Tag: former president asif ali zardari

کراچی: سندھ میں ممکنہ سیلاب کے پیش نظر آصف علی زرداری کی زیرصدارت بلاول ہاؤس میں ہنگامی اجلاس ہوا ،صوبےکےتمام ڈپٹی کمشنرزاوردیگر حکام کی چھٹیاں منسوخ کردی گئی۔

سندھ میں ممکنہ سیلاب کے پیش نظر سابق صدر آصف زرداری کے زیر صدارت ہنگامی اجلاس ہوا، جس میں وزیراعلیٰ سندھ نے ممکنہ سیلاب کے خطرات سے متعلق تفصیلی طور پر آگاہ کیا، وزیر اعلیٰ نے بریفنگ کے دوران بتایاکہ صوبےکےتمام ڈپٹی کمشنرزاورپی ڈی ایم اےحکام کی چھٹیاں منسوخ کردی گئی ہیں اور پی ڈی ایم اے سمیت دیگر متعلقہ محکموں کو بھی الرٹ رہنے کا حکم دیا گیا ہے۔

سابق صدر نے وزراء کو فوری طور پر اپنے اضلاع میں پہنچ کر نالوں اور حفاظتی بندوں کا دورہ کرنے کا حکم دیا ہے، اس موقع پر آصف علی زرداری کا کہنا تھا کہ سیلاب کے حوالے سے کوئی کوتاہی برداشت نہیں کی جائے گی، محکمہ موسمیات نے سات سے آٹھ لاکھ کیوسک کاسیلابی ریلا دریائے سندھ میں گڈو بیراج کے مقام پر تیرہ اور چودہ ستمبرجبکہ سکھر بیراج کے مقام پر چودہ اور پندرہ ستمبر کوپہنچنے کی پیش گوئی کی ہے۔جس کے باعث اونچے درجے کے سیلاب کاامکان ہے۔

اسلام آباد : پاکستان پیپلز پارٹی کے شریک چیئرمین سابق صدر آصف علی زرداری کا کہنا ہے کہ وہ صرف جمہوریت کی حد تک میاں نواز شریف کے ساتھ  ہیں، اگر لڑائی لڑنی ہوگی تو کھل کر لڑیں گے۔

آصف زرداری کا کہنا تھا کہ وہ میاں صاحب کے ایڈوائزرنہیں ہیں ، صرف جمہوریت کی حد تک ان کے ساتھ ہیں، آج جو کچھ پارلیمنٹ میں ہواوہ اچھا نہیں ہوا ہے۔

انہوں نے کہا کہ مفاہمت کرنی ہے تو اعلانیہ کرنی ہے، لڑائی لڑنی ہوگی تو کھل کرلڑیں گے۔

آزادی اورانقلاب مارچ  کے حوالے سے آصف علی زرداری  کا کہنا تھا کہ پی ٹی آئی اور پی اے ٹی کا مسلسل محاسبہ ٹھیک نہیں ہیں، انکے پیچھے اسٹیبلشمنٹ ہے یا نہیں یہ تو حکومت ہی بتا سکتی ہے۔

انہوں نے کہا کہ نوازشریف پر کبھی احسان نہیں کیا نہ کر رہے ہیں، اسلام آباد میں ان کی موجودگی صرف جمہوریت کے لئے ہے میاں صاحب کے لئے نہیں۔