ARYNews.tv | Urdu – Har Lamha Bakhabar

Tag: Former Test Cricketer

  • مداحوں کی دعائیں رنگ لے آئیں، سابق کرکٹر اسپتال سے ڈسچارج

    مداحوں کی دعائیں رنگ لے آئیں، سابق کرکٹر اسپتال سے ڈسچارج

    لاہور: ڈاکٹرز کی کاوش اور مداحوں کی دعائیں رنگ لے آئیں، سابق ٹیسٹ کرکٹر توصیف احمد کو اسپتال سے ڈسچارج کردیا گیا ہے۔

    سابق ٹیسٹ کرکٹر توصیف احمد گذشتہ اتوار کو شادی کی تقریب میں شرکت کے لیےکراچی سےلاہور آئے، شادی کی تقریب میں ہی انہیں دل کا دورہ پڑا، جس کے فوری بعد انہیں طبی امداد کے لیے اسپتال منتقل کیا گیا۔

    وزیراعظم کی ہدایت پر سابق ٹیسٹ کرکٹر کی صحت سے متعلق ایک میڈیکل بورڈ بھی تشکیل دیا گیا، میڈیکل بورڈ کی روشنی میں ان کی انجیو گرافی کی گئی، انجیو گرافی رپورٹ کے مطابق سابق کرکٹر کے دل کی تین نالیوں میں مسائل کی نشاندہی ہوئی۔

    بعد ازاں توصیف احمد کی کامیاب انجیو پلاسٹی کی گئی اور انہیں دو اسٹنٹ ڈالے گئے۔

    تاہم آج طبیعت میں بہتری کے باعث سابق ٹیسٹ کرکٹر توصیف احمد کو اسپتال سے ڈسچارج کردیا گیا ہے، تاہم ڈاکٹرز نے انہیں سفر سے منع کیا ہے، جس کے باعث وہ نیشنل ہائی پرفارمنس سینٹر میں قیام کرینگے۔

    یہ بھی پڑھیں:  سابق کرکٹر توصیف احمد دل کا دورہ پڑنے پر اسپتال منتقل

    ڈاکٹرز کی جانب سے سفر کی اجازت ملنے کے بعد وہ کراچی کے لئے روانہ ہونگے۔

    توصیف احمد کے خاندان اور بھتیجے سیف الدین نے مداحوں کی جانب سے ان کے لئے دعائے صحت کرنے پر اظہار تشکر کیا ہے۔

    واضح رہے کہ 62 سالہ توصیف احمد نے آف اسپنر کی حیثیت سے34 ٹیسٹ اور 70 ایک روزہ میچوں میں پاکستان کی نمائندگی کی اور بالترتیب 93 اور 55 وکٹیں حاصل کیں۔

  • توفیق عمر کورونا وائرس سے صحت یاب، مداحوں کو اہم پیغام دے دیا

    توفیق عمر کورونا وائرس سے صحت یاب، مداحوں کو اہم پیغام دے دیا

    لاہور : کوورنا وائرس میں مبتلا ہونے والے سابق ٹیسٹ کرکٹر اور قومی جوئیر سلیکشن کمیٹی کے رکن توفیق عمر مکمل طور پر صحت یاب ہوگئے۔

    تفصیلات کے مطابق سابق قومی ٹیسٹ بیٹسمین اور جونیئر سلیکشن کمیٹی کے رکن توفیق عمر کورونا وائرس سے نجات کے بعد مکمل طور پر صحت یاب ہو گئے ہیں جنہوں نے 14 روز آئسولیشن میں رہنے کے بعد دوبارہ ٹیسٹ کرایا جس کا نتیجہ منفی آیا ہے۔

    اس حوالے سے میڈیا سے گفتگو کرتے ہوئے توفیق عمر کا کہنا ہے کہ اللہ تعالیٰ نے مجھ پر خاص کرم نوازی کی ہے اب مکمل طور ہر صحت یاب ہوچکا ہوں۔

    38سالہ سابق کرکٹر کا کہنا ہے کہ نے اپنے تمام مداحوں بیماری کے دوران نیک خواہشات کے پیغامات بھیجنے والوں کا شکریہ ادا کرتے ہوئے کہا کہ اس مشکل وقت میں ہر کوئی اپنا بہت زیادہ خیال رکھے، کورونا وائرس سے بچاؤ کے لیے تمام تر احتیاطی تدابیر پر سختی سے عمل کریں۔

    ٹیسٹ اوپنر نے واضح کیا ہے کہ اگر خدانخواستہ کورونا ٹیسٹ پازیٹو آنے کی صورت میں پریشان نہ ہوں، اپنی قوت مدافعت کو بڑھانے پر توجہ دیں، میری طرح خود کو گھر پر آئسولیٹ کرکے ایک کمرے تک محدود کرلیں، خصوصاً بچوں اور گھر میں موجود معمر افراد سے دور رہیں۔

    واضح رہے کہ توفیق عمر نے 44 ٹیسٹ اور 22 ون ڈے انٹرنیشنل (ون ڈے) میں پاکستان کی نمائندگی کی جبکہ ہر فارمیٹ میں بالترتیب 2963 رنز اور 504 رنز بنائے۔

  • سابق قومی ٹیسٹ کرکٹر توصیف احمد کی گاڑی گھر کے باہر سے چوری

    سابق قومی ٹیسٹ کرکٹر توصیف احمد کی گاڑی گھر کے باہر سے چوری

    کراچی : شہر قائد میں موٹر سائیکل اور کار چوری کی وارداتوں میں اضافہ ہوگیا، سابق قومی ٹیسٹ کرکٹر توصیف احمد بھی اپنی گاڑی سے محروم ہوگئے۔

    تفصیلات کے مطابق قومی ٹیم کے سابق ٹیسٹ کرکٹر توصیف احمد کی گاڑی گلستان جوہر بلاک 18 میں گھر کے باہر سے چوری ہوگئی، اس حوالے سے توصیف احمد نے اے آر وائی نیوز کو تفصیلات بتاتے ہوئے کہا کہ میری سوزوکی کلٹس زیڈ -5404 شام پانچ بجے گھر کے باہر سے چوری ہوئی، گاڑی کی چوری کی رپورٹ تھانہ شارع فیصل میں درج کرادی ہے۔

    سابق ٹیسٹ کرکٹر نے بتایا کہ دو گاڑیوں میں مسلح افراد آئے اور تالا توڑ کر گاڑی لے گئے، کئی مرتبہ کالونی کی یونین کو مشکوک سرگرمیوں سے آگاہ کرچکے ہیں، تمام حالات اور صورتحال جاننے کے باوجود سیکورٹی کے مناسب انتظامات نہیں ہیں۔

    توصیف احمد نے کہا کہ رات دیر تک کالونی کے اندر اور اطراف مشکوک لوگوں کی آمد و رفت رہتی ہے، آج میرے ساتھ یہ واقعہ ہوا ہے کل کسی اور کو بھی مشکلات کا سامنا کرنا پڑسکتا ہے، پولیس والوں نے کچا پرچا کاٹا ہے لیکن کوئی پیش رفت دکھائی نہیں دیتی۔

    اس حوالے سے اہل علاقہ نے کہا کہ یہ کالونی اب لوگوں کیلئے رہنے کے قابل دکھائی نہیں دیتی، یونین کو 54 گھروں سے مینٹیننس کیلئے دو ہزار روپے فی گھر ادائیگی کی جاتی ہے، یہاں آس پاس سی سی ٹی وی کیمرہ بھی نہیں جس سے ملزمان پکڑے جاسکیں۔