تہران: ایران میں کئی ممتاز فٹبال کھلاڑیوں کو ایک مخلوط پارٹی سے گرفتار کیا گیا۔
ایرانی و غیر ملکی میڈیا رپورٹس کے مطابق ایرانی حکام نے متعدد ممتاز فٹ بال کھلاڑیوں کو گرفتار کیا، کھلاڑی تہران کے مشرق میں ایک مخلوط پارٹی میں شریک تھے۔
عرب نیوز کے مطابق تسنیم نیوز ایجنسی نے رپورٹ کیا کہ تہران کے ایک ممتاز فٹ بال کلب کے کئی موجودہ اور سابق کھلاڑیوں کو دماوند شہر میں ایک مخلوط پارٹی میں گرفتار کیا گیا، جن میں سے کچھ کھلاڑی شراب نوشی کی وجہ سے غیر معمولی حالت میں تھے۔
مقامی صحافیوں کے ایک کلب نے رپورٹ کیا کہ کھلاڑی سالگرہ کی تقریب میں شریک تھے، حراست میں لیے گئے تمام افراد کو بعد ازاں چھوڑ دیا گیا تاہم ایک شخص تاحال گرفتار ہے جو فٹبالر نہیں ہے۔
فارس نیوز ایجنسی نے ایک پراسیکیوٹر کا حوالہ دیتے ہوئے کہا کہ حراست میں لیے گئے افراد کے خلاف مقدمہ درج کر لیا گیا ہے اور تفصیلات بعد میں جاری کی جائیں گی۔
ایران میں آسکر ایوارڈ یافتہ ایرانی اداکارہ ترانہ علی دوستی گرفتار
ایرانی فٹ بال فیڈریشن کی جانب سے اس خبر پر فوری طور پر کوئی تبصرہ نہیں کیا گیا۔ واضح رہے کہ خواتین کے لباس کے سخت ضابطے کی مبینہ خلاف ورزی کے الزام میں گرفتاری کے بعد 22 سالہ مہسا امینی کی 16 ستمبر کو پولیس حراست میں موت کے بعد سے ایران بدامنی کی لپیٹ میں ہے۔
