Tag: Foreign Direct Investment

کراچی : پاکستان میں براہ راست غیرملکی سرمایہ کاری کا حجم ایک سو اکاون فیصد اضافے سے اکتیس کروڑ چوہتر لاکھ ڈالر تک پہنچ گیا، سب سے زیادہ 22 کروڑ 77 لاکھ ڈالر کی براہ راست سرمایہ کاری چین سے آئی۔

تفصیلات کے مطابق حکومتی پالیسیز اور بہتر معاشی اشاریے کے باعث پاکستان پر غیرملکی سرمایہ کاروں کا اعتماد بحال ہونے لگا، اسٹیٹ بینک آف پاکستان کا کہنا ہے کہ اکتوبر کے مہینے میں ملک میں براہ راست غیر ملکی سرمایہ کاری میں گزشتہ سال کے مقابلے ایک سو اکیاون فیصد کا ریکارڈ اضافہ ہوا۔

جس کے بعد اکتوبر 2020 میں براہ راست غیر ملکی سرمایہ کاری کا حجم اکتیس کروڑ چوہتر لاکھ ڈالر تک پہنچ گیا جو گزشتہ سال اکتوبر میں بارہ کروڑ پینسٹھ لاکھ ڈالر تھا، اکتوبر میں چین کی جانب سے بائیس کروڑ ستاسی لاکھ ڈالر کی سب سے زیادہ براہ راست سرمایہ کاری کی گئی۔

مرکزی بینک کے مطابق رواں مالی سال کے ابتدائی چار ماہ میں براہ راست غیرملکی سرمایہ کاری میں نو فیصد اضافہ ہوا، جولائی سے اکتوبر تک براہ راست غیر ملکی سرمایہ کاری تہتر کروڑ اکتیس لاکھ ڈالر تک پہنچ گئی۔

رواں مالی سال کے ابتدائی چار ماہ میں مجموعی غیرملکی سرمایہ کاری کا حجم بیالیس کروڑ پچپن لاکھ ڈالر رہا، اس دوران پورٹ فولیو انویسٹمنٹ سے چودہ کروڑ چھپن لاکھ ڈالر آئوٹ فلوریکارڈ کیا گیا۔

اسلام آباد : رواں مالی سال کے پہلے دس ماہ میں غیرملکی سرمایہ کاری میں اضافہ ریکارڈ کیا گیا اور سرمایہ کاری کا حجم 2 ارب 28 کروڑ ڈالر تک جا پہنچا۔

تفصیلات کے مطابق رواں مالی سال کے پہلےدس ماہ غیرملکی براہ راست سرمایہ کاری میں137 فیصد کا اضافہ ریکارڈ کیاگیا، اسٹیٹ بینک کےاعدادوشمار میں بتایا گیا کہ رواں مالی سال جولائی تا اپریل غیرملکی براہ راست سرمایہ کاری کاحجم دوارب اٹھائیس کروڑڈالررہا، گزشتہ مالی سال کےاسی عرصےمیں یہ حجم ایک ارب ڈالرتھا۔

اسٹیٹ بینک کا کہنا ہے کہ گزشتہ ماہ کےمقابلےمیں اپریل میں غیرملکی سرمایہ کاری میں باون فیصدکی کمی ہوئی، اپریل میں غیرملکی سرمایہ کاری کاحجم تیرہ کروڑتیس لاکھ ڈالررہا۔

اعدادوشمارکےمطابق سب سےزیادہ سرمایہ کاری چین نے کی، چین نے ستاسی کروڑ اٹھتر لاکھ ڈالر کی سرمایہ کاری کی ، دوسرے نمبر پرسرمایہ کاری ناروے سے آئی جبکہ ہانگ کانگ سےسرمایہ کاری کا حجم سولہ کروڑتیس لاکھ ڈالر رہا۔

ہالینڈ سے دس کروڑاسی لاکھ ڈالرکی سرمایہ کاری آئی جبکہ برطانیہ سے حاصل سرمایہ کاری کاحجم دس کروڑڈالررہا۔

اسلام آباد : کورونا وائرس نے پوری دنیا میں تباہی اور بربادی مچارکھی ہے تاہم ملک میں غیرملکی براہ راست سرمایہ کاری میں 137 فیصد اضافہ ریکارڈ کیاگیا اور حجم 2 ارب 14 کروڑ 80 لاکھ ڈالر تک جا پہنچا۔

تفصیلات کے مطابق کورونا کے منفی اثرات کے باوجود غیرملکی سرمایہ کاری میں اضافہ ریکارڈ کیا گیا، اسٹیٹ بینک کے اعداد و شمار کے مطابق رواں مالی سال کے پہلے نو ماہ میں غیرملکی براہ راست سرمایہ کاری میں 137 فیصد کا اضافہ ہوا اور حجم 2 ارب 14 کروڑ 80 لاکھ ڈالررہا، گزشتہ مالی سال کےاسی عرصےمیں یہ حجم 90 کروڑ 5 لاکھ ڈالر تھا۔

اعدادوشمار میں بتایا گیا کہ مارچ میں غیرملکی براہ راست سرمایہ کاری کا حجم 27 کروڑ 90 لاکھ ڈالررہا، سب سےزیادہ سرمایہ کاری چین نے کی، چین نے ستاسی کروڑ بیس لاکھ ڈالر کی سرمایہ کاری کی جبکہ دوسرےنمبرپرسرمایہ کاری ناروے سےآئی۔

اسٹیٹ بینک کا کہنا ہے کہ زیرغورعرصےمیں سب سےزیادہ سرمایہ کاری پاورسیکٹر، دوسرےنمبرپرکمیونیکیشن سیکٹرجبکہ تیسرے نمبر پر آئل اینڈ گیس سیکٹر ہے۔

یاد رہے گذشتہ ماہ مرکزی بینک کا کہنا تھا سرمایہ کاروں نے 6 کروڑ ڈالر کے بانڈز فروخت کر دیے ہیں اور یکم مارچ سے 18 مارچ تک ایک ارب 30 کروڑ ڈالر کے بانڈز فروخت کیے گئے ہیں۔

اسٹیٹ بینک کے مطابق جولائی سے 18 مارچ تک ایک ارب 86 کروڑ ڈالر کے بانڈز فروخت کیے گئے ہیں جس کے بعد حکومتی بانڈز میں کُل سرمایہ کاری ایک ارب 34 کروڑ ڈالر رہ گئی ہے۔

خیال رہے کورونا وائرس نے جہاں دنیا بھر کو اپنی لپیٹ میں لیا ہوا ہے وہیں ممالک کی معیشت پر بھی بری طرح اثر انداز ہورہا ہے، دنیامیں کوروناوائرس سے ایک لاکھ70ہزار477اموات ہوچکی ہے جبکہ 24لاکھ82 ہزار سے زائد افراد متاثر ہیں اور کورونا وائرس کے 6لاکھ52ہزارسے زائد مریض صحت یاب ہوئے۔