ریاض: سعودی عرب ایک نئے رضاکارانہ پنشن اور بچت پروگرام کا اعلان کرنے کی تیاری کر رہا ہے جو سعودی اور غیر ملکی کارکنوں کے لیے ہوگا۔
سعودی خبر رساں ادارے کی رپورٹ کے مطابق یہ پروگرام گھریلو بچت کو بڑھانے کے لیے ڈیزائن کیا گیا ہے اور توقع ہے کہ اس سے کارکنان کی بیرون ملک ترسیلات زر کو روکنے میں مدد ملے گی۔ عوامی پنشن اور بچت پروگرام کی جلد ہی نقاب کشائی متوقع ہے۔
سعودی عرب سے غیر ملکی ترسیلات گزشتہ سال 14 فیصد بڑھ کر SR144.2 بلین ($38.4 بلین) ہو گئیں۔ جو گزشتہ دہائی (2015–2024) کے دوران SR1.43 ٹریلین تھیں۔
2025 کی پہلی سہ ماہی تک، سعودی عرب کے سوشل انشورنس سسٹم میں 12.8 ملین صارفین تھے، جن میں سے 77 فیصد – تقریباً 10 ملین – تارکین وطن تھے۔
آئی ایم ایف کی رپورٹ میں بتایا گیا ہے کہ حال ہی میں نافذ کی گئی پنشن اصلاحات، جو جولائی 2024 میں منظور کی گئی ہیں، اس سے توقع ہے کہ طویل مدتی مالی استحکام کو تقویت ملے گی۔ ان اصلاحات میں ریٹائرمنٹ کی عمر میں اضافہ، شراکت کی مدت میں توسیع اور شراکت کی شرح میں اضافہ کرنا شامل تھا۔
اگرچہ ان تبدیلیوں سے فوری طور پر مالی بچت پیدا ہونے کا امکان نہیں کیونکہ نظام فی الحال متوازن ہے، آئی ایم ایف نے درمیانی مدت کے اثرات کا مکمل جائزہ لینے اور اسے ظاہر کرنے کی ضرورت پر زور دیا۔
امریکا نے غیر ملکی ٹرک ڈرائیوروں کو ویزے جاری کرنا بند کردیے
رضاکارانہ پنشن اور بچت پروگرام، سعودیوں اور تارکین وطن دونوں کے لیے کھلا ہے، اسے ایک خوش آئند قدم قرار دیا گیا ہے جو گھریلو بچت کو نمایاں طور پر بڑھا سکتا ہے اور بیرونی ترسیلات کو کم کر سکتا ہے۔
