ARYNews.tv | Urdu – Har Lamha Bakhabar

Tag: food street

  • لاہور کی فورٹ فوڈ اسٹریٹ کی رونقیں بحال

    لاہور کی فورٹ فوڈ اسٹریٹ کی رونقیں بحال

    صوبہ پنجاب کے دارالحکومت لاہور کی فورٹ فوڈ اسٹریٹ کی رونقیں بحال ہوگئیں، شہریوں نے مزیدار کھانوں کا لطف اٹھانے کے لیے بڑی تعداد میں یہاں کا رخ کرلیا۔

    تفصیلات کے مطابق لاہور میں شاہی قلعہ کے قریب 21 جنوری 2012 کو فورٹ فوڈ اسٹریٹ بنائی گئی تھی تاہم کافی عرصے سے یہ فوڈ اسٹریٹ بند تھی۔

    اب 9 سال بعد تعمیر نو اور رنگ و روغن کے بعد دوبارہ اسے کھول دیا گیا ہے، فوڈ اسٹریٹ کی دیواروں پر فنکاروں کی پینٹنگز بھی بنائی گئی ہیں۔

    اس موقع پر والڈ سٹی اتھارٹی کے ڈائریکٹر جنرل کامران لاشاری نے فوڈ اسٹریٹ کا افتتاح کیا۔

    کامران لاشاری کا کہنا تھا کہ ابھی صرف فوڈ اسٹریٹ بحال کی گئی ہے، یہاں قوالی، داستان گوئی، ٹکسالی کا دورہ اور صوفی میوزک وغیرہ بھی دوبارہ شروع کیا جائے گا۔

    انہوں نے کہا کہ لاہور اپنے میلوں، تفریحات اور ثقافت کے لیے مشہور ہے اور ہم دوبارہ اس کی اس حیثیت کو بحال کریں گے۔

    دوسری جانب وہاں آنے والے شہری بھی لطف اندوز ہورہے ہیں اور فیملی کے لیے ایک اور پبلک پلیس کے اضافے پر خوش ہیں۔

  • کراچی : برنس روڈ کو باقاعدہ فوڈ اسٹریٹ بنانے کا فیصلہ

    کراچی : برنس روڈ کو باقاعدہ فوڈ اسٹریٹ بنانے کا فیصلہ

    کراچی : شہر قائد کے معروف علاقے برنس روڈ کو حکام نے باقاعدہ فوڈ اسٹریٹ بنانے کا فیصلہ کیا ہے، اس سلسلے میں ڈپٹی کمشنرساؤتھ نے9 رکنی کمیٹی تشکیل دے دی ہے۔

    کراچی میں انواع و اقسام کے کھانوں کا مرکز کی پہچان  رکھنے والے برنس روڈ پر لذیذ کھانوں کے شائقین کا تانتا بندھا رہتا ہے جس کی وجہ اسے شہر کی فوڈ اسٹریٹ بھی کہا جاتا ہے تاہم اسے باقاعدہ فوڈ اسٹریٹ کا درجہ دینے کا فیصلہ کرلیا گیا ہے۔

    اس حوالے سے کراچی کے ڈپٹی کمشنرساؤتھ نے ایک کمیٹی تشکیل دے دی ہے نو رکنی کمیٹی اپنی تجاویز ڈپٹی کمشنرکو پیش کرے گی۔

    برنس روڈ فوڈاسٹریٹ کی صفائی اور سیوریج کے مسائل فوری حل کیے جائیں گے اور قدیمی عمارتوں کو رنگ و روغن کرکے مزید خوبصورت بنایا جائے گا۔

    اس کے علاوہ فوڈاسٹریٹ میں استعمال ہونے والے فرنیچر اور سائن بورڈز کےڈیزائن تیار کیے جائیں گے، فوڈ اسٹریٹ کے اطراف خوبصورت روشنیوں کا بھی اہتمام کیا جائے گا۔

    ذرائع کا کہنا ہے کہ سڑک کی مرمت کیلئے فٹ پاتھ پر فینسی ٹائلز لگائے جائیں گے اور شام کے اوقات میں برنس روڈ کی فوڈ اسٹریٹ ٹریفک فری ہوگی، عام ٹریفک کے سڑکوں کا تعین اور کار پارکنگ کیلئے جگہ کا انتخاب بھی کیا جائے گا۔

    واضح رہے کہ شہر کے مرکزی علاقے صدر کے نزدیک واقع برنس روڈ کو دیسی و ثقافتی کھانوں کا اہم مرکز سمجھا جاتا ہے، جہاں لذیذ و مزیدار کھانوں کے کئی چھوٹے بڑے ریستوران قائم ہیں۔ شام ہوتے ہی یہاں کھانا کھانے آنے والوں اور خریدنے والوں کا رش لگ جاتا ہے جو رات گئے تک جاری رہتا ہے۔

  • کراچی کی ایک ایسی باہمت خاتون جو مزیدار عربی کھانے متعارف کرارہی ہیں

    کراچی کی ایک ایسی باہمت خاتون جو مزیدار عربی کھانے متعارف کرارہی ہیں

    کراچی : سوچ جذبہ اور عمل انسان کو بلندیوں کی جانب لے جاتا ہے ، کراچی کی ایک ایسی ہی باہمت خاتون نے چھوٹے سرمایہ سے فوڈ اسٹریٹ پرکاروبار شروع کردیا ہے جہاں وہ شہریوں کو عرب ممالک کی مزے دار زائقے متعارف کرارہی ہیں۔

    johar-post-2

    یہ شہر کراچی کی اسٹریٹ پر قائم دبئی فلافل ہاؤس ہے، جہاں باہمت خاتون فاطمہ شہزاد بیگ شہریوں کو عربی ٹیسٹ متعارف کرارہی ہیں اور ان خواتین کو پیغام بھی دے رہی ہے کہ اگر جذبہ موجود ہو تو کوئی کاروبار خواتین کے لئے نا ممکن نہیں۔

    johar-post-1

    گلستان جوہر منور چورنگی کی فوڈ اسٹریٹ پرقائم دبئی فلافل ہاؤس میں ان دنوں خوب رش رہتا ہے اور شہری یہاں عربی زائقے کے مزے لینے اتے ہیں۔

    johar-post-3

    باہمت خاتون کی سوچ تھی کہ ایسی چیز مارکیٹ میں لائے جو اس سے پہلے کوئی نہ لایا ہو۔

    فاطمہ کا کہنا ہے کہ عورت گھر کیلئے نہیں ہوتی اگر باہر نکلے تو سب کچھ کر سکتی ہے، ضروری نہیں عورت بینک میں ہو یا آفس میں، وہ ہر جگہ کھڑی ہوکر کما سکتی ہے ۔

    ہمارے معاشرے میں عام خیال کیا جاتا ہے کہ کم سرمائے سے کاروباری کامیابی ممکن نہیں، اسی سوچ کو خاتون نے رد کر دیکھایا ہے۔