ARYNews.tv | Urdu – Har Lamha Bakhabar

Tag: Forex dealers

  • ڈالر مزید گرگیا، روپیہ کی قدر میں ایک بار پھر اضافہ

    ڈالر مزید گرگیا، روپیہ کی قدر میں ایک بار پھر اضافہ

    کراچی : پاکستان میں ڈالر کی بڑھتی ہوئی قیمت میں کافی حد تک کمی واقع ہوگئی ہے جس کے نتیجے میں روپے کی قدر میں استحکام آیا ہے۔

    اسٹیٹ بینک آف پاکستان کی جانب سے سماجی رابطے کی ویب سائٹ ٹویٹر پر جاری کردہ اعداد و شمار کے مطابق انٹر بینک میں آج پاکستانی روپے کے مقابلے میں امریکی ڈالر اوپن مارکیٹ میں ڈالر2.50 روپے جبکہ انٹربینک 1.02 روپے سستا ہوا۔

    فاریکس ڈیلرز کا کہنا ہے کہ ملک میں ڈالر کے مقابلے میں روپے کی قدر میں اضافے کا سلسلہ جاری ہے۔ انٹربینک میں13 ویں روز بھی ڈالر کی قدر کم ہوئی ہے اور انٹربینک میں ڈالر کا بھاؤ ایک روپے 2 پیسے کم ہوکر 291.76 روپے کا ہوگیا۔

    فاریکس ڈیلرز کے مطابق5ستمبر سے اب تک اوپن مارکیٹ میں ڈالر35روپے سستا ہوچکا ہے جبکہ اسی عرصے میں اب تک انٹربینک میں ڈالر 15.41 روپے سستا ہوا۔ بینکس درآمد کنندگان کو ڈالر292.26روپے میں فروخت کر رہے ہیں۔ ،

    علاوہ ازیں گزشتہ روز انٹربینک میں ڈالر 292.78 روپے پر بند ہوا تھا۔ انٹربینک میں ڈالر کی قدر بلند ترین سطح سے 15.34 روپے کم ہوئی ہے۔

     

  • ڈالر کی قیمت میں کمی کا رجحان، روپے کی قدر بڑھنے لگی

    ڈالر کی قیمت میں کمی کا رجحان، روپے کی قدر بڑھنے لگی

    کاروباری ہفتے کے تیسرے روز بھی انٹر بینک میں ڈالر کی قدر میں بڑی کمی سامنے آئی ہے جبکہ پاکستانی روپے کی قدر میں مزید اضافہ ہو گیا ہے۔

    تفصیلات کے مطابق ڈالر کی قدر میں مسلسل کمی کا سلسلہ تیسرے روز بھی جاری رہا۔ گزشتہ دنوں اونچی اڑان بھرنے والے امریکی ڈالر کی قیمت میں ٹھہراؤ آگیا۔

    اس حوالے سے ذرائع کا کہنا ہے کہ کاروباری ہفتے کے مسلسل تیسرے روز انٹر بینک میں ڈالر مزید 1 روپے 79 پیسے سستا ہو کر 232 روپے 12پیسے کا ہوگیا۔

    فاریکس ڈیلرز کے مطابق انٹربینک میں ڈالر 233.91 سے کم ہو کر 232.12 روپے پر بند ہوا۔ کرنسی ڈیلرز کا کہنا ہے کہ اوپن مارکیٹ میں ڈالر بلند ترین سطح پر پہنچنے کے بعد سے اب تک 13 روپے 50 پیسے سستا ہو چکا ہے۔

    چار روز کے دوران ڈالر کی قیمت میں 8.21 روپے کمی ہوئی جبکہ بیرونی قرضوں کے بوجھ میں ایک ہزار 50 ارب روپے کمی کا امکان ہے۔

    اس حوالے سے مارکیٹ ذرائع کا کہنا ہے کہ حالیہ حکومتی اقدامات سے مارکیٹ میں ڈالر کے طلب گاروں کی ڈیمانڈ بھی رک گئی ہے جبکہ بینکوں کی سخت مانیٹرنگ اور غیرقانونی منی چینجرز کے خلاف کریک ڈاؤن بھی روپیہ کے استحکام کا باعث ہے۔

    اقتصادی ماہرین نے کہا ہے کہ عالمی بینک سے دو ارب ڈالر کا فنڈ ملنے کی توقع اور سیلاب کی تباہ کاریوں کے تناظر میں بیرونی قرضوں کی ادائیگیاں مؤخر کرنے کی حکومتی کوششوں سے بھی ڈالر کی مسلسل اڑان رکنے کے امکانات پیدا ہوگئے ہیں۔

  • انٹربینک میں ڈالر مہنگا، 225 روپے50 پیسے پر جا پہنچا

    انٹربینک میں ڈالر مہنگا، 225 روپے50 پیسے پر جا پہنچا

    کراچی : عالمی مالیاتی ادارے (آئی ایم ایف) سے پیکج ملنے کے باوجود ملک میں ڈالر کی اونچی اڑان کا سلسلہ جاری ہے اور آج پھر ڈالر کی قیمت میں دو روپے 08 پیسے اضافہ ہوا ہے۔

    اسٹیٹ بینک کی جانب سے جاری بیان کے مطابق آج انٹر بینک میں ڈالر دو روپے 08 پیسے مہنگا ہو کر 225 روپے50 پیسے پر بند ہوا ہے۔

    اس حوالے سے فاریکس ڈیلرز کا کہنا ہے کہ اس وقت بینکس امپورٹر کو ڈالر دوسو پچیس روپے اسی پیسے میں فروخت کر رہے ہیں۔

    اوپن مارکیٹ میں ڈالر دو روپے بڑھ کر دو سو چونتیس سے دو سو چھتیس روپے میں فروخت ہو رہا ہے۔

  • ڈالر کی اونچی اڑان جاری: ایک بار پھر بلند ترین سطح پر جا پہنچا

    ڈالر کی اونچی اڑان جاری: ایک بار پھر بلند ترین سطح پر جا پہنچا

    انٹر بینک اور اوپن مارکیٹ میں ڈالر کی قدر میں ایک بار پھر مزید اضافہ ہوگیا، ڈالر ملکی تاریخ کی بلند ترین سطح پر پہنچ گیا۔

    اسٹیٹ بینک کے مطابق انٹر بینک میں ڈالر51 پیسے مہنگا ہوگیا، قیمت201 روپے91 پیسے پر بند ہوئی ، فاریکس ڈیلرز کا کہنا ہے کہ اوپن مارکیٹ میں ڈالرکی202روپے سے 206 روپے پر فروخت جاری ہے۔

    فاریکس ڈیلرز کے مطابق اپریل سے اب تک انٹر بینک میں ڈالر19.91 روپے مہنگا ہوچکا ہے، اپریل سے اب تک اوپن مارکیٹ میں ڈالر24روپے تک مہنگا ہوچکا ہے۔

  • ڈالرکی قیمت میں کمی کے لیے حفیظ شیخ کی ڈیلرز سے ملاقات

    ڈالرکی قیمت میں کمی کے لیے حفیظ شیخ کی ڈیلرز سے ملاقات

    اسلام آباد:مشیر خزانہ عبدالحفیظ شیخ سے فاریکس ڈیلرز کے وفد نے ملاقات کی ہے جس میں ڈیلرز نے ڈالر کی اسمگلنگ روکنے سمیت کئی اہم تجاویز دی ہیں۔

    تفصیلات کے مطا بق فاریکس ڈیلرز کے وفد نے ملک بوستان کی قیادت میں مشیر خزانہ عبد الحفیظ شیخ سے ملاقات کی ، ملاقات کے دوران ملک میں فارن ایکسچنج کی بہتری کے لیے تجاویز دی گئیں۔

    ملاقات کے دوران ملک بوستان نے بتایا کہ پاکستان سے افغانستان اور ایران میں ڈالر اسمگل ہورہا ہے،ڈالر کی کمی میں اسمگلنگ کا بھی ایک کردار ہے۔ ان کا کہنا تھا کہ سیکیورٹی اداروں کو سخت اقدامات کرنا ہوں گے، روزانہ 6ملین ڈالرملک سے باہرچلےجاتے ہیں۔

    ان کا کہنا تھا کہ حکومت ڈالر باہر لےجانے کی حدپرنظرثانی کرے،کچھ ڈیلرزانڈر انوائسنگ کرکےقومی خزانےکونقصان پہنچارہےہیں۔

    مشیر خزانہ عبدالحفیظ شیخ نے فاریکس ڈیلرز کی تجاویز کا خیرمقدم کرتے ہوئے کہا کہ ڈالر کا بہاؤبہتر بنانےکے لیے ڈیلرزکی تجاویزپرمثبت پیشرفت ہوگی۔

    خیال رہے کہ گزشتہ روز کرنسی مارکیٹ میں روپےکی قدرمیں زبردست اضافہ دیکھا گیا تھاجبکہ ڈالر کی قیمت میں کمی ریکارڈ کی گئی ، کاروباری ہفتے کے پہلے روز انٹر بینک مارکیٹ میں ڈالر کی قیمت ایک روپے41 پیسے کم ہو کر 149 روپے 50 پیسے پر آگئی، انٹر بینک میں آج ڈالر 149 کی کم سطح تک ریکارڈ کیا گیا۔

    اوپن مارکیٹ میں بھی ڈالرکی قیمت میں نمایاں کمی ہوئی ، ڈالر ایک روپیہ سترپیسے سستا ہوکرایک سو پچاس روپے 50 پیسے کا ہوگیا جبکہ کاروبار کے دوران ڈالر مزید سستا ہوا اور اس کی قیمت 1.70 روپے کم ہوئی، جس سے ڈالر 150 روپے پر آگیا۔ماہرین کا کہنا ہے کہ روپے کی قدرمیں کمی کی وجہ بڑی ادائیگیاں تھیں تاہم اب ترسیلات زر میں اضافے سے روپے کی قدر میں استحکام آیا ہے۔

    سیکریٹری جنرل ایکسچینج کمپنیزایسوسی ایشن نے کہا ہے کہ ڈالرکی خریداری کارجحان کم اورفروخت بڑھ گئی ہے، آنےوالےدنوں میں روپیہ مستحکم اور ڈالر 4 سے 5روپےسستاہوگا۔