ARYNews.tv | Urdu – Har Lamha Bakhabar

Tag: former chief justiceX iftkhar chaudary

  • افتخارچوہدری کاہرجانے کادعویٰ، عمران خان کوسمن جاری

    افتخارچوہدری کاہرجانے کادعویٰ، عمران خان کوسمن جاری

    اسلام آباد: سابق چیف جسٹس افتخار محمد چودھری کی جانب سےبیس ار ب روپے کے ہتک عزت کے دعوے پر عمران خان کو نوٹس جاری کر دیا گیا۔

    اسلام آباد کی عدالت میں سابق چیف جسٹس افتخار محمد چودھری کی جانب سے دائرازالہ حیثیت عرفی کی درخوست پر تحریک انصاف کے سربراہ عمران خان کو ہتک عزت کا نوٹس جاری کر دیا گیا ۔

     سیشن جج نذیر احمد کی عدالت سے جاری سمن میں عمران خان کو انتیس جنوری کو عدالت میں پیش ہونےکی ہدایت کی گئی ہے ۔

    تحریک انصاف کے ترجمان نعیم الحق کا کہنا ہے کہ سمن کے حوالےسے جواب وکلاء سے مشاورت کے بعد دیا جائے گا، سمن پاکستان تحریک انصاف سیکریٹریٹ ایمبیسی روڈ کے پتہ پر بھیجا گیا ہے۔

    واضح رہے کہ افتخار محمد چودھری کی جانب سے دعویٰ میں کہا گیا کہ عمران خان معافی مانگیں یا 20 ارب روپے ہرجانہ ادا کریں ۔

  • افتخارچوہدری کا عمران خان کیخلاف20 ارب روپے ہر جانے کا دعویٰ

    افتخارچوہدری کا عمران خان کیخلاف20 ارب روپے ہر جانے کا دعویٰ

    اسلام آباد: سابق چیف جسٹس افتخار چوہدری کی جانب سے پاکستان تحریکِ انصاف کے سربراہ عمران خان کے خلاف 20ارب روپے کے ہر جانے کا دعویٰ کردیا گیا ہے۔

    ایف ایٹ کچہری میں سیشن جج نذیراحمد نے سابق چیف جسٹس کے دعویٰ کی سماعت کی ، دوران سماعت افتخار چوہدری کی جانب سے شیخ احسن الدین پر مشتمل وکلاء پینل نے اسلام آباد کی سیشن کورٹ میں دعویٰ دائر کیا۔

    شیخ احسن ایڈووکیٹ نے دعویٰ میں مؤقف اپنایا کہ عمران خان کی جانب سے عام انتخابات2013 میں دھاندلی کے حوالے سے سابق چیف جسٹس پر بے بنیاد الزامات عائد کئے گئے، جس کی وجہ سے دنیا بھر میں بدنامی ہوئی ،افتخار محمد چوہدری اور اُن کے خاندان کو ذہنی کوفت کا سامنا کرنا پڑا جبکہ عمران خان اپنے الزامات کو ثابت نہیں کرسکے ہیں۔

    دعویٰ میں کہا گیا کہ وہ معافی مانگیں یا 20 ارب روپے ہرجانہ ادا کریں ۔عدالت نے نوٹس جاری کرتے ہوئے 29جنوری کو چیئرمین تحریک انصاف عمران خان سے جواب طلب کرلیا ہے۔

    واضح رہے کہ سابق چیف جسٹس آف پاکستان افتخار محمد چوہدری گزشتہ سال دسمبر میں اپنے عہدے سے سکبدوش ہوئے تھے۔ عمران خان کی جانب سے سابق چیف جسٹس پر الزامات عائد کئے گئے ہیں کہ افتخار محمد چوہدری عام انتخابات میں ہونے والی دھاندلی کے ذمہ دار ہیں لہذا ان کے خلاف آرٹیکل 6 کے تحت کارروائی کی جائے۔

  • فوجی عدالتوں کی آئین میں کوئی گنجائش نہیں، افتخار چوہدری

    فوجی عدالتوں کی آئین میں کوئی گنجائش نہیں، افتخار چوہدری

    اسلام آباد: سابق چیف جسٹس آف پاکستان افتخار چوہدری نے کہا ہے کہ فوجی عدالتوں کی آئین میں کوئی گنجائش نہیں۔

    اٹک میں میڈیا سے گفتگو کرتےہوئےسابق چیف جسٹس افتخار چوہدری کا کہنا تھا کہ آزاد عدلیہ کی موجودگی میں فوجی عدالتوں کاقیام غیر آئینی ہے۔ عدلیہ کو کمزو کرنے والے کامیاب نہیں ہو سکتے۔ سابق چیف جسٹس افتخار چوہدری کا کہنا تھا کہ فوج کا اپناکام ہے، عدلیہ کا اپنا کام ہے،  سب آئین کے اندر رہ کر کام کرے۔ یہ کوئی طریقہ نہیں کہ پارلیمنٹ کمیٹی اور جرنیلوں کو ساتھ بٹھا کر فیصلہ کریں۔

  • افتخارچوہدری کا بغیرنمبر پلیٹ والی گاڑی میں سفر

    افتخارچوہدری کا بغیرنمبر پلیٹ والی گاڑی میں سفر

    اسلام آباد: سابق چیف جسٹس افتخارمحمد چوہدری ایم اکرم شیخ ایڈوکیٹ کی اہلیہ کے انتقال پر تعزیت کیلئے ان کے گھر پہنچ گئے۔

    سابق چیف جسٹس افتخارمحمدچوہدری ایم اکرم شیخ ایڈووکیٹ کےگھر انکی اہلیہ کے انتقال پرتعزیت کیلیے پہنچے، سابق چیف جسٹس جس گاڑی میں آئے وہ بغیر نمبر پلیٹ کی تھی جس کی وضاحت کرتے ہوئے چیف جسٹس کا کہنا تھا کہ یہ کام انکے سیکیورٹی پر مامور عملے کا ہے۔

    میڈیا گفتگو کے دوران ایک سوام کیا گیا کہ کیا آپ سیاست کے میدان میں اترنے والے ہیں؟ تو سابق چیف جسٹس نے سب کچھ کہہ بھی دیا اورکچھ کہا بھی نہیں۔

    اے آر وائی نیوز سے بات چیت کرتے ہوئے معروف قانون دان احمد رضا قصوری کاکہناتھاکہ کوئی عام شخص سفرکرتاتوفوری چالان ہوجاتا۔ ایک سابق چیف جسٹس کو ایسا عمل زیب نہیں دیتا، احمدرضاقصوری کا کہنا تھا کہ بغیر نمبر پلیٹ والی گاڑی چھوڑیں سابق چیف جسٹس کے تو بیشتر اقدمات غیر قانونی تھے۔

  • افتخارچوہدری کاعمران خان پر ہتک عزت کیس کرنے کا فیصلہ

    افتخارچوہدری کاعمران خان پر ہتک عزت کیس کرنے کا فیصلہ

    لاہور: سابق چیف جسٹس افتخار چوہدری نے ہتک عزت نوٹس پر تحریکِ انصاف کے چیئرمین عمران خان کا جواب مسترد کرتے ہوئے مقدمہ دائر کرنے کا فیصلہ کرلیا ہے۔

    سابق چیف جسٹس افتخارچوہدری نے ہتک عزت کے نوٹس پرعمران خان کا جواب مسترد کردیا ہے ،سابق چیف جسٹس نے چئیرمین تحریکِ انصاف کے خلاف مقدمہ دائر کر نے کا فیصلہ کرلیا ہے۔

    افتخار چوہدری کے وکیل شیخ احسن نے بتایا کہ مقدمہ اکتوبر کے پہلے ہفتے میں دائر کیا جائے گا، تیاریاں مکمل کی جارہی ہیں۔

    افتخارچوہدری نے الیکشن میں دھاندلی سے متعلق الزامات لگانے پر عمران خان کو ہتک عزت کا نوٹس بھجوایا تھا اور کپتان سے معافی مانگنے اور بیس ارب ہرجانہ دینے کا مطالبہ کیا گیا تھا۔

    پی ٹی آئی کے وکیل حامد خان نے نوٹس کا جواب بھجوایا لیکن عمران خان کی جانب سےاس جواب سے لاتعلقی کا اظہارکرتے ہوئے کہا گیا کہ وہ افتخار چوہدری سےمتعلق اپنے مؤقف پر قائم ہیں۔

  • عوام غیرآئینی اقدام برداشت نہیں کرینگے، سابق چیف جسٹس

    عوام غیرآئینی اقدام برداشت نہیں کرینگے، سابق چیف جسٹس

    کوئٹہ: سابق چیف جسٹس سپریم کورٹ افتخار محمد چوہدری نےکہا ہے کہ جمہوریت کا بسترگول کرنے کی باتیں جان بوجھ کر کی جارہی ہیں لیکن عوام کوئی غیر آئینی اقدام برداشت نہیں کرینگے۔

    کوئٹہ میں وکلاء کےعشائیے سےخطاب میں انکا کہنا تھا کہ وکلاء نے جمہوریت کی بحالی اورعدلیہ کی آزادی کیلئےجو قربانیاں دی ہیں، انہیں کبھی بھی فراموش نہیں کیا جا سکے گا، انہوں نے کہا کہ پاکستان کے شہری اس ملک میں قانون کی بالادستی چاہتے ہیں اور آئین کے خلاف کوئی بھی اقدام کیا گیا تو نوجوان سڑکوں پر ہونگے۔

    انہوں کہا کہ حکمرانوں کو بھی گڈ گورننس کا مظاہرہ کرنا ہوگا اور لوگوں کے مسائل حل کرنے ہوں گے۔

  • سابق چیف جسٹس افتخار چوہدری عمران خان کے خلاف ہتک عزت کیس کیلئے سرگرم

    سابق چیف جسٹس افتخار چوہدری عمران خان کے خلاف ہتک عزت کیس کیلئے سرگرم

    اسلام آباد: سابق چیف جسٹس افتخارچوہدری نےعمران خان کے خلاف تو ہین عدالت کیس کا ریکارڈحاصل کر نے کےلئے سپریم کورٹ میں درخواست جمع کرادی۔

    افتخار چوہدری عمران خان کے خلاف ہتک عزت کیس کیلئے سرگرم ہیں، سابق چیف جسٹس نے عمران خان کے خلاف تو ہین عدالت کیس کاریکارڈ حاصل کر نے کےلئے سپریم کورٹ سے رجوع کرلیا، ریکارڈ کے حصول کے لئے ان کےوکلا شیخ احسن اورنصیرکیانی نے درخواست دائرکی، سابق چیف جسٹس نے چند روز پہلے عمران خان کو بیس ارب ہرجا نے کا نو ٹس بھجوایا تھا۔

    سابق چیف جسٹس نے یہ نو ٹس عمران خان کی جانب سے خود پر کرپشن اور دھا ندلی کے الزامات پر دیا ہے، نوٹس میں مطالبہ کیا گیا ہے کہ عمران خان چودہ روز میں اپنے بیانات پر معافی مانگیں اور ہرجانہ اداکریں ورنہ مقدمےکا سامنا کریں، سابق چیف جسٹس نے نوٹس کا جواب نہ دیے جانے پر عمران خان کے خلاف دعویٰ دائرکرنے کی تیاری مکمل کر لی ہیں یہ درخواست اسی سلسلے کی کڑی ہے۔

  • سابق چیف جسٹس افتخارچوہدری کا عمران خان کو ہتک عزت کا نوٹس

    سابق چیف جسٹس افتخارچوہدری کا عمران خان کو ہتک عزت کا نوٹس

    اسلام آباد : سابق چیف جسٹس پاکستا ن افتخار محمد چودھری نے عمران خان کو ہتک عزت کا نوٹس بھجوا دیا،  سابق چیف جسٹس نے کھلم کھلا الزامات لگانے پربیس ارب روپے ہرجانہ ادا کرنے اور معافی مانگے کا مطالبہ کیا۔

    سابق چیف جسٹس افتخار محمد چوہدری کی جانب عمران خان کو بھجوائے گئے ہتک عزت کا نوٹس میں مطالبہ کیا گیا ہے کہ تحریک انصاف کے چئیرمین کے بیانات سے مجھے اور ملک کوناقابل تلافی نقصان پہنچا، عمران خان بیس ارب روپے ہرجانہ ادا کریں اور بیان واپس لے کرمعافی مانگیں۔

    افتخارمحمد چوہدری وکلاء نے بتایا کہ یہ نوٹس عمران خان کو اُن بیانات پر دیا، جن میں اُنھوں نے انتخابات دو ہزار تیرہ میں سابق چیف جسٹس پردھاندلی میں ملوث ہونےکے الزامات لگائے۔ وکلا کا کہنا تھا کہ عمران خان کو پہلے مرحلے میں ہرجانے کا نوٹس دینے کا فیصلہ کیا گیا ہے، جس کا مقصد پیسے کمانا نہیں بلکہ رقم ملنے پر فلاحی کاموں میں خرچ کی جائےگی۔

    افتخارچوہدری کے وکلا نے کہا کہ عمران خان نے معافی نہ مانگی تو چودہ روز بعد ہتک عزت کا دعوی دائرکر دیا جائے گا اور اُنھیں الزامات ثابت کرنا ہونگے۔