی رہائشی عمارت میں فائرنگ ہوئی جس کے نتیجے میں ایک شخص زخمی ہوگیا، فائرنگ کے بعد ہنگامی حالات کے تحت علاقے کے تمام اسکول فوری طور پر بند کردئیے گئے۔
وقوعہ کے بعد پولیس جائے وقوعہ پہنچی اور علاقے کو گھیرے میں لے لیا ہے، پولیس کے مطابق پاناما سٹی میں 50 سے 100 گولیاں چلنے کی آوازیں سنی گئیں۔
امریکی پولیس کا کہنا ہے کہ فائرنگ سے ایک شخص زخمی ہوا ہے، جسے فوری طور پر اسپتال منتقل کردیا گیا ہے، کسی جانی نقصان کی اطلاع نہیں ملی ہے تاہم اس ضمن میں کوئی گرفتاری عمل میں نہیں آسکی ہے، مزید تحقیقات جاری ہیں۔
مزید پڑھیں: امریکا، اسکول میں فائرنگ 10 افراد ہلاک، حملہ آور گرفتار
یاد رہے کہ 19 مئی کو امریکی ریاست ٹیکساس میں شہرہوسٹن کے سانٹا فے ہائی اسکول میں طالبعلم کی فائرنگ سے پاکستانی طالبہ سبیکا شیخ سمیت 10 طالبعلم جاں بحق ہوگئے تھے جبکہ حملہ آور طالبعلم کو گرفتار کرلیا گیا تھا۔
خیال رہے کہ غیر ملکی خبر رساں ادارے کا کہنا تھا کہ اسکول میں فائرنگ کرنے والے طالب علم نے پولیس حراست میں بیان دیا کہ ’میں نے کچھ اسٹوڈنٹس جو میری پسندیدہ تھے انہیں بھاگا دیا کہ تاکہ وہ میری کہانی سنا سکے‘۔
امریکی خبر رساں ادارے کا کہنا تھا کہ پولیس نے ڈیمیٹریوس پیگورٹز کو عدالت میں پیش کردیا تھا، مقدمے کی سماعت کے دوران مذکورہ طالب علم پر عدالت نے جمعے کے روز اسکول میں 10 افراد کو قتل کرنے کا مقدمہ درج کیا گیا ہے۔
