اسلام آباد: ترجمان دفتر خارجہ ڈاکٹر فیصل کا کہنا ہے کہ عالمی بینک کی چیف ایگزیکٹو نے پاکستان کو یقین دلایا ہے کہ سندھ طاس معاہدے کی خلاف ورزی نہیں ہوگی۔ ہم نہیں چاہتے کہ آبی تنازعات کسی خطرناک نہج تک پہنچ جائیں۔
تفصیلات کے مطابق ترجمان دفتر خارجہ ڈاکٹر فیصل کا بریفنگ میں کہنا تھا کہ او آئی سی کا ساتواں اجلاس فلسطین سے متعلق منعقد کیا گیا۔ وزیر اعظم نے ترکی میں اجلاس میں پاکستان کی نمائندگی کی۔
ترجمان کا کہنا تھا کہ 19 مئی کو فلسطینیوں کے ساتھ یوم اظہار یکجہتی منایا گیا۔ مقبوضہ کشمیر کپواڑہ میں 4 کشمیریوں کو بھارتی افواج نے شہید کیا۔ شوپیاں میں بھارتی فوج نے افطار کے بعد کشمیریوں پر فائر کھول دیا۔
انہوں نے بتایا کہ ایل او سی پر 3 شہریوں کی شہادت پر بھارتی ہائی کمشنر کو طلب کیا گیا۔
ترجمان کا کہنا تھا کہ کتاب کی تقریب رونمائی کے لیے مصنفین کو ویزا نہ دینا افسوس ناک ہے۔ ہم نہیں چاہتے آبی تنازعات کسی خطرناک نہج تک پہنچ جائیں۔ پاکستان ایک زرعی ملک ہے جس کا انحصار پانی پر ہے۔
بریفنگ میں ترجمان نے کہا کہ پاکستان ایک پر امن ہمسائیگی چاہتا ہے۔ پاکستان اپنی سالمیت اور دفاعی ضروریات پر سمجھوتہ نہیں کرسکتا۔
انہوں نے کہا کہ عالمی بینک کی چیف ایگزیکٹو نے پاکستان کو یقین دلایا ہے کہ سندھ طاس معاہدے کی خلاف ورزی نہیں ہوگی۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
