اسلام آباد: پہاڑوں کی چوٹی سر کرنے والی پاکستان کی پہلی خاتون سمینہ بیگ پر بنائی جانے والی ڈاکومینٹری’بیونڈ دی ہائٹس‘ وزارت خارجہ میں دیکھائی گئی ہے ۔
وزیر اعظم کے مشیر برائے قومی سلامتی اور خارجہ امور سرتاج عزیز نے سمینہ بیگ کے کاوش کو سراہا، اس موقع پر انہوں نے سمینہ بیگ کو جرات مند پاکستانی خواتین کی ایک مثال قرار دیا جو زندگی کے ہر شعبے میں اپنے آپ کو منواتی ہیں۔
ان کا کہنا تھا کہ وزارت خارجہ پہاڑوں کی چوٹی کو سر کرنے والی نوجوان پاکستانی خاتون سمینہ بیگ کے لئے دنیا کے مختلف مملک کے دوروں کے بندوبست کررہی ہے۔جس سے پاکستان کے شمالی علاقوں میں سیاحت کی اہمیت کو اُجاگرکیا جاسکتا ہے۔
وزارت خارجہ میں ہونے والے پروگرام میں سمینہ بیگ کے بھائی مرزا علی نے بھی شرکت کی۔اس موقع پر سمینہ بیگ نے وزارت خارجہ کی جانب سے دیئے جانے والے اعزاز اور ان کی کامیابی کو بین الاقومی سطح اُجاگر کرنے پر وزارت خارجہ کا شکریہ ادا کیا۔
وزارت خارجہ کی جانب سے منعقد کئے جانے والے پروگرام کا مقصد دنیاکے سامنے پاکستان کا مثبت چہرا پیش کرنا تھا جبکہ اس بات کی طرف اشارہ بھی دینا تھا کہ پاکستان میں صلاحیت کو اُجاگر کرنے کے لئے مرد اور خواتین دونوں کے لئے یکساں مواقع ہیں۔
واضح رہے کہ ثمینہ بیگ نے دنیا کی بلند ترین چوٹی، ماؤنٹ ایورسٹ سر کرکے پاکستان کی پہلی ایسی خاتون کوہ پیما ہونے کا اعزاز حاصل کیا تھا۔
ثمینہ خیال بیگ ماؤنٹ ایورسٹ سر کرنے والی پہلی پاکستانی خاتون اور تیسری پاکستانی ہے، وہ 21 سال کی عمر میں یہ کارنامہ انجام دینے والی کم عمر ترین مسلمان خاتون بھی ہے۔ انھوں نے یہ چوٹی اپنے بھائی علی مرزا کے ہمراہ سر کی، ثمینہ سات چوٹیوں کو سر کرنے والی پہلی پاکستانی خاتون اور پہلی مسلمان بھی ہے۔
