ARYNews.tv | Urdu – Har Lamha Bakhabar

Tag: FO

  • ایل او سی پر فائرنگ ، پاکستان کا بھارت سے شدید احتجاج، شہری آبادی کو نشانہ بنانے کی مذمت

    ایل او سی پر فائرنگ ، پاکستان کا بھارت سے شدید احتجاج، شہری آبادی کو نشانہ بنانے کی مذمت

    اسلام آباد: پاکستان نے لائن آف کنٹرول (ایل او سی) پر فائرنگ اور سیز فائر کی خلاف ورزی پر بھارت سے شدید احتجاج کیا اور کہا بھارتی فوج کی جانب سے شہری آبادی کونشانہ بناناقابل مذمت ہے، بھارت مقبوضہ کشمیرمیں انسانی حقوق کی خلاف ورزیوں سے توجہ نہیں ہٹا سکتا۔

    تفصیلات کے مطابق ترجمان دفتر خارجہ نے بھارتی ہائی کمیشن کے سینئر سفارت کار کو دفترخارجہ طلب کر کے ایل او سی پر فائرنگ اور سیز فائر کی خلاف ورزی پر شدید احتجاج کیا۔

    ترجمان دفترخارجہ نے کہا بھارتی فوج کی جانب سے5جولائی کوشہری آبادی کونشانہ بنایاگیا، فائرنگ سےبچوں سمیت5شہری شدیدزخمی ہوئے، بھارت کی جانب سے فائرنگ نکیال سیکٹر میں کی گئی۔

    ترجمان کا کہنا تھا کہ بھارتی فوج مسلسل شہری آبادی کونشانہ بنارہی ہے، اس سال1595باربھارت سیزفائرمعاہدےکی خلاف ورزی کرچکاہے، رواں سال بھارتی فائرنگ سے 14افراد شہید اور 121 زخمی ہوئے۔

    مزید پڑھیں : بھارتی فوج کی ایل اوسی پر بلااشتعال فائرنگ، 5 شہری زخمی

    انھوں نے مزید کہا کہ بھارتی فوج کی جانب سےشہری آبادی کونشانہ بناناقابل مذمت ہے، بھارت مقبوضہ کشمیرمیں انسانی حقوق کی خلاف ورزیوں سےتوجہ نہیں ہٹا سکتا۔

    یاد رہے آج بھارتی فوج کی ایل اوسی پر بلااشتعال فائرنگ کے نتیجے میں 2 معمر خواتین،2بچوں سمیت 5 شہری زخمی ہوگئے تھے، بھارتی فوج نے ایل اوسی کے نکیال سیکٹر پر جان بوجھ کر شہری آبادی کو نشانہ بنایا۔

    ڈی جی آئی ایس پی آر کے مطابق پاک فوج کی جانب سے بھی بھرپور جوابی کارروائی کی گئی اور ان بھارتی چوکیوں کو نشانہ بنایا گیا، جہاں سے پاکستانی علاقوں میں فائرنگ کی گئی تھی۔

  • دوسری جنگ عظیم کے بعد موجودہ صورت حال ایک چیلنج ہے: ترجمان دفترخارجہ

    دوسری جنگ عظیم کے بعد موجودہ صورت حال ایک چیلنج ہے: ترجمان دفترخارجہ

    اسلام آباد: ترجمان دفترخارجہ نے کہا ہے کہ وزیرخارجہ شاہ محمود قریشی اور اقوام متحدہ کےجنرل سیکریٹری انتونیوگوتریس کے درمیان ٹیلیفونک رابطہ ہوا، اس دوران کرونا کے اثرات اور حل پر تبادلہ خیال کیا گیا۔

    تفصیلات کے مطابق دنوں رہنماؤں کے درمیان ہونے والی گفتگو میں وبائی مرض پر قابو پانے سے متعلق بات چیت ہوئی، دنیا بھر میں کروناوائرس سے ہونے والی اموات پر دکھ کا اظہار کیا گیا۔

    ترجمان دفترخارجہ نے بتایا کہ وزیرخارجہ شاہ محمود نے اقوام متحدہ کی کروناوائرس سے متعلق تجویز پر اتفاق کا اظہار کیا۔ ترجمان کا کہنا ہے کہ دوسری جنگ عظیم کے بعد موجودہ صورت حال ایک چیلنج ہے۔

    وزیر خارجہ کا دبئی سے پاکستانیوں کی بروقت واپسی پر یو اے ای کا شکریہ

    قبل ازیں وزیرخارجہ شاہ محمود قریشی نے دبئی ایئرپورٹ سے پاکستانیوں کی بروقت واپسی پر یو اے ای کا شکریہ ادا کرتے ہوئے کورونا کا پھیلاؤ روکنے کیلئے اماراتی حکام کے اقدامات کو سراہا ہے۔

    وزیرخارجہ شاہ محمود قریشی نے یو اے ای کے وزیرخارجہ شیخ عبداللہ بن زید سے ٹیلیفونک رابطہ کر کے کورونا وبا کے حوالے سے تبادلہ خیال کیا اور مل کر وبائی مرض کے خلاف لڑنے پر اتفاق کیا۔

  • کرونا وائرس کا خطرہ، دفتر خارجہ نے قونصلر سروسز معطل کردیں

    کرونا وائرس کا خطرہ، دفتر خارجہ نے قونصلر سروسز معطل کردیں

    اسلام آباد : کرونا وائرس کے خطرے کے پیش نظر دفتر خارجہ نے قونصلر سروسز معطل کردیں، قونصلر سروسز پر یہ پابندی 18 مارچ سے 3 اپریل 2020 تک برقرار رہے گی۔

    تفصیلات کے مطابق کرونا وائرس کے بڑھتے ہوئے خطرے کے پیش نظر وزارت خارجہ نے مختلف دستاویزات کی تصدیق کے لئے عوام کے قونصلر سروس آنے کا عمل روک دیا ہے۔

    ترجمان دفتر خارجہ نے کہا کہ قونصلر سروسز پر یہ پابندی 18 مارچ سے 3 اپریل 2020 تک برقرار رہے گی، جس کے بعد صورتحال کا پھر جائزہ لے کر مستقبل کے حوالے سے اعلان کیا جائے گا۔ تاہم صرف ’پاورآف اٹارنی‘(مختار نامہ) کی تصدیق کرانے والے افراد کو رسائی کی اجازت بدستور رہے گی۔

    ترجمان کا کہنا تھا کہ عوام کی مشکلات کو مدنظر رکھتے ہوئے مختلف اسناد کی تصدیق وتوثیق کا عمل پاکستان پوسٹ، جیریز، لیپرڈ اور ٹی سی ایس جیسی کورئیر کمپنیوں کے ذریعے انجام دیا جائے گا، عوام اس طریقہ کار کو اختیار کرتے ہوئے اپنی دستاویزات وزارت خارجہ ارسال کرسکتے ہیں۔

    وزارت خارجہ نے کورونا کے حوالے سے پیدا شدہ صورتحال میں ایک خصوصی کوآرڈینیشن سیل بھی قائم کر دیا ہے، جو اسپیشل سیکرٹری (ایڈمنسٹریشن) کی زیر نگرانی کام کرے گا، یہ سیل پاکستان میں قائم سفارت خانوں اور بیرون ملک قائم پاکستانی مشنز کے ساتھ رابطے میں رہے گا۔

  • امریکا میں 5 افراد پر فردِ جرم عائد ، پاکستان کا بیان سامنے آگیا

    امریکا میں 5 افراد پر فردِ جرم عائد ، پاکستان کا بیان سامنے آگیا

    اسلام آباد : پاکستانی دفترخارجہ کے ترجمان نے امریکی اداروں کی جانب سے  برآمدات بھیجنےوالے5افرادپرفرد جرم عائدکرنے کے معاملے پر کہا کہ امریکا نے سرکاری سطح پرہمیں کوئی اطلاع فراہم نہیں کی۔

    تفصیلات کے مطابق امریکی اداروں کی پاکستان کو برآمدات بھیجنے والے 5 افراد پر فردجرم عائد کرنے کے معاملے پر ترجمان دفتر خارجہ نے کہا کہ 5افرادپرفرد جرم عائدکرنےکی رپورٹس دیکھیں، پاکستانی ادارے مبینہ طور پر امریکی محکمہ تجارت کی فہرست میں شامل ہیں، امریکا نے سرکاری سطح پر ہمیں کوئی اطلاع فراہم نہیں کی۔

    ترجمان کا کہنا تھا کہ جن افراد پر فرد جرم عائد کی گئی ان کی شناخت نہیں بتائی گئی، امریکا نے ہم سے حقائق جاننےکی بھی کوشش نہیں کی، اس لئے بغیر تفصیلات معاملے پر تبصرہ کرنے سے قاصرہیں۔

    دفتر خارجہ کا کہنا تھا کہ ماضی میں بھی محض شک پر پاکستانی اداروں پرپابندیاں لگائی گئیں، کئی بار اشیا کی ممنوعہ فہرست میں عدم موجودگی پر بھی ایسا طرزعمل اپنایاگیا، ماضی میں سماجی واقتصادی ترقی کیلئے اشیا بھجوانے پر بھی پابندی لگائی گئی۔

    انھوں نے مزید کہا کہ پاکستان کی سماجی ومعاشی ترقی کیلئے آلات، ٹیکنالوجی کا حصول ناگزیرہے، یہ ممکن ہے کچھ اشیا دہرے استعمال کے زمرے میں آتی ہوں، دہرے استعمال کی اشیا پر دستاویزی ضرورتیں پوری کی جائیں گی اور ہر قسم کے غلط استعمال کی روک تھام کی یقین دہانی کرائیں گے۔

    ترجمان کا کہنا تھا کہ امریکا کو خطے میں ٹیکنالوجیز کی فراہمی میں توازن قائم کرنا ہوگا، خطے میں ایک ملک کو حساس ٹیکنالوجیزتک رسائی، رعائتیں دی جا رہی ہیں، وہ ملک جدید فوجی ہتھیار بنا کر جنوبی ایشیا کے تذویراتی استحکام کیلئے خطرہ بن چکا ہے۔

  • بابری مسجد کا متعصبانہ فیصلہ، پاکستان کی او آئی سی کے سفیروں کو بریفنگ

    بابری مسجد کا متعصبانہ فیصلہ، پاکستان کی او آئی سی کے سفیروں کو بریفنگ

    اسلام آباد: بابری مسجد سے متعلق بھارت کے متعصبانہ فیصلے پر پاکستان نے اسلامی تعاون تنظیم (او آئی سی) ممالک کے سفیروں کو بریفنگ دی۔

    تفصیلات کے مطابق دفترخارجہ کے ترجمان ڈاکٹر محمد فیصل نے سماجی رابطے کی ویب سائٹ ٹوئٹر پر بتایا کہ سیکریٹری خارجہ سہیل محمود نے اوآئی سی ممالک کے سفیروں کو بابری مسجد کے تعصب پر مبنی فیصلے پر بریفنگ دی۔

    ترجمان دفترخارجہ نے کہا کہ بھارت دعویٰ کرتا ہے بابری مسجد اس کا اندرونی معاملہ ہے، لیکن حقیقت بھارتی دعوؤں کے برعکس ہے، بابری مسجد 1992 سے مسلسل او آئی سی ایجنڈے کا حصہ ہے۔

    واضح رہے کہ بھارتی سپریم کورٹ نے بابری مسجد کی متنازع زمین ہندوؤں کو دینے کا فیصلہ سناتے ہوئے کہا بھارتی حکومت کی زیرنگرانی بابری مسجد کی جگہ مندر بنے گا اور مسلمانوں کو ایودھیا میں متبادل جگہ دی جائے۔

    فیصلے میں سنی اور شیعہ وقف بورڈز کی درخواستیں مسترد کردی گئیں تھیں اور کہا گیا تھا کہ تاریخی شواہد کے مطابق ایودھیارام کی جنم بھومی ہے، بابری مسجد کا فیصلہ قانونی شواہد کی بنیاد پر کیا جائے گا۔

    بابری مسجد کی جگہ مندر بنے گا، بھارتی سپریم کورٹ کا فیصلہ

    بعد ازاں پاکستان نے تاریخی بابری مسجد کے فیصلے پرشدید تشویش کا اظہار کرتے ہوئے کہا تھا کہ بھارتی سپریم کورٹ کا فیصلہ ایک بار پھرانصاف کے تقاضے پورے کرنے میں ناکام رہا۔

  • بھارتی ناظم الامور کی دفتر خارجہ میں طلبی

    بھارتی ناظم الامور کی دفتر خارجہ میں طلبی

    اسلام آباد: بھارتی ناظم الامور گورو آہلو والیا کو دفتر خارجہ میں طلب کیا گیا جہاں انہیں بھارتی فوج کی سیز فائر کی مسلسل خلاف ورزیوں پر احتجاجی مراسلہ دیا گیا۔

    تفصیلات کے مطابق ترجمان دفتر خارجہ ڈاکٹر محمد فیصل کا کہنا ہے کہ بھارتی ناظم الامور گورو آہلو والیا کو دفتر خارجہ میں طلب کیا گیا۔ بھارتی ناظم الامور کی طلبی ڈی جی ساؤتھ ایشا و سارک ڈاکٹر محمد فیصل نے کی۔

    دفتر خارجہ کے مطابق پاکستان نے لائن آف کنٹرول سیز فائر معاہدے کی خلاف ورزی پر شدید احتجاج کیا۔ بھارتی ناظم الامور کو سیز فائر کی مسلسل خلاف ورزیوں پر احتجاجی مراسلہ دیا گیا۔

    دفتر خارجہ کے مطابق پاکستان کی جانب سے کہا گیا کہ بھارتی فوج نے 6 اور 7 اکتوبر کو ایل او سی پر شہری آبادی پر فائرنگ کی، ایل او سی کے چری کوٹ سیکٹر پر بلا اشتعال فائرنگ کی گئی۔ بھارتی فوج کی فائرنگ سے 69 سالہ نذیراں بی بی شہید ہوئیں۔ فائرنگ سے 3 معصوم شہری زخمی ہوئے۔

    دفتر خارجہ کے مطابق بھارتی فوج ایل او سی پر شہری آبادی کو خود کار اسلحے سے نشانہ بنا رہی ہے، بھارت کی طرف سے سنہ 2017 سےجنگ بندی کی خلاف ورزیوں میں تیزی آئی ہے۔ بھارت نے سنہ 2017 میں 1970 مرتبہ جنگ بندی کی خلاف ورزی کی۔

    بھارتی ناظم الامور سے کہا گیا کہ بھارتی فوج کا بے گناہ شہریوں کو جان کر نشانہ بنانا انتہائی قابل مذمت ہے، شہری آبادی کو نشانہ بنانا انسانی حقوق و قوانین کی خلاف ورزی ہے۔ بھارت کی مسلسل جنگ بندی کی خلاف ورزیاں امن کے لیے خطرہ ہیں۔ بھارتی خلاف ورزیاں سنگین اسٹریٹجک غلط فہمی کا باعث بن سکتی ہیں۔

    دفتر خارجہ کے مطابق پاکستان کی جانب سے کہا گیا کہ بھارت سنہ 2003 کی جنگ بندی کے معاہدے کا احترام یقینی بنائے، بھارت اپنی افواج کو جنگ بندی پر کاربند رہ کر عملدر آمد کی ہدایت کرے۔ بھارت جنگ بندی کی خلاف ورزیوں کے واقعات کی تحقیقات یقینی بنائے۔ بھارت ایل او سی اور ورکنگ باؤنڈری پر معاہدے کے مطابق امن برقرار رکھے اور اقوام متحدہ مبصرین کو سلامتی کونسل قراردادوں پر کردار ادا کرنے دے۔

  • بھارتی فوج کی سیز فائر کی خلاف ورزی، بھارتی ڈپٹی ہائی کمشنر دفتر خارجہ طلب

    اسلام آباد: بھارت کی جانب سے گزشتہ روز لائن آف کنٹرول پر بلا اشتعال فائرنگ کے خلاف بھارتی ڈپٹی ہائی کمشنر کو دفتر خارجہ طلب کیا گیا اور سیز فائر کی خلاف ورزیوں پر احتجاج کیا گیا۔

    تفصیلات کے مطابق ترجمان دفتر خارجہ ڈاکٹر محمد فیصل کا کہنا ہے کہ بھارتی ڈپٹی ہائی کمشنر کو آج دفتر خارجہ طلب کیا گیا۔ بھارتی ڈپٹی ہائی کمشنر سے ایل او سی پر سیز فائر کی خلاف ورزیوں پر احتجاج کیا گیا۔

    ترجمان کا کہنا ہے کہ بھارتی ڈپٹی ہائی کمشنر کو احتجاجی مراسلہ بھی تھمایا گیا، ڈپٹی ہائی کمشنر کو کہا گیا کہ بھارت سیز فائر معائدے کی پاسداری کرے۔

    خیال رہے کہ گزشتہ روز بھارتی فوج نے ایک بار پھر لائن آف کنٹرول کے مختلف سیکٹرز پر بلا اشتعال فائرنگ کی گئی۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی نکیال اور رکھ چکری سیکٹرز پر کی جانے والی بلا اشتعال فائرنگ 60 سالہ سلامت بی بی اور 13 سالہ ذیشان ایوب شہید ہوگئے تھے۔

    آئی ایس پی آر کے مطابق بھارتی فوج نے ایل او سی پر شہری آبادی کو نشانہ بنایا تھا، بھارتی اشتعال انگیزی سے 2 خواتین سمیت 3 شہری زخمی بھی ہوئے جنہیں علاج کے لیے قریبی اسپتال منتقل کیا گیا۔

  • بھارتی فوج 4 ہزار سے زائد کشمیریوں کو گرفتار کر چکی ہے: دفتر خارجہ

    بھارتی فوج 4 ہزار سے زائد کشمیریوں کو گرفتار کر چکی ہے: دفتر خارجہ

    اسلام آباد: ترجمان دفتر خارجہ ڈاکٹر محمد فیصل کا کہنا ہے کہ بھارتی فوج 4 ہزار سے زائد کشمیریوں کو گرفتار کر چکی ہے، بھارت موجودہ حالات میں پلوامہ 2 کرنا چاہ رہا ہے۔

    تفصیلات کے مطابق سینیٹ کی قائمہ کمیٹی کشمیر و گلگت بلتستان کا اجلاس ہوا۔ اجلاس میں ترجمان دفتر خارجہ ڈاکٹر محمد فیصل نے شرکت کی۔

    ترجمان دفتر خارجہ نے اجلاس کو بتایا کہ مقبوضہ کشمیرمیں ڈیڑھ کروڑ زندگیاں خطرے میں ہیں، مقبوضہ کشمیر میں لوگ 16 دن سے گھروں میں محصور ہیں۔ مقبوضہ کشمیر میں ہر گھر کے باہر ایک فوجی تعینات ہے۔

    ترجمان کا کہنا تھا کہ بھارتی فوج 4 ہزار سے زائد کشمیریوں کو گرفتار کر چکی ہے، بھارت موجودہ حالات میں پلوامہ 2 کرنا چاہ رہا ہے۔ بھارت موجودہ حالات کو دہشت گردی سے جوڑنے کی کوشش میں ہے۔

    انہوں نے کہا کہ لائن آف کنٹرول پر حالات بہت کشیدہ ہیں، بھارتی فوج ایل او سی پر روزانہ اشتعال انگیزی کر رہی ہے۔ بھارتی فوج ایل او سی پر نہتے شہریوں کو نشانہ بنا رہی ہے۔ ایل او سی پر بھارتی جارحیت سے پاک فوج کے جوان بھی شہید ہوئے۔

    ترجمان کا کہنا تھا کہ پاک فوج ایل او سی پر بھارت کو بھرپور جواب دے رہی ہے، پاک فوج کی جوابی کارروائی سے متعدد بھارتی فوجی ہلاک ہوئے۔ پاکستان ہر عالمی فورم پر کشمیر کا مقدمہ لڑ رہا ہے۔ مسئلہ کشمیر سلامتی کونسل اور او آئی سی وزرائے خارجہ میں اٹھایا جائے گا۔

    انہوں نے کہا کہ قومی سلامتی کمیٹی کی سفارشات پر بھارت سے سفارتی تعلقات محدود کیے، پاکستان مقبوضہ کشمیر کی صورتحال پر نظر رکھے ہوئے ہے۔ جموں و کشمیر میں بد ترین انسانی بحران جنم لے چکا ہے۔ مودی حکومت کی حرکتوں سے خود بھارت والے پریشان ہیں۔

    سینیٹر ڈاکٹر وسیم نے کہا کہ بھارت سندھ طاس معاہدے پر چھیڑ چھاڑ کرے گا جس پر ترجمان نے کہا کہ سندھ طاس معاہدے میں ورلڈ بینک ضامن ہے۔ کل بھارت نے دریائے ستلج میں بغیر اطلاع پانی چھوڑا۔ پاکستان سندھ طاس معاہدے پر نظر رکھے ہوئے ہے۔ سندھ طاس معاہدے پر کل اسٹیک ہولڈرز کا اجلاس بلایا گیا ہے۔

  • لائن آف کنٹرول کی خلاف ورزیاں، بھارتی ڈپٹی ہائی کمشنر کی تیسرے روز دفتر خارجہ طلبی

    اسلام آباد: دفتر خارجہ نے لگاتار تیسرے روز بھارتی ڈپٹی ہائی کمشنر گورو آہلو والیا کو طلب کر کے لائن آف کنٹرول پر بھارتی خلاف ورزیوں اور معصوم شہریوں کی ہلاکت پر بھرپور احتجاج کیا۔

    تفصیلات کے مطابق بھارتی ڈپٹی ہائی کمشنر گورو آہلو والیا کو آج لگاتار تیسرے روز دفتر خارجہ طلب کیا گیا، بھارتی ڈپٹی ہائی کمشنر سے لائن آف کنٹرول پر معصوم شہریوں کی ہلاکت پر پاکستان نے بھرپور احتجاج کیا۔

    ترجمان دفتر خارجہ ڈاکٹر محمد فیصل کے مطابق پاکستان کی جانب سے کہا گیا کہ 30 جولائی کو بھارتی فائرنگ سے 1 پاکستانی شہید اور 9 زخمی ہوئے، 31 جولائی کو نوسیری سیکٹر میں خاتون شہید اور 6 افراد زخمی ہوئے۔

    پاکستان نے لائن آف کنٹرول کی خلاف ورزیوں پر بھرپور احتجاج کرتے ہوئے بھارتی ڈپٹی ہائی کمشنر کو احتجاجی مراسلہ بھی دیا۔

    گزشتہ روز پاکستان کی جانب سے بھارتی ڈپٹی ہائی کمشنر کو کہا گیا تھا کہ بھارت 2 سال میں 1970 بار ایل او سی کی خلاف ورزی کر چکا ہے۔ سنہ 2000 سے جنگ بندی کی خلاف ورزیوں میں تیزی آئی ہے، بھارت 2 سالوں میں 1970 مرتبہ خلاف ورزی کر چکا ہے۔

    دفتر خارجہ کا کہنا تھا کہ شہری آبادی کو نشانہ بنانا عالمی انسانی حقوق کے قوانین کی خلاف ورزی ہے، بھارت کی جنگ بندی کی خلاف ورزی امن و سلامتی کے لیے خطرہ ہے۔ بھارتی خلاف ورزیوں سے تزویراتی غلط فہمی پیدا ہوسکتی ہے۔

    پاکستان کی جانب سے بھارت پر زور دیا گیا کہ وہ سنہ 2003 کی جنگ بندی مفاہمت کا احترام کرے۔ بھارت اپنی افواج کو جنگ بندی پر مکمل عملدر آمد کی ہدایت کرے۔ ایل او سی اور ورکنگ باؤنڈری پر بھارت امن برقرار رکھے۔ بھارت امن مشن کو سلامتی کونسل کی قراردادوں کے مطابق کردار ادا کرنے دے۔

  • بھارت کی لائن آف کنٹرول پر اشتعال انگیزی، بھارتی ڈپٹی ہائی کمشنر کی دفترخارجہ طلبی

    اسلام آباد: بھارتی فوج کی لائن آف کنٹرول کی خلاف ورزی پر بھارتی ڈپٹی ہائی کمشنر کو دفتر خارجہ طلب کرلیا گیا، پاکستان کی جانب سے بھارت پر زور دیا گیا کہ وہ سنہ 2003 کی جنگ بندی مفاہمت کا احترام کرے۔

    تفصیلات کے مطابق بھارتی فوج کی جانب سے لائن آف کنٹرول کی خلاف ورزی پر بھارتی ڈپٹی ہائی کمشنر کو دفتر خارجہ طلب کرلیا گیا۔ پاکستان کی جانب سے سیز فائر معاہدے کی خلاف ورزی پر شدید احتجاج کیا گیا۔

    ترجمان دفتر خارجہ ڈاکٹر محمد فیصل کا کہنا تھا کہ بھارتی ڈپٹی ہائی کمشنر کو کہا گیا کہ بھارتی افواج مسلسل ایل او سی پر شہری آبادی کو نشانہ بنا رہی ہے، بھارت 2 سال میں 1970 بار ایل او سی کی خلاف ورزی کر چکا ہے۔

    دفترخارجہ کی جانب سے کہا گیا کہ بھارتی فوج نے دنتا، ڈھڈیال، جوڑا، لیپا سیکٹر، شاہ کوٹ اور شاردہ سیکٹر پر گزشتہ روز بلا اشتعال فائرنگ کی۔ سنہ 2000 سے جنگ بندی کی خلاف ورزیوں میں تیزی آئی ہے، بھارت 2 سالوں میں 1970 مرتبہ خلاف ورزی کر چکا ہے۔

    دفتر خارجہ کا کہنا تھا کہ شہری آبادی کو نشانہ بنانا عالمی انسانی حقوق کے قوانین کی خلاف ورزی ہے، بھارت کی جنگ بندی کی خلاف ورزی امن و سلامتی کے لیے خطرہ ہے۔ بھارتی خلاف ورزیوں سے تزویراتی غلط فہمی پیدا ہوسکتی ہے۔

    پاکستان کی جانب سے بھارت پر زور دیا گیا کہ وہ سنہ 2003 کی جنگ بندی مفاہمت کا احترام کرے۔ بھارت اپنی افواج کو جنگ بندی پر مکمل عملدر آمد کی ہدایت کرے۔ ایل او سی اور ورکنگ باؤنڈری پر بھارت امن برقرار رکھے۔ بھارت امن مشن کو سلامتی کونسل کی قراردادوں کے مطابق کردار ادا کرنے دے۔

    خیال رہے کہ گزشتہ روز بھارتی فوج نے ایل او سی سیکٹرز پر سیز فائر کی خلاف ورزی کرتے ہوئے ایک نوجوان کو شہید اور خواتین و بچوں سمیت 9 افراد کو شدید زخمی کردیا تھا۔

    بھارتی فوجیوں کی فائرنگ سے شہید ہونے والے کی شناخت 26 سالہ نعمان احمد کے نام سے ہوئی۔ بھارتی فوج نے مارٹر گولوں اور آرٹلری کا بھرپور استعمال کیا۔

    پاک فوج کی جانب سے بھی بھارتی جارحیت کا منہ توڑ جواب دیا گیا، پاک فوج کی بھرپور جوابی کارروائی میں بھارتی چوکیوں کو نشانہ بنایا گیا۔ جوابی کارروائی سے 3 بھارتی فوجی ہلاک اور کئی فوجی زخمی ہوئے تھے۔