اسلام آباد : پاکستان میں بھارتی ڈپٹی ہائی کمشنرجے پی سنگھ کو دفتر خارجہ طلب کیا گیا۔
تفصیلات کےمطابق اسلام آباد میں قائم مقام ڈائریکٹر جنرل سارک نے بھارتی ڈپٹی ہائی کمشنر کو طلب کیا۔
دفتر خارجہ نے بھارت کی جانب سے پا کستانی ہائی کمیشن نئی دہلی کے عملے کو کرکٹ میچ دیکھنےکی اجازت نہ دینے پرشدید مایوسی کا اظہار کیا۔
پاکستان ہائی کمیشن کے عملے نے مودی سرکار سے پاکستان کرکٹ ٹیم اور بھارت کے درمیان کلکتہ میں ہو نیوالے میچ کے لئے اجازت مانگی تھی جسے مسترد کر دیا گیا۔
اسلام آباد : پاکستانی دفترخارجہ نے افغانستان میں ہونے والے دہشت گرد حملوں کی سخت الفاط میں مذمت کردی۔
تفصیلات کے مطابق دفتر خارجہ کے ترجمان نے ایک بیان میں کہا ہے کہ افغانستان کے صوبوں کابل اور کنٹر میں گزشتہ روز ہونے والے دو دہشت گرد حملوں میں کئی افراد کی ہلاکت کی پرزور الفاظ میں مذمت کرتے ہیں۔
انہوں نے کہا کہ پاکستان ہر قسم کی دہشت گردی کے واقعات کی مذمت کرتا ہے، ترجمان دفترخارجہ نے کہا کہ پاکستان دہشت گردی کے واقعے میں ہلاک ہونے والوں کے لواحقین کے غم میں برابر کا شریک ہے اور زخمی ہونے والے افراد کی جلد صحت یابی کیلئے دعا گو ہے۔
اسلام آباد: دفتر خارجہ نے بنگلہ دیش میں نیشنلسٹ پارٹی کے رہنما صلاح الدین قادر چوہدری اور جماعت اسلامی کے رہنما علی احسن مجاہد کو سزائے موت دینے پر اپنی گہری تشویش کا اظہار کیا ہے۔
ترجمان دفتر خارجہ کا کہنا ہے کہ 1971ءکے واقعات کی بنیاد پر بنگلہ دیش میں چلائے جانے والے ان مقدمات پر عالمی برادری نے بھی سخت تحفظات کا اظہار کیا ہے۔
انہوں نے کہا کہ ٹرا ئل میں خامیوں پر عالمی برادری کےرد عمل کاجائزہ لےرہے ہیں، نو اپریل 1974کو پاکستان ، بھارت اور بنگلہ دیش کے درمیان ہونے والے سمجھوتے کی روح کے مطابق مفاہمت کی پالیسی اپنائی جائے۔
علاوہ ازیں بنگلا دیش میں جماعت اسلامی کے جنرل سیکریٹری علی حسن کی غائبانہ نما ز جنازہ ادا نماز جنازہ امیر جماعت اسلامی سراج الحق نے پڑھائی۔
اسلام آباد: بھارت سے مشروط مذاکرات قبول نہیں، ترجمان دفتر خارجہ قاضی خلیل اللہ کہتے ہیں کہ بھارت کی پیشگی شرائط کے باعث پاکستانی وفد نئی دہلی نہیں گیا۔
بریفنگ میں ترجمان دفترخارجہ قاضی خلیل اللہ نے بتایا کہ بھارت کے ساتھ پیشگی شرائط پر مذاکرات ممکن نہیں،مشیر خارجہ و سلامتی امور سرتاج عزیز کی اپنے بھارتی ہم منصب سے ملاقات بھارتی شرائط عائد کرنے پر منسوخ ہوئی ہیں، انہوں نے بتایا کہ داؤد ابراہیم پاکستان میں نہیں بھارتی بیان مضحکہ خیز ہے
انکا کہنا تھا کہ اس کے باوجود ڈی جی رینجرز اور بی ایس ایف کے درمیان ملاقات آئندہ ماہ نئی دہلی میں ہوگی۔
ترجمان دفتر خارجہ نے بتایا کہ اسرائیل سے ان پاکستانیوں کی رہائی کی کوششیں جاری ہیں جنہیں سن دوہزار نو میں ایک کشتی حادثے کے بعد اسرائیل نے گرفتار کیا تھا۔
انہوں نے پاکستانیوں کو مشورہ دیا کہ وہ مشرق وسطی کے ان ممالک کا دورہ نہ کریں جہاں سکیورٹی حالات ٹھیک نہیں ہیں۔
قاضی خلیل اللہ کا کہنا تھاکہ طالبان سے مذاکرات کے اگلے دور کے بارے میں افغان حکومت ہی بتا سکتی ہے،ہم نے افغان حکومت اور طالبان کے درمیان مذاکرات میں معاون کا کردار ادا کیا ہے۔
انہوں صحافیوں کو بتایا کہ افغانستان کی جانب سے سرحد پار دہشت گردی کے الزامات بے بنیاد اور افسوسناک ہیں، افغان حکام کو اپنا موقف پیش کر دیا ہے اور انہوں نے پاکستانی سفارتی عملے کے تحفظ کی یقین دہانی کرائی ہے۔
ترجمان دفتر خارجہ کے مطابق، امریکی صدر اوباما کی دعوت پر وزیراعظم نواز شریف کا دورہ امریکہ اسی سال متوقع ہے
اسلام آباد: پاکستان نے کہا ہے کہ بھارت کی جانب سے پیشگی شرائط پر مذاکرات نہیں کرسکتے ہیں۔
ترجمان دفتر خارجہ کا کہنا ہے کہ بھارتی وزیرخارجہ کی پریس کانفرنس کے بعد باضابطہ طور پر مذاکرات منسوخ کردیے گئے ہیں۔ترجمان نے کہا کہ دونوں ممالک کے درمیان تناو کو کم کرنے کے لیے مذاکرات کی جانب بڑھ رہے تھے۔
ان کا کہنا تھا کہ بھارت نے ناقابل قبول شرائط رکھ کر مذاکرات سے فرار اختیار کیا، دہشت گردی جامع مذاکرات کا حصہ ہے اس لیے بھارت کو صرف دہشت گردی کی بات کرکے مذاکرات کو محدود نہیں کرنا چاہیے تھا۔
مشیرامور خارجہ سرتاج عزیز کی حریت رہنماوں سے ملاقاتیں ماضی کی طرح معمول کا حصہ ہوتیں ہیں۔
اسلام آباد : پاکستان نے بھارت کی جانب سےہرپال سیکٹرمیں جنگ بندی کی خلاف ورزی پرشدید احتجاج کیا ہے۔
ترجمان دفترخارجہ کے مطابق پاکستان نےبھارتی ڈپٹی ہائی کمشنرکوطلب کرکے ہرپال سیکٹرمیں بلااشتعال فائرنگ پرشدیداحتجاج کیا۔
بھارت کی طرف سے حالیہ بلااشتعال فائرنگ سے ایک اورشہری محمدشریف شہیدجبکہ چارزخمی ہوگئے۔ بھارت کی جانب سے جنڈروٹ ،نکیال اورکیریلا سیکٹرمیں بھی بلااشتعال فائرنگ کی گئی۔
بھارتی ڈپٹی ہائی کمشنر سے ایل اوسی اورورکنگ بائونڈری پربھارتی فوج کی جانب سے بلااشتعال فائرنگ پرپاکستان کی جانب سے گہری تشویش ظاہرکی گئی ۔
پاکستان نے بھارت پرزوردیا ہے کہ وہ دوہزارتین جنگ بندی کی یادداشت پرعمل درآمد کرتے ہوئے خلاف ورزیوں کاسلسلہ بند کردے۔
اسلام آباد: دفترخارجہ کے ترجمان نے بھارت پرواضح کیاہےکہ وہ الزام تراشیوں کے بجائے ممبئی حملوں سمیت تمام الزامات کے ثبوت فراہم کرے۔
دفتر خارجہ کے ترجمان قاضی خلیل اﷲ کا ہفتہ وار بریفنگ میں کہنا تھا۔بھارت الزام تراشیوں کے بجائے ممبئی حملوں سمیت تمام الزامات کے ثبوت فراہم کرے۔
دفتر خارجہ نے بھارت کی جانب سے سرحدی خلاف ورزیوں کی مذ مت کی۔ان کا کہنا تھا پاکستان ایل او سی اور سیز فائر کے قوانین کی پابندی کرتا ہے۔اور بھارت سمیت خطے میں تمام ممالک سے پر امن تعلقات کا خواہاں ہے۔ پاکستان اوربھارت کے قومی سلامتی مشیروں کی ملاقات کیلئے بھارت نے تیئس اورچوبیس اگست کی تجویزدی جس پر غورجاری ہے، چندا بی بی کےسلسلےمیں پاکستانی ہائی کمیشن دہلی میں حکومت سے رابطے میں ہے۔
وزیراعظم کے بیرون ملک دوےکےبارےمیں قاضی خلیل اللہ کاکہناتھا کہ وزیراعظم نوازشریف دس اگست کو بیلاروس کے صدر کی دعوت پردورہ کریں گے۔ جہاں وہ کئی معاہدوں پردستخط کریں گے۔
اسلام آباد : پاکستانی دفتر خارجہ نے باؤنڈری لائن پر بھارتی فوج کی بلا اشتعال فائرنگ سے معصوم شہریوں کی شہادت اور سیز فائر کی خلاف ورزی کی شدید الفاظ میں مذمت کی ہے۔
تفصیلات کے مطابق دفتر خارجہ سے جاری کئے گئے ایک بیان میں کہا گیا ہے کہ حکومت پاکستان بھارتی فوج کی بلااشتعال فائرنگ کے نتیجے میں شہریوں کی ہلاکت کی شدید الفاظ میں مذمت کرتی ہے۔
دفتر خارجہ نے اپنے بیان میں کہا کہ حکومت پاکستان قیمتی جانوں کے نقصان پر سوگوار خاندوں سے تعزیت اور گہری ہمدردی کا اظہار کرتی ہے۔
دفتر خارجہ کے مطابق ہندوستانی فورسز کی جانب سے نیو کین اور 2 دیگر پوسٹس پر صبح ساڑھے 5 بجے بلااشتعال فائرنگ کا آغاز کیا گیا اور شہریوں اور رہائشی علاقوں کو نشانہ بنایا گیا، جس کا پاکستانی فورسز نے منہ توڑ جواب دیا۔
بیان کے مطابق پاکستان کو لائن آف کنٹرول اور ورکنگ باؤنڈری پر ہندوستان کی فائرنگ پر شدید تشویش ہے جبکہ ہندوستان پر زور دیا گیا ہے کہ وہ سیز فائر معاہدے 2003 کی پاسداری کرے، تاکہ لائن آف کنٹرول اور ورکنگ باؤنڈری پر امن قائم کیا جاسکے۔
اسلام آباد: پاکستان نے ایران اورچھ عالمی قوتوں کے مابین ہونےوالے جوہری معاہدے کاخیرمقدم کیا ہے۔
دفترخارجہ سے جاری بیان میں ترجمان کاکہناتھا کہ پاکستان کا ہمیشہ موقف رہا ہے کہ ایران کےجوہری معاملے کا مزاکرات کے زریعے پر امن حل نکالا جائے۔
ترجمان نے کہا کہ ایران کے جوہری پروگرام سے متعلق مساوی اعتمادسازی کے متعلق اقدامات سے خطے میں امن اور سلامتی کوتقویت ملے گی۔
پاکستان نے امید ظاہر کی ہے کہ فریقین جامع جوہری معاہدے پرجلد اور پائیدار عملدرآمد یقینی بنائیں گے۔
اسلام آباد : پاکستان نے بھارتی مداخلت کا معاملہ اقوام متحدہ میں اٹھانے کا فیصلہ کر لیا۔
سفارتی ذرائع کے مطابق پاکستان بھارت کی مداخلت کا معاملہ اقوام متحدہ سمیت ہر فورم پر اٹھائے گا۔اس کے لیے دفتر خار جہ نے اقوام متحدہ میں پاکستان کی مستقل مندوب ملیحہ لودھی کو پاکستان طلب کر لیا ہے۔
ملیحہ لودھی پاکستان آ کر وزیر اعظم اور دفتر خارجہ کے حکام سے ملا قاتیں کر یں گی۔
اقوام متحدہ کے جنرل سیکرٹری بان کی مون کو پاکستان کی جانب سے خط لکھا جائے گا جس میں بھارت کی جانب سے پاکستان میں مداخلت اور بی بی سی کی رپورٹ کے متعلق سوال اٹھایا جائے گا۔