Tag: FORIEGN secetary

  • پرویز رشید کو اب چُلو بھر پانی میں ڈوب مرنا چاہیے، اعجاز چودھری

    پرویز رشید کو اب چُلو بھر پانی میں ڈوب مرنا چاہیے، اعجاز چودھری

    لاہور: پی ٹی آئی پنجاب کے صدر اعجاز چودھری کا کہنا ہے کہ این اے 125 میں ٹریبونل کا فیصلہ تحریک انصاف کے موقف کی تائید ہے جو عمران خان نے 126دن اسلام آباد کنٹینر پر اپنائے رکھا۔

    لاہور میں تحریک انصاف کے کارکنوں کی جانب سے جشن اور مٹھائی تقسیم کرنے کے بعد پریس کانفرنس کرتے ہوئے اعجاز چودھری نے کہا کہ خواجہ سعد رفیق ،خواجہ آصف اور پرویز رشید کو اب چُلو بھر پانی میں ڈوب مرنا چاہیے جو بات بات پر عمران خان کے خلاف نازیبہ زبان استعمال کرتے رہے۔

     ا ن کا کہنا تھا کہ این اے 125 کے انتخاب میں بھرپور طریقے سے حصہ لیا جائے گا ، انکا یہ بھی کہنا تھاکہ دھاندلی کیس میں فیصلہ آنے پر جوڈیشل کمیشن کے لیے کام آسان ہو گیا ہے۔

    این اے 125 کے بعد عمران خان کے حلقے این اے 122 اور دیگر دو حلقوں میں بھی دھاندلی کے اژدھے برآمد ہوں گے۔

  • بھارت سے مزاکرات کا کوئی مقررہ وقت نہیں دیا جاسکتا، پاکستانی سیکریٹری خارجہ

    بھارت سے مزاکرات کا کوئی مقررہ وقت نہیں دیا جاسکتا، پاکستانی سیکریٹری خارجہ

    اسلام آباد: سیکریٹری خارجہ اعجاز چودھری نے کہا ہے کہ بھارتی سیکریٹری خارجہ سےمسئلہ کشمیر، سمجھوتا ایکسپریس حملے ،سمیت اہم امور پر بات چیت ہوئی ہے، جبکہ فاٹا اور بلوچستان میں بھارتی مداخلت کا مسئلہ بھی اٹھایا گیا ہے ۔

    سیکریٹری خارجہ اعزاز چوہدری نے میڈیا سے گفتگو کرتے ہوئے کہا ہے کہ بھارتی سیکریٹری خارجہ سےملاقات میں مسئلہ کشمیرسمیت مختلف امورپربات ہوئی جبکہ فاٹا اوربلوچستان میں بھارتی مداخلت کامعاملہ اٹھایاگیا، پاکستان ہمسایہ ممالک کےساتھ بہترتعلقات چاہتاہے، بھارتی ہم منصب سےایل اوسی پرکشیدگی سےمتعلق بات ہوئی۔،

    اعزازچوہدری نے بتایا کہ 2003کےسیزفائرمعاہدےکےعملدرآمد پرگفتگو ہوئی جس میں سیاچن، سرکریک، دیگرامورپربات چیت کرنےپراتفاق ہوا ہے، بھارت کےساتھ سمجھوتا ایکسپریس کا معاملہ بھی اٹھایا گیا ہے۔

    اعزاز چوہدری نے کہا کہ جے شنکرنے وزیراعظم کے نام نریندرمودی کاخط پہنچایاہے جبکہ عوامی سطح پررابطےبڑھانےپراتفاق کیا گیا ہے اورسارک کومزیدفعال بنانےکیلئےکہاگیا۔

    سیکریٹری خارجہ اعزاز چوہدری نے کہا کہ پاکستان آئندہ سارک اجلاس کی میزبانی کرےگا،پاکستان تمام ہمسایہ ممالک سےپرامن تعلقات چاہتا ہے،بھارت کی جانب سےایل اوسی کی مسلسل خلاف ورزی پرتشویش ہے۔

    ان کا کہنا تھا کہ دہشت گردی دونوں ممالک کیلئےباعث تشویش ہے اوردہشت گردی کامسئلہ پورےخطےمیں ہے،پاکستان اوربھارت ملکردہشتگردی کوشکست دےسکتےہیں،دہشتگردی کے معاملے پردونوں طرف سے تعاون ہونا چاہئے۔

    اعزاز چوہدری کا کہنا تھا کہ وزیراعظم اوربھارتی سیکریٹری خارجہ کےدرمیان ملاقات مثبت رہی ہے، بھارت سےکہاہےکہ لائن آف کنٹرول پرکشیدگی نہیں ہونی چاہئے،کشمیری رہنماؤں سےملاقات کا سلسلہ جاری رہتاہے، کشمیری رہنماؤں کےموقف کیلئےملاقات ہوتی رہتی ہے، تمام حل طلب معاملات پرگفتگوجاری رہنےپراتفاق ہوا۔

  • پاکستان کسی ملک کی جنگ میں ملوث نہیں ہونا چاہتا، سیکرٹری خارجہ

    پاکستان کسی ملک کی جنگ میں ملوث نہیں ہونا چاہتا، سیکرٹری خارجہ

    نیویارک: سیکرٹری خارجہ اعزاز احمد چوہدری کہنا ہے کہ عراق اور شام میں لڑنے والوں مٰیں کوئی پاکستانی شامل نہیں ہے اور دولت اسلامیہ کے خلاف صدر اوباما کی کوششوں کو سراہتے ہیں۔

    نیویارک میں پریس کانفرنس کرتے ہوئے سیکریٹری خارجہ اعزازاحمد چوہدری کا کہنا تھا کہ پاکستان کسی ملک کی جنگ میں ملوث نہیں ہونا چاہتا، پاکستان سمیت تمام ممالک کو پُر امن دیکھنا چاہتے ہیں۔

    سیکریٹری خارجہ نے کہا ہے کہ شمالی وزیرستان میں فوجی آپریشن دہشتگردوں کے خلاف ہماری کوششوں کا ثبوت ہے، پاک بھارت صورتحال پر اعزازاحمد چوہدری نے کہا ہے کہ بھارت سے برابری کی سطح پر تعلقات چاہتے ہیں، کامن ویلتھ میٹنگ میں پاکستانی وزیرِ خارجہ سے بھارتی ہم منصب کی ملاقات نہیں ہوئی۔