Tag: fm-shah mehmood qureshi

اسلام آباد : وزیر خارجہ شاہ محمود قریشی نے کہا کہ خطے میں پائیدار امن اور ترقی کیلئے مسئلہ کشمیر کا حل ناگزیر ہے ، بھارت کے غیر قانونی اقدامات سے کشمیریوں کی زندگیاں خطرے میں ہیں۔

تفصیلات کے مطابق وزیر خارجہ شاہ محمود قریشی نے اسلام آبادمیں سیمینارسےخطاب کہا یورپی پارلیمنٹ کا ان کیمرا سیشن تھا، صرف ارکان مدعو تھے، اجلاس میں مقبوضہ کشمیر کی صورتحال پر غور اور تشویش کا اظہار کیاگیا۔

وزیر خارجہ کا کہنا تھا کہ دنیا میں مقبوضہ کشمیرکی صورتحال پراظہارتشویش کیاجارہاہے، یورپی یونین نے مقبوضہ کشمیرکی حیثیت میں تبدیلی کی مذمت کی اور مقبوضہ کشمیرمیں انسانی حقوق کی پامالی پراظہار تشویش کیا۔

یورپی یونین نے مقبوضہ کشمیرکی حیثیت میں تبدیلی کی مذمت کی

شاہ محمود قریشی نے کہا بھارت نےغیرقانونی اقدام سےکشمیرکامحاصرہ کررکھاہے ، دنیامیں کشمیرکی صورتحال پرتشویش ہے، آئس لینڈکے وزیرخارجہ سے مقبوضہ کشمیرمیں انسانی حقوق کی خلاف ورزیوں پر بات ہوئی ہے، اقوام متحدہ کےجنرل اسمبلی اجلاس میں بھی مقبوضہ کشمیر پر بات ہوگی۔

ان کا کہنا تھا کہ پاکستان کی خارجہ پالیسی ملکی مفادکومدنظررکھ کرمرتب کی گئی، خارجہ پالیسی میں ترجیحات کاتسلسل رکھاگیاہے، بہترین خارجہ پالیسی کی وجہ سے پاکستان تنہائی سےنکل آیا ہے۔

بہترین خارجہ پالیسی کی وجہ سے پاکستان تنہائی سےنکل آیا ہے

وزیر خارجہ نے کہا پاکستان خطےمیں قیام امن و استحکام کیلئےکوششیں جاری رکھےگا، ہمسایوں سےاچھےاورپرامن تعلقات ہماری ترجیحات ہیں، مسئلہ  کشمیر کا حل مذاکرات کے ذریعے ہی ممکن ہے، مقبوضہ کشمیرجیل کامنظرپیش کررہاہےادویات ہیں نہ خوراک۔

مسئلہ کشمیر کا حل مذاکرات کے ذریعے ہی ممکن ہے

شاہ محمود قریشی کا کہنا تھا کہ خطے میں پائیدار امن اور ترقی کیلئے مسئلہ کشمیر کا حل ناگزیر ہے، بھارت نے دہائیوں سے کشمیریوں کو حق خودارادیت سے محروم رکھاہے، خارجہ پالیسی اندرونی اوربیرونی معاملات کومدنظررکھ کربنائی گئی ۔

انھوں نے مزید کہا پالیسی ایشوزپرپلڈاٹ بڑی اچھی رپورٹس تیارکررہاہے، پاکستان کی خارجہ پالیسی درست سمت میں آگےبڑھ رہی ہے، فارن پالیسی چیلنجز  کا تعلق قومی مستقل مفادات سے ہوتا ہے۔

وزیر خارجہ کا کہنا تھا کہ کوئی مستقل دوست یادشمن نہیں ہوتا،صرف مفادات مستقل ہیں، خطےکوکئی چیلنجزکاسامناہے، ہمارےمشرقی و مغربی ہمسایوں کی طرف سے چیلنجز ہیں۔

کوئی مستقل دوست یادشمن نہیں ہوتا،صرف مفادات مستقل ہیں

شاہ محمود قریشی نے کہا پاکستان خطےمیں امن واستحکام کاخواہاں ہے، افغانستان میں افغانوں کےمابین مذاکرات بہت اہم ہیں، خارجہ پالیسی کا جیواسٹریٹیجک  ماحول سے بڑا تعلق ہے۔

اسلام آباد : وزیرخارجہ شاہ محمودقریشی نے کہا پھر آگاہ کررہا ہوں بھارت خون خرابہ کرائے گا، اور الزام پاکستان پر ڈالے گا، شدید تشویش ہے آج مقبوضہ کشمیر میں خون خرابہ ہوسکتا ہے۔

تفصیلات کے مطابق وزیرخارجہ شاہ محمووقریشی نے میڈیا سے گفتگو کرتے ہوئے کہا بھارتی میڈیا نے پروپیگنڈا شروع کردیاہے، مقبوضہ کشمیر میں100دہشت گرد داخل ہوئے ہیں  ، بھارت مقبوضہ کشمیر سے توجہ ہٹانے کیلئے پاکستان پر انگلیاں اٹھائے گا۔

وزیرخارجہ کا کہنا تھا کہ مقبوضہ کشمیر میں بھارتی مظالم پر پاکستان اپنا فرض نبھارہا ہے ، 23 دن پہلےاقوام متحدہ سیکریٹری جنرل کوخطوط لکھے، خدشہ ہے بھارت ایک نیاناٹک رچانےوالاہے اور  پاکستان پرالزام لگاسکتاہے۔

شدید تشویش ہے آج مقبوضہ کشمیر میں خون خرابہ ہوسکتا ہے

شاہ محمودقریشی نے کہا بھارت کوخدشہ ہےلوگ نکلیں گے تووادی میں خون خرابہ ہوگا، شدید تشویش ہے آج مقبوضہ کشمیر میں خون خرابہ ہوسکتا ہے، ہیومن رائٹس تنظیموں کی توجہ دلاناچاہتاہوں، کشمیریوں کے گھروں میں کھانے پینے کو کچھ نہیں، نماز جمعہ کے بعد لوگ ضرورباہرنکلیں گے۔

ان کا کہنا تھا کہ  اقوام متحدہ کوخط میں فالس فلیگ آپریشن کا ذکر کیا تھا، ایف اے ٹی ایف سے متعلق بھارتی پروپیگنڈا جھوٹا ہے، بھارت کو ایف اے ٹی ایف پر منہ کی کھانی پڑی، کشمیر کو نیوکلیئر فلیش پوائنٹ بنا دیا گیا ہے۔

وزیرخارجہ نے مزید کہا بھارت نے پاکستان کو بلیک کرانے کی کوشش کی، بھارت کو ایشیا پیسفک گروپ میں ناکامی ہوئی ہے، آج پوری قوم یک زبان ہوکر کشمیریوں کے ساتھ اظہار یکجہتی کرے گی، مسئلہ کشمیر پر پاکستان جو کردار ادا کرسکتا ہے وہ کررہا ہے۔

مقبوضہ کشمیر میں ہیومن رائٹس کمیشن کو جانے کی اجازت دی جائے

شاہ محمودقریشی کا کہنا تھا کہ سیکریٹری جنرل اقوام متحدہ سے اپیل کرتا ہوں وہ مسئلہ کشمیر پر کردار ادا کریں، ٹرمپ نےہم سےوعدہ کیاہےکہ مودی سےبات کرین گے۔

انھوں نے مطالبہ کیا کہ مقبوضہ کشمیر میں ہیومن رائٹس کمیشن کو جانے کی اجازت دی جائے، اقوام متحدہ کو پھر آگاہ کرتا ہوں بھارت خون خرابہ کرائے گا، الزام پاکستان پر ڈالے گا۔

مزید پڑھیں : مقبوضہ کشمیرمیں دنیا کو اپنی خاموشی توڑنی ہوگی ، شاہ محمود

یاد رہے وزیرخارجہ شاہ محمود قریشی کا کہنا تھا کہ کشمیرمیں مسئلہ زندگیوں اورانسانی حقوق کی خلاف ورزی کا ہے، مقبوضہ کشمیرمیں نسل کشی شرو ع کی جا رہی ہے، مقبوضہ کشمیرمیں دنیا کو اپنی خاموشی توڑنی ہوگی، بات اب مشاہدے سے آگے جا چکی ہے۔

وزیرخارجہ نے کہا تھا کہ کل بھی اقوام متحدہ سے خط میں انکوائری کا مطالبہ کیا ہے، مقبوضہ کشمیرمیں کرفیو ہٹے گی تو اصل صورت حال سامنے آئے گی، ہمارے پاس جو ممکنہ راستے ہیں وہ اختیارکر رہے ہیں، اقوام متحدہ میں مستقل مندوب کو رابطوں کی ہدایت کر رکھی ہے، ہم خدشے سے دنیا کوآگاہ کر رہے ہیں، بیانات نہیں کردار ادا کریں۔