Tag: fm-shah mehmood qureshi

اسلام آباد: وزیر خارجہ شاہ محمودقریشی نے کہا کہ موسمیاتی تبدیلی ایک بڑا چیلنج ہے ، سیوریج نظام شاپنگ بیگز کی وجہ سےمتاثر ہوتا ہے، لیڈرجیت نہیں سکتاجب تک پوری ٹیم مل کر ایک وژن پر آگے نہ بڑھے۔

تفصیلات کے مطابق وزیر خارجہ شاہ محمودقریشی نے تقریب سے خطاب کرتے ہوئے کہا 14اگست کواسلام آبادسےشاپنگ بیگز کی روک تھام کیلئے مہم کا آغاز کر رہے ہیں، ہم کلین اینڈ گرین پاکستان بنانے میں کامیاب ہوں گے۔

وزیر خارجہ کا کہنا تھا کہ موسمیاتی تبدیلی ایک بڑا چیلنج ہے ، سیوریج نظام شاپنگ بیگز کی وجہ سےمتاثر ہوتاہے ، ماحول کو بہترکرنا ہم سب کا فرض ہے، کراچی میں نالوں کی بندش کی بڑی وجہ شاپنگ بیگز ہیں۔

شاہ محمودقریشی نے کہا مستقل میں خطےکو قحط اور سیلاب جیسی صورتحال کا سامنا ہوسکتاہے، عوام کو شامل کرکے ہی خطرات سے نمٹا جاسکتا ہے ،ماحول کوصاف ستھرارکھنےمیں عالمی معیارکومدنظررکھناہوگا۔

ان کا مزید کہنا تھا کہ لیڈرجیت نہیں سکتاجب تک پوری ٹیم مل کر ایک وژن پر آگے نہ بڑھے، نوجوانوں کو شامل کرکےحقیقی تبدیلی لائی جاسکتی ہے۔

یاد رہے گذشتہ روز وزیرمملکت موسمیاتی تبدیلی زرتاج گل کا کہنا تھا پلاسٹک بیگ آلودگی کا بہت بڑا ذریعہ بن رہے ہیں ، لوگ اپنے علاقے چھوڑ کر شہری علاقوں کا رخ تیزی سے کر رہے ہیں، شہری علاقے پلاننگ نا ہونے کی وجہ سے بہت زیادہ متاثر ہو رہے ہیں،شہر میں سیلابی صورتحال اس پلاسٹک بیگ کی وجہ سے پیدا ہوتی ہے۔

خیال رہے اسلام آباد میں چودہ اگست سے پلاسٹک بیگ (پولیتھن شاپر) استعمال کرنے پر مکمل پابندی ہوگی اور خلاف ورزی کرنے والے کو بھاری جرمانہ ادا کرنا ہوگا۔

لندن : وزیر خارجہ شاہ محمود قریشی نے کہا حکومت تجارت،سیاحت اورسرمایہ کاری کوفروغ دے رہی ہے، اپوزیشن کردار ادا کرے مگر پاکستان کو قیاس آرائیوں سے نقصان نہ دیں، ٹیکس بڑھانے سے تکلیف تو پہنچے گی۔

تفصیلات کے مطابق وزیر خارجہ شاہ محمود قریشی نے پریس کانفرنس کرتے ہوئے کہا دولت مشترکہ سے جمہوریت اور آئینی بالادستی سے متعلق پوچھنا چاہتے تھے، پاکستان میں تیسری بار الیکشن سے اقتدار سول حکومت کو منتقل ہوا اور دولت مشترکہ کے مبصرین نے 2018 کے انتخابات کو شفاف قرار دیا۔

وزیر خارجہ کا کہنا تھا مغرب میں غلط تاثر ہے کہ پاکستان میں خواتین سے ناروا سلوک ہوتا ہے، ہماری اسمبلیوں میں خواتین کی مؤثر نمائندگی ہے، سول سروس میں بھی خواتین بڑھ چڑھ کر حصہ لے رہی ہیں، برطانیہ میں پاکستانیوں کو باعزت مقام حاصل ہے، پاکستانی ڈاکٹر اور ماہرین برطانیہ میں اہم خدمات انجام دے رہے ہیں۔

دولت مشترکہ کے مبصرین نے 2018کے انتخابات کو شفاف قرار دیا

شاہ محمود قریشی نے کہا حکومت تجارت،سیاحت اورسرمایہ کاری کوفروغ دےرہی ہے، پاکستان میں سرمایہ کاری کرنےوالوں کومراعات دے رہےہیں، ہم نے  ترجیحات کا ازسرنو تعین کیا ہے، احساس کے نام سے منصوبہ شروع کیا ہے، جیرمی ہنٹ کو بھی ملاقات میں احساس کے بارے میں بریفنگ دی۔

ان کا کہنا تھا ایک ارب درخت لگانے کا کامیاب منصوبہ بھی ہم نے بنایا، ماحولیاتی آلودگی سامنے رکھتے ہوئے 10 ارب درخت لگانے کا منصوبہ شروع کیا ، دہشت گردی کے خاتمے میں ملنے والی کامیابیوں سے دولت مشترکہ کو آگاہ کیا نیشنل ایکشن پلان میں 20نکات پر کام کر رہے ہیں۔

وزیر خارجہ نے کہا سات دہائیوں سےقائم ایف سی آر کا کالا قانون ختم کیا ، آج قبائلی علاقوں میں سپریم کورٹ کی رٹ قائم ہے ، علاقہ غیر میں شمارعلاقوں کو کے پی میں سما دیا ، 16 منتخب رکن قبائلی علاقوں سے کے پی کے اسمبلی میں آئیں گے، مشکلات کے باوجود قبائلی علاقوں کے لیے 152ارب رکھے۔

کوشش ہےپڑوسی ملک کی بلیک لسٹ میں ڈلوانے کی کوشش ناکام ہو

شاہ محمود قریشی کا کہنا تھا منی لانڈرنگ اوردہشت گردی کی فنڈنگ کے خلاف اقدامات اٹھائے ، ہماری کوشش ہے کہ گرے لسٹ سے باہر نکلیں ، کوشش ہے پڑوسی ملک کی بلیک لسٹ میں ڈلوانے کی کوشش ناکام ہو۔

انھوں نے مزید کہا اپوزیشن کرداراداکرےمگر پاکستان کوقیاس آرائیوں سےنقصان نہ دیں، ٹیکس بڑھانے سے تکلیف تو پہنچے گی، سڑکوں پر نکلنے سے سرمایہ کاری کے اعتماد میں کمی آئے گی۔

اسحاق ڈار کی واپسی سے متعلق وزیرخارجہ کا کہنا تھا امکانات پیدا ہوئے ہیں کہ اسحاق ڈار کو واپس لایا جا سکے، اسحاق ڈار کی واپسی کے حوالے سے کوئی ٹائم فریم نہیں دے سکتا۔

 اسحاق ڈار کی واپسی کے حوالے سے کوئی ٹائم فریم نہیں دے سکتا

مسئلہ کشمیر کے حوالے سے شاہ محمود قریشی نے کہا کشمیر کے مسئلے کے حل کے بغیر برصغیر میں دیرپا امن ممکن نہیں ، بھارت پاکستان کو معاشی طور پر بدحال دیکھنا چاہتا ہے۔

ایران کے حوالے سے ان کا کہنا تھا ایران پاکستان کا پڑوسی ہے،کوشش ہےاس سے تعلقات بہترہوں، کوشش کی ہے کہ ایران کے ساتھ تعلقات کو بہتر کریں، ہم نہیں چاہتے کہ ایران کے معاملے کا فوجی حل نکلے۔

لندن : وزیر خارجہ شاہ محمود قریشی نے کہا پشتون باوقار اور حب الوطنی کے جذبے سے سرشار ہے، پاکستان کانظریہ،سوچ اورمفادات سب چیزوں پرفوقیت رکھتی ہے، یکجہتی ہوگی تو انتشار پھیلانے والے بھی ناکام ہوں گے۔

تفصیلات کے مطابق لندن میں وزیر خارجہ شاہ محمود قریشی نے متحدہ پشتون سوسائٹی کی افتتاحی تقریب میں خطاب کرتے ہوئے کہا پشتون باوقار اور حب الوطنی کے جذبے سے سرشار ہے، انہوں نےانیس سواڑتالیس سے لیکر آج تک ہرمشکل وقت میں پاکستان کا ساتھ دیا اور اُن کےتعاون سے پاک فوج نےدہشت گردی کاخاتمہ کا کیا،جس کااعتراف آج دنیا کررہی ہے۔

آپ نےحب الوطنی کےجس بیج کوبویاثمرات سب کھائیں گے، انتشار کا بیج بونےکی خواہش مند قوتیں کامیاب نہیں ہوں گی، سمجھنا ہوگا کچھ لوگ مخصوص سوچ کی کوشش کر رہے ہیں۔

وزیرخارجہ کا کہنا تھا یورپی یونین میں بھی خاص سوچ کو ہوا دینے کی کوشش کی جارہی ہے، کون کر رہا ہے؟ مقاصد کیا ہیں؟سوالات کی تہہ تک جانا ہوگا۔

شاہ محمود قریشی نے کہا سوالوں کی تہہ تک پہنچ گئےتودشمنوں کےعزائم خاک ہوجائیں گے اور ان کے ارادے بےنقاب ہوں گے، پاکستان کی دشمن قوتوں نےانتشارکےبیج بوئےاورنفرت کوہوادی ، باخبر رہنا ہمارا فرض ہے،پاکستانی مفادات کاتحفظ عزیزہے۔

ان کا کہنا تھا کسی بھی سیاسی جماعت سےوابستگی جمہوری حق ہے، پاکستان کانظریہ،سوچ اورمفادات سب چیزوں پرفوقیت رکھتی ہے، یکجہتی ہوگی تو انتشار پھیلانے والے بھی ناکام ہوں گے، بیرون ملک مقیم پاکستانیوں پرمعیشت کا انحصار ہے۔

برسلز : وزیر خارجہ شاہ محمود قریشی نے کہا بھارت ہمیں تنہائی کاشکارکرنا چاہتا ہے مگر آج جو ہوا وہ اس کے برعکس ہے, بھارت ابھی تک بات چیت کے موڈ میں نہیں ہے ، اسے بات چیت کے لیے وقت درکار ہے، معیشت کی بہتری پرسب سےتعاون کرنے کوتیار ہیں۔

تفصیلات کے مطابق وزیر خارجہ شاہ محمود قریشی نے برسلز میں یورپی یونین کے اجلاس کے بعد میڈیا سے بات چیت کرتے ہوئے کہا میں نہیں سمجھتا کہ پاکستان کسی قسم کی تنہائی کا شکار ہے، یہاں آنا ،اجلاس میں شرکت کرنا اور نیااسٹرٹیجک پلان طےکیاجارہاہے، سارےاقدامات اس بات کےمظہرہےکہ ہمارےتعلقات بڑھ رہےہیں۔

وزیرخارجہ کا کہنا تھا بھارت ہمیں تنہائی کاشکارکرنا چاہتا ہے مگر آج جو ہوا وہ اس کے برعکس ہے ، اقتصادی چیلنج 10ماہ نہیں کئی دہائیوں کی کوتاہیوں کانتیجہ ہے، دیرپا اقدامات پرجتنی سیاسی جماعتیں ساتھ اوراتفاق رائے بہترہوگا۔

معیشت کی بہتری پرسب سےتعاون کرنے کوتیار ہیں

شاہ محمود قریشی نے کہا معیشت کی بہتری پرسب سےتعاون کرنے کوتیار ہیں ، معیشت کا سہارا لےکر احتساب سے فرار ایک دوسری چیز ہے ، اپوزیشن کاشور شرابہ میثاق معیشت نہیں بلکہ احتساب سے نجات کے لیے ہے۔

پاک بھارت تعلقات سے متعلق ان کا کہنا تھا بھارت ابھی تک بات چیت کے موڈ میں نہیں ہے ، میراخیال ہے بھارت کوپاکستان سےبات چیت کےلیےوقت درکار ہے۔

اپوزیشن کاشور شرابہ میثاق معیشت نہیں بلکہ احتساب سے نجات کے لیے ہے

شاہ محمود قریشی کا کہنا تھا جی ایس پی پلس پریورپی ممالک کی مددپران کاشکرگزارہوں، بہت سے دوست یورپی ممالک پاکستان کی بلیک لسٹنگ کے حق میں نہیں ، یورپی یونین پر واضح کیا پاکستان میں جمہوریت مضبوط ہو رہی ہے۔

وزیر خارجہ نے کہا پاکستان میں آزادی اظہار رائے کا احترام کیا جاتا ہے ، مقبوضہ کشمیرمیں انسانی حقوق کی خلاف ورزیوں پر غور کرنا ہو گا۔

پاکستان چاہتا ہے تنازعات کاحل، مروجہ سفارتی طریقہ کار سے ہو

افغانستان کے حوالے سے ان کا کہنا تھا افغان امن عمل کے حوالے سے پاکستان کا کردارسب کےسامنے ہے ، پاکستان کےکردارکا اعتراف زلمے خلیل زاد نےبھی کیاہے ، پاکستان چاہتا ہے تنازعات کاحل، مروجہ سفارتی طریقہ کار سے ہو۔

برسلز : وزیر خارجہ شاہ محمود قریشی برسلز پہنچ گئے، جہاں وہ وزیرخارجہ نیٹوکےجنرل سیکرٹری اسٹولٹن برگ اوریورپی یونین کی عہدیدار فیڈ ریکا موگرینی سے بھی ملاقاتیں کریں گے جبکہ پاکستان اوریورپی یونین میں جامع اسٹریٹجک پلان پر دستخط کیےجائیں گے۔

تفصیلات کے مطابق وزیر خارجہ شاہ محمود قریشی دو روزہ سرکاری دورے پر برسلز پہنچ گئے، برسلز پہنچنے پرسفیر نغمانہ ہاشمی اور سفارتخانے کے افسران نے ان کااستقبال کیا۔

وزیرخارجہ برسلز میں دفاعی اتحاد نیٹو کے ہیڈکوارٹر جائیں گے اور نیٹو کےجنرل سیکرٹری اسٹولٹن برگ سےملاقات کریں گے جبکہ شاہ محمود قریشی یورپی یونین کی عہدیدارفیڈریکاموگرینی سے بھی ملاقات کریں گے، ملاقات میں پاکستان اوریورپی یونین میں جامع اسٹریٹجک پلان پر دستخط کیےجائیں گے۔

وزیرخارجہ یورپی کونسل اجلاس میں علاقائی سیکورٹی پرنقطہ نظر پیش کریں گے اور برسلز میں پاکستانی کمیونٹی سےملاقات اورخطاب کریں گے۔

دورے کے دوران شاہ محمود قریشی برسلزمیں تصویری نمائش کاافتتاح بھی کریں گے۔

مزید پڑھیں : پاکستان اور یورپی یونین کے تعلقات پرانے اور گہرے ہیں، وزیر خارجہ

برسلز روانگی سے قبل شاہ محمود قریشی نے میڈیا سے گفتگو کرتے ہوئے کہا تھا کہ طویل مذاکرات کے بعد یورپی یونین کے ساتھ اسٹریٹیجک معاہدے پر دستخط ہوں گے، یہ معاہدہ ایک اہم پیش رفت ہے۔

ان کا کہنا تھا یورپی یونین کے ساتھ اسٹریٹیجک پلان پر جو معاہدہ طے پایا ہے، اس پر 25 جون کو اعلیٰ عہدے دار فیڈریکا موگرینی کے ساتھ دستخط کروں گا، اس معاہدے سے یورپی یونین کے ساتھ طویل المدتی تعاون کا آغاز ہوگا۔

وزیر خارجہ نے کہا تھا کہ پاکستان اور یورپی یونین کے تعلقات پرانے اور گہرے ہیں، گاہے بگاہے ہم ایک دوسرے کی مدد بھی کرتے رہے ہیں، اب انشاء اللہ مستقبل میں ایک نئی سمت میں آگے بڑھنے کا ارادہ ہے۔

ان کا مزید کہنا تھا نیٹو کے ساتھ ہمارا تعاون رہا، افغانستان کے معاملاتِ میں ہم نے امریکی اور نیٹو فورسز کی بے پناہ مدد کی، نیٹو کے ساتھ دفاعی اور سیکورٹی معاملات میں تعلق برقرار رکھنے کی ضرورت ہے۔

اسلام آباد : وزیر خارجہ شاہ محمود قریشی نے کہا اسلام آباد کو دوبارہ بذریعہ نوٹیفکیشن فیملی اسٹیشن ڈیکلیئرکردیاگیاہے ، اقوام متحدہ کافیصلہ ایک  بہت بڑی کامیابی ہے،  پاکستان کی سیکیورٹی ایجنسیز کو،فارن آفس کومبارکباددیتاہوں۔

تفصیلات کے مطابق وزیرخارجہ شاہ محمودقریشی نے میڈیا سےگفتگو کرتے ہوئے کہا 2008 میں اسلام آبادمیریٹ ہوٹل میں بم دھماکاہوا، واقعے کے بعد سفارت خانوں اقوام متحدہ دفاتر میں اضطراب پایاجارہاتھا، اقوام متحدہ نےاسلام آبادکونان فیملی اسٹیشن قراردیا، یہ سلسلہ 10سال تک جوں کاتوں رہا، اس دوران فارن آفس،اقوام متحدہ کیساتھ رابطے میں رہا۔

شاہ محمودقریشی کا کہنا تھا صورتحال سنبھالنے اور دہشت گردی کوشکست دینےمیں کامیابی ملی، وزارت خارجہ نےزوردیااب سیکیورٹی بہترہوچکی ہے، اقوام متحدہ کو اپنے فیصلے پر نظر ثانی کرنی چاہیے اور اقوام متحدہ نےجامع تحقیق کی اورہمارےتجزیےسےاتفاق کیا۔

مزید پڑھیں : امن کی کوششیں تسلیم، اقوام متحدہ نے پاکستان کو فیملی اسٹیشن قرار دے دیا

وزیرخارجہ نے کہا اب پاکستان اوراسلام آبادمیں سیکیورٹی صورتحال بہترہوچکی ہے، اسلام آبادکودوبارہ بذریعہ نوٹیفکیشن فیملی اسٹیشن ڈیکلیئر کر دیا گیا ہے ،  اقوام متحدہ کا فیصلہ ایک بہت بڑی کامیابی ہے، نوٹیفکیشن بین الاقوامی اداروں کاپاکستان پراعتمادکااظہارہے۔

ان کا کہنا تھا پاکستان کی سیکیورٹی ایجنسیز کو،فارن آفس کومبارکباددیتاہوں، اقدام کےبہت مثبت اثرات برآمدہونگے، فیصلےسےاعتمادسازی کےساتھ سرمایہ کاری کو بھی فروغ ملےگا، کوشش ہونی چاہیےہم سرمایہ کاری ودو طرفہ تجارت کوبڑھائیں۔

شاہ محمودقریشی نے کہا اقوام متحدہ نےتجزیہ دےدیا اس سےمزیدبہتری کےآثارپیداہوں گے ، ویزالبرلائزیشن سےقوی امیدہےاقتصادی نقل وحرکت بہتر ہوگی،  کلائنٹس سے ملنے کیلئے دبئی جانا پڑتا تھا، اب آسانی سے یہاں آسکیں گے، فارن آفس کے ساتھ ساتھ پوری قوم کو مبارکباد پیش کرتاہوں۔