سڈنی : بھارتی کرکٹ ٹیم کے کھلاڑی ہردیک پانڈیا اور لوکیش راہول کو خواتین کے خلاف نازیبا کلمات ادا کرنے کے جرم میں بیس لاکھ روپے کا جرمانہ عائد کر دیا گیا۔
تفصیلات کے مطابق بی سی سی آئی نے بھارتی ٹی وی شو ’کافی ود کرن‘ میں سوالات کے جوابات دیتے ہوئے پانڈیا اور لوکیش راہول کو خواتین کے بارے میں نازیبا کلمات ادا کرنے کی پاداش میں بیس لاکھ روپے جرمانہ عائد کیا ہے۔
بورڈ آف کنٹرول کرکٹ انڈیا (بی سی سی آئی) کے مطابق دونوں کرکٹرز پر جنسی اور نسلی تعصب اور بداخلاقی پر مبنی الفاظ’ کہنے پر جرمانہ عائد کیا ہے۔
یاد رہے کہ رواں سال جنوری میں نشر ہونے والے اس انٹرویو کے بعد25سالہ پانڈیا اور27سالہ راہول کو انڈیا کے آسٹریلیا کے دورے سے وطن واپس بھیج دیا گیا تھا جس کے نتیجے میں ان دونوں نے پانچ میچوں میں شرکت نہ کر سکے تھے۔
ان ہی دنوں کھلاڑیوں کے متنازعہ انٹرویو پر سوشل میڈیا اور بھارتی تنظیموں کی جانب سے احتجاج کیا گیا تو بی سی سی آئی نے فوری ایکشن لیا، بعد ازاں پانڈیا اور راہول نے معافی بھی مانگی جو ان کے کام نہ آسکی اور ان کے خلاف انکوائری شروع کردی گئی۔
واضح رہے کہ آل راؤنڈر پانڈیا نے کرن جوہر کو اپنے فلرٹ کرنے کے جوہر بتائے تھے جب کہ راہول نے محفوظ بیٹنگ سے محفوظ جنسی تعلقات کی بات کی تھی۔
پانڈیا کا کہنا تھا کہ والدین نے ایک پارٹی میں مجھ سے پوچھا کون سی لڑکی پسند ہے تو میں نے کہا یہ سب ہی، ان سب سے میرا کبھی نہ کبھی تعلق رہا ہے۔
