ARYNews.tv | Urdu – Har Lamha Bakhabar

Tag: Food items

  • زرعی اجناس والے ملک پاکستان نے 7 ماہ میں کتنی غذائی اشیا درآمد کیں؟

    زرعی اجناس والے ملک پاکستان نے 7 ماہ میں کتنی غذائی اشیا درآمد کیں؟

    اسلام آباد: زرعی اجناس والے ملک پاکستان کا غذائی ضروریات کے لیے درآمدات پر انحصار میں اضافہ ہو گیا ہے۔

    رواں مالی سال کے 7 ماہ میں غذائی اشیا کی درآمدات 1 ہزار 275 ارب روپے سے زائد ریکارڈ کی گئی ہیں، جولائی تا جنوری 175 ارب روپے سے زائد کی 9 لاکھ میٹرک ٹن دالیں درآمد کی گئیں۔

    ادارہ شماریات کے مطابق سالانہ بنیادوں پر دالوں کی درآمد میں 18.91 فی صد اضافہ ہوا، سات ماہ میں 18 لاکھ 86 ہزار میٹرک ٹن سے زائد پام آئل درآمد کیا گیا، پام آئل کی درآمدی لاگت 524 ارب 27 کروڑ روپے سے زائد رہی۔

    جولائی تا جنوری 36 ارب 17 کروڑ روپے سے زائد کے مسالے درآمد کیے گئے، سات ماہ میں 101 ارب روپے سے زائد کی چائے منگوائی گئی، اسی عرصے میں 28 ارب 72 کروڑ روپے سے زائد کے خشک میوہ جات منگوائے گئے۔

    ادارہ شماریات کے مطابق خشک میوہ جات کی درآمد میں سالانہ بنیادوں پر 117 فی صد اضافہ ہوا ہے۔

    دنیا کا تیسرا بڑا تولیہ برآمد کنندہ پاکستان کتنے ارب ڈالرز کا تولیہ برآمد کرتا ہے؟

  • یوٹیلیٹی اسٹورز پر ملنے والا سامان بھی غریب کی پہنچ سے دور

    یوٹیلیٹی اسٹورز پر ملنے والا سامان بھی غریب کی پہنچ سے دور

    اسلام آباد : مہنگائی مزید بےقابو ہوگئی، منی بجٹ نے یوٹیلٹی اسٹورز پر بھی عوام کو ریلیف سے محروم کردیا، 240 سے زائد اشیاء کی قیمتیں بڑھا دی گئیں۔

    اس حوالے سے ذرائع کا کہنا ہے کہ یوٹیلٹی اسٹورز میں بچوں کے ڈائپرز کی قیمتوں میں350روپے تک کا اضافہ کیا گیا ہے۔

    ٹوائلٹ رول10اور ٹشو پیپر کا ڈبہ43 روپے تک مہنگا جبکہ شیمپو201روپے اور ایک کلوسرف کی قیمت59روپے تک بڑھا دی گئی ہے۔

    اس کے علاوہ صابن30 روپے اور ہینڈ واش کی قیمت میں21 روپے تک کا اضافہ کیا گیا اور بچوں کا خشک دودھ 140روپے، انفینٹ فارمولہ800گرام160 روپے تک مہنگا کردیا گیا۔

    ذرائع کے مطابق دودھ کا دلیہ 450روپے، ایک لیٹر کارن آئل کی قیمت میں300روپے، باڈی واش400 ملی گرام42 ،چلی گارلک ساس کی قیمت میں50روپے اضافہ کیا گیا ہے۔

    دیگر اشیاء میں کیچپ30روپے، نوڈلزچکن اور چیز کی قیمتوں میں بھی اضافہ کردیا گیا ہے، یوٹیلٹی اسٹورز نے قیمتوں میں اضافے کا نوٹیفکیشن جاری کردیا ہے جس کا اطلاق فوری ہوگا۔

  • باہمت بچے کی حیرت انگیز داستان، جس کو سراہے بغیر آپ نہیں رہ سکیں گے

    باہمت بچے کی حیرت انگیز داستان، جس کو سراہے بغیر آپ نہیں رہ سکیں گے

    کراچی : شہر قائد کا ایک ہونہار اور باہمت بچہ اپنی صلاحیتوں کے بلبوتے پر اپنے والدین کا سہارا بن گیا، 13سالہ عبد الوارث نوکری کے ساتھ کھانے پینے کی اشیاء بھی فروخت کرتا ہے۔

    عبد الوارث کو چھوٹی سی عمر میں اتنا خود دار اور اپنی ذمہ داریوں کا اتنا احساس ہے کہ صبح آٹھ بجے تیار ہوکر ایک کپڑے کی دکان میں ملازمت کرتا ہے اور رات نو بجے گھر آکر اپنی والدہ کے ہاتھ کے بنے ہوئے پیزا بائٹس ، ڈونٹس، گلاب جامن اور دیگر اشیاء فروخت کرتا ہے۔

    اے آر وائی نیوز کے پروگرام باخبر سویرا میں گفتگو کرتے ہوئے عبد الوارث نے بتایا کہ وہ پانچ بہن بھائی ہیں اور دوبہنیں بڑی اور دو بھائی چھوٹے ہیں۔

    عبد الوارث کی والدہ گھروں میں بھی کام کرتی ہیں اور شام کو اپنے بیٹے کو یہ چیزیں بنا کر دیتی ہیں جنہیں وہ پاپوش کے علاقے میں رات گئے تک فروخت کرتا ہے۔

    عبدالوارث نے بتایا کہ وہ یومیہ پانچ ہزار روپے تک کی سیل کرتا ہے اور سارا خرچہ نکال کر اچھی آمدنی ہوجاتی ہے، اس نے بتایا کہ میری خواہش ہے کہ میں اپنا کاروبار کروں اور سپر ڈونٹس کے نام سے اپنی دکان بناؤں۔

  • چین : کھانے پینے کی اشیاء میں پہلی بار کورونا وائرس کا انکشاف

    چین : کھانے پینے کی اشیاء میں پہلی بار کورونا وائرس کا انکشاف

    بیجنگ : چین کے محکمہ کسٹم نے کارروائی کے دوران کیکڑے کی کھیپ میں کورونا وائرس کا سراغ لگایا ہے، جس کے بعد ایکواڈور سے کیکڑے کی درآمد معطل کردی گئی۔

    تفصیلات کے مطابق چین کی کسٹم اتھارٹی نے کہا ہے کہ ایکواڈور کی تین کمپنیوں کی جانب سے بھیجی جانے والی کیکڑوں کی کھیپ میں کوروناوائرس کی موجودگی کا انکشاف ہوا ہے۔

    کیکڑے فراہم کرنے والی تین کمپنیاں انڈسٹریل پیسویرا سانٹا پرسکیلا ایس اے، ایمپا کریسی ایس اے اور ایمپاکادورا ڈیل پیسیفیکو سوسیڈیاڈ انونیما ایڈپسیف کی کھیپ سے حاصل کردہ چھ نمونوں کے مثبت نتائج آچکے ہیں تاہم کیکڑے اور اندرونی پیکیجنگ کے ٹیسٹ منفی تھے۔

    غیر ملکی خبررساں ادارے کے مطابق چین کی کسٹم اتھارٹی نے واضح کیا کہ حالیہ ترسیل میں کورونا وائرس کی موجودگی کا پتہ لگانے کے بعد ایکواڈور کی تینوں کیکڑے فراہم کرنے والی کمپنیوں سے درآمد معطل کررہی ہے۔

    محکمہ کسٹمز کی جنرل ایڈمنسٹریشن نے اپنی ویب سائٹ پر ایک بیان میں کہا ہے کہ اتھارٹی کے مطابق جانچ پڑتال کے بعد معلوم ہوا ہے کہ کنٹینر کے اندرونی ماحول اور تینوں کمپنیوں کے سامان کی بیرونی پیکیجنگ میں کوویڈ 19 کے حوالے سے خطرے کا سامنا ہے، اس کے علاوہ کمپنیوں کا فوڈ سیفٹی مینجمنٹ سسٹم بھی نہیں تھا۔

    اگرچہ ماہرین نے کہا ہے کہ اس بات کا کوئی ثبوت نہیں ہے کہ خوراک کے ذریعہ کورونا وائرس پھیل سکتا ہے لیکن چین نے اس کے بعد بڑے یورپی سپلائرز سے سامان کی درآمد روک دی ہے۔

    کسٹم اتھارٹی نے کہا کہ وہ اپنے عوام کی صحت کی حفاظت اور ان دیکھے خطرات کے پیش نظر ان کے خاتمے کے لئے کیکڑے فراہم کرنے والی کے تینوں کمپنیوں سے درآمدات معطل کر رہی ہے۔

  • خاتون کے کھانسنے پر سپر مارکیٹ انتظامیہ نے لاکھوں مالیت کی غذائی اشیاء تلف کردیں

    خاتون کے کھانسنے پر سپر مارکیٹ انتظامیہ نے لاکھوں مالیت کی غذائی اشیاء تلف کردیں

    پنسلوانیا : خاتون کے جان بوجھ کر کھانسنے کو سچ سمجھ کر سپر مارکیٹ انتظامیہ نے 35ہزار ڈالر کا سامان پھینک دیا، پولیس نے خاتون کیخلاف مقدمہ درج کرلیا۔

    تفصیلات کے مطابق امریکا کے شہر پنسلوانیا میں قائم ایک بڑی سپر مارکیٹ میں اچانک ایک خاتون نے ازراہ مزاح کھانسنے کی زور دار آواز نکالی جس پر وہاں موجود لوگوں میں خوف ہراس پھیل گیا۔

    کورونا وائرس کے خدشے کے پیش نظر سپر مارکیٹ انتظامیہ نے احیاطی تدابیر اختیار کرتے ہوئے مارکیٹ میں موجود اشیاء خوردو نوش کا35ہزار ڈالر کا سامان تلف کردیاز جس کی مالیت پاکستانی روپے میں 50لاکھ سے زائد بنتی ہے۔

    ایک اندازے کے مطابق سپر مارکیٹ کو تقریباً 56 لاکھ روپے کی سبزیوں، گوشت، بیکری کے سامان سمیت دیگر اشیائے خورونوش کا نقصان برداشت کرنا پڑا۔

    اس خاتون کے بارے میں کہا جاتا ہے کہ وہ اپنے محلے میں بھی لوگوں کو پریشان کرتی رہتی ہیں، اسٹور انتظامیہ کے مطابق خاتون نے مذاق میں جان بوجھ کر یہ عمل کیا، ہم کسی طرح کا کوئی رسک نہیں لینا چاہتے تھے، اس لیے احتیاطی تدابیر کے پیش نظر تمام غذائی اشیا کو اسٹور سے باہر کردیا اور ان کی فروخت بند کردی۔

  • ماہ رمضان سے پہلے ہی مہنگائی نے عوام کی چیخیں نکال دیں، قیمتوں میں ہوشربا اضافہ

    ماہ رمضان سے پہلے ہی مہنگائی نے عوام کی چیخیں نکال دیں، قیمتوں میں ہوشربا اضافہ

    کراچی : رمضان کی آمد سے پہلے ہی مہنگائی نےعوام کی چیخیں نکال دیں، سبزیوں اور پھلوں کی قیمتیں عوام کی پہنچ سے باہر ہوگئیں، انتظامیہ گراں فروشوں کے آگے بے بس نظر آتی ہے۔

    تفصیلات کے مطابق ماہ رمضان المبارک سے پہلے ہی مہنگائی کا جن بےقابو ہوگیا، عوام گراں فروشوں کے رحم و کرم پر ہیں، گوشت، سبزیاں، پھل، چینی سب کے دام مہنگے ہوگئے، کراچی میں چینی ستر روپے فی کلو ہوگئی۔

    ایک ہفتے میں ریٹ پانچ روپے بڑھ گئے، اس کے علاوہ پیاز ساٹھ روپے، آلو پینتیس، ٹماٹر اسی سے سو روپے، ادرک ڈھائی سو اور لہسن دو سو روپے کلو فروخت ہورہا ہے۔

    مرغی کے فی کلو قیمت تین سو چالیس روپے فی کلو تک پہنچ گئی، پھلوں کی قیمتیں بھی آسمان سے باتیں کررہی ہیں، رواں ہفتے کے دوران زندہ مرغی، آلو، کیلے، ویجی ٹیبل گھی، دال ماش، دال مسور، سرخ مرچ، گڑ، ایل پی جی بیف، مٹن، باسمتی چاول، خوردنی تیل، کپڑے، چائے، سمیت15اشیائے ضروریہ کی قیمتوں میں اضافہ ہوا۔

    واضح رہے کہ ملک بھر میں مہنگائی کی شرح پانچ سال کی بلند ترین سطح پرآگئی ہے، اس سال رمضان میں مزید مہنگائی متوقع ہے۔