Tag: former president

  • سوڈان حکومت کا سابق صدر کو عالمی عدالت کے حوالے کرنے کا فیصلہ

    سوڈان حکومت کا سابق صدر کو عالمی عدالت کے حوالے کرنے کا فیصلہ

    سوڈان نے دارفور تنازع کے مطلوبہ ملزمان کو انٹرنیشنل کریمنل کورٹ ( آئی سی سی) کے حوالے کرنے کا فیصلہ کیا ہے۔ سابق صدر عمر البشیر، سابق وزیر دفاع عبدالرحیم محمد حسین اور شمالی کردفان کے سابق گورنر احمد ہارون انٹرنیشنل کریمنل کورٹ کو مطلوب ہیں۔

    عرب نیوز کے مطابق سوڈان کی وزیر خارجہ مریم المہدی نے کہا ہے کہ’ سوڈان دارفور تنازع میں طویل عرصے سے مطلوب سابق آمر عمر البشیر اور دیگر کو انٹرنیشنل کریمنل کورٹ کے حوالے کرے گا‘۔

    انہوں نے کہا کہ’ کابینہ نے مطلوب افراد کو انٹرنیشنل کریمنل کورٹ کے حوالے کرنے کا فیصلہ کیا ہے۔ 77 سالہ عمر البشیر 2009 سے انٹرنیشنل کریمنل کورٹ کو مطلوب ہیں اور عدالت نے وارنٹ جاری کر رکھے ہیں۔

    عمر البشیر کو حوالے کرنے کا فیصلہ آئی سی سی کے چیف پراسیکیورٹر کے دورہ سوڈان کے دوران ہوا ہے۔ العربیہ نیٹ کے مطابق انٹرنیشنل کریمنل کورٹ کے پراسیکیوٹر نے سوڈانی عہدیداروں سے کہا ہے کہ وہ دارفور تنازع کے مطلوبین کو جلد از جلد حوالے کرے۔

    انٹرنیشنل کریمنل کورٹ عمر البشیر سمیت سابق عہدیداروں پر جنگی جرائم اور دارفور میں انسانیت سوز جرائم کے الزامات عائد کررہی ہے، ملزمان الزامات کوغلط قرار دے رہے ہیں۔

    سوڈانی خبررساں ادارے کے مطابق وزیر خارجہ مریم الصادق المہدی نے انٹرنیشنل کریمنل کورٹ کے پبلک پراسیکیوٹر کریم خان سے خرطوم میں ملاقات کے موقع پر کہا تھا کہ سوڈانی کابینہ مطلوب شخصیات کو حوالے کرنے کا فیصلہ کرچکی ہے۔

    مریم المہدی نے پراسیکیوٹر کو اطمینان دلایا ہے کہ سوڈانی حکومت دارفور جنگ کے متاثرین کو انصاف دلانے کے سلسلے میں عالمی عدالت کے ساتھ تعاون کرے گی۔

    اس سے قبل انٹرنیشنل کریمنل کورٹ کے سینیئر پراسیکیوٹر نے سوڈانی حکام سے کہا تھا کہ دارفور کے متاثرین کو انصاف دلانے اور وہاں سنگین جرائم کے ذمہ داران کے احتساب کے لیے سوڈانی حکام عملی اقدامات کریں۔

  • یمن کے سابق صدر کے بیٹوں کو باغیوں نے رہا کردیا

    یمن کے سابق صدر کے بیٹوں کو باغیوں نے رہا کردیا

    صنعا: یمن میں برسرپیکار حوثی باغیوں نے مقتول سابق صدر علی عبداللہ صالح کے دونوں بیٹوں کو رہاکردیا۔

    تفصیلات کے مطابق یمنی صدر علی عبداللہ صالح کو گذشتہ سال دسمبر میں حوثی باغیوں نے قتل کرنے کے بعد ان کے دونوں بیٹوں کو اغوا کرلیا تھا۔

    غیر ملکی خبر رساں ادارے کے مطابق یمنی حوثی باغیوں نے سابق صدر کے  بیٹوں مدین علی اور صلاح علی کو رہا کردیا، یہ فیصلہ حوثی باغیوں کے سربراہی کونسل نے کیا ہے۔

    بعض ذرائع کا کہنا ہے کہ ان کی رہائی عمان کی جانب سے ثالثی کا کردار ادا کرنے کے بعد عمل میں آئی، اور یہ بھی کہا جارہا ہے کہ انہیں عمان کے حوالے کردیا گیا ہے۔

    ذرائع کے مطابق دونوں بیٹوں کو صنعا ایئر پورٹ کے ذریعے اردن کے دارالحکومت عمان پہنچا دیا گیا ہے۔

    علاوہ ازیں حوثی باغیوں کی جانب سے سعودی عرب پر بیلسٹک میزائل حملے جاری ہیں، جبکہ یمن میں بھی سرکاری فوج سے جھڑپیں ہوتی رہتی ہیں۔

    یمن: حوثی باغیوں اور سرکاری فوج کے درمیان جھڑپیں، درجنوں باغی ہلاک

    یاد رہے کہ گذشتہ ہفتے یمن میں سرکاری فورسز اور حوثی باغیوں کے درمیان جھڑپوں کے نتیجے میں 73 باغی جبکہ 11 فوجی اہلکار ہلاک ہوئے تھے۔

    خیال رہے کہ الحدیدہ بندرگاہ پر سعودی عسکری اتحاد کی جانب سے حوثی کے لیے انخلا کے لیے ایک بڑا فوجی آپریشن کیا گیا تھا جس میں یمنی فوجیوں نے بھی حصہ لیا تھا۔

    البتہ اب تک باغیوں کا انخلا عمل میں نہیں آیا، جبکہ عسکری اتحاد کے ترجمان کی جانب سے دعویٰ بھی سامنے آیا تھا کہ وہ جلد الحدیدہ کو باغیوں سے کلیئر کرالیں گے۔

  • نادرا نے پرویز مشرف کا شناختی کارڈ بلاک کر دیا

    نادرا نے پرویز مشرف کا شناختی کارڈ بلاک کر دیا

    اسلام آباد: نادرا کی جانب سے سابق صدر اور آل پاکستان مسلم لیگ کے سربراہ پرویز مشرف کا شناختی کارڈ بلاک کریا گیا جس کے باعث ان کا پاسپورٹ بھی منسوخ ہوگیا۔

    نادرا ذرائع کے مطابق عدالتی احکامات پر پرویز مشرف کا شناختی کارڈ بلاک کیا گیا ہے جس کی وجہ سے ان کا پاسپورٹ بھی منسوخ ہوگیا اور اب وہ ملک کے اندر جائیداد کی خرید وفروخت نہیں کر سکیں گے۔

    ذرائع کا کہنا تھا کہ یہ اقدامات ایسے وقت میں سامنے آیا ہے کہ جب سپریم کورٹ کی جانب سے پرویز مشرف کو کاغذات نامزدگی جمع کرانے کی اجازت ملی ہے۔


    پرویز مشرف کا وطن واپسی کا فیصلہ، سپریم کورٹ کی طرف سے انتخابات میں حصہ لینے کی مشروط اجازت


    خیال رہے کہ آج عدالت نے پرویز مشرف کو کاغذاتِ نامزدگی جمع کرانے کی اجازت دیتے ہوئے کہا کہ وہ عدالت میں پیش ہوں تو الیکشن کمیشن میں ان کی نامزدگی کے کاغذات وصول کر لیے جائیں گے۔

    واضح رہے کہ چیف جسٹس ثاقب نثار نے پرویز مشرف کی نا اہلی کے خلاف اپیل کی سماعت کرتے ہوئے کہا تھا کہ وہ 13 جون کولاہور رجسٹری آجائیں، انھیں پیشی تک گرفتار نہیں کیا جائے گا۔

    دریں اثنا آل پاکستان مسلم لیگ کے رہنما ڈاکٹر امجد نے میڈیا سے گفتگو کرتے ہوئے کہا تھا کہ پرویز مشرف نے وطن واپسی کا فیصلہ کرلیا ہے، ملک واپس آکر وہ انتخابات میں حصہ لیں گے، ان کا کہنا تھا کہ پرویز مشرف سپریم کورٹ کے فیصلے کا احترام کریں گے۔


    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لال مسجد کیس، پرویز مشرف اشتہاری قرار،جائیداد ضبط کرنے کا حکم

    لال مسجد کیس، پرویز مشرف اشتہاری قرار،جائیداد ضبط کرنے کا حکم

    اسلام آباد: لال مسجد کیس میں مسلسل غیر حاضری کے باعث عدالت نے سابق صدر پرویز مشرف کو اشتہاری قرار دیتے ہوئے ضمانت ضبط کرنے کا حکم دیتے ہوئے انہیں اشتہاری ملزم قرار دے دیا۔

    تفصیلات کے مطاق سابق صدر اور  ریٹائرڈ جنرل پرویز مشرف کے خلاف اسلام آباد کی عدالت میں دائر لال مسجد پر حملہ کیس کی سماعت کی گئی، دورانِ سماعت ملزم کی مسلسل غیر حاضیر پر سیشن جج عبد القادر میمن نے پرویزمشرف کی جائیداد اور ضمانت ضبط کرتے ہوئے انہیں اشتہاری قرار دے دیا۔

    عدالت نے کیس کے ضامن نذیر احمد اور جان محمد کے شورٹی بانڈز بھی ضبط کرنے کے احکامات جاری کیے، سیشن جج نے اپنے فیصلے میں  پرویز مشرف کی حاضری سے استثنیٰ کی درخواستوں کو بھی غیر موثر قرار دے دیا۔


    یاد رہے کہ سابق صدر پرویز مشرف کے دورِ حکومت میں اسلام آباد میں قائم لال مسجد آپریشن کیا گیا تھا جس میں متعدد فوجی شہید اور لال مسجد کے درجنوں طلبہ ہلاک و زخمی ہوئے تھے۔

    یہ بھی پڑھیں:  سنگین غداری کیس میں غیر حاضری، پرویز مشرف کی جائیداد ضبط کرنے کا حکم

    دوسری جانب آئین شکنی کیس میں بھی عدالت نے ملک بھر میں سابق صدر کی جائیداد ضبط کرنے کا حکم دیا تھا جس کے بعد تمام صوبوں میں نوٹس جاری کرتے ہوئے پرویز مشرف کی جائیداد ضبط کرنے کا حکم جاری کردیا گیا تھا۔

  • ڈی ایچ اے کراچی مشرف کی جائیداد ضبط کرے، مقامی عدالت کا حکم

    ڈی ایچ اے کراچی مشرف کی جائیداد ضبط کرے، مقامی عدالت کا حکم

    کراچی : مقامی  عدالت نے ڈی ایچ اے کو پرویز مشرف کی جائیداد ضبط کر کے تین روز کے اندر رپورٹ پیش کرنے کا حکم جاری کردیا۔

    تفصیلات کے مطابق اسلام آباد کی خصوصی عدالت نے کراچی کی مقامی عدالت کو احکامات سابق صدر پرویز مشرف کی جائیداد ضبطگی کے حوالے سے احکامات جاری کیے، جس کی روشنی میں عمل کرتے ہوئے ڈسٹرکٹ اینڈ سیشن ساؤتھ کے جج نے ڈی ایچ اے سے تین روز میں تفصیلی رپورٹ طلب کرکی جبکہ عدالت نے حکم نامہ جاری کرتے ہوئے  ڈی ایچ اے کو پابندکیا ہے کہ تین روز کے اندر سابق صدر کی تمام جائیداد ضبط کر کے رپورٹ عدالت میں پیش کی جائے۔

    پڑھیں : آئین شکنی کیس، سیشن جج لاہور کو خصوصی عدالت کے احکامات موصول

     مقامی عدالت کی جانب سے ارسال کیے جانے والے حکم نامے میں سابق صدر کی ڈیفنس میں چار دائیدادیں تحریر کی گئی ہیں، جن میں آرمی ہاؤسنگ اسکیم ڈیفنس میں واقع بنگلہ نمبر 6، آرمی ہاؤسنگ اسکیم کلفٹن کا پلاٹ ، ڈیفنس خیابانِ فیصل کا پلاٹ نمبر 172 اور ڈیفنس پیچ اسٹریٹ میں واقع پلاٹ نمبر 301 شامل ہے۔

    یہ بھی پڑھیں : سنگین غداری کیس میں غیر حاضری، پرویز مشرف کی جائیداد ضبط کرنے کا حکم

    اس ضمن نے مقامی عدالت نے ڈی ایچ اے کو نوٹس میں پابند کرتے ہوئے تین دن کی مہلت دیتے ہوئے نوٹس جاری کردیا۔

  • آصف علی زرداری نے حکومت کا کسان پیکیج مسترد کر دیا

    آصف علی زرداری نے حکومت کا کسان پیکیج مسترد کر دیا

    دبئی : سابق صدر آصف علی زرداری نے حکومت کا کسان پیکیج مسترد کر دیا۔

    حکومت سے مفاہمت ختم کرنے والے آصف علی زرداری کو حکمرانوں کا پیکج پسند نہ آیا، انکا کہنا ہے کہ کسان پیکج کا اعلان سیاسی شعبدہ بازی ہے،  نام نہاد ریلیف پیکج بہت دیر کے بعد آیا اور یہ بہت چھوٹا ہے۔

    آصف زرداری نے کہا کہ حکومت نے جان بوجھ کر کسانوں کو کمزور کرنے کی کوشش کی، کسانوں کو بہتر پیکج نہ دیا گیا تو ملک کو نقصان ہوگا، ساتھ ساتھ آصف زرداری نے میٹرو بس منصوبےکو نمائشی قرا ر دے کر صوبائی خود مختاری کی خلاف ورزی کا طعنہ بھی دے ڈالا۔

    سابق صدر نے کہا کہ پیپلز پارٹی نے ہمیشہ مزدور اور کسان طبقہ کیلئے آواز بلند کی جبکہ اپنے دور میں ان کی خوشحالی کیلئے بہت کام کیے، موجودہ حکومت سے کوئی بھی خوش نہیں ، ابتک اقدامات کیے ہوتے تو ان کے نتائج آنا شروع ہو جاتے۔

    یاد رہے کہ دو روز قبل وزیرِاعظم نے کسانوں اور زرعی شعبے کیلئے تین سو اکتالیس ارب روپے کے مراعاتی پیکج کا اعلان کیا تھا، وزیرِاعظم کا کہنا تھا کہ کسان کی خوشحالی سے ملک کی خوشحالی وابستہ ہے، یہ پیکج حکومت کا فرض ہے کسانوں پر کوئی احسان نہیں۔

  • ایم پی اے علی نوازشاہ کی سزا پر آصف زرداری کا سخت ردعمل

    ایم پی اے علی نوازشاہ کی سزا پر آصف زرداری کا سخت ردعمل

    دبئی : پیپلز پارٹی کے ایم پی اے علی نوازشاہ کی سزا پر سابق صدر آصف زرداری حکومت پر برس پڑے، انکا کہنا تھا کہ سندھ کےسیاستدانوں کیخلاف انتقامی کارروائی کی جارہی ہے، اس طرح کا سلوک برداشت نہیں۔

    تفصیلات کرپشن کا الزام ثابت ہونے پر رکن سندھ اسمبلی علی نوازشاہ کی سزا پر آصف زرداری نے تحفظات کا اظہار کردیا ہے، سابق صدر نے اپنے بیان میں کہا ہے کہ سندھ کے سیاستدانوں کیخلاف انتقامی کارروائی کی جارہی ہے، اس طرح کا سلوک برداشت نہیں،علی نوازسزا کاٹ چکے ہیں۔

    انھوں نے کہا کہ نیب کورٹ کی جانب سے سزاعدالتی کارروائی کا غلط استعمال ہے، پندرہ سال پہلے درج مقدمے پرموجودہ حکومت میں پانچ سال کی سزا سنائی گئی۔

    دوسری جانب اپوزیشن لیڈر خورشیدشاہ اور وزیراعلیٰ سندھ نے سینٹرل جیل میں علی نوازشاہ سے ملاقات بھی کی، اس موقع پر صوبائی وزیرِسکندر میندھرو، اراکین اسمبلی بھی موجود تھے۔

    یاد رہے کہ گزشتہ روز رکن سندھ اسمبلی علی نواز شاہ، اُن کے بھائی سابق سینیٹر خادم علی شاہ اور ساتھی امتیاز شاہ کو اراضی کی غیر قانونی الاٹمنٹ کے مقدمے میں کراچی کی نیب عدالت میں پیش کیا گیا، ملزمان پر زمین کی غیر قانونی الاٹمنٹ کا الزام تھا۔ نیب عدالت نے الزام ثابت ہونے پر تینوں ملزمان کو تین سے پانچ سال قید کی سزا سنادی۔ پیپلز پارٹی کے تینوں رہنماﺅں کو جیل بھیج دیا گیا۔

  • پارٹی رہنماء حالات کا ڈٹ کے مقابلہ کریں ، آصف علی زرداری

    پارٹی رہنماء حالات کا ڈٹ کے مقابلہ کریں ، آصف علی زرداری

    کراچی : سابق صدر آصف علی زرداری نے پیپلزپارٹی کے رہنماؤں سے کہا ہے کہ وہ حالات کا ڈٹ کر مقابلہ کریں۔

    تفصیلات کے مطابق ایچ ای سی سندھ کے چئیرمین ڈاکٹر عاصم کی گرفتاری اور ان کی کرپشن کے حوالے سے انکشافات کے بعد سابق صدر آصف علی زرداری نے پارٹی رہنماؤں کو ہدایت کی ہے حالات کا ڈٹ کر مقابلہ کریں۔

    سابق صد ر کا کہنا ہے کہ پیپلزپارٹی کے ساتھ امتیازی سلوک کیا جارہا ہے، کسی کو پارٹی کو دیوار سے لگانے کی اجازت نہیں دی جائے گی ۔

    بلاول ہاؤس سے جاری بیان میں کہا گیا ہے کہ وفاق دشمن قوتیں پارٹی کے خلاف سرگرم عمل ہیں، ترجمان نے متنبہ کیا کہ پیپلزپارٹی کا میڈیا ٹرائل نہ کیا جائے۔

    اس سے قبل قائد حزب اختلاف خورشید شاہ کا کہنا ہے کہ پیپلزپارٹی کے شریک چیئرمین آصف علی زرداری پر ہاتھ ڈالا گیا تو جنگ ہوگی، ڈاکٹر عاصم حسین سے پہلے تفتیش کی جانی چاہیے اوران سے مہذبانہ سلوک کیا جائے۔

  • آصف زرداری اپنے بیان پر حلیف جماعتوں کو اعتماد میں لے لیا

    آصف زرداری اپنے بیان پر حلیف جماعتوں کو اعتماد میں لے لیا

    اسلام آباد: سابق صدر آصف علی زرداری اپنے بیان پر حلیف جماعتوں کو اعتماد میں لینے پر کامیاب ہوگئے، قمر زمان کائرہ نے دعویٰ کیا ہے کہ کسی رہنما نے زرداری سے بیان واپس لینے کو نہیں کہا، تمام اداروں کو اپنے دائرہ کار میں کام کرنا چاہیئے۔

    آصف علی زرداری کا افطار ڈنر کامیاب ہوگیا، شیری رحمان نے دعویٰ کیا کہ آصف علی زرداری کے فوج سے متعلق بیان پر افطار ڈنر میں شریک پارٹیوں کو کوئی اعتراض نہیں ہے۔

    قمر زمان کائرہ کا کہنا تھا کہ اداروں کو اپنے دائرہ کار میں کام کرنا چاہیئے، دائر ے سے نکل کر کئے جانے والے ادھورے رہ جاتے ہیں۔

    اس موقع پر شیری رحمان کا کہنا تھا کہ قومی ایکشن پلان کے دوسرے مرحلے پر کام کیا جائے اور اسے اپنے منطقی انجام تک پہنچنا چاہیئے، آصف علی زرداری کے افطار ڈنر میں بلال بھٹو زرداری اور دیگر اہم رہنمائوں نے شرکت کی جبکہ مولانا فضل الرحمان بھی تاخیر سے اس میں شامل ہوگئے۔

  • غیرقانونی اثاثہ جات کیس، زرداری کوآج حاضری سے استثنیٰ مل گیا

    غیرقانونی اثاثہ جات کیس، زرداری کوآج حاضری سے استثنیٰ مل گیا

    راولپنڈی: سابق صدر آصف زرداری کو غیرقانونی اثاثہ جات کیس میں آج حاضری سے استثنیٰ مل گیا جبکہ انہیں تیرہ مئی کو پیش ہونے کا حکم دیدیا ہے۔

    سابق صدر آصف علی زرداری کے خلاف غیرقانونی اثاثہ جا ت کیس کی سماعت راولپنڈی کی احتساب عدالت میں ہوئی، سابق صدر کے وکیل سینیٹر فاروق نائیک نے عدالت میں تحریری درخواست جمع کرائی کہ ان کے موکل اسلام آباد پہنچ چکے ہیں مگر ان کی طبیعت ناساز ہے اور وہ آج عدالت میں پیش نہیں ہو سکتے۔

      لہذا انہیں حاضری سے استثنی دیا جائے۔

    عدالت نے یہ درخواست منظور کرتے ہوئے سماعت تیرہ مئ تک ملتوی کردی تاہم طلبی کا حکم برقراررکھا گیا۔

    سماعت کے موقع پر پیپلز پارٹی کے کارکنان کی بڑی تعداد عدالت کے باہر جمع تھی، جو پارٹی کے شریک چئیرمین کے حق میں نعرے بازی کرتی رہی ۔ اس موقع پر سیکورٹی کے بھی سخت انتظامات کیے گئے تھے

    واضح رہے کہ آصف علی زرداری پر سابق صدر پرویز مشرف کے دور میں قومی احتساب بیورو نے غیرقانونی اثاثے بنانے کے الزام میں ریفرنس دائر کیا تھا ۔