کراچی: اداکارہ ہانیہ عامر اور گلوکار عاصم اظہر کی دوستی کے چرچے سوشل میڈیا پر ہونے لگے، فیشن پاکستان ویک میں بھی دونوں نے اکٹھے شرکت کی۔
تفصیلات کے مطابق کراچی میں منعقدہ تین روزہ فیشن پاکستان ویک نامور ڈیزائنر کے خوب صورت اور دیدہ زیب ملبوسات کے علاوہ اداکارہ ہانیہ عامر اور گلوکار عاصم اظہر کی خوبصورت دوستی کے باعث بھی لوگوں کی توجہ کا مرکز رہا۔
ہانیہ عامر نے فیشن پاکستان ویک میں معروف ڈیزائنر کا سرخ دلہن کے لباس میں جلوہ گر ہوئی تاہم جب گلوکار عاصم اظہر کی سرپرائز انٹری ہوئی تو ہال تالیوں سے گونج اُٹھا، شائقین عاصم اظہر کے انداز سے خوب محظوظ ہوئے۔
جہاں فیشن پاکستان ویب کو پسند کیا جارہا ہے وہاں ہانیہ عامر اور عاصم اظہر کی دوستی کے بھی چرچے ہورہے ہیں اور سوشل میڈیا پر عاصم اظہر کا ہانیہ عامر کے لیے گایا جانے والا گانا بھی خوب مقبول ہورہا ہے۔
واضح رہے کہ عاصم اظہر نے سوشل میڈیا پر کیے جانے والے تبصروں پر خاموشی توڑتے ہوئے کہا کہ میں ہانیہ کا احترام کرتا ہوں، ہاں یا ناں کے لیے میں اس کی رضامندی چاہوں گا، میں اپنی طرف سے کچھ نہیں کہنا چاہتا کیونکہ دوسرا کیا سوچتا ہے مجھے علم نہیں۔
گلوکار کا کہنا تھا کہ میں نے ہانیہ کے ساتھ ٹیلی فلم میں اس لیے کام کیا کہ کیونکہ وہ ایک بہت اچھا پراجیکٹ تھا اور یہ ایسا موقع تھا کہ جس میں مجھے اس شخصیت کے ساتھ وقت گزارنے کا موقع ملتا جس کے ساتھ گھومنا مجھے پسند ہے۔
ہانیہ اور عاصم اظہر کی ویڈیو اور تصاویر سامنے آنے کے بعد دونوں کے سوشل میڈیا پر چرچے رہے جبکہ بہت سے صارفین نے یہ بھی کہا کہ ان دونوں کا افیئر چل رہا ہے۔
