Tag: FO spokeperson qazi khalil ullah

اسلام آباد: دفترخارجہ کا کہنا ہے کہ پیرس میں اپنے سفارتخانے سے مسلسل رابطے میں ہیں، اب تک کی اطلاعات کے مطابق تمام پاکستانی محفوظ ہیں۔

تفصیلات کے مطابق روزگارکے سلسلے میں متعدد پاکستانی پیرس میں مقیم ہیں۔حملوں کی خبر ملتے ہی دیارغیرمیں بسنے والے کے رشتے داروں میں تشویش کی لہردوڑ گئی۔دفترخارجہ نے تمام پاکستانیوں کے خیریت سے ہونے کی اطلاع دی توجان میں جان آئی۔

دفترخارجہ کے بیان میں کہا گیا ہے کہ اب تک کی اطلاعات کے مطابق پیرس حملے میں پاکستانی محفوظ ہیں۔ صورتحال سے آگاہی کے لئے پاکستانی سفارتخانے سے مسلسل رابطے میں ہیں۔

ترجمان کا کہنا تھا مشکل کی گھڑی میں فرانس کے ساتھ ہیں اورمتاثرہ خاندانوں سے دلی ہمدردی کا اظہارکرتے ہیں۔

اسلام آباد:‌ دفترخارجہ کا کہنا ہے کہ انتہا پسند ہندو پاکستانیوں کو نشانہ بنارہے ہیں، دفترخارجہ نےعالمی برادری سے شیو سینا کی دہشت گرد کارروائیوں کا نوٹس لینے کا مطالبہ کردیا۔

ترجمان دفترخارجہ قاضی خلیل اللہ نے میڈیا بریفنگ میں کہا کہ پاکستان نے پہلے بھی بھارت میں انتہا پسندی پرتشویش ظاہر کی ہے، ہندوانتہا پسندوں نے پاکستانیوں کو بھی نشانہ بنایا ہے، عالمی برادری شیوسینا کی دہشت گرد کارروائیوں کا نوٹس لے۔

قاضی خلیل اللہ کا کہنا ہے کہ مقبوضہ کشمیرمیں حریت رہنماؤں کی گرفتاریوں کی مذمت کرتے ہیں۔

ترجمان کا کہنا تھا کہ افغانستان سے متعلق پاکستان کی پالیسی واضح ہے، افغانستان میں امن چاہتے ہیں اورمفاہمتی عمل کی حمایت کرتے ہیں، افغان حکومت کی درخواست پردوبارہ کردار ادا کرنے کو تیار ہیں.