واشنگٹن: سابق امریکی صدر باراک اوباما کرونا وائرس کا شکار ہوگئے۔
غیر ملکی میڈیا رپورٹ کے مطابق سماجی رابطے کی ویب سائٹ ٹوئٹر پر جاری اپنے پیغام میں سابق امریکی صدر بارک اوباما نے کہا کہ گزشتہ کچھ دنوں سے انہیں گلےمیں تکلیف تھی، ٹیسٹ کرایا جس کا نتیجہ مثبت آیا، تاہم طبیعت بہتر ہے۔
بارک اوباما نے بتایا کہ شکر ہے اُنہوں نے اور اہلیہ نے کرونا ویکسین کی بوسٹر شاٹس بھی لگوائی ہوئی تھیں جس کی وجہ سے اہلیہ مشعال اوباما کا کرونا ٹیسٹ منفی آیا۔
سابق امریکی صدر نے عوام کے نام پیغام میں کہا کہ کرونا کیسز کم ہوں یا زیادہ، آپ لازمی ویکسین لگوائیں۔
I just tested positive for COVID. I’ve had a scratchy throat for a couple days, but am feeling fine otherwise. Michelle and I are grateful to be vaccinated and boosted, and she has tested negative.
It’s a reminder to get vaccinated if you haven’t already, even as cases go down.
ادھر پاکستان میں کورونا کیسز کی شرح کم ترین سطح پر آگئی ، ایک روز میں 400 سے زائد کیسز اور 2 اموات رپورٹ ہوئیں ہیں۔
این سی اوسی کا کہنا ہے کہ چوبیس گھنٹے میں کورونا کے 31 ہزار 201 ٹیسٹ کیے گئے، جس میں مزید 462 افراد میں کورونا کی تصدیق ہوئی ، اس دوران ملک میں کورونا کے کیسز مثبت آنے کی شرح 1.48 فیصد رہی۔
واشنگٹن : مائیک پومپیو نے ٹویٹ میں کہا ہے کہ صلاح قوش سوڈان میں بدعنوانی اور انسانی حقوق کی خلاف ورزیوں کے مقدمات میں ملوث ہیں۔
تفصیلات کے مطابق امریکی وزیر خارجہ مائیک پومپیو نے اعلان کیا ہے کہ سوڈان کے سیکورٹی ادارے کے سابق چیف صلاح قوش اور ان کے اہل خانہ کے امریکا میں داخلے کی ممانعت ہو گی کیوں کہ قوش سوڈان میں بدعنوانی اور انسانی حقوق کی خلاف ورزیوں کے مقدمات میں ملوث ہیں۔
پومپیو نے اپنی سلسلہ وار ٹویٹس میں لکھا کہ سوڈان میں انسانی حقوق کی خلاف ورزیوں کے الزام میں قوش اور دیگر افراد کا احتساب عمل میں آئے گا۔
امریکی وزیر خارجہ نے مزید کہا کہ انتظامیہ کے پاس مصدقہ معلومات ہیں کہ صلاح قوش سیکورٹی اینڈ نیشنل انٹیلی جنس ادارے کی سربراہی کے دوران تشدد اور عقوبت کی کارروائیوں میں ملوث رہے۔
امریکا میں داخلے کی ممانعت کے فیصلے کا اطلاق صلاح قوش کی اہلیہ عواطف احمد سعید اور ان کی بیٹی شیماء صلاح پر بھی ہو گا۔
سوڈان میں اپریل میں صدر عمر البشیر کو معزول کرنے والی عبوری کونسل کی قیادت کے بیان کے مطابق صلاح قوش نے ملکی حالات کو عوامی انقلاب میں تبدیل کرنے میں اہم کردار ادا کیا۔
غیر ملکی خبر رساں ادارے کے مطابق تبدیلی واقع ہونے کے دو روز بعد قوش اپنے عہدے سے مستعفی ہو گئے تھے۔
غیر ملکی میڈیا کا کہنا تھا کہ عبوری کونسل کے ذمے داران نے اْس وقت بتایا تھا کہ قوش کو نظر بند کر دیا گیا ہے۔ بعد ازاں یہ اعلان کیا گیا کہ وہ نامعلوم مقام پر منتقل ہو گئے ہیں۔
سوڈان میں سرکاری استغاثہ پہلے ہی عبوری عسکری کونسل سے یہ مطالبہ کر چکی ہے کہ سیکورٹی ادارے کے سابق ڈائریکٹر صلاح عبداللہ قوش کو حالیہ عوامی احتجاجات کے دوران سوڈانی مظاہرین کے قتل کے الزام میں طلب کیا جائے۔
استغاثہ کے ذرائع نے العربیہ نیوز چینل کو بتایا کہ انہیں قوش کے بیرون ملک سفر کرنے کے بارے میں کوئی علم نہیں ہے۔
میڈیا ذرائع کے مطابق یہ موقف ان خبروں کے بعد سامنے آیا جن میں کہا گیا تھا کہ قوش امریکا اور مصر کا بیرونی سفر کر رہے ہیں۔
واشنگٹن : ورجینیا کی ڈیموکریٹک سینٹ کے رکن فلسطینی نژاد نوجوان ابراہیم سمیرہ نے امریکی صدر کے خلاف نعرے بازی بھی کی اور تقریر کا بائیکاٹ کردیا۔
تفصیلات کے مطابق امریکا میں ایک فلسطینی نڑاد نوجوان ابراہیم سمیرہ اس وقت عالمی ذرائع ابلاغ کی توجہ کا مرکز بن گیا جب اس نے ورجینیا ریاست کے جیمز ٹاؤن شہر میں صدر ڈونلڈ ٹرمپ کی تقریر کا بائیکاٹ کر دیا، فلسطینی نوجوان ابراہیم سمیرہ کو صدر ٹرمپ کے سامنے سچ بات کہنے کی پادش میں تقریب سے نکال دیا گیا۔
عرب خبر رساں ادارے کا کہناتھا کہ ابراہیم سمیرہ ورجینیا ریاست کی ڈیموکریٹک سینٹ کے رکن ہیں اور اس کونسل میں دوسرے مسلمان رکن قرار دیے جاتے ہیں، اس موقع پر ابراہیم سمیرہ نے امریکی صدر کے خلاف نعرے بازی کی اور ساتھ ہی کہا کہ جناب صدر آپ ہمیں ورجینیا میں ہمارے گھروں کو واپس نہیں بھیج سکتے۔
امریکی حکام کا کہنا تھا کہ ابراہیم سمیرہ کے والد صبری سمیرہ امریکی قومی سلامتی کےلیے خطرہ ہیں، صبری سمیرہ نے 11 سال امریکا واپسی کے لیے قانونی جنگ لڑی اور آخر کار سنہ 2014ءکو انہیں امریکی ریاست شیکاگو میں آنے کی اجازت دی گئی تھی۔
برلن : جرمن حکام نے ریاست تھیورنگیا میں واقع قدیم جیل کو تین لاکھ یورو میں فروخت کےلیے پیش کردیا گیا۔
تفصیلات کے مطابق مغربی یورپ میں ایک ایسی جیل بھی موجود ہے جسے حکام کی جانب سے نیلامی کے لیے پیش کیا گیا ہے، جرمن حکام نے ریاست تھیورنگیا میں واقع جیل کی تاریخی عمارت کو نیلام کیا جارہا تھا جس کی قیمت 3 لاکھ یورو مقرر کی گئی ہے۔
جرمن خبر رساں ادارے کا کہنا ہے کہ مذکورہ عمارت کو 1946 سے 2017 کے درمیان بطور جیل استعمال کیا گیا ہے کہ اس سے قبل جنگ عظیم دوّم کے دوران کیمپ اور 1940 تک مہکدہ( شراب خانہ) تھا۔
مقامی خبر رساں ادارے کے مطابق سابق سوویت یونین نے دوسری عالمی جنگ کے بعد سے مذکورہ عمارت کو 1946 تک صرف خواتین کو قید کرنے کےلیے استعمال کیا جاتا تھا۔
مقامی میڈیا کا کہنا تھا کہ جیل کی عمارت کو اٹھارویں صدی کے آخر میں ساڑھے 7 ہزار مربع میٹر کے رقبے پر تعمیر کیا گیا تھا جس کی دیواریں 6 میٹر (20 فٹ) اونچی ہیں، جیل کی 5 منزلہ عمارت میں قیدیوں کی کوٹھریاں، استقبالیہ و ملاقاتوں کے کمرے اور پارکنگ ایریا سمیت کئی دیگر جگہیں بھی شامل ہیں۔
جرمن حکام کا کہنا ہے کہ جیل میں قید آخری تیس قیدیوں کو ہوہنلوئیبن میں واقع مرکز میں منتقل کردیا ہے جبکہ جیل میں کل 149 قیدیوں کو رکھنے کی گنجائش ہے۔
غیر ملکی خبر رساں ادارے کا کہنا ہے کہ جرمن حکام نے ایسے خریداروں کو ترجیح دینے کا کہا ہے کہ جو جائیداد کو مناسب انداز میں استعمال کرنے کی منصوبہ بندی پیش کرے۔
ٹیکسلا: سابق وفاقی وزیر داخلہ چوہدری نثار علی خان نے کہا ہے کہ جنہوں نے بے وفائی کی انہیں سبق سکھانا ضروری ہے، میرے سیاسی ٹکڑوں پر پلنے والوں کا انتخابی نشان شیر نہیں بلی ہے۔
ان خیالات کا اظہار انہوں نے ٹیکسلا میں جلسے سے خطاب کرتے ہوئے کیا، چوہدری نثار کا کہنا تھا کہ پچیس جولائی کو کسی اور کی بارات میں بینڈ باجا مت بجانا، اصل بارات ٹیکسلا سے ہی نکلے گی۔
انہوں نے کہا کہ بے وفائی کرنے والوں کو سبق سکھائیں گے، ٹیکسلا کی عوام اپنا فیصلہ 25 جولائی کو سنائیں گے، واضح اکثریت سے کامیابی حاصل کریں گے۔
چوہدری نثار کا مزید کہنا تھا کہ پچیس جولائی کو شیر بھی ڈھیر ہوجائے گا، جیپ پر ایسے ٹھپے لگاؤ کہ ن لیگ کی سیاست ہی ختم ہوجائے۔
خیال رہے کہ گذشتہ روز سابق وفاقی وزیر داخلہ نے فتح جنگ میں جلسے سے خطاب کرتے ہوئے کہا تھا کہ نواز شریف پر مشکل ان کی اپنی غلطیوں کی وجہ سے آئی ہے، ان کو کہا بھی تھا کہ میاں صاحب دشمنیاں نہ بڑھائیں، عدلیہ کی تضحیک نہ کریں۔
انہوں نے یہ بھی کہا تھا کہ پاکستان کا نہایت اہم الیکشن ایک ہفتے بعد ہونے والا ہے، اگلے 5 سال ملک کی باگ ڈور کس کے ہاتھ میں ہوگی یہ فیصلہ عوام نے کرنا ہے، یقین ہے آپ جیپ پر سوار ہوں گے اور اسے اوور لوڈ بھی کریں گے، 1985 سے الیکشن لڑ رہا ہوں اور جیت بھی رہا ہوں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
کوالالمپور: کرپشن اسکینڈل میں ملوث ملائیشیا کے سابق وزیر اعظم نجیب رزاق کے قریبی ساتھی کو گرفتار کر لیا گیا۔
تفصیلات کے مطابق ملائیشیا کے نئے وزیر اعظم مہاتیر محمد نے اقتدار سنبھالتے ہی کرپٹ عناصر کے خلاف کارروائیاں سخت کردی ہیں، قبل ازیں سابق وزیر اعظم نجیب رزاق کے گھر پر بھی چھاپہ مارا گیا تھا جس کے نتیجے میں تین سو کروڑ ڈالر برآمد ہوئے تھے۔
غیر ملکی خبر رساں ادارے کا کہنا ہے کہ سابق وزیر اعظم کے قریبی ساتھی کی گرفتاری عمل میں آئی ہے تاہم پولیس حکام کی جانب سے ملزم کی شناخت ظاہر نہیں کی گئی ہے۔
پولیس حکام کا کہنا ہے کہ اس 42 سالہ شخص کی گرفتاری انسدادے بدعنوانی کے ادارے کی جانب سے عمل میں لائی گئی ہے جبکہ ملزم کو عدالتی حکم کے مطابق دو ہفتے جسمانی ریمانڈ پر رکھا گیا ہے۔
پولیس کا یہ بھی کہنا تھا کہ اس کے نجیب رزاق کے ساتھ گہرے مراسم تھے، ملزم نے 2004 میں سابق وزیر اعظم کے بینک اکاؤنٹ میں بھاری رقم بھی منتقل کی تھی۔
خیال رہے کہ ملزم پر الزام ہے کہ اس نے ایک خاص قسم کی ریاستی فنڈ میں سے ساڑھے چار بلین ڈالرز کی خُرد بُرد کی ہے، تاہم ملزم نے پولیس کو اپنے ابتدائی بیان میں اس الزام کی تردید کی ہے۔
یاد رہے کہ گذشتہ ماہ ملا ئیشیائی پولیس کی جانب سے سابق وزیر اعظم نجیب رزاق کے گھر پر چھاپہ مار کارروائی کرتے ہوئے نقدی سمیت قیمتی اشیا بھی قبضے میں لے لی گئی تھی، انہیں اپنے دورے حکومت میں کرپشن کے الزامات کا سامنا ہے۔
واضح رہے کہ رواں ماہ 92 سالہ مہاتیر محمد نے ملائیشیا کے نئے وزیر اعظم کی حثیثت سے حلف اٹھانے کے بعد دنیا کے معمر ترین سیاست دان بن گئے ہیں جبکہ انہوں نے کرپٹ عناصر کے گرد گھیرا بھی تنگ کردیا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
واشنگٹن: وائٹ ہاوس سے بیان جاری ہوا ہے کہ امریکا اپنے سب سے قریبی اتحادی برطانیہ سے اظہار یکجہتی اور برطانوی حکومت کی جانب سے روسی سفارت کاروں کو ملک بدر کرنے کی بھرپورحمایت کرتا ہے۔
تفصیلات کے مطابق برطانیہ میں مقیم سابق روسی جاسوس اور اس کی بیٹی کو زہریلے کیمیکل کے ذریعے قتل کرنے کا الزام برطانوی حکومت نے روس پر لگایا تھا اور 13 مارچ تک جواب نہ دینے کی صورت میں سخت رد عمل کا عندیہ بھی دیا تھا۔
وائٹ ہاوس نے اپنے بیان میں کہا ہے کہ امریکا اپنے سب سے قریبی اتحادی برطانیہ سے ’اظہار یکجہتی کے ساتھ کھڑا ہے‘اور برطانوی حکومت کی جانب 23 روسی سفارت کاروں کو نکالے جانے کے اقدام کی بھرپور حمایت بھی کرتا ہے۔
برطانیہ کی وزیر اعظم تھریسا مئے نے کہا ہے کہ روسی سفارت کاروں کو حکام کی جانب سابق جاسوس کے قتل میں استعمال ہونے والے اعصاب شکن روسی کیمیکل کی وضاحت دینے سے انکار پر نکالا گیا ہے۔
جبکہ روس نے برطانیہ کی جانب سے لگائے گئے الزامات کو بے بنیاد قرار دے دیا ہے اور کہا ہے کہ وہ جوابی اقدامات کی تیاری کر رہا ہے۔ امریکی صدر ڈونلڈ ٹرمپ کے ترجمان نے الزام عائد کیا ہے کہ روس دنیا کے تمام ممالک کی سلامتی اور سیکیورٹی کو نظر انداز کررہا ہے۔
سابق روسی جاسوس سرگئی اسکریپال اور بیٹی یولیا اسکریپال
اسی دوران امریکی سیکریٹری خارجہ بوریس جونسن کا کہنا تھا کہ جس طرح سے برطانیہ میں جاسوس کی موت ہوئی ہے یہ طریقہ واردات روس کا ہے، اور روسی حکومت نے اس حملے سے اپنی حکومت کے خلاف کھڑے ہونے والے لوگوں کو پیغام دیا کہ جو بھی روس کے خلاف آواز اٹھائے گا اس کا یہ ہی انجام ہوگا۔
برطانوی نشریاتی ادارے کے عہدےدار کا کہنا ہے کہ اس بات کو بھی مدنظر رکھنا ضروری ہے امریکا کی جانب سے برطانوی وزیراعظم تھریسا مئے کو مدد کےلیے کی جانے والی پیشکش غیر معمولی اہمیت کی حامل ہے۔ انہوں نے کہا یہاں اہم بات یہ ہے کہ امریکی صدر ٹرمپ نے روس کے لیے جس طرح کا لہجہ اور زبان استعمال کی ہے وہ اس سے پہلے کبھی وائٹ ہاوس میں نہیں سنی گئی۔
ڈونلڈ ٹرمپ کے میڈیا سیکریٹری نے سارا سینڈر کا کہنا ہے کہ امریکا کو یقین دلایا جائے کہ’ اس طرح کے حملے دوبارہ نہیں ہونے چاہیے‘اور برطانیہ کا روسی سفارت کاروں کو ملک بدر کرنا’روسی اقدامات کا رد عمل ہے‘۔
انہوں نے مزید کہا کہ’روس کا حالیہ رویہ اس بات کو واضح کررہا ہے کہ روس عالمی قوانین کی خلاف کررہا ہے اور دنیا کے تمام ممالک کی سلامتی اور سیکیورٹی کو مستقل نظر انداز کررہا ہے۔ روس کی جانب سے سابق جاسوس کے خلاف کیا گیا اقدام مغربی جمہوریت کی بے حرمتی ہے‘۔
خیال رہے کہ گزشتہ روز برطانوی وزیراعظم تھریسا مے نے برطانوی شہرسالسبری میں سابق روسی انٹیلیجنس افسر اور ان کی بیٹی کو زہر دینے پر23 روسی سفارت کاروں کو ملک بدر کرنے کا اعلان کیا تھا۔
یاد رہے گزشتہ دنوں 63 سالہ سابق روسی ملٹری انٹیلیجنس آفیسر اور ان کی بیٹی کو برطانیہ کے شہر سالسبری کے سٹی سینٹرمیں ایک بینچ پرتشویش ناک حالت میں پایا گیا تھا۔
